Réttur - 01.07.1917, Page 17
Sveitalif i kaupstÖÖum 10
myndir á bls. 104 i bókinni, og eru það sannarlega vist-
leg híbýli.
— Sveitaborgir eiga kauptún vor að verða í framtíð-
inni. Ekki vantar landrýmið og langtum ódýrara land enn
venja er til í útlöndum. Hvert kauptún á að kosta kapps
um að komast yfir sem mest land í umhverfinu, til að
fá umráð yfir Ióðunum. Fólk hefur streymt úr sveitinni
til kaupstaðanna, af því skemtilegra þykir að búa í marg-
menninu en í fásinninu, en við flutninginn til fjölbýlisins
í kaupstöðunum, hefur fólkið farið á mis við hollustu
sveitalífsins, hollustu grænu blettanna kringum húsin, og
hollustu jarðyrkjunnar og hreina loptsins. — Péir, sem
byggja hús í kaupstað, eiga að fá allt þetta, þó þeir búi
í kaupstað. Kaupstaðirnir eiga að breiða sig út yfir land-
ið í kring og hver húseigandi á að fá nokkuð land-
rými svo hann geti ræktað bæði dálítinn túnblett og mat-
jurtagarða í kringum sig. Kaupstaðirnir eiga að kaupa sem
mest af landi í kringum sig, svo að þeir geti þanið sig
út yfir það og gjört það að arðsamri og hollri eign í-
, búa sinna í framtíðinni. Akureyrarbær hefur riðið á vað-
ið, og það er þegar farið að koma ír ljós, hve íbúarnir
eru fúsir á að rækta og hagnýta sér hið keypta land.
Far er kominn vísir til sveitalífs í kaupstöðum, sem á að
vaxa og verða mörgu fólki til góðs. í framtíðinni verð-
ur vonandi hægt að nota rafmagn úr fossunum til að
knýja sporvagna um göturnar til þess að greiða sam-
göngurnar um þessa bæi, sem verða víðáttumiklir en
langtum hollari enn nú tíðkast.
Guðm. Hannesson hefur í mörg ár verið að hugsa
. um endurbætur á húsakynnum íslenzkrar alþýðu, og
hann hefur varið miklum tíma og fé til að gjöra stein-
steyputilraunir og reyna að ráða fram úr því vanda-
máli, hvernig gjöra megi ódýr, rakalaus og hlý hús, sem
hver meðalskussinn gæti byggt sér sjálfur með dálítilli til-
sögn.
2*