Réttur - 01.07.1930, Side 77

Rjettur] BYLTIN GARHRE YFIN GIN 1 KÍNA 293
Þær eru vaknaðar til meðvitundar um það, að eina ráð-
ið til að losna undan ánauðaroki bins erlenda auðvalds
er barátta, barátta með vopni í hönd. Allur þessi múg-
ur, sem virtist fyrir nokkrum árum lifa sinnulausu
móklífi Austurlanda, hefir nú snögglega risið upp og
sagt hinum erlendu drotnurum stríð á hendur. Hvar
er sú þjóð Asíu, sem ekki hefir gripið vopn í hönd á
móti erlendum böðlum, hvar er sú þjóð Austurlanda,
sem ekki er í uppreisn? Hún er hvergi til. Allar hrista
þær hlekkina, allar reyna þær máttarviðina í heims-
byggingu auðvaldsins. Indland logar í uppreist, og
breska »jafnaðarmannastjórnin« á fult í fangi með að
lægja bálið. Engin ráð duga, hvorki góð nje ill, til að
hefta hina austurlensku uppreisnarhreyfingu. Indó-
Kína rís hvað eftir annað upp til að losa sig við járn-
greipar hins franska imperialisma. Og Kína sjálft
hefir hafið upp merki ráðstjórnarvaldsins til ögrunar
öllu heimsauðvaldinu. Öll Asía er orðin alelda í báli
byltingarinnar, og enginn mannlegur máttur fær slökt
það bál.
Ráðstjórnarhreyfingin í Kína verður til þess að æsa
eldana enn meira. Hún gefur öðrum þjóðum Asíu for-
dæmi um, hvernig þær eiga að skipuleggja baráttu
sína. Hún innleiðir tímabil ráðstjórnarvaldsins í Asíu.
Hver einasti sigur ráðstjórnarvaldsins í Kína mun end-
uróma um alla Asíu. Hver einasta uppreisnarþjóð Asíu
mun herða á baráttu sinni við sigurför ráðstjórnar-
valdsins kínverska.
Drotnarar Asíu, auðvald Evrópu og Ameríku, vita
ósköp vel, hvílík hætta valdi þeirra stafar frá ráð-
stjórnarhreyfingu Kína. Þeir vi'ta, að með uppkomu
ráðstj órnarvaldsins í Kína eru uppreistir Asíuþjóða
komnar á nýtt þróunarstig — þróunarstig hins bylting-
arsinnaða lýðræðis verkamanna og bænda, sem er und-
anfari öreigaalræðisins. Stórveldin hafa líka verið við-
bragðsfljót í Kína, er þau sáu, hver hætta var á ferð-