Réttur - 01.01.1957, Qupperneq 94

94
RÉTTUR
fjendunum. Þeir hugðust endurheimta þau lönd, sem þeir misstu
í fyrri heimsstyrjöldinni, en biðu ósigur. Ungverjaland er sigrað
land, sigrað af Rússum og varð að gjalda þeim stríðsskaða-
bætur. Þegar rússnesku herirnir réðust inn í landið, var barizt
grimmilega á ungverskri grund. í her Rússa munu þeir hafa
verið fáir, sem ekki áttu um sárt að binda af völdum fasisku
innrásarherjanna, höfðu ef til vill misst hús og heimili, eða átt
nána ættingja og vini, sem fasistar höfðu myrt eða flutt brott
með sér og hneppt í þrældóm. Ekki er að undra þótt ýmsar
greinir yrðu með mönnum, þegar slíkur her réðist inn í landið,
enda er óhætt að segja um allmikinn hluta rússneska hersins í
stríðslok, að hann var allur annar en í upphafi styrjaldarinnar
og verr agaður.
Gyðingahatur hefur lengi legið í landi í Ungverjalandi. Rak-
osi var Gyðingur og mikill vinur Stalíns. Þetta auðveldaði and-
stæðingunum mjög áróðurinn. Nærri má geta að ræða Krustjoffs
hefur lagt þeim skæð vopn í hendur.
Marxistar hafa löngum lagt á það mikla áherzlu, að sósíal-
isminn er ekki útflutningsvara. Hver þjóð verður að sigrast á
yfirstétt síns lands og framkvæma sósíalismann af eigin ramm-
leik í samræmi við aðstæður heimalandsins. I Ungverjalandi var
yfirstéttin brotin á bak aftur af erlendum her. Byltingaröflin í
landinu höfðu ekki náð að þróast með eðlilegum hætti. Valda-
takan var ekki árangur mikillar byltingaröldu, er vakið hefði
þá krafta með þjóðinni, sem færir voru um að framkvæma
hin miklu umskipti með virkri þátttöku meginþorra fólksins. Að
þessu leyti er þróun mála í Ungverjalandi harla ósambærileg
við t. d. Sovétríkin eða Kína. Það hefði satt að segja verið mikið
undur, ef þetta hefði tekizt stórslysalaust. Samt sem áður munaði
litlu að það tækist, og það hefði tekizt að forðast slysið, ef ekki
hefðu verið stigin örlagarík víxlspor.
í Ungverjalandi var yfirstéttin enganveginn upprætt með jafn
róttækum hætti og í rússnesku byltingunni. Helstu forustumenn