Morgunblaðið - 22.04.2006, Page 28

28 LAUGARDAGUR 22. APRÍL 2006 MORGUNBLAÐIÐ
DAGLEGT LÍF Í APRÍL
www.gisting.dk
sími: 0045 3694 6700
Ódýr og góð gisting
í hjarta Kaupmannahafnar
Stærsti sveitabær í heimi er við-urnefni sem höfuðborg Nor-egs, Ósló, hefur oft verið köll-
uð. Það er ekkert skammarlegt við
það enda Ósló einstaklega falleg
borg með aðeins fimm hundruð þús-
und íbúa.
Hafnarsvæðið er eitt af því sem
ferðamenn verða að rölta um á ferð
sinni um Ósló. Við Akerbrygge er
fullt af flottum veitingastöðum og
krám auk verslana. Þar iðar allt af
lífi um leið og sól sést á himni og á
sumrin liggja veitinga- og skemmti-
bátar við bryggjuna og lífga upp á
mannlífið.
Borgin er tilvalin til útivistar enda
mikið af grænum svæðum um hana
alla. Á veturna má sjá fólk á göngu-
skíðum um alla borg og börn á snjó-
þotum, á sumrin fyllast svo allir
garðar af fólki sem nýtur lífsins í
góðra vina hópi.
Einn flottasti og vinsælasti garð-
urinn í Ósló er Vigeland-högg-
myndagarðurinn. Í garðinum standa
212 höggmyndir eftir listamanninn
Gustav Vigeland en hann fékk þetta
landsvæði að gjöf árið 1924 undir
höggmyndir sínar en auk þeirra
hannaði hann allan garðinn frá a til
ö. Höggmyndir Vigelands eru ein-
staklega fallegar og sýna yfirleitt
samskipti mannsins og hringrás lífs-
ins. Ein frægasta höggmyndin í
garðinum stendur á brúnni og nefn-
ist Litli reiði strákurinn.
Vel varðveitt víkingaskip
Í Ósló er mikið menningarlíf og
ófá söfn sem hægt er að skoða.
Edvard Munch er án efa frægasti
listamaður Noregs. Í Munch-safninu
gefur að líta mörg af helstu verkum
listamannsins auk þess sem safnið er
reglulega með sýningar eftir aðra
listamenn. Ríkislistasafnið í Noregi
hýsir þó eitt frægasta verk Munch,
Ópið. En í Ríkislistasafninu, sem er
staðsett í miðbænum, má sjá mál-
verk eftir norska listamenn í gegn-
um aldirnar auk þess sem safnið er
hin glæsilegasta bygging.
Íslendingar gætu líka haft ein-
staklega gaman af því að heimsækja
Víkingasafnið og skoða sameiginlega
arfleifð sína og Norðmanna. Þar má
m.a sjá best varðveitta víkingaskip
sem hefur fundist ásamt ýmsu öðru
sem komið hefur upp úr jörðu eftir
þessa merku forfeður okkar.
Miðbær Ósló er ekki stór og til-
valið að rölta um hann og upplifa
borgina. Við Karl Johans götu er
fjöldinn allur af veitinga- og kaffi-
húsum og mikill straumur af fólki.
Þar rétt hjá er líka þjóðleikhús
Norðmanna og dómkirkjan. Einnig
er hægt að rölta í gegnum Ráðhús
Óslóarbúa en sú bygging er afar um-
deild og sýnist sitt hverjum um feg-
urð hennar.
Holmenkollen-skíðasvæðið
Í kringum Ósló er mikill fjalla-
hringur enda borgin byggð í skeifu
kringum fjörð. Eitt frægasta mann-
virki Norðmanna er skíðastökkpall-
urinn á Holmenkollen. Þangað upp
er gaman að fara, útsýnið yfir borg-
ina er stórkostlegt og hægt er að
fara upp í skíðastökkpallinn og kom-
ast enn hærra. Auk þess sem Skíða-
safn er þar hjá stökkpallinum, en í
safninu er hægt að upplifa meira en
4.000 ár af skíðasögunni. Holmen-
kollen er einn vinsælasti ferða-
mannastaðurinn í Noregi enda er
 FERÐALÖG | Iðandi mannlíf, garðar og söfn í höfuðborg Noregs
Ein frægasta höggmyndin í Vigel-
and-garðinum stendur á brúnni og
nefnist Litli reiði strákurinn.
Morgunblaðið/Ingveldur
Vert er að skoða Holmenkollen-skíðastökkpallinn sem er uppi í hæðum
Óslóarborgar en þaðan er tilkomumikið útsýni yfir borgina.
Ertu á leiðinni til Óslóar?
þetta frábært útivistarsvæði sem
laðar að sér fjöldann allan af skíða-
áhugafólki ár hvert. Ef dvalið er í
Ósló er tilvalið að gista á Holmen-
NÝSTOFNAÐ Ferðafélag Siglu-
fjarðar stóð fyrir sinni fyrstu ferð á
föstudaginn langa, en þá var gengið
frá skíðasvæði Siglfirðinga í Skarðs-
dal á Súlur. Leiðsögumaður í ferð-
inni var göngugarpurinn Magnús
Eiríksson og tókst ferðin vel enda
var veður frábært.
Stofnfundur Ferðafélags Siglu-
fjarðar var haldinn 16. febrúar sl. og
er félagið deild innan Ferðafélags
Íslands.
„Okkur fannst tilfinnanlega vanta
einhvern félagsskap hér í bænum
sem skipulegði ferðir umhverfis
Siglufjörð og stuðlaði að merkingu
gönguleiða,“ segir Arnar Heimir
Jónsson, formaður félagsins. „Við
áttum ekki von á mörgum í félagið,
kannski fimmtán manns, en áhuginn
reyndist mikill og hafa nú um sjötíu
manns skráð sig.
Við ætlum okkur að vera með
nokkrar skipulagðar ferðir í sumar
og verður m.a. farin Skarðsganga í
samstarfi við Þjóðlagahátíðina í júlí.
Helgina 28.–30. júlí er áformuð fjöl-
skylduganga þar sem gengið verður
að rústum Evangers-verksmiðj-
unnar. Helgina 11.–13. ágúst verður
gengið í Héðinsfjörð. Einnig ætla fé-
lagar í ferðafélaginu að merkja
gönguleiðir í sumar og höfum við
fengið styrk frá Ferðamálastofu til
efniskaupa,“ segir Arnar.
 FERÐALÖG | Ferðafélag Siglufjarðar
Ljósmynd/Hörður Júlíusson
Norðlenskir göngugarpar fengu blíðskaparveður á föstudaginn langa í
fyrstu göngunni undir merkjum Ferðafélags Siglufjarðar.
Gönguferðir og
merkingar gönguleiða
Nánari upplýsingar um ferðir fé-
lagsins má fá í síma 844-3855
eða með því að senda póst á arn-
ar@siglo.is.
EITT vinsælasta hverfið í Ósló um
þessar mundir er Grünerløkka.
Hverfið sem var á niðurleið fyrir
ekki svo löngu er nú orðið suðu-
pottur menningarlífsins í Ósló, með
flottu næturlífi og kaffihúsum á
hverju horni. Andinn þar er ungur
og líflegur, þetta er hverfið þar sem
nýjasta tískan kemur fyrst í ljós og
öðruvísi búðir, m.a með föt ungra
norskra hönnuða, má finna út um
allt. Listamenn hafa tekið sér ból-
festu í hverfinu og eru margir þar
með vinnuaðstöðu og litlar búðir.
Áin Aker rennur í gegnum Grün-
erløkka að miðbæ Óslóar, meðfram
árbakkanum er mikið af krám og
veitingastöðum þar sem tilvalið er
að sóla sig í sumarblíðunni.
Aðalgöturnar í Grünerløkka eru
Markveien og Thorvald Meyers
gata.
 HVERFI
Þó að það sé óneitanlega dálítið hryssingslegt í Grünerløkka yfir vetrartímann eru í hverfinu margar sjarmerandi
byggingar, skemmtilegar verslanir, notaleg kaffihús og fjölbreytt úrval af veitingastöðum.
Suðupott-
ur menn-
ingarlífsins
Eftir Ingveldi Geirsdóttur
ingveldur@mbl.is