Réttur - 01.01.1957, Qupperneq 149

RÉTTUR
149
hana þjóðinni. Nú þegar hefur verið tekin ákvörðun um.
1. Að leita samninga um smíði á 15 togurum og lánsfé til
þess, enda verði skipunum ráðstafað og þau rekin af
hinu opinbera og á annan hátt með sérstöku tilliti til
þess að stuðla að jafnvægi í byggð landsins.
2. Að beita sér fyrir því að hafizt verði handa um fram-
haldsvirkjun Sogsins og lánsútvegun í því sambandi.
3. Að leita eftir erlendum lánum til framkvæmda í land-
búnaði, iðnaði og hafnargerð.
Ríkistjórnin lítur á stöðvun verðbólgunnar sem eitt höf-
uðverkefni sitt. Hún mun leggja sérstaka áherzlu á að
koma í veg fyrir óeðlilegan gróða milliliða og beita sér
fyrir, að fjármálastefna bankanna verði í samræmi við
þarfir atvinnuveganna og uppbyggingar og framfarastefnu
ríkisstjórnarinnar. í því sambandi mun ríkisstjórnin beita
sér fyrir breytingum á bankalöggjöf landsins m. a. því að
seðlabankinn verði settur undir sérstaka stjórn.
Lögð verði rík áherzla á lausn húsnæðismálanna. Unnið
gegn braski með byggingar og húsaleiguokri og að því að
tryggja íbúðarhúsnæði með viðráðanlegum kjörum.
Rafvæðingu landsins verði hraðað.
Áherzla verður lögð á að auka ræktun og bústofn lands-
manna.
Ríkisstjórnin leggur áherzlu á stækkun íslenzku land-
helginnar og telur, að stækkun friðunarsvæðisins í kring-
um landið sé nú brýn nauðsyn vegna atvinnuöryggis lands-
manna og mun því beita sér fyrir framgangi þess máls.
Ríkisstjórnin mun í utanríkismálum fylgja fram ályktun
Alþingis 28. marz s.l. ,,um stefnu íslands í utanríkismálum
og meðferð varnarsamningsins við Bandaríkin.“
Ríkisstjórnin mun vinna að því að lokið verði á starfs-
tíma stjórnarinnar endurskoðun stjórnarskrár lýðveldisins
og kosningalaga og munu stjórnarf lokkarnir vinna að sam-
komulagi sín á milli um lausn þessara mála.
Það er samkomulag stjórnarflokkanna, svo sem að und-
anförnu hefur tíðkazt, að forsætisráðherra geri ekki tillögu