Réttur - 01.08.1968, Blaðsíða 39
menn stýra, hefur rignt sprengjum yfir svelt-
andi borgara Biafra.
Stríðið í Nígeríu er blóðskattur sem íbúar
landsins mega gjalda hinu „svarta gulli" olíu-
hringanna og valdastreitu stórveldanna. Með-
an þessir aðilar fara sínu fram, bíður mann-
kynið eftir því, án þess að hafast að, að skozki
trúboðinn skýri næsta fréttamanni frá því að
spá sín hafi reynzt rétt: önnur miljón Biafra-
manna hafi dáið drottni sínum í árúst og
september.
ZAMBIA OG
TANZANIA
Fasistastjórnin í Suður-Afríku á nú við
vaxandi mótspyrnu að etja. Skæruhernaður
er hafinn í landinu. En stjórnin hyggst geta
haldið við alræði 3 miljónar hvítra manna
yfir 15 miljónum manna, sem sviptir eru
mannréttindum. En það mun þeim reynast
erfitt, er stundir líða fram og sókn hinna
undirokuðu harðnar.
Einn liður í kúgunarherferð hvítu yfirstétt-
arinnar er í krafti auðs síns að ná tökum á
löndunum í kring, svo og í þeim nýjum smá-
ríkjum, eins og Basutalandi, Lesotho og
Zwazilandi, sem umkringd eru af Suður-
Afríku. Hefur fasistastjórninni t.d. tekizt að
ná tökum á Malawi, sem áður hét Njassa-
land, og hefur forsætisráðherra þess, Banda,
reynzt henni leiðitamur.
En það eru tvö nágrannaríki þar sem for-
ystumennirnir standa eins og hetjur á verði
gegn ágangi hvím fasistanna: Þessi ríki eru:
Zambía, sem áður hét Norður-Rhodesía, en
þar er Kaunda forseti, og Tanzanía, áður
Tanganyaka og Zansibar, en þar er Nyere
forseti. Hafa þessir þjóðarleiðtogar í ræðu og
riti afhjúpað kúgunina í Suður-Afríku og í
verki unnið vel að því að varðveita þjóðir
sínar gegn ágangi fasistanna.
En ágangur Suður-Afríku er mikill og
hverskonar brögðum og glæpum beitt að
bandarískum hætti. Samsæri hafa verið gerð
til þess að reyna að drepa þessa forseta eða
steypa þeim af stóli. Hverskonar múmm og
skemmdarverkum er beitt til þess að reyna að
eyðileggja uppbyggingarstarfið. — En ekkert
af þessu hefur tekizt enn þá. Tímarit hins
bannaða Kommúnistaflokks Suður-Afríku,
„The African Communist", segir mjög vel frá
þessari hörðu baráttu í 3. hefti yfirstandandi
árgangs og fleira er þar að finna um hina
hetjulegu frelsisbaráttu, sem háð er í Suður-
Afríku við hinar erfiðustu aðstæður.
163