Réttur - 01.07.1930, Blaðsíða 52

268 ALÞJÓÐASAMHJÁLP VERKALÝÐSINS [Rjettur
stofnaði framleiðslustöðvar og tilraunabú. Það varð
fyrst til þess, að senda dráttarvél til Rússlands. Þessi
samhjálp verkalýðsins hjálpaði rússnesku þjóðinni
stórkostlega á þessum neyðartímum, og allir urðu að-
njótandi hjálparinnar, hvar sem þeir stóðu í pólitík.
Næst hjálpaði ASV stórkostlega eftir jarðskjálftana
miklu í Japan sumarið 1922.
Hundruð þúsunda verkamanna voru húsnæðislausar,
vinnulausar og bjargarlausar. Japanska stjórnin
skeytti lítið um þjáningar þeirra. Hún hjálpaði í stað
þess yfirstéttinni því betur. ASV skarst í leikinn og
safnaði handa japanska verkalýðnum. Hjálpin var
samtímis mótmæli gegn framkomu japönsku stjórnar-
innar í máli þessu.
í þriðja sinn hófst ASV handa í hungursneyðinni
miklu í Þýzkalandi. í þetta sinn varð starf þess bein-
línis vörn gegn kúgun auðvaldsskipulagsins, því að
hungursneyðin í Þýzkalandi var ekki eins og í tveimur
fyrgreindum föllum af völdum náttúrunnar, heldur or-
sakaðist hún af þjóðfélagsfyrirkomulaginu, stríðsaf-
leiðingum og eftirfarandi beinum árásum auðvalds-
stjórnarinnar á verkalýðinn. Atvinnurekendur notuðu
sér neyð fjöldans til þess, að kúga hann til ódýrari
vinnu, lengri vinnutíma o. s. frv. ASV tók af nýju til
óspiltra málanna með ágætum árangri. Samábyrgð
þýzku alþýðunnar kom hér til hjálpar. Félagið stofn-
setti almenningseldhús um alt landið, sendi margar
þúsundir barna úr landinu og kom þeim fyrir hjá góðu
fólki, auk þess sem það stofnaði mörg barnaheimili
innanlands. Fötum og öðrum nauðsynjum var útbýtt í
stórum stíl. Verkamenn, sem neitað var um vinnu
vegna pólitískra skoðana, eða voru í verkföllum, urðu
líka hjálparinnar aðnjótandi. ASV hjálpaði þannig
verkalýðnum til þess, að komast hjá því, að hann yrði
gersigraður af mótstöðumönnunum með hinu volduga
vopni, hungrinu. Á líkan hátt hjálpaði ASV verka-