Réttur - 01.01.1975, Qupperneq 2

anir. Braskararnir eru komnir upp á lagið svo um munar. Þeir munu láta kné
fylgja kviði, ef þeir þora. Það er aðeins eitt sem þeir óttast: pólitíska sam-
stöðu verklýðssamtakanna. En þeirtreysta á leynivopn sitt til að hindra slíkt:
kenninguna um að verklýðssamtökin eigi að vera ,,ópólitísk“.
Kenningin um ,,ópólitísku“ verklýðssamtökin er krítarstrikið, sem valdhaf-
arnir vilja draga í kringum verklýðshreyfinguna svo henni fari þá sem hænu,
sem ekki þorir að hoppa út fyrir. Valdhafarnir vilja gjarna hafa verkalýðs-
stéttina að hænu, er verpi þeim gróðaeggjum, uni vel við sitt skammtaða
fóður, hafi frelsi til að garga öðru hvoru, — en hoppi bara ekki út fyrir
krítarstrikið.
Yfirstéttin íslenska hefur séð verklýðshreyfingu lands vors I arnarham.
Þá óttast hún ris hugsana hennar og mátt samtaka hennar. Lítilsigld en
klók veit sú valdastétt, að þegar risið og valdið fer saman, leysir verklýðs-
hreyfingin þau vandamál, sem valdstéttin stendur ráðþrota gagnvart. Því
vill hún kreppa þankann innan krítarstriksins. Hún veit að „krepptur þank-
inn þolir ekki þetta háa ris.“
Því er það draumur þeirra valdhafa, er hafa asklok fyrir himin og gróðann
fyrir hugsjón að umhverfa erni verklýðshreyfingarinnar í hænu krítarstriksins.
En sá draumur mun ei rætast. Klippa má fjaðir arnar um stund, knýja hann
til að fljúga lágt, jafnvel sá eitri í hreiðrið. — En aftur mun hann hefja sig
til flugs. örn íslenskrar verklýðshreyfingar hefur áður flogið fugla hæst —
og gleymir því flugi ekki.
Alþýðan mun draga arnsúg, hvað sem gert verður til að smækka hana og
hefta. örn hennar mun þora að beita báðum vængjum til flugs. Enginn mun
til lengdar geta talið henni trú um að hollt sé að fljúga aðeins með öðrum
vængnum, því síður að heilladrjúgt sé að umhverfast í hænu.
★ ☆ ★
,,Réttur“ fer ekki varhluta af dýrtíð þeirri er almenning hrjáir. Þótt allt sem
ritað er í hann og unnið þannig fyrir hann sé ólaunað sjálfboðastarf, hrökkva
nú áskriftagjöld og auglýsingar ekki fyrir prentun, pappír og útsendingu.
Verður því að hækka áskriftargjöld í 600 kr. og eintakið í lausasölu í 200
kr. Birgðir árganganna af ,,Rétti“ í nýja brotinu, frá og með 1967, eru nú brátt
á þrotum og verða héðan af seldir á 400 kr. árgangurinn eða 100 kr. heftið,
uns annað verður ákveðið. Af næstu árgöngum á undan aftur til 1958 er
nokkuð til, en nokkur hefti þar af þó að þrotum komin. Verða hefti eldri
árganga yfirleitt seld á 100 kr., nema sérstaklega sé um annað samið. —
— Hve vel þessi hækkun dugar til að halda ,,Rétti“ á floti, fer eftir því hve
vel gengur að afla nýrra áskrifenda. Einnig er það undir skilvísi áskrifenda
komið og verður innheimta árgangsins hafin nú strax eftir útsendingu
þessa heftis.