Morgunblaðið - 02.05.2006, Síða 8

8 ÞRIÐJUDAGUR 2. MAÍ 2006 MORGUNBLAÐIÐ
FRÉTTIR
Eyjakúrekinn fór létt með þennan kálfinn.
Grassprettan er að-alumræðuefniþeirra sem stunda
golfíþróttina á Íslandi og
að sama skapi fylgjast
knattspyrnumenn og
-konur vel með sprett-
unni. Enda eru ekki nema
tæplega tvær vikur í upp-
haf Íslandsmótsins í
knattspyrnu. Mikið liggur
við hjá þeim sem hafa um-
sjón með grasvöllum
knattspyrnuliða en útlitið
fyrir upphaf Íslandsmóts-
ins er þó ágætt að mati
þeirra sem til þekkja.
Jóhann G. Kristinsson vallar-
stjóri Laugardalsvallar var
spurður að því hvort veðurfarið í
apríl hafi sett svip sinn á ástand
knattspyrnuvalla á Íslandi.
„Ástand Laugardalsvallarins
er að mínu mati ágætt en það er
of snemmt sé að spá fyrir um
hvort grasið verði tilbúið að taka
á móti knattspyrnumönnum hinn
14. maí. Það eru ekki nema fimm
til sex dagar síðan að grasið fór
að byrja að spretta og fá grænan
lit á vellinum. Aprílmánuður var
kaldari í ár en í fyrra en ég tel að
það verði allt í sómanum hinn 14.
maí. Ef hitastigið verður þokka-
legt í bland við smá úrkomu þá
kvíði ég engu. Það má hinsvegar
lítið út af bregða í þessu eins og
öðru. Kaldur vindur og þurrkur
eru ekki efst á óskalistanum hjá
okkur sem höfum umsjón með
grasvöllum,“ sagði Jóhann. Hann
hefur ekki tekið stöðuna á öðrum
knattspyrnuvöllum á landinu en
býst við að staðan sé mjög svipuð
hjá þeim flestum. Oft hefur verið
tvísýnt um hvort Laugardalsvöll-
ur þoli það álag sem oft er til
staðar er stutt er á milli leikja og
þá sérstaklega þegar A-landslið í
karla- og kvennaflokki eiga að
leika í upphafi júní. „Við erum
með leiki á dagskrá 20. og 21. maí
og það er frekar óheppilegt en
það ætti að sleppa þar sem að
engir landsleikir eru á dagskrá
fyrr en ágúst,“ sagði Jóhann.
Uppbygging fyrir milljarð?
Á KSÍ-þingi í febrúar 2005 var
samþykkt ályktun um að KSÍ
skipaði 5 manna milliþinganefnd
sem; „móti framtíðarstefnu í gerð
og hönnun leikvalla á Íslandi
þannig að lengja megi keppnis-
tímabilið og hefja það fyrr“.
Í greinargerð sem Mannvirkja-
nefnd KSÍ sendi frá sér er sagt
frá því að endurbyggja þurfi
flesta knattspyrnuvelli landsins
til þess að hægt verði að ná þeim
markmiðum. Keppnistímabilið
hefur í langflestum tilfellum stað-
ið yfir frá 16. maí–30. september.
Með nokkrum undantekningum
þó.
Í greinargerð Mannvirkja-
nefndar er sagt frá því að hægt sé
að lengja keppnistímabilið á Ís-
landi um 2–4 vikur, og gera jafn-
framt kröfur til þess að keppn-
isvellir í efstu deild séu tilbúnir
til leiks í byrjun tímabils og dugi
út tímabilið. Til að ná því þarf þó
að endurbyggja flesta ef ekki alla
vellina hjá liðum í efstu deild.
Sérfræðingar telja að á gras-
völlum byggðum eftir bestu
þekkingu, með hitakerfi og vökv-
unarkerfi, og með góðu viðhaldi,
mætti hefja keppnistímabilið í
byrjun maí a.m.k., og leika 1–2
vikur inn í október.
Kostnaður við byggingu slíks
vallar er áætlaður 57 millj. kr.
Styrking slíks vallar með
gervigrastrefjum kostar um 30
millj. kr. í viðbót en mundi auka
slitþol hans umtalsvert. Alls eru
10 lið í efstu deild karla í knatt-
spyrnu, og endurbygging allra
knattspyrnuvalla þeirra liða
myndi því kosta á bilinu 570–870
millj. kr.
Með lengingu keppnistímabils-
ins yrði einnig gerð krafa um
fljóðljós á keppnisvöllunum en
kostnaður við slíkt nemur um 15–
35 millj. kr. á hvern völl eftir því
hvaða ljósstyrkleiki er valinn.
Kostnaðurinn við að endurbyggja
vellina 10 gæti því farið vel yfir
1,2 milljarða kr.
Landbúnaðarhugmyndir
Fyrst var leikið á grasvelli á
Íslandsmótinu í knattspyrnu á
uppbyggðum velli árið 1951 í
Frostaskjóli, heimavelli KR.
Í kjölfarið voru byggðir vellir
víðsvegar um landið. Laugardals-
völlur (1957), Akranesvöllur
(1959) og Akureyrarvöllur (1960).
Það var sammerkt þessum elstu
völlum að uppbygging þeirra
byggðist aðallega á reynslunni og
hugmyndum úr landbúnaði. Mis-
mikið var lagt í þá, og gjarnan
var þörfin á drenlögn og drenlagi
vanmetin eða því hreinlega
sleppt, og þá var uppbyggingin/
vaxtarlagið að mestu moldar-
kennd. Álagsþol þessara valla var
því ekki mjög mikið. Á áttunda
áratugnum hafði þekkingunni
fleygt mikið fram. Uppbygging
vallanna breyttist verulega, m.a.
var þykkt drenlag úr grófri möl
sett undir vaxtarlagið í betri völl-
um. Líftími slíkra valla
var yfirleitt góður, og þoldu
þeir umtalsvert meira álag en
eldri vellir. Þá var farið að gera
kröfur um sérvalið gras í vellina,
grastegundir sem hentuðu betur
í knattspyrnuvelli. Á þessum
tíma var Laugardalsvöllur end-
urbyggður.
Fréttaskýring | Ástand knattspyrnuvalla
þokkalegt rétt fyrir upphaf tímabilsins
Kaldur vindur
er óvinurinn
Rétt undirlag, hita- og vökvunarkerfi,
einkennir nútímaknattspyrnuvöll
Endurbyggja þarf flesta
knattspyrnuvelli landsins

Til þess að hægt verði að
lengja keppnistímabilið í knatt-
spyrnu á Íslandi þarf að endur-
byggja flesta knattspyrnuvelli
landsins að mati sérfræðinga
sem Knattspyrnusamband Ís-
lands leitaði til árið 2005. Kostn-
aðurinn er á bilinu 570–1.200
millj. kr. og þar með væri hægt
að lengja keppnistímabilið um
2–4 vikur á hverju ári. Álagsþol
gamalla knattspyrnuvalla er
minna er þeirra sem nýrri eru.
Eftir Sigurð Elvar Þórólfsson
seth@mbl.is
Fáðu fréttirnar
sendar í símann þinn