Fréttablaðið - 19.04.2008, Side 2

2 19. apríl 2008 LAUGARDAGUR
VIÐSKIPTI Útlánsvextir Íbúðalána-
sjóðs kunna að lækka allt niður í
4,6 prósent á mánudag. Vextir
sjóðsins eru nú 5,5 prósent með
uppgreiðslugjaldi og 5,75 prósent,
án þess.
Íbúðalánasjóður bauð í gær út
íbúðabréf fyrir átta milljarða
króna að nafnvirði. Niðurstöður
útboðsins verða kunngjörðar á
mánudagsmorgun. Greining
Glitnis segir að þróun á ávöxtun-
arkröfu frá seinasta útboði
sjóðsins í desember, bendi til þess
að sjóðurinn lækki útlánsvextina,
um 0,4 til 0,9 prósentustig.
Líklegast lækki þeir um 0,5 til 0,6
prósentustig. - ikh
Breytingar hjá Íbúðalánasjóði:
Búist við lækk-
un útlánsvaxta
Europris - ódýrt fyrir alla
TILBOÐIN GILDA Í ÖLLUM VERSLUNUM EUROPRIS
NÝ VERSLUN Í HAFNARFIRÐI
að Tjarnarvöllum 11
COCA COLA - 33 CL
50
FJÖLDI O
PNUNART
ILBOÐA
BRETLAND Að útrýma barnaklámi á
Netinu væri viðráðanlegt verkefni
ef lögregla, stjórnvöld og netfyrir-
tæki um heim allan tækju höndum
saman.
Rannsóknir bresku samtakanna
Internet Watch Foundation, sem
fylgjast grannt með misnotkun
Netsins, hafa leitt í ljós að á árinu
2007 var barnaklám að finna á 2.755
vefsetrum víða um heim. Þessi
fjöldi hefur verið nokkuð stöðugur
síðustu árin.
„Við teljum að þetta sé viðráðan-
legur fjöldi,“ segir Peter Robbins,
framkvæmdastjóri samtakanna, í
fréttatilkynningu á vefsíðu þeirra:
„Samhæft átak á heimsvísu gegn
þessum vefsetrum gæti fjarlægt
þessar hryllilegu myndir af vefn-
um og komið þeim, sem bera ábyrgð
á þeim, í lögreglurannsókn.“
Þeir sem starfrækja þessi
vefsetur hýsa þau einungis í
skamman tíma á sama stað, skipta
ört um hýsingarland og hýsingar-
fyrirtæki. Erfitt er að stöðva starf-
semi þeirra vegna þess hve flókið
væri að samhæfa ólíkar reglur og
starfshætti lögreglu- og dómsyfir-
valda í mismunandi löndum. Með
samhæfðu átæki mætti þó auðveld-
lega vinna bug á þeim öllum, að
mati samtakanna.
Innan við eitt prósent af þessum
vefsetrum eru hýst í Bretlandi, og
þakka samtökin það nánu samstarfi
sínu við bresk netfyrirtæki, sem
loka vefsíðum nánast um leið og
samtökin láta þau vita af þeim. - gb
Bresk samtök segja innan við þrjú þúsund vefsíður birta barnaklám:
Hægt að útrýma barnaklámi
LÖGREGLUÞJÓNN Á SPÁNI RANNSAKAR
BARNAKLÁM Á NETINU Viðráðanlegt
verkefni að ráða niðurlögum barna-
kláms á Netinu. NORDICPHOTOS/AFP
IÐNAÐUR Ísland hefur bæði kosti og galla fyrir
fyrirtæki sem vilja byggja netþjónabú, segir Henk
Wiering, verkfræðingur hjá hollenska fyrirtækinu
TCF, sem á og rekur netþjónabú víða um heim.
TCF á hlut í eignarhaldsfélaginu Greenstone,
ásamt bandaríska félaginu GEO og íslenska
ráðgjafarfyrirtækinu Amicus Capital Invest.
Í gær var undirrituð viljayfirlýsing um bygg-
ingu netþjónabús í Ölfusi, eins og greint var frá í
Fréttablaðinu.
„Ísland getur verið paradís fyrir netþjónabú,“
segir Wiering. Viðskiptavinir netþjónabúa vilji
vera umhverfisvænir, og víðast hvar annars staðar
í heiminum þurfi að brenna olíu eða gasi til að
knýja netþjónabúin áfram. Wiering neitar því þó
ekki að lágt orkuverð spili inn í staðarval Green-
stone.
Gallarnir tengjast helst staðsetningu landsins,
segir Wiering. Íslendingar verði að bæta við
sæstrengjum til að flytja gögn með öruggum
hætti. TCF geti vel hugsað sér að koma að uppsetn-
ingu fleiri netþjónabúa verði nýr sæstrengur
lagður til Norður-Ameríku.
„Við vonumst til þess að koma upp nokkrum
netþjónabúum, dreifðum um landið,“ segir
Wiering. - bj
Bæði kostir og gallar við netþjónabú á Íslandi segir hollenskur sérfræðingur:
Fyrirtæki vilja græna ímynd
VILJAYFIRLÝSING Össur Skarphéðinsson iðnaðarráðherra ósk-
aði Ólafi Áka Ragnarssyni, bæjarstjóra sveitarfélagsins Ölfuss,
til hamingju. Milli þeirra stendur Henk Wiering frá TCF, en til
hægri er Guðmundur Gunnarsson frá Farice.
MYND/KRISTJÁN J. KRISTJÁNSSON
FÓLK Starfsfólk markaðs- og við-
skiptasviðs Glitnis ætlar að eyða
helgi í maí á fimm stjörnu lúxus-
hóteli í Cannes, á frönsku Rivíer-
unni.
Á bloggi eiginkonu háttsetts
starfsmanns hjá Glitni kemur
fram að ferðin sé „í boði Lárusar
sem kenndur er við logsuðu“. Er
þar augljóslega átt við Lárus
Welding, forstjóra Glitnis, en eft-
irnafn hans þýðir logsuða á ensku.
Ritari Lárusar sagði í gær að úti-
lokað væri að ná í hann þar sem
hann væri erlendis á mikilvægum
fundum.
„Þessi hópur sem er að fara
vann til verðlauna sem besta deild
Glitnis á síðasta ári, og fyrir vikið
var þeim lofað ferð til Frakk-
lands,“ segir Már Másson, upplýs-
ingafulltrúi bankans. Gengið var
frá ferðinni á síðasta ári.
„Þetta fólk hefur staðið sig gríð-
arlega vel, þetta er mjög öflugur
hópur sem við erum með á þessu
sviði,“ segir Már. Algengt sé hjá
íslenskum fyrirtækjum að starfs-
fólk sé verðlaunað með sambæri-
legum hætti.
Hotel Martinez er á ströndinni í
Cannes. Verð á herbergjum þar er
á bilinu 40 þúsund krónur til 160
þúsund krónur fyrir nóttina.
Þorsteinn Már Baldvinsson, sem
tók við formennsku í stjórn Glitn-
is í febrúar, hefur ítrekað lýst yfir
að taka þurfi til í rekstrinum. Ekki
fékkst viðtal við Þorstein í gær
vegna Cannes-ferðarinnar en í
Morgunblaðinu á fimmtudag sagði
hann eftirfarandi vegna 510 millj-
óna króna lokagreiðslu til eins
yfirmanna bankans: „Þetta er hluti
af því rugli sem hefur viðgengist í
fjármálageiranum.“
Þrátt fyrir aðhalds-
tón í máli stjórnarfor-
mannsins ætla að
minnsta kosti sumir
starfsmenn Glitnis
að halda áfram að
njóta lífsins, að
minnsta kosti ef
marka má fyrr-
greint blogg.
„Eftir þrjár vikur
ætla ég mér að
njóta helgar úti í
Cannes í mestu
makindum og hamslausu nautna-
lífi. Þar ætlum við að gista og ég
hyggst nýta mér út í ystu æsar
þjónustuna á Givency Spa, með
kampavínsglas í annarri hendi og
hina í höndunum á faglærðum
handsnyrti,“ segir meðal annars
á blogginu sem er ritað á ensku en
hér er það þýtt af Fréttablað-
inu.
Bjarney Harðardótt-
ir, yfirmaður mark-
aðs- og viðskipta-
deildar Glitnis, vildi
ekki tjá sig um málið
og vísaði á upplýs-
ingafulltrúa bank-
ans.
gar@frettabladid.is
Drekka kampavín á
lúxushóteli í Cannes
Starfsfólk markaðs- og viðskiptadeildar Glitnis eyðir helgi í maí á lúxushóteli á
frönsku Rivíerunni. Eiginkona eins starfsmannsins segir ferðina í boði Lárusar
Welding forstjóra. Verið að verðlauna bestu deild bankans í fyrra.
LÁRUS WELDING
Forstjóri Glitnis.
HOTEL MARTINEZ Hér kostar nóttin 40
til 160 þúsund krónur.
Draupnir, var þetta dýrmæt
lexía?
„Já, ég lærði mikið á þessu.“
Draupnir Rúnar Draupnisson kennara-
nemi er í aðalhlutverki í nýju myndbandi
við Eurovision-lagið This Is My Life en í
því dansar hann og syngur eins og hann
eigi lífið að leysa.
SLYS Harður árekstur varð á móts
við gatnamót Kringlumýrarbraut-
ar og Listabrautar um miðjan dag
í gær.
Slysið varð með þeim hætti að
ökumaður ók bíl sínum aftan á
annan bíl sem hentist í gegnum
grindverk á umferðareyju sem er
meðfram Kringlumýrarbrautinni.
Ökumenn birfeiðanna sluppu án
teljandi meiðsla en bílarnir eru
óökufærir. - ovd
Árekstur á Kringlumýrarbraut:
Keyrði í gegn-
um grindverk
GREITT FYRIR UMFERÐ Eins og sjá má
skemmdist bíllinn mikið en lögreglu-
menn greiddu fyrir umferð með því að
færa bílinn til. FRÉTTABLAÐIÐ/VILHELM
RIVÍERAN Af svölunum blasir Rivíeran við í allri sinni dýrð.
HEILSULIND Hér er hægt að láta líða
úr sér með kampavínsglas í annarri
hendinni á meðan handsnyrtir
annast hina.
VINNUMARKAÐUR Íslendingum á
vinnumarkaði mun fjölga
tiltölulega hægt á næstu árum og
áratugum. Stórir árgangar hverfa
af vinnumarkaði vegna aldurs og
nýir árgangar sem koma í staðinn
eru tiltölulega fámennir. Þetta
kemur fram í ritinu Alþjóðavæð-
ing vinnumarkaðarins sem
Samtök atvinnulífsins gefa út.
„Áætla má að miðað við þriggja
prósenta árlegan hagvöxt að
jafnaði muni minnst eitt þúsund
erlendir starfsmenn flytja til
landsins árlega á tímabilinu 2015-
2020 og allt að 1.500 árlega eftir
það,“ segir í ritinu. - ghs
Samtök atvinnulífsins:
Erlent starfsfólk
æ mikilvægara
EFNALEKI Slökkvilið höfuðborgar-
svæðisins var kallað að fyrirtæki
í Grafarvogi um klukkan hálf eitt
í fyrrinótt þar sem rör í kælikerfi
fyrirtækisins hafði sprungið og
freon lekið út.
Þegar slökkvilið kom á
vettvang hafði allt freon lekið út
af kerfinu. Húsnæðið var því
loftræst en starfsfólki hafði
tekist að koma sér út enda lyktin
af freoninu komið upp um lekann.
- ovd
Slökkvilið loftræsti fyrirtæki:
Freonleki í
Grafarvogi
MINJAVERND Trébáturinn Örninn
sem er annar tveggja skarsúðaðra
báta sem Norðmenn færðu
Íslendingum að gjöf á 1100 ára
landnámsafmælinu 1974 er að
grotna niður í Njarðvík.
Örninn var færður Reykjavíkur-
borg til varðveislu en hinn
báturinn fór til Húsavíkur þar sem
hann er á safni. Örninn mun aldrei
hafa verið geymdur eða honum
haldið við á eðlilegan hátt og var
afar illa farinn þegar Reykjavíkur-
borg gaf bátinn til Byggðasafnsins
í Reykjanesbæ fyrir rúmum
tveimur árum. Safnið átti að kosta
viðgerðir á bátnum sem enn eru
engar orðnar. - gar
Illa hirt um norskan bát:
Þjóðargjöf látin
grotna niður
ÖRNINN Sagt var frá komu Arnarins til
Reykjanesbæjar á heimasíðu sveitarfé-
lagsins.
SPURNING DAGSINS