Réttur - 01.10.1982, Page 58

hættu að tapa fjármunum, sem eru meiri
en eignir bankans. — Einn hagfræðingur
Brasilíu, Celso Ming, gerði góðlátlegt
grín að ástandinu, — Brasilía skuldar 70
milljarða dollara — og sagði: „Ef ég
skulda eina milljón dollara, er úti um mig.
En ef ég skulda 50 milljarða, þá er úti um
bankana!“
Voldugustu bankar heimsins óttast
hrun, ef hart er gengið að skuldunautum.
Þeir reyna því að semja, lána meira og
lengur, — en hvað, ef kreppan versnar?
Myndin í „The Times“ sýnir hvað banka-
auðvaldið óttast.
Brésnjef Iátinn
Leonid Iljits Brésnjef, aðalritari
Kommúnistaflokks Sovétríkjanna og for-
seti þeirra, andaðist 10. nóv. sl. 75 ára að
aldri.
Brésnjef var fæddur 19. des. 1906.
Faðir hans var stálverkamaður. Fór hann
sjálfur að vinna í járn- opg stálverksmiðj-
um 15 ára að aldri. Hann gengur 17 ára í
æskulýðshreyfingu Kommúnista og í
Kommúnistaflokkinn 1931. 1938 varð
hann ritari héraðsnefndar flokksins í
Dnepropetrovsk. Tók þátt í stríðinu og
var gerður að hershöfðingja. 1952 var
hann kosinn í miðstjórn flokksins og varð
einn af riturum miðstjórnar. 1957 var
hann kosinn í framkvæmdanefnd mið-
stjórnarinnar og frá júní 1963 ritari, en
14. okt. 1964 aðalritari Kommúnista-
flokksins. Forseti ríkisins var hann 1960-
64 og síðan frá 1977 til dauðadags.
Kommúnistaflokkurinn lýsti sorg sinni
við dauða hans með ýmsu móti og þjóðar-
sorg var ákveðin í Sovétríkjunum í 4
daga. Var hann jarðsettur með mikilli
viðhöfn í Kremlmúrnum 15. nóvemberog
Brésnef.
hélt Jurí Andropov, er kosinn var aðalrit-
ari flokksins eftir hann minningarræðu
um hann, svo og Dmitri Ustinov, félagi í
framkvæmdanefnd flokksins.
Fjöldi fulltrúa erlendra ríkisstjórna,
svo og fulltrúar fjölda kommúnistaflokka
hvaðanæva úr heiminum voru viðstaddir
athöfnina, til að votta hinum látna leið-
toga virðingu sína.
Jurí Andropov kosinn aðalritari
Kommúnistaflokks Sovétríkjanna.
Jurí Vladimirovits Andropov var kos-
inn aðalritari flokksins eftir Brésnjef.
Hann var fæddur 15. júní 1914 og var faðir
hans járnbrautarverkamaður. 16 ára gam-
all fór hann að vinna verkamannavinnu í
Ossetiu. 1936 gekk hann í hreyfingu
250