Fréttablaðið - 19.04.2008, Qupperneq 8

8 19. apríl 2008 LAUGARDAGUR
FÉLAGSMÁL Sautján ára stúlka, sem
Persónuvernd segir að elliheimilið
Grund hafi brotið á með því að fela
Heilsuvernd ehf. að halda skrá um
heilsufarsupplýsingar hennar án
samþykkis, starfar enn á Grund.
Helga Karlsdóttir, starfsmanna-
stjóri Grundar, segir að þar sem
faðir stúlkunnar vildi ekki að
stúlkan tilkynnti til Heilsuverndar
ef hún væri veik hefði henni verið
sagt að hennar veikindatilkynning-
ar yrðu samkvæmt kjarasamningi
Efl ingar og þannig sé það í dag:
„Hún var beðin afsökunar á
athugunarleysi okkar á því að hún
þyrfti leyfi forráðamanns til að
fara eftir samningum okkar við
Heilsuverndarstöðina. Faðir
hennar kærði til Persónuverndar
eftir það.“ - gar
Faðir starfsstúlku á Grund:
Kærði þrátt fyrir
afsökunarbeiðni
GRUND Stúlkan starfar enn hjá stofn-
uninni.
TÆMUM BÚÐIRNAR
40-70%
ALLT Á AÐ KLÁRAST
AFSLÁTTUR AF ÖLLUM VÖRUM
GILDIR Í VERSLUNUM OKKAR
Í KRINGLUNNI OG SMÁRALIND
UTANRÍKISMÁL Utanríkisráðherrar
Norðurlandanna ræddu stjórn-
málaástandið í Simbabve á
reglulegum samráðsfundi sínum í
Stokkhólmi í gær. Skilaboð þeirra
um stuðning Norðurlandanna við
lýðræði í þessu hrjáða Afríku-
landi flutti norski forsætisráð-
herrann Jens Stoltenberg leiðtoga
stjórnarandstöðunnar í Simbabve,
Morgan Tsvangirai, á fundi í
Jóhannesarborg í Suður-Afríku.
Ingibjörg Sólrún Gísladóttir
utanríkisráðherra var fjarverandi
samráðsfundinn að þessu sinni.
Þess í stað sat ráðuneytisstjóri
utanríkisráðuneytisins fundinn
fyrir Íslands hönd.
Sænski utanríkisráðherrann
Carl Bildt sagði á blaðamanna-
fundi að Norðurlöndin væru
„reiðubúin að ræða hraða
aukningu (þróunar-) aðstoðar og
stuðning við Simbabve til að
koma landinu á réttan kjöl,“ ef
breyting til batnaðar yrði á
stjórnarfari þar og eftirmál þing-
og forsetakosninganna leystust
farsællega. - aa
Norrænir utanríkisráðherrar:
Heita stuðningi
við Simbabve
SKILABOÐ Jens Stoltenberg, t.h., hitti
Morgan Tsvangirai í Jóhannesarborg í gær
og flutti honum skilaboð frá norrænu
utanríkisráðherrunum. NORDICPHOTOS/AFP
FJÖLMIÐLAR Umræða um innflytjendur og erlent
vinnuafl er skammt á veg komin hér á landi, en
virðist vera að þroskast. Þetta segir Magnús
Heimisson, stjórnmálafræðingur og forstöðumaður
Fjölmiðlagreininga Creditinfo Íslandi.
Hann kynnti rannsókn Creditinfo á umfjöllun
íslenskra fjölmiðla um innflytjendur annars vegar,
og erlent vinnuafl hins vegar á árinu 2007 á
ráðstefnu á vegum Blaðamannafélags Íslands í
gær.
Magnús segir það hafa komið sér mest á óvart
hversu hátt hlutfall frétta og greina hafi verið
neikvætt. Neikvæð umfjöllun er skilgreind sem
umfjöllun sem talin er líkleg til að skapa neikvætt
viðhorf gagnvart innflytjendum
eða erlendu vinnuafli. Dæmi um
neikvæða umfjöllun eru fréttir af
afbrotum útlendinga, og því að
erlendir starfsmenn hafi verið
snuðaðir af vinnuveitendum.
Í umfjöllun fjölmiðla um
innflytjendur var jafn mikið um
jákvæða og neikvæða umfjöllun.
Um 28 prósent greina eða frétta
voru neikvæð, tæplega 30
prósent jákvæð og um 42 prósent
hlutlaus.
Þegar fjallað var um erlent vinnuafl var umfjöll-
unin tvöfalt oftar neikvæð en jákvæð. Tæplega 31
prósent var neikvætt, um 16 prósent jákvætt og
um 54 prósent hlutlaust. Þetta segir Magnús að
skýrist aðallega af umfjöllun um atvinnu- og
kjaramál.
„Umfjöllun um innflytjendur er skammt á veg
komin, hún er eins og á sem er að byrja að finna
sér farveg,“ segir Magnús.
„Það hefur gengið á ýmsu á undanförnum árum,
bæði hvað varðar innflytjendur og erlent vinnuafl.
Erlenda vinnuaflið geystist inn í íslenskt þjóðfélag.
Spurningin er hvort samfélagið hafi verið tilbúið
fyrir það, ég tel ekki,“ segir hann.
Aðsendar greinar í dagblöðum geti í vissum
tilvikum verið af neikvæðum toga, en þegar komi
að innflytjendum og erlendu vinnuafli sé það ekki
áberandi, segir Magnús. Það séu frekar fréttirnar
sem séu neikvæðar fyrir þessa hópa.
Magnús segir eftirtektarvert að þegar fjölmiðlar
hafi fjallað um innflytjendur hafi oftast verið rætt
við opinbera aðila eða samtök, en í ríflega sautján
prósentum tilvika hafi verið rætt við innflytjend-
urna sjálfa.
Þegar fjallað sé um erlent vinnuafl sé aðeins
talað við erlenda starfsmenn í tæplega fimm
prósentum tilvika. Oftast sé rætt við opinbera
aðila og verkalýðsfélög. brjann@frettabladid.is
Umræða um útlend-
inga að finna farveg
Kemur á óvart hversu mikið er um neikvæða umfjöllun um útlendinga í fjölmiðl-
um segir stjórnmálafræðingur. Tvöfalt fleiri neikvæðar fréttir en jákvæðar um
erlent vinnuafl. Aðeins rætt við erlenda starfsmenn í fjórum prósentum tilvika.
MAGNÚS
HEIMISSON
VINNUAFL Erlendir starfsmenn íslenskra fyrirtækja voru mikið í
sviðsljósinu á síðasta ári. Þrátt fyrir það var aðeins rætt við þá í
tæplega fimm prósentum greina og frétta í fjölmiðlum.
FRÉTTABLAÐIÐ/VILHELM
Nýr sýslumaður í Kópavogi
Björn Bjarnason dómsmálaráðherra
skipaði í gær Guðgeir Eyjólfsson,
sýslumann í Keflavík, í embætti
sýslumanns í Kópavogi. Guðgeir tekur
við embættinu 1. júní næstkomandi.
Alls bárust þrettán umsóknir um
embættið.
STJÓRNSÝSLA
Ofsaakstur í hesthúsahverfi
Lögreglan á Sauðárkróki stöðvaði
ungan karlmann sem ók á 153 kíló-
metra hraða við bæjarmörkin í gær.
Hámarkshraði á þessum kafla er 90
kílómetrar, en mikið er um hesta-
menn á þessum slóðum. Ökumað-
urinn fær 130 þúsund króna sekt og
missir líklega prófið í mánuð.
LÖGREGLUMÁL