Fréttablaðið - 29.11.2007, Blaðsíða 65

FIMMTUDAGUR 29. nóvember 2007 37
ÞÓR JAKOBSSON
UMRÆÐAN
Bækur
Fram undan er gjafatími ársins. Jólin nálgast. Tugþúsundir
Íslendinga streyma senn í verslan-
ir í leit að einhverju til að gleðja
vini og vandamenn. Leitað er að
flíkum, tólum, tækjum, tölvum og
bókum. Mikið er brotið heilann
um hvað hver ætti að fá eða vildi
fá. Samráð eru leyfileg á þessum
leikvelli ef þörf krefur en skemmti-
legast þykir að einhver leynd hvíli
yfir enda eykur það tilhlökkunina
hjá þeim sem á von á pakkanum,
mjúkum eða hörðum.
Bókatíðindi eru þarfaþing.
Þar er sagt frá öllum bókum sem
út hafa komið árið 2007,
alltént bókum útgefenda
sem hafa haft rænu á að
koma upplýsingum til rit-
stjórnar tíðindanna í tæka
tíð. Tíðindin spara sporin
um bókabúðir. Áhuga-
samir lesendur Bókatíð-
inda geta auðveldlega
uppgötvað þar forvitni-
legar bækur sem ella eru
ekkert auglýstar í öðrum
fjölmiðlum, sjónvarpi,
útvarpi eða með stórum auglýs-
ingum í blöðunum.
Það er jafnvel ekki svo vitlaust
að grafa upp Bókatíðindi frá því í
fyrra eða hitteðfyrra í von um að
detta þar niður á góða gjöf.
Úrvalsbækur ganga vissulega
ekki úr sér á tveimur til
þremur árum!
Ég freistast til að
mæla með heillandi bók
sem höfundur sendi mér
þegar hún kom út fyrir
örfáum mánuðum og er
nú í bókabúðum. Bókin
yrði góð gjöf handa
öllum sem fræðast vilja
um hið nýjasta sem vitað
er um sólkerfið, stjörn-
ur himinsins og alheim-
inn. Einnig er skilmerkilega
fjallað um leit vísindamanna síð-
asta áratuginn að hnöttum á
göngu umhverfis aðrar sólir en
okkar eigin ágætu sól, þ.e.a.s.
stjörnur himinsins, – og líkum á
lífi annars staðar en hér á jörð-
inni. Sannarlega stórkostleg við-
fangsefni.
Vilhelm Sigmundsson, höfund-
ur bókarinnar, hefur um árabil
kennt stjörnufræði og eðlisfræði
við framhaldsskóla og háskóla
hér heima og erlendis en bók sína
kallar hann „Nútíma stjörnufræði
– frá sólkerfinu okkar til vetrar-
brauta og endimarka alheimsins“.
Bókin er sérstaklega myndauðug
og aftast er ítarefni. Það gerir
bókina vel fallna til kennslu í
framhaldsskólum þótt hver sem
er geti notið bókarinnar, enda er
hún lipurlega samin og greint þar
frá ýmsum sem koma við sögu
stjörnufræðinnar.
Nú er mikið rætt um forvarnir
og hættur sem unglingar standa
frammi fyrir í upphafi fullorðins-
áranna – og er það vel að rætt sé
að gagni. En það hvarflar að mér
að fólgin sé forvörn í því fyrir
lífið að láta heillast af stjönunum
og himingeimnum á unga aldri.
Hvað sem fyrir liggur í framtíð-
inni hjá unga fólkinu, hvort sem
það leggur fyrir sig viðskipta-
fræði, sjómennsku, barnakennslu,
stjórnmál eða listir, mun áhugi
sem vaknar á unga aldri á furðum
alheimsins ætíð verða dálítil upp-
örvun og styrkur í lífsins ólgusjó.
Það ættu þeir að íhuga sem ráfa
nú um í vandræðum sínum um
búðirnar í leit að góðri gjöf handa
vini í mótun unglingsáranna.
Höfundur er veðurfræðingur.
Falleg bók um stjörnufræði
UMRÆÐAN
Bæjarmál í Kópavogi
Nú hefur fyrstu lóðunum í Vatnsendahlíðinni verið
úthlutað og var eftirspurn að
venju meiri en framboð. Á auka-
fundi bæjarráðs lagði meirihluti
Sjálfstæðis- og Framsóknarflokks
fram tillögur að úthlutun, en full-
trúar minnihlutans höfðu einungis
nokkrar klukkustundir til að
kynna sér þær
tillögur.
Ég hef oft gert
athugasemdir
við þau vinnu-
brögð sem tíðk-
ast í Kópavogi
við lóðaúthlut-
anir og er ekki
sú eina, því
aðferðarfræðin
hefur verið fræg
að endemum.
Reglurnar eru ógegnsæjar þar
sem fjölskylduaðstæður og fjár-
hagsstaða er lögð til grundvallar
úthlutun skv. mati þeirra sem fara
yfir umsóknirnar. Þrátt fyrir að
umsækjendur skili staðfestingu
frá banka um lágmarksgreiðslu-
getu leggja pólitískir fulltrúar
bæjarins huglægt mat á tekjur og
eignastöðu viðkomandi. Umsækj-
endur velja sér lóð um leið og þeir
sækja um. Velji margir sömu lóð-
ina skal draga milli jafnhæfra
umsækjenda. Flestir sækja um
bestu lóðirnar á meðan enginn
sækir um aðrar. Stundum er
ákveðnum umsækjendum boðið
að færa sig á auðu lóðirnar til að
losna við að lenda í úrdrætti, en
ekki öllum og virðist engin regla
ráða því hverjum er boðið að færa
sig. Tökum dæmi. Tíu sækja um
eina lóð og enginn um aðra. Einum
af þessum tíu er boðið að flytja sig
á auðu lóðina á meðan dregið er
milli þeirra níu sem eftir eru.
Óljóst er hvernig þessi eini er val-
inn sem þarf ekki að fara í pottinn.
Því ræður huglægt mat fulltrú-
anna sem fara yfir umsóknirnar.
Reglur og aðferðafræði við lóða-
úthlutanir í Kópavogi eru ekki
nógu gegnsæjar. Samfylkingin í
Kópavogi hefur gagnrýnt þessar
reglur og undir þá gagnrýni hefur
félagsmálaráðuneytið tekið og oft
úrskurðað lóðaúthlutanir í Kópa-
vogi ólögmætar. Við höfum m.a.
lagt til að allar umsóknir séu með-
höndlaðar nafnlaust og sótt sé um
byggingarrétt og dregið um lóðir í
framhaldi af því. Þeim tillögum
hefur meirihlutinn ávallt hafnað
og vísað allri gagnrýni á bug,
hvaðan sem hún kemur..
Þeir fjölmörgu einstaklingar
sem hafa EKKI fengið lóð í Kópa-
vogi, þurfa að geta treyst á hlut-
laus og sanngjörn vinnubrögð, að
gildar forsendur hafi legið því til
grundvallar að þeir fengu ekki
lóð. Á meðan huglægt mat og per-
sónuleg skoðun pólitískra fulltrúa
ræður valinu er engu að treysta!
Höfundur er oddviti Samfylking-
arinnar í Kópavogi.
Lóðaút-
hlutanir
GUÐRÍÐUR
ARNARDÓTTIR Reykskynjarar
á þúsund kall
(rafhlaða innifalin)!
Hvers virði er fjölskyldan?
990
krónur*
Reykskynjarar eru ódýrir. Auðvelt er að setja þá upp og halda þeim
við. Þeir eru mikilvægasta öryggistæki heimilisins. Skerandi vælið í
þeim hefur bjargað fjölmörgum mannslífum. Samt eru talsverð brögð
að því að reykskynjara vanti á íslensk heimili.
Eftir hverju ert þú að bíða?
Þú færð reykskynjara, slökkvitæki, eldvarnateppi og annan eldvarna-
búnað í byggingavöruverslunum, sérverslunum, hjá trygginga-
félögunum og víðar.
Er þér þá nokkuð að vanbúnaði?
Ítarlegar upplýsingar um eldvarnir heimilanna birtust í Eldvarnablaðinu
sem kom út með Morgunblaðinu 23. nóvember. Blaðið er að finna á
www.lsos.is. TM er samstarfsaðili LSS í Eldvarnaátakinu 2007.
TRYGGINGAMIÐSTÖÐINwww.lsos.is
www.tm.is
*dæmi um verð í byggingavöruverslun 31.10.07 – á ekki við reykskynjarann á myndinni.