Réttur - 01.10.1975, Side 58

skilning að í Jandhelgismálinu er um þessar
mundir barist um tilverugrundvöll íslenskrar
þjóðar. Flokksráðsfundur Alþýðubandalags-
ins heitir á alla þá, sem skilja hvað er í húfi
að gera sér ljósan háskann af núverandi
stjórnarstefnu, að sameinast um kröfuna:
Oskoruð yfirráð íslendinga sjálfra yfir landi
sínu, gögnum þess og gceSum, ásamt öllum
auðlmdum íslenska landgrunnsins og sjávar-
ins yfir því."
Vinborg Harðardóttir hafði framsögu á
fundinum um jafnréttismál. I ályktun fund-
arins um það mál segir:
„Það verður að heyja baráttuna fyrir jafn-
rétti kynjanna í nánum tengslum við baráttu
verkalýðshreyfingarinnar og konur verða að
vera virkar í stéttarfélögum sínum. Á sama
hátt verður verkalýðshreyfingin að taka fullt
tillit tii jafnréttis- og frelsisbaráttu kvenna og
gera að sinni. Aðeins frjálsar undan fordóm-
um og með sama rétt og skyldur og karlar
geta konur raunverulega orðið virkar í sam-
eiginlegri baráttu.
Flokksráðsfundurinn minnir á að jafnrétti
er grundvallaratriði í stefnuskrá Alþýðu-
bandalagsins og lýsir yfir fullum stuðningi
við jafnréttis- og frelsisbarátm kvenna.
„Engin kvennabarátta án stéttabaráttu!
Engin stéttabarátta án kvennabaráttu!”
I ályktun um flokksstarfið sem starfshópur
á fundinum undirbjó að undangengnum um-
ræðufundi ungra sósíalista um flokksstarfið,
þá var samþykkt að nýkjörinni miðstjórn
bæri að veita starfinu að verkalýðsmálum
algeran forgang og hefja skipulagningu á
öflugu verkalýðsmálastarfi. Auka yrði um-
ræðu og skoðanaskipti innan flokksins og
samþykkt var að koma á fót fræðslumiðstöð
er annaðist fyrirgreiðslu við fræðslustarf fé-
lagsdeilda og skipuleggði erinda- og nám-
skeiðshald.
A flokksráðsfundinum var kjörin ný mið-
stjórn, en sú lagabreyting var gerð á fundin-
um að fjölgað var í miðstjórn og sitja nú 45
menn í miðstjórn.
AÐVARANIR UM HRUN
ÞJÓÐARBÚSKAPAR
Fiskifræðingar og starfshópur á vegum
Rannsóknarráðs ríkisins hefur aðvarað þjóð-
ina á hinn alvarlegasta hátt um yfirvofandi
hrun þjóðarbúskaparins, ef ekki er komið á
virkri stjórn veiðanna nú þegar, er takmarki
fyrst og fremst veiðar þorsksins.
A áraatgnum 1951—60 var meðal þorsk-
afli 468 þús smálestir, á áratugnum 1961—
70 var hann kominn niður í 395 þús. smá-
lestir. Standist spár má búast við að meðal-
aflinn yfirstandandi áratug verði 325 þús.
smálestir. Verði ekkert að gert má búast við
minnkun niður í 320 þús. smálestir árið
1978 og allt niður í 230 þús. árið 1979-
Síðan myndi halda áfram að versna: 1985
t.d. niður í 100 þús. smálestir. Hætta er svo
á algerum bresti stofnsins.
M. ö. orðum: Með því fyrirhyggjuleysi, er
ríkt hefur, getur afleiðingin í versta falli orð-
ið efnahagslegt hrun og gjaldþrot þjóðarinn-
ar.
Það má forða frá þessum ófarnaði, ef tekin
er upp virk stjórn á veiðunum. Yrði þá
aflinn á næsta ári að dragast saman, líklega
niður í 210 þús. smálestir, en síðan mætti
búast við stöðugri aflaaukningu í krafti virkr-
ar stjórnar og getur þá aflinn, ef klak tekst
vel verið kominn yfir 400 þús. smálestir
1985. — Þannig má bjarga þorskstofninum
með virkri stjórn á veiðunum.
Menn munu minnast þess að undangengn-
ar tvær heimsstyrjaldir björguðu þorskstofn-
inum, er hann var í hættu kominn. Nú verð-
um vit vor sjálfra — og virk barátta út á
við — að vinna það verk. Það ber allt að
266