Fréttablaðið - 19.04.2008, Síða 91

LAUGARDAGUR 19. apríl 2008 63
Blaðberinn minn
kemur oft með mér í bíltúr
Núna er ekkert mál að endurvinna!
Blaðberi Fréttablaðsins er handhæg taska undir dagblöð og ýmsan
annan pappír sem fellur til á heimilinu. Blaðberinn kostar ekki neitt
og kemur þér á lagið með að endurvinna dagblaðapappír.
Nældu þér í Blaðbera og geymdu hann á góðum stað. ...góðar fréttir fyrir umhverfiðBlaðberinn...
Í dag frá kl. 11-18 verður Blaðberanum
dreift í Kringlunni, Smáralind,
Hagkaupum Eiðistorgi og í Bónus
Holtagörðum og Fiskislóð.
F
í
t
o
n
/
S
Í
A
FÓTBOLTI Brasilíski snillingurinn
Kaká hjá AC Milan hefur
undanfarið verið orðaður við
mörg stórlið eftir frekar dapurt
gegn Mílanóliðsins á þessari
leiktíð. Þá hélt breska dagblaðið
The Daily Mirror því fram að
Chelsea ætlaði sér að kaupa hann
á meðan spænska íþróttablaðið
Marca taldi sig hafa heimildir
fyrir því að Real Madrid myndi
hreppa hann. Kaká blés sjálfur á
þessar sögusagnir í viðtali við
ítalska blaðið La Gazzetta dello
Sport í gær og talaði um framtíð
sína hjá AC Milan.
„Á hverjum degi er eitthvert
nýtt slúður og á hverju ári er ég
keyptur og seldur út um allan
heim en ég er samt enn hér hjá
AC Milan og er ekki að fara
neitt,“ sagði Kaká. Spurður út í
mögulega komu Ronaldinho og
Andriy Shevchenko til AC Milan
lá ekki á svörum hjá honum.
„Ég hef spilað með Ronaldinho
hjá brasilíska landsliðinu og það
er frábært og ég held að ég, hann
og Alexandre Pato gætum allir
leikið í byrjunarliðinu og náð vel
saman. Shevchenko er frábær
leikmaður og góður vinur minn í
þokkabót og það elska hann allir
hjá AC Milan og ég held að hann
myndi vel geta fundið sér sess í
liðinu á ný,“ sagði Kaká. - óþ
Kaká, AC Milan:
Orðinn leiður á
sögusögnunum
ÁNÆGÐUR Kaká blæs á sögusagnir þess
efnis að hann sé á förum frá AC Milan
og kveðst sáttur þar. NORDIC PHOTOS/GETTY
FÓTBOLTI Carvalho de Oliveira
Amauri, eða Amauri eins og hann
er jafnan kallaður, er afar
eftirsóttur þessa dagana eftir að
hafa slegið rækilega í gegn með
Palermo í ítölsku Serie A-
deildinni. Hinn 27 ára gamli
Amauri hefur verið orðaður við
hvert stórliðið á fætur öðru
undanfarið og nú hefur Arsenal
bæst við þann hóp ef marka má
viðtal við Mariano Grimaldi,
umboðsmann Amauri, í gær.
„Arsenal hefur bæst á lista yfir
hóp liða sem hafa spurst fyrir um
Amauri en Liverpool, Real Madrid
og Juventus hafa þegar haft
samband og kannað jarðveginn
hjá Palermo,“ sagði Grimaldi í
viðtali við Terra Brazil.
Amauri hefur skorað 13 mörk
fyrir Palermo í vetur en forseti
félagsins lét nýlega hafa eftir sér í
fjölmiðlum að hann yrði ekki
seldur á minna en 19 milljónir
punda. Amauri er frá Brasilíu en
hefur nú þegar sótt um ítalskt
vegabréf eftir að hafa verið á
Ítalíu síðan árið 2001 og Roberto
Donadoni, landsliðsþjálfari Ítalíu,
hefur gefið út að hann muni
fylgjast grannt með stöðu mála
hjá Amauri sem hefur aldrei verið
valinn í brasilíska landsliðið. - óþ
Mariano Grimaldi:
Arsenal sýnir
Amauri áhuga
EFTIRSÓTTUR Amauri er einn eftirsótt-
asti leikmaðurinn í dag, ef marka má
umboðsmann hans. NORDIC PHOTOS/GETTY
HANDBOLTI Dregið var í riðla í gær-
kvöld í undankeppni Evrópumóts-
ins í handbolta sem fram fer í
Austurríki árið 2010. Ísland mun
leika í riðli 3 ásamt Noregi, Make-
dóníu, Eistlandi, Belgíu og Moldav-
íu en Einar Þorvarðarson, fram-
kvæmdastjóri HSÍ, var viðstaddur
dráttinn.
„Við getum án nokkurs vafa vel
við unað. Við erum í raun í riðli
með þremur þjóðum sem eru ekki
mjög sterkar handboltaþjóðir,
Eistland, Belgía og Moldavía og
svo er Makedónía sterk og alltaf
gaman að eiga við frændur okkar
Norðmenn,“ sagði Einar sem er
jafnframt sáttur með nýtt fyrir-
komulag undankeppninnar sem
felur í sér þróun í átt til þess sem
þekkist í knattspyrnunni. 38 þjóð-
ir taka þátt í undankeppninni og
dreifast í sjö riðla þar sem leikið
er heima og að heiman. 16 þjóðir
munu svo taka þátt í lokakeppn-
inni í Austurríki árið 2010 en tvær
þjóðir eru þegar komnar þangað,
Evrópumeistarar Dana og heima-
menn Austurríkis.
„Þetta þýðir það einfaldlega að
það verða fleiri leikir sem skipta
máli á Íslandi og hafa einhverja
merkingu og það er spennandi.
Kostnaðurinn er aftur á móti
vissulega meiri og meira af ferða-
lögum,“ sagði Einar sem telur að
handboltaíþróttin sem slík muni
græða á þessari þróun.
„Ég held að þetta sé allt í rétta
átt hjá handboltanum og þetta
kerfi gerir hann án vafa áhuga-
verðari og sýnilegri,“ sagði Einar
að lokum.
Dagur í sviðsljósinu
Dagur Sigurðsson, aðalþjálfari
austurríska landsliðsins, var vita-
skuld viðstaddur dráttinn í gær-
kvöld og bætti um betur því hann
sá einnig um að draga í riðlana.
Dagur var hreint ekki í slæmum
félagsskap því Ulrik Wibek, þjálf-
ari Evrópumeistara Danmerkur,
Lino Cervar, þjálfari Króatíu, og
Heiner Brand, þjálfari Þýska-
lands, voru með honum að störfum.
- óþ
Einar Þorvarðarson, framkvæmdastjóri HSÍ, er ánægður með riðilinn sem íslenska landsliðið mun leika í:
Við getum án nokkurs vafa vel við unað
SÁTTUR Einar Þorvarðarson var viðstadd-
ur dráttinn í gær og kvaðst sáttur með
útkomuna. FRÉTTABLAÐIÐ/TEITUR