Morgunblaðið - 02.05.2006, Blaðsíða 40

40 ÞRIÐJUDAGUR 2. MAÍ 2006 MORGUNBLAÐIÐ
FÖSTUDAGINN 26. maí verður
blásið til stórtónleika á Nasa í
Reykjavík þar sem tónlistarmað-
urinn Jon Spencer, úr Jon Spencer
Blues Explosion og Pussy Galore,
kemur fram ásamt rokkabillíbandi
sínu Heavy Trash. Með honum í
hljómsveitinni er Matt Verta Ray
sem var áður í Madder Rose og
Speedball Baby en á síðasta ári
sendi Heavy Trash frá sér sam-
nefnda plötu sem hlaut mikið lof
gagnrýnenda.
Ærslabelgirnir í hljómsveitinni
Powersolo munu einnig koma fram á
tónleikunum en tónlist þeirra hefur
verið uppnefnd „asnapönk“. Power-
solo spilaði á síðustu Airwaves hátíð
og vakti mikla lukku er þeir fram-
reiddu sinn magnaða kokteil fyrir
fullu húsi á Nasa. Sveitin er um
þessar mundir að gefa út sína þriðju
plötu Egg en fyrsta smáskífulagið af
henni, „Knucklehead“, var smáskífa
vikunnar hjá danska ríkisútvarpinu.
Þriðja sveitin sem kemur fram
þetta kvöld er hljómsveitin The
Tremelo Beer Gut en þessar þrjár
sveitir eru allar á mála hjá fremsta
indí merki Dana, Crunchy Frog.
Tremelo Beer Gut var stofnuð af
Yebo og Sune Wagner (Raveonet-
tes) eftir að þeir höfðu hlustað á
gamlar surf plötur á hljómleikaferð
með bandinu Psyched Up Janis sem
þeir báðir voru í. Tremelo Beer Gut
leikur að eigin sögn „surf & wes-
tern“ og hafa hitað upp fyrir Jon
Spencer Blues Explosion, auk þess
sem þeir voru opnunarband Hróars-
kelduhátíðarinnar árið 2000 þegar
þeir léku á stóra sviðinu fyrir fram-
an 30.000 tónleikagesti.
Tónlist | Jon Spencer og félagar á leiðinni til Íslands
Rokkabillí og asnapönk
Jon Spencer Blues Explosion.
Miðasala verður tilkynnt síðar og
á næstu dögum skýrist hvaða ís-
lenska hljómsveit mun kemur fram
sem sérstakur gestur. Miðaverð er
1.800 kr. auk miðagjalds.
ENN þykir það sæta tíðindum er
rokksveitin Pearl Jam gefur út nýja
breiðskífu. Í dag kemur út áttunda
breiðskífa sveitarinnar, samnefnd
henni. Pearl Jam er óhikað ein af
„stærstu“ rokk-
sveitum heims í dag, á
sér stóran hóp aðdá-
enda sem hefur staðið
með sínum mönnum í
gegnum þykkt og
þunnt. Síðustu plötur,
eins og Yield (’98), Bi-
naural (2000) og Riot
Act (2002) læddust í
búðir án lúðrablást-
urs en samfara því
var alltaf troðfullt í
risatónleikahöllum
um heim allan. Sveit-
in var ekki lengur á
allra vörum líkt og í árdaga gruggs-
ins, en greinilegt var að meðlimir
voru staðráðnir í því að vinna að sínu
af heilindum. Pearl Jam bakkaði vís-
vitandi úr sviðsljósinu, og hefur auð-
heyranlega grætt á því.
En ef að líkum lætur verða fréttir
af Pearl Jam plötum framtíðarinnar
stórtíðindi. Nýja platan er nefnilega
frábær og ég verð að viðurkenna að
ég varð dálítið hissa á því. Vonaðist
auðvitað til þess að platan yrði frá-
bær, nokkuð sem maður gerir reynd-
ar alltaf er maður bregður nýrri
plötu undir nálina/yfir geislann/á
spilastokkinn/í tölvuna. En ég var
fyrst og fremst tiltölulega raunsær,
grunaði reyndar að platan yrði góð
en EKKI svona góð. Grunurinn
byggðist á síðustu plötu, Riot Act,
sem var firnasterk, nokkurs konar
endurkomuplata. Satt að segja var
ég búinn að gefast upp eftir Yield og
Binaural sem ollu mér töluverðum
vonbrigðum.
Það fyrsta sem
maður tekur eftir á
plötunni nýju er
hversu ofsafengin og
ástríðull spila-
mennskan er. Platan
hljómar eins og hún
hafi verið gefin út ári
á eftir Ten. Hljóm-
sveitin virðist endur-
nærð, uppfull af orku.
Ferill rokksveita er
einfaldlega þannig að
maður er hættur að
gera ráð fyrir svona
löguðu þegar svona langt er liðið á
hann. Það er því eitthvað verulega
gott í gangi hjá okkar mönnum. Pearl
Jam hljómar nú eins og ungæðisleg
en geysiþétt bílskúrshljómsveit.
Þeir dómar sem hafa nú þegar ver-
ið birtir eru og á þessu máli. Blöð
eins og Kerrang!, Rolling Stone, Los
Angeles Times og netmiðlar á borð
við amazon.com og allmusic.com hafa
birt lofsamlega gagnrýni. Þar má
meðal annars lesa að Pearl Jam hafi
ekki hljómað svona fersk og jafn
ákveðin síðan Vitalogy og jafnvel
verði að leita lengra til baka til að
finna hliðstæðu. Platan sé heilsteypt,
hrá og rokkuð og ástríðan blússandi.
Styrkur plötunnar liggur einmitt í
því hversu beinskeytt og „einföld“
hún er. Nú er ég á því að besta plata
Pearl Jam sé No Code, en hún og
Vitalogy teljast tilraunakenndustu
plötur sveitarinnar. Þessi plata er í
raun nokkurs konar spegilmynd af
No Code, hún er jafn örugg í „ótil-
raunamennskunni“ og sú plata var í
hinu óhefðbundna. Fyrstu þrjú lögin
eru þannig all svakalegt trukk. „Life
wasted“, „World Wide Suicide“
(fyrsta smáskífan) og „Comatose“
minna helst á Rolling Stones í áferð,
þá þessi snilldarlegu, skítugu blús-
rokklög þeirrar mætu sveitar. „Sev-
ered Hand“ er eitt af þessum klass-
ísku, stóru dramarokklögum sem
Pearl Jam eru sérfræðingar í og
„Marker in the Sand“ býr yfir snúnu
gítarstefi sem minnir óneitanlega á
Captain Beefheart. Pearl Jam leyfa
sér þannig að fara út fyrir rammann
hér og hvar. „Unemployable“ býr yf-
ir þessu einkennandi Pearl Jam gít-
arstefi, glúrnar gítarlínur með mjög
svo auðþekkjanlegum McCready/
Gossard stimpli. Eddie Vedder hefur
ekki verið jafn innblásinn lengi vel og
þó er jafnan einkar stutt í dramatík-
ina hjá þessum sjarmerandi fram-
verði. Þetta má best heyra í hinu frá-
bæra „Army Reserve“, þar sem
Vedder gefur sig allan og gott betur
en það. Þeir eru ekki margir í dag
sem „meina það“ jafn mikið og Eddie
Vedder.
Í grunninn býr platan nýja yfir
klassísku rokki og róli, sem er hressi-
lega beint af augum og flæðið er óað-
finnanlegt. Flutningur er lifandi og
kraftmikill og maður finnur vel að
það hefur verið roknastuð við upp-
tökurnar. Pearl Jam er gengin í end-
urnýjun lífdaganna á vissan hátt.
Vandamál Pearl Jam er því ekki
lengur tónlistin. Vandamálið er hins
vegar þessi pínlega þversögn sem
sveitin glímir stöðugt við. Það er eins
og Vedder vilji að Pearl Jam sé Fug-
azi (einstrengingslegasta neðanjarð-
arrokksveit Bandaríkjanna sem
fylgir hugsjónum sínum út í ystu æs-
ar) en á meðan selur sveit hans plöt-
ur í milljónavís. Pearl Jam hampar
stöðugt áhugaverðum jaðarsveitum
og listamönnum og fær þær og þá til
að hita upp fyrir sig (Sleater Kinney,
My Morning Jacket, Dism-
emberment Plan, Robert Pollard) en
hafa þó engan áhuga að feta svipaðar
slóðir tónlistarlega séð. Sveitin er
einkar virk í ýmsum mann-
úðarmálum en eins og rokkarar sem
eru í svipaðri stöðu, þá vita meðlimir
ekki aura sinna tal.
Þeir eru auðvitað ekki einir um
þetta (spyrjið bara Bruce Springs-
teen) en að mínu viti býr Pearl Jam
yfir miklum heilindum sem hljóm-
sveit, nokkuð sem hefur orðið skýr-
ara eftir því sem árin hafa liðið. Hug-
sjónirnar og þessa sönnu ástríðu ber
að virða, þó að á stundum fari Vedder
fram úr sér. Pearl Jam hefur t.a.m.
aldrei fundið sig knúna til að umpóla
sig og umfaðma hinna meintu kald-
hæðnu, póstmódernísku tíma (já, ég
er að tala við þig Bono), nálgun sem
hefur skilið ákveðna sveit frá Írlandi
eftir í tómu rugli.
Pearl Jam túra linnulaust, eru
nánast á „endalausum“ túr eins og
Bob Dylan og spila ætíð eins og
hverjir tónleikar séu þeir síðustu.
Ber þó að geta þess að heil sex ár eru
síðan þeir heimsóttu Evrópu, síðustu
tónleikar voru á Hróarskeldu árið
2000 en þá gerðist sá voveiflegi at-
burður að níu manns tróðust undir
frammi við sviðið og létust. Breyting
verður hins vegar á þessu í haust, en
Evrópuhluti tónleikaferðar Pearl
Jam hefst á Írlandi í ágúst og í sept-
ember færir sveitin sig yfir á meg-
inlandið. Djö...ætla ég að fara mað-
ur...
Tónlist | Pearl Jam gefur út samnefnda breiðskífu í dag
Óbilgirnin
algjör
Í dag kemur út áttunda
breiðskífa sveitarinnar
Pearl Jam, samnefnd henni.
„Flutningur er lifandi og kraftmikill og maður finnur vel að það hefur ver-
ið roknastuð við upptökurnar.“
Eftir Arnar Eggert Thoroddsen
arnart@mbl.is
Scary Movie 4 kl. 6 - 7 - 8 - 9 og 10 B.i. 10 ára
Firewall kl. 5.45 - 8 og 10:10 B.i. 16 ára
V for Vendetta kl. 5:50 - 8:15 og 10 B.i. 16 ára
The Matador kl. 6 og 8 B.i. 16 ára
SAMBÍÓ AKUREYRI SAMBÍÓ KEFLAVÍK
SCARY MOVIE 4 kl. 8 - 10
FAILURE TO... kl. 8
FIREWALL kl. 10 B.i. 16 ára
SCARY MOVIE 4 kl. 6 - 8 - 10 B.i. 10
FAILURE TO... kl. 8 - 10
SYRIANA kl. 5:50
Sumum karlmönnum
þarf að ýta út úr hreiðrinu
Það fyndnasta sem
þú hefur nokkurn
tímann sagað!
MYND SEM
FÆR ÞIG TIL
AÐ TRYLLAST
AF HLÁTRI
Fjórði og síðasti kaflinn af þríleiknum
Ekkert er hættulegra
en maður sem er um
það bil að missa allt
STÆRSTA PÁSKAOPNUN ALLRA TÍMA Í USA
VÁKORT
Eftirlýst kort nr.
4507-4500-0035-1384
Afgreiðslufólk, vinsamlegast takið
ofangreind kort úr umferð og
sendið VISA Íslandi sundurklippt.
VERÐLAUN kr. 5000
VISA ÍSLAND
Álfabakka 16,
109 Reykjavík.
Sími 525 2000.