Morgunblaðið - 02.05.2006, Blaðsíða 4

4 ÞRIÐJUDAGUR 2. MAÍ 2006 MORGUNBLAÐIÐ
FRÉTTIR
w w w . b a k k a v o r . c o m
BAKKAVÖR GROUP – HLUTHAFAFUNDUR 9. MAÍ 2006
Hluthafafundur hjá Bakkavör Group hf. verður haldinn þriðjudaginn 9. maí 2006,
kl . 16:00 í Ársal Hótel Sögu, 107 Reykjavík.
Eftirtalin mál eru á dagskrá fundarins:
1. Kynning á þriggja mánaða uppgjöri félagsins.
2. Kynning á kaupum Bakkavör Group á Laurens Patisseries Limited.
3. Til laga til breytinga á samþykktum.
Eftirfarandi málsgrein bætist við 3. gr. samþykkta félagsins:
Stjórn félagsins er heimilt að auka hlutafé félagsins um allt að 85.000.000
króna að nafnvirði, með áskrift nýrra hluta. Hluthafar falla frá forgangsrétti
sínum til áskriftar að þessum nýju hlutum, skv. 34. gr. laga nr. 2/1995 um
hlutafélög. Engar hömlur verða á viðskiptum með hina nýju hluti . Þeir skulu
veita réttindi í félaginu frá skrásetningardegi þeirrar hækkunar sem þeir
ti lheyra. Hinir nýju hlutir skulu vera í sama flokki og með sömu réttindi og
aðrir hlutir í félaginu. Stjórn félagsins er falið að ákveða nánari útfærslu á
hækkun þessari m.t.t . verðs og greiðsluskilmála. Stjórn félagsins er heimilt
að ákveða að áskrifendur greiði fyrir hina nýju hluti að hluta eða öllu leyti
með öðru en reiðufé. Heimild þessi gildir ti l 9. maí 2007 að svo miklu leyti
sem hún hefur ekki verið nýtt fyrir það tímamark.
4. Önnur mál.
Fundarstörf fara fram á ensku.
Atkvæðaseðlar og önnur fundargögn verða afhent
við innganginn við upphaf fundarins.
Stjórn Bakkavör Group hf.
FJÖLÞJÓÐLEG rannsókn á gos-
inu í Grímsvötnum sem varð í nóv-
ember 2004 hefst í sumar og mun
standa yfir næstu þrjú árin. Magn-
ús Tumi Guðmundsson, prófessor í
jarðeðlisfræði við Háskóla Íslands,
sem stýrir verkefninu, segir að í
júlí og ágúst muni vísindamenn
fara í Grímsvötn til rannsókna.
Auk íslenskra sérfræðinga á þessu
sviði taka fræðimenn, meðal ann-
ars frá Þýskalandi og Ítalíu, þátt í
rannsókninni, en hún er styrkt af
Rannsóknasjóði Vísinda- og tækni-
ráðs.
„Grímsvatnagosið síðasta var
fremur stutt en frekar kröftugt
meðan á því stóð. Gosmökkinn
lagði nánast allan í sömu átt, norð-
ur og norðaustur og gjóskugeirinn
sem lagðist yfir jökulinn var því
mjög afmarkaður,“ segir Magnús
Tumi. Síðastliðið sumar hafi verið
mælt nokkuð nákvæmlega dreifing,
þykkt og magn gosmakkarins á
jöklinum. „Það sem við ætlum svo
að gera í samvinnu við hina út-
lendu sérfræðinga er að rannsaka
betur en hægt hefur verið að gera
áður í hvað orka gossins fór,
hvernig sprengivirknin var í gosinu
og hvaða gerð af sprengingum
myndaði öskuna og er ráðandi í
gosum af þessu tagi,“ segir Magn-
ús Tumi. Ferðir í Grímsvötn verði
einnig farnar á næsta ári og þá
verði líka gerðar tilraunir. „Gríms-
vatnakvika verður brædd upp og
sprengingar endurteknar með því
að dæla vatni inn í kvikuna. Það
verður gert í Þýskalandi en það er
eini staðurinn í heiminum þar sem
slíkar tilraunir eru gerðar,“ segir
Magnús Tumi.
Sérstakar aðstæður í Gríms-
vötnum nýttar til rannsókna
Hann segir að þau líkön sem til
eru af hegðun eldgosa, og sérstak-
lega gosmakka, byggist aðallega á
gosum eins og í Heklu þar sem ut-
anaðkomandi vatn komi ekki við
sögu. Í rannsóknunum á Gríms-
vatnagosinu vonist vísindamennirn-
ir til þess að geta gert betri grein
fyrir því en hægt hefur verið hing-
að til hvernig gosmökkur hegðar
sér og hvernig sprengivirkni goss-
ins á sér stað. Þá hafi gosið að
hluta til farið í gegnum jökul og
brætt ís og því sé hægt að meta
nokkuð nákvæmlega hversu mikil
orka fór í það. „Ísinn hjálpar okkur
að hluta til að fá nákvæmari mynd
af svona gosi heldur en er hægt að
gera víða annars staðar. Við erum
að nýta okkur þessar sérstöku að-
stæður sem voru í þessu gosi og
eru í Grímsvötnum til þess að
varpa skýrara ljósi á þessa gerð
eldvirkni. Þetta er líklega besta
tækifæri sem gefist hefur til þess
hingað til,“ segir Magnús Tumi.
Hann segir að fyrstu niðurstöður
verði ljósar í haust eða á næsta ári,
en þær snúi meira að gosinu sjálfu
og tengslum gosmakkarins og
gossins. Sprengivirknitilraunirnar
verði svo gerðar á næsta ári og
unnið verði úr þeim þá og á árinu
2008.
Sprengivirkni goss-
ins í Grímsvötnum
rannsökuð í sumar
Eftir Elvu Björk Sverrisdóttur
elva@mbl.is
Morgunblaðið/RAX
Frá eldgosinu í Grímsvötnum í nóvember 2004.
„VIÐ lítum á þetta sem góða við-
urkenningu á því starfi sem við höf-
um unnið síðastliðin þrjú ár. Hún
verður okkur hvatning til þess að
halda áfram á sömu braut,“ segir
Katrín Anna Guðmundsdóttir, tals-
kona Femínistafélags Íslands, en
félagið hlaut í gær jafnrétt-
isverðlaun Reykjavíkurborgar sem
þá voru veitt í fyrsta sinn. „Okkur
finnst það líka lýsa hugrekki hjá
Reykjavíkurborg að verðlauna
Femínistafélagið sem er af mörgum
álitið vera róttækt félag þó svo að
okkur finnist við vera mjög stillt,“
segir Katrín Anna.
Til jafnréttisverðlaunanna var
stofnað af jafnréttisnefnd Reykja-
víkurborgar og er tilgangur verð-
launanna að vekja athygli á því sem
vel er gert og vera þeim hvatning
sem vinna einarðlega að jafnrétt-
ismálum, að því er segir í tilkynn-
ingu frá Reykjavíkurborg vegna
verðlaunanna. Þar segir fjölmargar
tilnefningar hafi borist en dóm-
nefnd hafi verið einhuga um að
veita Femínistafélaginu verðlaunin
enda hafi félagið unnið ötullega að
jafnrétti kynja á ýmsum vettvangi.
Nefna megi vefsíðu félagsins, virk-
an póstlista, ýmsar sýningar og
uppákomur sem ætlað sé að vinna
gegn staðalímyndum kynjanna og
fegurðardýrkun. Þá hafi félagið
staðið fyrir karlmennskukvöldum,
sinnt fræðslu um jafnréttismál í
skólum, félagar þess haldið erindi á
fjöldamörgum málþingum og tekið
virkan þátt í opinberri umfjöllun
um jafnréttismál.
Óhefðbundnar leiðir farnar
„Félagið hefur á stundum farið
óhefðbundnar leiðir til að vekja at-
hygli á jafnréttismálum og má þar
nefna útgáfu krónu konunnar en á
hana vantar 35% sem er í takt við
þann tekjumismun sem er á milli
karla og kvenna. Einnig má nefna
bleiku börurnar sem nýr forsætis-
ráðherra fékk stútfullar af bókum
um jafnréttismál og femínisma. Fé-
lagið hefur átt samstarf við auglýs-
endur til að hamla gegn klámi í
auglýsingum,“ segir í tilkynningu
Reykjavíkurborgar.
Spurð um hvað sé framundan hjá
Femínistafélaginu segir Katrín
Anna að félagið ætli að taka þátt í
megrunarlausa deginum 6. maí
næstkomandi. Þá standi til að halda
aðalfund þess 30. maí og einnig sé
verið að undirbúa að mála bæinn
bleikan á kvenréttindadaginn, 19.
júní. Fólk verði hvatt til þess að
styðja jafnrétti með því bera eitt-
hvað bleikt þennan dag.
„Þá höfum við líka afhent bleiku
steinana, sem eru hvatning til ým-
issa aðila um að sinna jafnrétt-
ismálum,“ segir Katrín Anna Guð-
mundsdóttir.
Góð viðurkenning
Femínistafélag
Íslands hlýtur Jafn-
réttisverðlaun
Reykjavíkurborgar
Steinunn Valdís Óskarsdóttir borgarstjóri og Katrín Anna Guðmundsdóttir, talskona Femínistafélags Íslands.
KRISTINN Ólason hefur verið
ráðinn næsti rektor Skálholts-
skóla og tekur til starfa 1. júlí
næstkomandi, en stjórn Skálholts
tók ákvörðun um ráðninguna á
fundi í síðustu viku. Kristinn tek-
ur við stöðunni af Bernharði Guð-
mundssyni.
Kristinn Ólason er fæddur árið
1965 á Selfossi. Hann lauk emb-
ættisprófi frá guðfræðideild Há-
skóla Íslands 1992 og lagði stund
á klassísk fræði frá 1992 til 1996
við sama skóla. Hann nam gamla-
testamentisfræði við Otto-Fried-
rich háskólann í Bamberg og Al-
bert-Ludwigs háskólann í
Freiburg. Hann lauk doktorsprófi
árið 2003.
Síðan þá hefur hann gegnt
rannsóknarstöðu á vegum Rannís
með aðstöðu hjá Guðfræðistofnun
Háskóla Íslands. Hann hefur jafn-
framt verið stundakennari við
guðfræðideild Háskóla Íslands.
Hann er einn af stofnendum og
ritstjórum guðfræðitímaritsins
Glímunnar.
Kristinn Ólason nýr
rektor Skálholtsskóla
ÁBENDING um innbrot í fyrirtæk-
ið Papino’s pizzur við Núpalind í
Kópavogi um kl. 3 í fyrrinótt kom
lögreglu á spor þjófanna.
Eftir að ábendingin barst hóf lög-
reglan leit að bifreið eftir lýsingu
sjónarvotta. Fannst bifreiðin
skömmu síðar og í henni hinir meintu
þjófar, fjórir menn um tvítugt sem
allir voru handteknir og færðir til
fangageymslu lögreglu. Eru þeir
grunaðir um fjölda annarra innbrota
undanfarið og voru yfirheyrðir í gær.
Málið er enn í rannsókn.
Brotist inn hjá Papino’s