Réttur - 01.10.1982, Qupperneq 50

draga ályktun um þau baráttusvið, sem
verkalýðshreyfingin og stjórnmálaarmur
hennar ætti að leggja áherslu á á komandi
árum. Pað er í fyrsta lagi forgangsverk-
efni, að þessir aðilar móti ýtarlega efna-
hagsstefnu, sem unnt er að setja fram sem
skýran og trúverðugan valkost á móti
efnahagshugmyndafræði atvinnurekenda.
í þessari efnahagsstefnu er ekki nægilegt
að tína til rök fyrir réttlátari tekjuskipt-
ingu. Pað er ekki síður nauðsynlegt að
taka á því skipulagi efnahagsstarfseminn-
ar, sem ræður þeim þjóðartekjum, sem til
ráðstöfunar eru á ári hverju. Allt of lengi
hafa atvinnurekendur leikið þann leik að
bæta hag sinn á kostnað þjóðartekna,
t.a.m. með því að skapa atvinnukreppu.
Til þess að þessu marki verði náð er
nauðsynlegt, að launþegahreyfingin efli
eigin hagrannsóknir og komi á laggirnar
sjálfstæðum stofnunum á því sviði til
mótvægis við hagdeildir atvinnurekenda.
Með hjálp slíkrar sjálfstæðrar hagfræði-
vinnu er ennfremur unnt að gera rök-
studdar kröfur til opinberra efnahags-
stofnana um að þær láti af hlutdrægni
sinni í efnahagsumræðunni.
Þessi vinna væri þó að miklu leyti unnin
fyrir gýg, ef ekki væri unnt að koma
niðurstöðunum á framfæri við kjósendur
og launþega. Pað er því annað forgangs-
verkefni verkalýðssamtakanna að efla
kynningar- og fræðslustarf sitt bæði innan
eigin vébanda og út á við og með virkri
þátttöku í fjölmiðlabaráttunni.
242