Morgunblaðið - 26.03.2006, Side 6

6 SUNNUDAGUR 26. MARS 2006 MORGUNBLAÐIÐ
FRÉTTIR
Skógarhlí› 18 • 105 Reykjavík • Sími 595 1000 • Fax 595 1001
Akureyri sími: 461 1099 • Hafnarfjörður sími: 510 9500
Costa del Sol
Frá 39.696kr.
frá 39.696 kr.
Netverð á mann með 10.000 kr.
afslætti, m.v. hjón með 3 börn,
2-11 ára, vikuferð 18. eða 25. maí.
Castle Beach íbúðahótelið.
Margar brottfarir í júní og
ágúst að seljast upp
Bókaðu núna áwww.heimsferdir.is
E
N
N
E
M
M
/
S
IA
/
N
M
20
62
5
Egilsstöðum | Enginn vafi er á því að
á næstu árum mun sú starfsemi Ís-
lenskra orkurannsókna (ÍSOR) fara
vaxandi sem lýtur að ráðgjöf til ann-
arra þjóða,“ sagði Valgerður Sverr-
isdóttir iðnaðar- og viðskiptaráð-
herra við upphaf ársfundar ÍSOR á
Egilsstöðum sl. föstudag.
Valgerður segir hagkvæmni jarð-
hitans fyrir íslenskt samfélag hafa
fyrir fáum árum verið metna á 10–15
milljarða árlega m.v. að upphitunar-
aðferðir frá 1970 hefðu verið
óbreyttar. „Möguleikar á aukinni
nýtingu jarðvarma til upphitunar
eru verulegir með bættri tækni og
rannsóknum. Þá virðast möguleikar
á aukinni raforkuframleiðslu á há-
hitasvæðum landsins vera meiri en
áður hefur verið reiknað með. Eftir
því sem vísindum, tækni og þekk-
ingu hefur fleygt fram hafa útreikn-
ingar okkar færustu vísindamanna
breyst í takt við fyrirliggjandi stað-
reyndir hvers tíma,“ sagði Valgerður
með tilvísun til nýútkominnar bókar
Andra Snæs Magnasonar, þar sem
hann reyni m.a. að gera álit ýmissa
sérfræðinga á sviði orkumála tor-
tryggilegt.
Að sögn ráðherra verða nk. haust
á vegum íslenska jarðhitaskólans tvö
námskeið í jarðhitaleit, annars vegar
fyrir Afríkuríki og hins vegar Mið-
Ameríkuríki og verða námskeiðin
haldin í Kenýa og Costa Rica af ís-
lenskum jarðhitasérfræðingum og
fyrrum nemendum jarðhitaskólans.
Þá stendur til að Íslendingar aðstoði
Grænlendinga við rannsóknarboran-
ir á Diskóeyju í sumar.
Annríki í rannsóknum
háhitasvæða til raforkuvinnslu
Ólafur G. Flóvenz, forstjóri ÍSOR,
sagði liðið ár hafa verið annríkt hjá
fyrirtækinu, unnið hefði verið að
margvíslegum rannsóknar- og ráð-
gjafarverkefnum, bæði í tengslum
við virkjanir í byggingu og undirbún-
ing nýrra virkjana. Tengdist stærsti
hluti vinnu ÍSOR áformum um nýt-
ingu háhitasvæða til raforkuvinnslu
og bar þar hæst vinnu tengda bygg-
ingu raforkuveranna á Hellisheiði og
Reykjanesi. Að sögn Guðrúnar H.
Brynleifsdóttur, stjórnarformanns
ISOR, hefur mótun stefnu til næstu
ára fyrir fyrirtækið verið í brenni-
depli og er einhugur um að ÍSOR
verði áfram leiðandi rannsóknar-,
þróunar- og ráðgjafarfyrirtæki í
jarðhitamálum og í fremstu röð
slíkra fyrirtækja á heimsvísu. Gildi
þá einu hvort fyrirtækið verði áfram
í eigu hins opinbera eða gert að
hlutafélagi og selt, sem Guðrún telur
ólíklegt að svo stöddu.
Rúmlega 100 manns sóttu fund-
inn.
Rætt um rannsóknir á jarðvarma og nýtingu á ársfundi Íslenskra orkurannsókna
Auknir möguleikar með
meiri tækni og þekkingu
Morgunblaðið/Steinunn Ásmundsdóttir
Ársfundur ÍSOR fór fram á Egilsstöðum og beindist athyglin m.a. að jarðhita- og neysluvatnsleit á Austurlandi.
REKSTUR Mosfellsbæjar gekk vel
á árinu 2005 og var umtalsvert
betri en gert var ráð fyrir í fjár-
hagsáætlun sem samþykkt var í
desember 2004. Var rekstrarnið-
urstaða sveitarfélagsins, sam-
kvæmt samanteknum ársreikningi
A og B hluta, jákvæð um 514 millj.
kr.
Þetta kemur fram í ársreikningi
Mosfellsbæjar fyrir árið 2005 sem
lagður var nýverið fram til kynn-
ingar fyrir bæjarráð og vísað til
bæjarstjórnar. Fyrirhugað er að
fyrri umræða um ársreikninginn
verði í bæjarstjórn hinn 29. mars og
að seinni umræða verði 12. apríl nk.
Rekstrartekjur sveitarfélagsins á
árinu námu 3.062 millj. kr. sam-
kvæmt samanteknum ársreikningi
fyrir A og B hluta, en þar af námu
rekstrartekjur A hluta 2.808 millj.
kr.
Eigið fé sveitarfélagsins í árslok
2005 nam 1.840 millj.kr. samkvæmt
efnahagsreikningi, en þar af nam
eigið fé A hluta 1.304 millj. kr.
Eiginfjárhlutfall hækkar því milli
ársloka 2004 og 2005 úr 25% í 33%
og í A hluta úr 18% í 29%.
Jákvæð afkoma
Mosfellsbæjar
TÆPLEGA sautján þúsund gestir
sóttu sýninguna Verk og vit 2006.
Rúmlega 120 fyrirtæki tengd
byggingariðnaði, mannvirkjagerð
og skipulagsmálum tóku þátt í
henni. Lögðu sýnendur mikla
vinnu og metnað í að gera sýning-
arbása sína sem glæsilegasta og
var mikil áhersla lögð á kynningu
fyrirtækjanna af starfsfólki
þeirra.
Mörg stærstu fyrirtæki og félög
í byggingariðnaði tóku þátt í sýn-
ingunni. AP sýningar, sem er í
eigu AP almannatengsla ehf., sáu
um framkvæmd sýningarinnar í
samvinnu við iðnaðar- og við-
skiptaráðuneytið, Reykjavíkur-
borg, Samtök iðnaðarins, Lands-
banka Íslands og Ístak.
Um 17.000 heim-
sóttu Verk og vit
SKÓGARÞRESTIRNIR eru ekkert
tiltakanlega snemma á ferðinni
þetta árið. Ástæðan er án efa norð-
lægir vindar og kuldar sem þeim
fylgja. Brynjúlfur Brynjólfsson hjá
Fuglaathugunarstöð Suðaustur-
lands á Höfn sagði að um 20 skógar-
þrestir hefðu komið til Hafnar 22.
mars, en í fyrra sáust fyrstu skóg-
arþrestirnir 20. mars. Ekki hefðu
sést neinir þrestir síðan, en þeir
myndu örugglega koma um leið og
blása færi úr austri eða suðaustri.
Morgunblaðið/Sverrir
Kalt hjá
skógar-
þröstunum
VÍÐA er það svo að starfsfólk fyrir-
tækja notar þorra bílastæða sem eru
í kringum vinnustað þess, hvort sem
starfsemin er verslun, viðskipti eða
þjónusta. Með nýju kortunum ættu
fyrirtæki að ná að
losa fleiri stæði
fyrir viðskipta-
vini. Þetta segir
Hörður Gíslason,
aðstoðarfram-
kvæmdastjóri
Strætó bs., en hjá
fyrirtækinu er í þróun nýtt strætó-
kort sem sérstaklega verður sniðið
að fyrirtækjum.
Skemmtileg nýjung
Hörður segir að vísast til verði
kortinu beint að stærri fyrirtækjum
en um verður að ræða langtímakort
fyrir allmarga starfsmenn – til að
halda niðri kostnaði. „Þarna er um
að ræða umtalsverðan sparnað fyrir
einstaklinginn, heimilin og ekki síst
fyrirtækin því það kostar að hafa
bílastæði fyrir starfsmenn sem
myndu annars nýtast fyrir við-
skiptavini,“ segir Hörður en tekur
fram að kortin séu en í þróun og því
ekki komin endanleg mynd á út-
færsluna. Ljóst er þó að slík kort
geta komið sér afar vel fyrir fyrir-
tæki, s.s. í verslunarmiðstöðvum á
annatíma eða í miðborginni þar sem
ævinlega er kvartað vegna skorts á
bílastæðum.
Hörður reiknar með að Strætó bs.
fari að bjóða upp á vinnustaðakortin
fljótlega en fyrirtækið hefur unnið
að forvinnslu að undanförnu með
nokkrum fyrirtækjum á höfuðborg-
arsvæðinu. Eftir þá vinnu efast
Hörður ekki um að viðbrögð fyrir-
tækja verði jákvæð, ekki síst þar
sem mörg fyrirtæki eru með um-
hverfisstefnu sem þessi þjónusta
ætti að falla að.
„Þetta er ágæt og skemmtileg
nýjung til að fá fólk til að taka stræt-
isvagn. Góður valkostur í allri um-
ræðu um vistvæna borg og byggðir,“
segir Hörður.
Mikill áhugi í kjölfar
„Skagavagnsins“
Strætó hóf áætlunarferðir til
Akraness í byrjun árs.. Í kjölfarið
hafa því vaknað spurningar um
hvort Strætó hafi í hyggju að hefja
strætisvagnaferðir frá Reykjavík til
Árborgar eða Reykjanesbæjar.
Hörður segir engar ákvarðanir hafa
verið teknar um áætlunarferðir til
nærliggjandi byggða en merkir mik-
inn áhuga frá báðum bæjarfélögun-
um.
„Þetta er heilmikið úrlausnarefni
og það tók ákveðinn tíma að þróa
það gagnvart Akranesi,“ segir Hörð-
ur og bætir við að Skagavagninn
svokallaði sé mikið notaður og hafi
þurft að grípa til þess ráðs að setja
stærstu gerð af vagni í tilteknar
ferðir, þ.e. að morgni og síðdegis.
Hann sér því ekki ástæðu til þess að
ætla að viðtökurnar yrðu síðri í Ár-
borg eða á Suðurnesjum.
„Það eru margir sem sækja orðið
vinnu og ekki síst skóla frá þessum
stöðum og það liggur alveg fyrir. Sú
mynd styrkist í sífellu að þetta sé
orðið eitt atvinnu- og skólasvæði.“
Strætó undirbýr útgáfu vinnustaðakorts
Skapa fleiri
bílastæði fyrir
viðskiptavini
Eftir Andra Karl
andri@mbl.is
LEIÐRÉTT
Starfandi
stjórnarformaður
Ranglega var sagt í blaðinu í gær
að Lýður Guðmundsson tæki við
sem forstjóri Exista. Hið rétta er að
Lýður verður starfandi stjórnarfor-
maður Exista. Eru viðkomandi
beðnir velvirðingar á þessu.
♦♦♦