Morgunblaðið - 02.05.2006, Qupperneq 14

14 ÞRIÐJUDAGUR 2. MAÍ 2006 MORGUNBLAÐIÐ
VIÐSKIPTI/ATHAFNALÍF
V I L T U B Æ T A
S A M K E P P N I S S T Ö Ð U N A
DR. PATRICK D. EAGAN HELDUR FYRIRLESTUR
HJÁ SAMTÖKUM ATVINNULÍFSINS
MIÐVIKUDAGINN 3. MAÍ.
„HÖNNUN - FRAMLEIÐSLA
- SJÁLFBÆR ÞRÓUN“
Dr. Patrick D. Eagan, prófessor í verkfræði
við háskólann í Wisconsin - Madison
heldur fyrirlestur hjá Samtökum atvinnulífsins:
Húsi atvinnulífsins - Borgartúni 35 - 6. hæð
miðvikudaginn 3. maí kl. 9:00.
Nánari upplýsingar á vef Samtaka atvinnulífsins
www.sa.is
Allir velkomnir
Skráning á: mottaka@sa.is
�
��
�
��
�
��
��
�
��
�
�
� ��
�
�
�
�
�
BAUGUR Group var í breskum
dagblöðum í gær orðaður við yfir-
tökutilboð í verslanakeðjuna House
of Fraser. Talsmenn stjórnar House
of Fraser staðfestu við blaðið The
Times að slíkt tilboð hefði borist en
gáfu ekki upp frá hverjum.
Stutt er síðan Baugur fjárfesti að
nýju í verslanakeðjunni, á þar nærri
10% hlut, en fyrir um tveimur árum
var ríflega 10% hlutur Baugs seldur.
Í frásögn Financial Times af málinu
eru allar líkur taldar á að yfirtöku-
tilboðið hafi komið frá Baugi en
fsagt að yrirtækið hafi ekki viljað
staðfesta það. Samkvæmt gengi
bréfanna í House of Fraser sl. föstu-
dag er markaðsvirði fyrirtækisins
talið um 280 milljónir punda, eða um
38 milljarðar króna.
Áhugi á Links of London
Bresku blöðin greina einnig frá
því um helgina að Baugur hafi sýnt
skartgripaverslunum Links of
London áhuga, en fyrir á Baugur
verslanir Goldsmiths og Mappin &
Webb.
Baugur orðaður
við yfirtöku á
House of Fraser
Morgunblaðið/Jónas Erlendsson
Yfirtökutilboð Baugur Group á tæplega 10% hlut í verslunum House of
Fraser og er nú fyrirtækið orðað við yfirtöku á keðjunni í breskum miðlum.
● DANSKA blaðið Idag – Industriens
Dagblad fjallaði í gær um fasteigna-
kaup í Danmörku og segir að fyrstu
fjóra mánuði ársins hafi fjárfestinga-
félög á vegum Íslendinga keypt fast-
eignir þar í landi fyrir um 3,5 millj-
arða danskra kóna, jafnvirði yfir 44
milljarða íslenskra króna. Vitnað er
í rannsókn eignarhaldsfélagsins Sa-
dolin & Albæk sem sýnir að Íslend-
ingar hafi staðið á bak við þriðjung
allra fasteignakaupa í Danmörku.
Blaðið hefur eftir sérfræðingi hjá
Sadolin & Albæk, að íslenskur fjár-
festir hafi nú nýlega keypt 37 þús-
und fermetra skrifstofuhúsnæði á
Austurbrú og 20 þúsund fermetra
húsnæði í Glostrup.
Fjárfest í fasteignum
fyrir 44 milljarða
ÞETTA HELST ...
VIÐSKIPTI
Hlutafjárhækkun
hjá Icelandic
● SAMÞYKKT hefur verið hluta-
fjárhækkun hjá Icelandic Group og
hún skráð í Kauphöllinni, alls 135
milljón hlutir. Skráð hlutafé á Að-
allista Kauphallar er 2.888 milljónir.
Miðað við gengi bréfanna er mark-
aðsvirði félagsins nú um 25 millj-
arðar króna.
FRÉTTIR
Egilsstaðir | „Okkur langaði að
leggja eitthvað af mörkum,“ segja
Valdís Ellen Kristjánsdóttir og
Margrét Halla Hjálmarsdóttir, sem
komu við hjá Morgunblaðinu á
Austurlandi í vikunni og sögðust
hafa safnað 18.662 krónum á Egils-
stöðum til hjálparstarfs í Pakistan.
„Við gengum í hús og buðumst til
að vinna viðvik fyrir einhverja
aura,“ segja þær stöllur. „Í einu
húsinu kom kona út á náttfötunum
og bað okkur að fara nú við tæki-
færi og moka snjóinn frá útidyrum
gamallar konu í nágrenninu, á öðr-
um stað fórum við út með ruslið og
mokuðum snjó á þeim þriðja. Svo
var það maðurinn sem sagði okkur
að hann hefði verið að kaupa sér
splunkunýjan bíl, sýndi okkur hann
stoltur og stakk svo fimmþúsundk-
rónaseðli að okkur og kvaddi,“
segja þessar knáu stúlkur, sem
lögðu söfnunarféð inn hjá Rauða-
krossinum.
Kærleiksrík viðvik
Morgunblaðið/Steinunn Ásmundsdóttir
Margrét Halla Hjálmarsdóttir og
Valdís Ellen Kristjánsdóttir voru
sprækar í vorblíðunni.
Álftanes | Guðmundur Gunnarsson,
bæjarstjóri á Álftanesi, brá sér á í
hlutverk póstburðarmanns er hann
hóf dreifingu á bæklingi og DVD
diski sem Sveitarfélagið Álftanes
hefur gefið út um skipulag svokall-
aðs miðsvæðis.
Að dreifingu lokinni sneri Guð-
mundur sér þá aftur óskiptur að
bæjarstjórastarfinu. Í bæklingnum
er farið yfir helstu áherslur og ein-
kenni skipulagsins. Markmið útgáf-
unnar er að gefa íbúum bæj-
arfélagsins sem gleggsta mynd af
þeim hugmyndum sem unnið hefur
verið með. Honum fylgir stutt
hreyfimynd um skipulagið á DVD
diski.
Bæjarstjóri í útburði
Staðarhaldari ráðinn
að Skriðuklaustri
prófi í íslensku frá Háskóla Íslands
1993 og lagði stund á háskólanám í
dönsku við Kaupmanna-
hafnarháskóla 1995-1999. Hún var
kynningarfulltrúi við Háskóla Ís-
lands árin 2000-2003 og lektor í ís-
lensku við Háskólann í Kiel í Þýska-
landi 2003-2004 en stundar nú cand.
mag. nám í menningar- og miðlunar-
fræði við Syddansk Universitet í
Danmörku.
Halldóra er gift Úlfari Trausta
Þórðarsyni og eiga þau þrjú börn.
Fljótsdalur | Halldóra Tómasdóttir ís-
lenskufræðingur hefur verið ráðin til
Stofnunar Gunnars Gunnarsonar
sem staðarhaldari. Fjórtán manns
sóttu um starfið.
Halldóra kemur til starfa í júlí-
mánuði og mun hafa umsjón með
menningarstarfsemi Gunnarsstofn-
unar á Skriðuklaustri. Jafnframt
mun hún vinna að kynningarmálum
og ýmsum verkefnum stofnunarinn-
ar með forstöðumanni.
Halldóra er 38 áram lauk háskóla-
Sextíu milljarða
hagnaður bankanna?
● UPPGJÖR Glitnis og Landsbank-
ans fyrir fyrstu þrjá mánuði ársins
verða gerð opinber í Kauphöllinni í
dag. Miðað við spár greiningardeilda
er ekki reiknað með jafn háum tölum
og uppgjör KB banka og Straums-
Burðaráss sýndu í síðustu viku.
Þannig reiknar greiningardeild KB
banka með 13,4 milljarða króna
hagnaði hjá Landsbankanum og að
hagnaður Glitnis verði um sjö millj-
arðar króna. Gangi sú spá eftir munu
viðskiptabankarnir fjórir, sem skráðir
eru í Kauphöll, skila nærri 60 millj-
arða króna hagnaði eftir reksturinn í
janúar, febrúar og mars.
Hagnaður hjá Spari-
sjóði Þórshafnar
Þórshöfn | Hagnaður varð af
rekstri Sparisjóðs Þórshafnar upp
á 33,4 milljónir króna á síðasta ári.
Þetta kom fram á aðalfundi sjóðs-
ins nýlega, sem var vel sóttur þrátt
fyrir slæmt veður.
Hagnaðurinn var að hluta til
söluhagnaður af hlutabréfum. Eig-
ið fé sjóðsins í árslok 2005 nam
291,8 milljónum króna og hreinar
rekstrartekjur sama árs voru 142,7
milljónir króna. Eignir sparisjóðs-
ins eru samtals um tveir milljarðar
króna.
Auk afgreiðslunnar á Þórshöfn
rekur sparisjóðurinn nú útibú á
Bakkafirði og Kópaskeri og nýlega
opnaði hann einnig afgreiðslu á
Raufarhöfn.
Meðalfjöldi starfsmanna á árinu,
umreiknaður í heilsársstörf, var 9,7
stöðugildi. Sparisjóðsstjóri er
Guðni Örn Hauksson og stjórnar-
formaður Kristín Kristjánsdóttir.
Auk Kristínar starfa í stjórn sjóðs-
ins Þorbjörg Þorfinnsdóttir, Þór-
unn Þorsteinsdóttir, Jóhannes Jón-
asson og Sigurður Jens Sverrisson.
Stjórnin var einróma endurkjörin á
aðalfundinum.