Fréttablaðið - 29.11.2007, Blaðsíða 76

48 29. nóvember 2007 FIMMTUDAGUR
bio@frettabladid.is
Leigumorðingjar þykja
ákaflega heppilegur efni-
viður í kvikmyndir en
ímynd þeirra hefur verið
fegruð á hvíta tjaldinu og
sveipuð dulúðlegum blæ.
Um helgina verður frum-
sýnd kvikmyndin Hitman,
sem er byggð á frægum
tölvuleik um sköllóttan
leigumorðingja.
Ímynd leigumorðingja og leigu-
morða í kvikmyndum er eilítið
brengluð. Á hvíta tjaldinu eru
þetta yfirleitt útsmognir náungar
með þykkar bankabækur í Sviss,
leyniskytturiffil og góð pólitísk
sambönd. Samkvæmt rannsóknum
eru leigumorðingjar hins vegar
oftast ráðnir af afbrýðisömum eig-
inmönnum og eiginkonum sem
vilja losa sig við makann. Sam-
kvæmt vefsíðunni Wikipediu eru
tæp tvö prósent allra morða í Ástr-
alíu framkvæmd af leigumorðingj-
um. Svipaða tölfræði er að finna
annars staðar. Hollywood hefur
reyndar ekki látið slíkar aftökur
framhjá sér fara og er mörgum
eflaust í fersku minni sú refskák
sem Sean Penn þurfti að leysa í U-
Turn þegar Jennifer Lopez og Nick
Nolte vildu losa sig við hvort
annað. Slíkt myndi eflaust kallast
„dæmigert“ leigumorð í raunveru-
leikanum.
Sjakala-einkennið
Í kvikmyndunum eru það hins
vegar oftar en ekki háttsettir emb-
ættismenn og dópbarónar sem eru
fórnarlömb leigumorðingja. Sja-
kalinn Edward Fox var þannig ráð-
inn til að ráða Charles De Gaulle af
dögum í kvikmyndinni The Day of
the Jackal frá árinu 1973. Myndin
var byggð á samnefndri sögu Fred-
erick Forsyth og eftir útgáfu henn-
ar ákváðu franskir fjölmiðlar að
gefa hryðjuverkamanninum Ilich
Ramírez Sánchez nafnið „Sjaka-
linn Carlos“. Saga Ilich varð síðan
efniviður í kvikmyndina The Ass-
ignment þar sem Aidan Quinn
reyndi að hafa hendur í hári glæpa-
mannsins og er talið að hún byggi
lauslega á tilraunum CIA til að kló-
festa sakamanninn. En Sjakala-
nafnið festist við leigumorðingja-
stéttina og Bruce Willis varð
næstur til að hljóta þetta nafn í
myndinni The Jackal sem kom út
1997 og þótti skelfileg.
Þá var Richard Gere á höttunum
eftir höfði hans og Sjakalinn í
þeirri mynd var umlukinn helstu
klisjunum sem sagðar eru ein-
kenna þennan starfstitil; meistari
dulargervisins og snjallari en
nokkur laganna vörður.
Húmor fyrir morðingjum
En Hollywood hefur líka haft
húmor fyrir leigumorðingjum og
Willis var eftirminnilegur sem
Jimmy the Tulip í The Whole Nine
Yards. Þar var hann hinn dæmi-
gerði mafíumorðingi; kaldrifjaður
og tilfinningalaus en um leið ákaf-
lega svalur og heillandi. Pierce
Brosnan var umkomulaus sem
leigumorðinginn The Matador í
samnefndri mynd sem leitaði ráða
hjá fjölskyldumanninum Danny
Wright. Þar var leigumorðinginn
auðvitað ákaflega klár og snilling-
ur í að láta sig hverfa en með veik-
ar taugar eftir áratuga hark í
morðbransanum.
Ólíklegasti leigumorðinginn er
þó eflaust hinn þéttvaxni Forest
Whitaker í Ghost Dog eftir Jim
Jarmusch þó að sú kvikmynd sómi
sér vel meðal bestu leigumorðingj-
amynda kvikmyndasögunnar. Og
þótt það yrði erfitt að klína starfs-
heitinu leigumorðingi á þá Jason
Bourne og James Bond mætti
eflaust með einhverjum rökum
setja þá á stall með þeim.
Óvenjulegur
Hitman sker sig nokkuð úr hópi
annarra leigumorðingjamynda.
Hún er fyrir það fyrsta byggð á
frægum tölvuleik um leigumorð-
ingja sem er bæði hundeltur af
Interpol og rússneska hernum en
það er ekki síst uppruni Agent 47
sem gerir hann frábrugðinn
öðrum. Sköllótti leigumorðinginn
fannst barnungur á kirkjutröppum
og var fenginn í hendur leynilegri
kirkjureglu.
Agent 47 er því gerður út af and-
legum máttarvöldum til að losa
jarðarbúa við dópsala og hórmang-
ara. Tölvuleikurinn sjálfur var
prýðileg skemmtun; bauð upp á
töluverðan hasar og læti og leyfði
notandanum að lifa sig rækilega
inn í líf leigumorðingjans gegnum
PC og Playstation. En kvikmynd-
inni Hitman hefur hins vegar verið
tekið með miklum fyrirvara og
hlotið, eins og margar aðrar
útfærslur Hollywood á tölvuleikj-
um, afskaplega misjafna dóma.
freyrgigja@frettabladid.is
Morðingi til leigu
TÖLVULEIKURINN BETRI Hafi menn haldið að kvikmyndin Hitman myndi endurskapa
andrúmsloft launmorðingja ættu þeir að halda sig við töluvert betri tölvuleik.Kvikmyndin Across the Universe
eða Heimshornanna á milli er ein-
stök að því leytinu að öll tónlistin í
kvikmyndinni samanstendur af
Bítlalögum. Myndin fjallar um
unga elskendur á miklum
umbrots tímum í hinum vestræna
heimi þegar Víetnamstríðið stend-
ur sem hæst og hefðbundnum
þjóðfélagsgildum er kollvarpað.
Hin ungu Jude og Lucy verða
ástfangin hvort af öðru í miðju
allra þjóðfélagsbreytinganna
þegar Bítlarnir og Rolling Stones
áttu hug og hjörtu ungviðisins. En
samfélagið tekur breytingum ógn-
arhratt og parið verður fjarlægt
hvort öðru þegar Jude er sendur
til Víetnam. En ástin sigrar allt og
ekki síst þegar lög á borð við All
You Need Is Love og Hey Jude eru
annars vegar.
Leikstjóri Across the Universe
er Julie Taymor en hún gerði hina
eftirminnilegu Fridu með Sölmu
Hayek í aðalhlutverki. Meðal leik-
ara og listamanna sem koma fyrir
í myndina má nefna Bono, Eddie
Izzard og ráma rokkgoðið Joe
Cocker en aðalhlutverkin eru í
höndum Jim Sturgess og Evan
Rachel Wood.
Bítla-söngleikur
ÁSTIN SIGRAR ALLT Parið Jude og Lucy verða ástfangin á þeim tíma þegar allt var að
breytast.
Fimmtán heimildarmyndir berj-
ast um fimm tilnefningar til
Óskarsverðlauna. Þeirra á meðal
er Sicko, mynd Michaels Moore
um heilbrigðiskerfið í Banda-
ríkjunum sem vakti gríðarlega
athygli, ekki síst vegna þess að
kvikmyndagerðarmaðurinn hélt
til Kúbu og olli sú ferð miklu
fjaðrafoki í heimalandinu.
Moore fékk sem kunnugt er
Óskarinn fyrir 9/11 Fahrenheit
og gagnrýndi stjórn Bush svo
harkalega að stjörnurnar í
Kodak-höllinni sáu sig tilneydda
til að baula á leikstjórann.
Heimildarmyndirnar í ár eiga
það þó flestar sameiginlegt að
fjalla um stríðsrekstur með
einum eða öðrum hætti þótt
Íraksstríðið umdeilda sé þar
efst á baugi. Meðal mynda í
þeim flokki eru Body of War,
Operation Homecoming, Writ-
ing the Wartime Experience, No
End in Sight og Taxi to the dark
Side.
Tony Kaye, leikstjóri hinnar
áhrifamiklu American History
X, er einnig með mynd um eld-
fimt málefni en myndin hans
Lake of Fire fjallar um báðar
hliðar baráttunnar í Bandaríkj-
unum um fóstureyðingar. Til-
kynnt verður 22. janúar hvaða
fimm myndir hljóta tilnefningu.
Heimildarmyndir í Óskarinn
SICKO Kvikmynd Michaels Moore um
heilbrigðiskerfið í Bandaríkjunum er
meðal þeirra fimmtán mynda sem koma
til greina fyrir Óskarinn.
Margir muna eflaust eftir Jack Nicholson í
hlutverki Jókersins sem gerði Michael Keaton
lífið leitt í Burton/Batman-myndunum.
Nicholson fór langt á skjáþokka sínum og
einhverjum hefur eflaust dottið í hug að varla
væri til sá maður sem gæti endurtekið þann
stórleik sem gamla brýnið sýndi árið 1989.
Kvikmyndatímaritið Empire birtir í sínu
nýjasta hefti viðtal við leikarann sem hyggst
feta í fótspor Jacks og bregða sér í hlutverk
Jókersins í næstu kvikmynd Chris Nolan um
riddara næturinnar, Leðurblökumanninn.
Heath Legder hlaut mikið lof fyrir leik
sinn í smalamyndinni Brokeback Mountain
en ást tveggja karlmanna er víðsfjarri í
hans nýjustu mynd þar sem Jókerinn lætur
sverfa til stáls í Gotham City. Að sögn
blaðamanns Empire lítur út fyrir að
Jókerinn verði að þessu sinni mun meiri
vitfirringur og ofbeldishneigðari en Jóker
Jacks Nicholson og Ledger staðfestir
það. En leikarinn segir jafnframt að
hlutverkið hafi hrætt hann enda geri
áhugamenn um Leðurblökumanninn
jafnmiklar kröfur til þessarar persónu og
þeir gera til hetjunnar sjálfrar. „En ég
býst við því að það hafi einnig heillað mig.
Ég lokaði mig af á hótelherbergi í London
í heilan mánuð og reyndi að finna réttu
röddina og rétta hláturinn. Jókerinn er
algjörlega siðblindur og allt sem hann
gerir eða segir er einn stór brandari. Þess
vegna skiptir engu hvort hann myrðir eða
meiðir, allt er þetta bara einn stór brand-
ari,“ segir Ledger í viðtali við Empire.
Myndin verður samkvæmt imdb.com
frumsýnd hér á landi í lok júlí á næsta
ári.
Jókerinn snýr aftur og nú mun verri
> LÍTUR BETUR ÚT
Eitthvað virðist vera að þokast í samkomulagsátt í verkfalli
handritshöfunda og búast bjartsýnustu menn við því að
bráðabirgðasamkomulag verði gert á allra næstu dögum
og að verkfallið leysist jafnvel strax eftir jól. Þegar hefur
nokkrum kvikmyndum verið slegið á frest en þeirra stærst
er Englar og djöflar með Tom Hanks í aðalhlutverki.
ERFIÐUR ANDSTÆÐINGUR Leðurblöku-
maðurinn fær erfiðan andstæðing í
næstu mynd en það er sjálfur Jókerinn.
SM
S
LEI
KUR
Vi
nn
in
ga
r v
er
ða
a
fh
en
di
r h
já
B
T
Sm
ár
al
in
d.
K
óp
av
og
i.
M
eð
þ
ví
a
ð
ta
ka
þ
át
t e
rt
u
ko
m
in
n
í S
M
S
kl
úb
b.
9
9
kr
/s
ke
yt
ið
.
T
Sm
ár
al
in
d.
K
óp
av
og
i.
M
eð
þ
ví
a
ð
ta
k
FRUMSÝND 30. NÓVEMBER
SJÁÐU MYNDINA OG SPILAÐU LE IK INN!
SENDU SMS JA HMF Á
NÚMERIÐ
1900 OG ÞÚ GÆTIR UN
NIÐ!
V INN INGAR ERU B Í
ÓMIÐAR FYR IR TVO
,
H I TM AN LE IK IR , DV
D MYND IR , VARN IN
GUR
TENGDUR MYND INN
I OG MARGT FLE IRA
!