Morgunblaðið - 02.05.2006, Blaðsíða 35

MORGUNBLAÐIÐ ÞRIÐJUDAGUR 2. MAÍ 2006 35
DAGBÓK
Við veljum Reykholt þar sem eitt þekkt-asta morð Norðurlanda var framið 1241,þegar Snorri Sturluson var veginn,“segir Helgi Gunnlaugsson afbrotafræð-
ingur og prófessor í félagsfræði sem skipuleggur
ásamt fleirum norræna ráðstefnu um ofbeldi. Það
er norræna sakfræðiráðið sem stendur að ráð-
stefnunni í Reykholti í Borgarfirði dagana 4. til 7
maí nk.
„Ráðstefnunni er ætlað að varpa ljósi á tegundir
og þróun ofbeldis í einstökum löndum Norð-
urlanda, það verða lykilerindi frá hverju landi fyr-
ir sig um þróun og einkenni ofbeldis í löndunum.
Auk þess kemur einn kunnasti afbrotafræðingur
samtímans, Steve Messner prófessor í New York
fylki, og heldur erindi um ofbeldi í New Yorkborg,
einkum manndráp.“
Hvað er hið norræna sakfræðiráð, nánar til-
tekið?
„Þetta er norrænn samstarfsvettvangur sér-
fræðinga á sviði afbrota úr heimi fræða og þeirra
sem starfa að málaflokknum, svo sem lögreglu,
lögmanna og dóms- og fangelsisyfirvalda, það eru
dómsmálaráðuneyti Norðurlanda sem fjármagna
starfsemina og skipa fulltrúa sinna landa í ráðið.
Fyrir Íslands hönd sitja í ráðinu auk mín þau
Ragnheiður Bragadóttir prófessor í lagadeild HÍ
og Kristrún Kristinsdóttir frá dómsmálaráðuneyt-
inu. Tengiliður ráðsins á Íslandi er Rannveig Þór-
isdóttir félagsfræðingur hjá ríkislögreglustjóra.“
Hvað gerir þetta ráð annað en halda ráð-
stefnur?
„Fyrir utan árlegar ráðstefnur stendur ráðið að
útgáfu tímarita og gefur út fréttabréf, það hefur
og látið útbúa gagnabanka yfir norrænar rann-
sóknir. Einnig úthlutar sakfræðiráð styrkjum til
rannsókna. Loks eru alltaf haldin námskeið á veg-
um ráðsins fyrir sérfræðinga á afmörkuðum svið-
um málefnisins.
Það er mjög mikilvægt fyrir Norðurlöndin að
eiga svona sameiginlegt sakfræðiráð sem eflir
samstarf á milli landanna, þar sem menn koma
saman og læra hver af öðrum og veita ráðgjöf sín á
milli þegar þörf er á. Það er ekki ónýtt þegar
vinna á t.d. lagafrumvörp að hafa greiðan aðgang
að sérfræðiáliti frá hinum Norðurlöndunum.“
Er þetta fjölmenn ráðstefna?
„Það verða þarna tæplega sextíu manns, um
það bil tíu frá hverju landi. Auk lykilerinda verða
málstofur um hin ýmsu málefni og einnig verða
umræður um niðurstöður rannsóknanna sem
kynntar verða á ráðstefnunni.
Við Íslendingar munum kynna t.d. nýja frum-
varpið um kynferðisbrot, rannsókn á tengslum
vímuefnanotkunar og ofbeldis ungmenna og nýja
rannsókn á ofbeldi á veitingahúsum og hvernig
það tengist áfengisnotkun.“
Afbrot | Ráðstefna í Reykholti um ofbeldi
Norræn sakamál

Helgi Gunnlaugsson
er doktor í félagsfræði
frá Missouri háskóla í
Bandaríkjunum og er
prófessor við Háskóla
Íslands. Hann fæddist
1957 í Reykjavík og
lauk BA-prófi í fé-
lagsfræði frá HÍ áður en
hann hélt til náms í
Bandaríkjunum. Hann
hefur stundað rann-
sóknir og skrifað fjölda greina og bók um sér-
fræðifag sitt. Hann er kvæntur og á tvö börn.
Er ekki komið nóg?
NÚ get ég bara ekki orða bundist
lengur! Hvert stefnir þetta presta-
mál? Þetta minnir orðið á ofsa-
trúarhóp sem gengur um með
kröfuspjöld og undirskriftalista,
sem mér skilst að sjálfur George
Bush hafi meðal annarra skrifað
undir, allt gert til að fá prestinn
sinn sem sóknarprest en ekki að-
stoðarprest!
Er ekki einhver ástæða, sem
þessu fólki hefur ekki verið sögð,
fyrir því að ekki er mælt með séra
Sigfúsi í stöðu sóknarprests, eru
ekki einhverjar sérstakar kröfur
sem gerðar eru til sóknarprests sem
hann ekki uppfyllir?
Ég persónulega kann ágætlega
við séra Sigfús, eftir þau fáu skipti
sem ég hef hitt hann eða þurft á
þjónustu hans að halda, hef alls ekk-
ert yfir honum að kvarta. Ekki er
ég kirkjurækin kona, frekar en
þessi rúmlega 4.000 sóknarbörn
sem skrifuðu nöfn sín á listann.
Einnig finnst mér ótrúlegt að rit-
stjóri Víkurfrétta taki svo sterka af-
stöðu í málinu sem hann gerir og
noti þannig „hlutlausan“ fjölmiðil
sinn til að koma skoðunum sínum á
framfæri í ritstjórapistli.
Nú er mál að linni. Við búum við
lýðræði og í því felst meðal annars
að við treystum nefndum og ráðum
fyrir ýmsum ákvörðunum, meðal
annars að meta hæfni manna þegar
sótt er um stöður eins og sókn-
arprests. Ég viðurkenni fúslega og
er stolt af því að ég er frænka Skúla
Sigurðar þótt ég hafi ekki hitt hann
síðan hann var táningur eða sé í
nokkru sambandi við hann, hvatinn
að þessari grein er því ekki frænd-
semi við Skúla Sigurð heldur finnst
mér nú nóg komið og að stuðnings-
hópur sr. Sigfúsar eigi nú að láta
staðar numið.
Ég býð Skúla Sigurð og fjöl-
skyldu hjartanlega velkomin í bæj-
arfélagið og vona að önnur sókn-
arbörn geri það líka og veit að hann
á eftir að standa sig vel hér.
Rannveig Sigurðardóttir,
íbúi í Reykjanesbæ.
Kirkjan þungt skip
í siglingu
Í MORGUNBLAÐINU 27. apríl á
bls. 12 var frábær fyrirsögn,
„Kirkjan er þungt skip í siglingu“. Í
sambandi við þessa fyrirsögn og
frétt dettur mér í hug fólkið sem
var að mótmæla í Keflavík ráðn-
ingu sóknarprests í embætti, þar
sem meirihlutinn vill prestinn sem
er búinn að þjóna þeim í 13 ár.
Ég vinn á stóru sjúkrahúsi og
það er svolítið líkt með sjúkrahús-
inu og kirkjunni. Sumt starfsfólk
heldur að sjúkrahúsið sé til fyrir
það en ekki það fyrir sjúkrahúsið.
Sama mætti segja um kirkjuna, er
hún fyrir fólkið eða er hún fyrir
prestana, þ.e. embættin.
Auðvitað á fólkið að fá að ráða
hver er ráðinn prestur því það er
fólkið sem sækir kirkjuna. Svona
embættisverk eiga ekki að eiga sér
stað, hvorki á spítölum eða kirkj-
unum.
Reið kona í Austurbænum.
Velvakandi
Svarað í síma 5691100 frá 10–12
og 13–15 | velvakandi@mbl.is
„Smátt í annarri.“
Norður
♠G
♥97652 V/AV
♦ÁD95
♣D104
Vestur Austur
♠K9863 ♠D752
♥103 ♥ÁD4
♦G ♦106
♣Á7532 ♣K986
Suður
♠Á104
♥KG8
♦K87432
♣G
Suður verður sagnhafi í fimm tíglum
dobluðum eftir líflega sagnbaráttu:
Vestur Norður Austur Suður
Pass Pass 1 lauf 1 tígull
1 spaði Dobl * 2 spaðar 3 hjörtu
4 spaðar 5 tíglar Dobl Allir pass
Legan er góð – ÁD rétt í hjarta –
svo ekki er að sjá annað en ellefu slag-
ir séu auðteknir. En sagnhafi veit ekk-
ert um hjartaleguna og reynir því
skiljanlega að gera sér mat úr laufinu
fyrst.
Spilið kom upp á bandarísku stór-
móti fyrir nokkrum árum. Út kom
spaði, sem suður tók með ás, spilaði
tígli á blindan og laufi lymskulega úr
borðinu. Í austur var einn sterkasti
kvenspilari Bandaríkjanna, Shawn
Quinn, og hún rauk snarlega upp með
kónginn! Og spilaði hjartaás og hjarta.
Sagnhafi taldi nú víst að austur
hefði byrjað með ÁK í laufi og stakk
því upp hjartakóng, fór inn í borð á
tromp, spilaði laufdrottningu og henti
hjartagosa heima. Skiljanleg spila-
mennska, en vestur átti laufásinn og
samningurinn fór einn niður.
Það voru vonbrigði fyrir sagnhafa
að sjá laufásinn í vestur, en hitt var
enn verra þegar í ljós kom að hjarta-
drottningin lá fyrir svíningu.
Byrjendum er jafnan kennt að
fylgja „smátt í annarri hendi“, en eng-
in regla er án undantekninga. Sú spila-
mennska sagnhafa að spila strax laufi
úr borði var grunsamleg og Quinn var
nógu vakandi til að sjá í gegnum
blekkinguna.
BRIDS
Guðmundur Páll Arnarson | dagbok@mbl.is
1. d4 d5 2. c4 c6 3. Rf3 Rf6 4. e3 Bg4
5. h3 Bxf3 6. Dxf3 e6 7. Bd3 Rbd7 8.
Bd2 Bd6 9. Rc3 0-0 10. g4 dxc4 11.
Bxc4 e5 12. g5 Re8 13. h4 Bb4 14. 0-
0-0 De7 15. Bb3 Rc7 16. h5 Dxg5 17.
Hdg1 Df6 18. Dh3 Re6 19. Hg6 fxg6
20. Bxe6+ Kh8 21. Re4 Bxd2+ 22.
Kxd2 De7 23. hxg6 h6 24. Dxh6+
gxh6 25. Hxh6+ Kg7 26. Hh7+ Kxg6
27. Hxe7 Rf6 28. Rd6 exd4 29. e4
Had8 30. Bf5+ Kh5 31. Rxb7 Hde8
32. Hxe8 Rxe8 33. f3 Rc7 34. Rc5
Kg5 35. Kd3 Hd8 36. Bg4 Kf4 37. b4
Ke5 38. Rd7+ Kd6 39. Rc5 Ke5 40.
a3 Kf4 41. Rd7 Rb5 42. a4 Rc3 43.
Rc5 Ke5
Staðan kom upp í SM-flokki fyrsta
laugardagsmótsins í Búdapest sem
lauk fyrir skömmu. Serbneski stór-
meistarinn Zlatko Ilincic (2.534) hafði
hvítt gegn Ungverjanum Gyozo Pat-
aki (2.375). 44. f4+! Kxf4? illskárra
var að leika 44. … Kf6 þó að hvítur
kæmi þá frípeðunum sínum af stað
með 45. e5+ Kf7 46. f5. Eftir texta-
leikinn fær hvítur unnið ridd-
araendatafl. 45. Re6+ Kxg4 46. Rxd8
Rxa4 47. Rxc6 Kf4 48. Kxd4 a6 49.
Rb8 Rb6 50. Rxa6 hvítur er nú tveim
peðum yfir og þurfti þá ekki að
spyrja að leikslokum. 50. … Rc8 51.
Rc5 Rb6 52. Rd3+ Kg5 53. Kc5 Ra4+
54. Kd6 Kf6 55. e5+ Kf7 56. e6+ Ke8
57. b5 Rb6 58. Rc5 Rc4+ 59. Kc6
Ke7 60. b6 og svartur gafst upp.
SKÁK
Helgi Áss Grétarsson | dagbok@mbl.is
Hvítur á leik.
Staðurogstund
http://www.mbl.is/sos
sögn í vinnustofum fellur niður frá
hádegi, spilasalur opinn. Allar uppl.
á staðnum og í síma 575 7720.
Furugerði 1, félagsstarf | Í dag kl.
9 aðstoð við böðun. Kl. 13 spilað
og kl. 14.45 koma frambjóðendur
Framsóknarflokksins og kynna
stefnuskrá flokksins til borg-
arstjórnarkosninga. Kaffiveitingar
kl. 15. Allir velkomnir.
Garðaholt, samkomuhús | Kven-
félag Garðabæjar. Lokafundur vetr-
arins verður haldinn í Garðaholti kl.
19.30. Konur, munið að skrá ykkur
á fundinn. Stjórnin.
Hótel Loftleiðir | Aðalfundur Sval-
anna verður haldinn kl. 19.30 á
Hótel Loftleiðum, Víkingasal. Húsið
opnað kl. 19. Aðalfundarstörf,
kvöldverður og skemmtiatriði. Fé-
lagskonur hvattar til að mæta.
Hraunbær 105 | Kl. 9 Kaffi, spjall,
dagblöðin. Kl. 9 hárgreiðsla. Kl. 10
boccia. Kl. 11 leikfimi. Kl. 12 hádeg-
ismatur. Kl. 12.15 ferð í Bónus. Kl.
13 myndlist. Kl. 15 kaffi.
Hvassaleiti 56–58 | Bútasaumur
kl. 9–13. Boccia kl. 9.30. Banka-
þjónusta kl. 9.45. Jóga kl. 11–13.
Helgistund kl. 13.30 í umsjón séra
Ólafs Jóhannssonar, söngstund á
eftir. Námskeið í myndlist kl. 13.30.
Böðun fyrir hádegi. Fótaaðgerðir,
hársnyrting. Sími 535 2720.
Korpúlfar, Grafarvogi | Á morgun
er félagsvist á Korpúlfsstöðum kl.
13.30.
Hæðargarður 31 | Fastir liðir eins
og venjulega. Allir alltaf velkomnir.
Lagt af stað í Skálholt 2. maí frá
Félagsstarf
Árskógar 4 | Bað kl. 8–16. Handa-
vinna kl. 9–16.30. Smíði/útskurður
kl. 9–16.30. Leikfimi kl. 9. Boccia
kl. 9.30.
Bólstaðarhlíð 43 | Almenn handa-
vinna, hárgreiðsla, böðun, sund,
vefnaður, línudans, boccia, fótaað-
gerð.
Bólstaðarhlíð 43 | Tískusýning á
morgun kl. 14. Þátttakendur í fé-
lagsstarfinu sýna tískufatnað frá
Tískuversluninni Smart og kl. 14.30
verður dansað við harmonikkuleik
Ingvars Hólmgeirssonar.
Félag eldri borgara, Reykjavík |
Skák í dag kl. 13. Félagsvist spiluð
kl. 20.
Félagsheimilið Gjábakki | Leikfimi
kl. 9.05 og kl. 9.50. Gler- og postu-
línsmálun kl. 9.30. Handavinna kl.
10. Rólegar æfingar kl. 10.50. Al-
kort kl. 13.30. Ganga kl. 14. Mynd-
listarsýning 5 kvenna stendur til 4.
maí. Munið að skila munum sem á
að sýna á Vorsýningu Gjábakka
sem fyrst.
Félagsstarf aldraðra, Garðabæ |
Línudans kl. 13 í Kirkjuhvoli. Vatns-
leikfimi kl. 9.45 og karlaleikfimi kl.
13.15 í Mýri. Lokað í Garðabergi en
í safnaðarheimilinu er opið hús á
vegum kirkjunnar kl. 13. Bókband í
Kirkjuhvoli kl. 9.
Félagsstarf Gerðubergs | Kl. 9–
16.30 vinnustofur opnar. Kl. 10.30
létt ganga um nágrennið. Á morg-
un kl. 13 er lagt af stað í heimsókn
til eldri borgara í Þorlákshöfn, leið-
Gjábakka kl. 9, síðan rennt við í
Hæðargarði 32 og Dalbraut 18–20.
Smámöguleiki á miða? Uppl. 568–
3132.
Kvenfélag Kópavogs | Óvissuferð
og kvöldverður 17. maí. Mæting kl.
18 í Hamraborg 10. Nánari uppl. og
þátttaka tilkynnist til Helgu S. s.
554 4386/ Elísabetar s.
695 8222/ Helgu J. s. 554 1544.
Kynjakettir, Kattaræktarfélag Ís-
lands | Haustsýningar Kynjakatta
verða haldnar helgina 14. og 15.
október í Reiðhöll Gusts, Kópavogi.
Sjá: www.kynjakettir.is
Norðurbrún 1, | kl. 9 smíði, kl. 9–12
myndlist, kl. 9–16.30 opin vinnu-
stofa, kl. 10 boccia, kl. 13–16.30
postulínsmálning, opin hárgreiðslu-
stofa, sími 588 1288.
Safnaðarheimili Breiðholts | Kven-
félag Breiðholts heldur fund kl.
19.30 í safnaðarheimili Breiðholts-
kirkju. Matur verður framreiddur
og spilað bingó.
Sjálfsbjörg, félag fatlaðra á höf-
uðborgarsvæðinu | Félagsheimilið,
Hátúni 12: Bingó í kvöld kl. 19.30,
allir velkomnir.
Vesturgata 7 | Kl. 9–16 hárgreiðsla
og fótaaðgerðir. Kl. 9.15–15.30
handavinna. Kl. 10.15–11.45 enska.
Kl. 11.45–12.45 hádegisverður. Kl.
13–16 postulínsmálun. Kl. 13–16
bútasaumur. Kl. 13–16 frjáls spil. Kl.
14.30–15.45 kaffiveitingar.
Vitatorg, félagsmiðstöð | Smiðja
kl. 9–12.30. Hárgreiðsla kl. 9. Morg-
unstund og fótaaðgerðir kl. 9.30,
handmennt almenn 9–16.30, fé-
lagsvist kl. 14. Allir velkomnir. Við
ætlum að kenna að þæfa trefla í
handavinnustofunni í dag, allt efni
á staðnum. Allir velkomnir.
Kirkjustarf
Akureyrarkirkja | Morgunsöngur
kl. 9.
Áskirkja | Opið hús í dag frá kl. 10.
Kaffi og spjall. Hádegisbæn kl. 12.
Léttur hádegisverður. Vorbrids í
Áskirkju kl. 13.30 til 16. Kaffihlé
með meðlæti. Allir velkomnir.
Digraneskirkja | ÍAK: Hreyfiferð á
Suðurnes. Lagt af stað frá kirkj-
unni kl. 11. www.digraneskirkja.is
Grafarvogskirkja | Opið hús fyrir
eldri borgara, kl. 13.30–16. Helgi-
stund, handavinna, spil og spjall.
Kaffiveitingar og alltaf eitthvað
gott með kaffinu.
Hjallakirkja | Bæna- og kyrrð-
arstund er í Hjallakirkju þriðjudaga
kl. 18.
Kristniboðssalurinn | Samkoma í
Kristniboðssalnum, Háaleitisbraut
58–60, miðvikudaginn 3. maí kl.
20. Jóhannes Ólafsson talar. Kari
Bö segir frá handavinnuverkefni í
Suður-Eþíópíu. Kaffi. Allir eru vel-
komnir.
Laugarneskirkja | Kl. 20 Kvöld-
söngur. Þorvaldur Halldórsson leið-
ir sönginn við undirleik Gunnars
Gunnarssonar. sr. Bjarni Karlsson
flytur Guðsorð og bæn. Kl. 20.30
ganga 12 spora-hópar til sinna
verka en í gamla safnaðarheimilinu
býður sóknarpresturinn upp á Bibl-
íulestur. Allt fólk velkomið.
UPPLESTRARHÁTÍÐIN Bókin
og birtan verður haldin í Garða-
bæ í kvöld. Garðakórinn, kór Fé-
lags eldri borgara í Garðabæ,
kemur fram á hátíðinni og syng-
ur nokkur lög, en auk þess lesa
Jón Kalman Stefánsson, Kristín
Marja Baldursdóttir og Ólafur
Gunnarsson úr verkum sínum.
Kristín Helga Gunnarsdóttir rit-
höfundur verður kynnir kvölds-
ins.
Hátíðin hefst kl. 20 og stendur
til 21.15. Boðið verður upp á
kaffi og kleinur.
Upplestrarhátíð
í Garðabæ
ÁRLEGIR vortónleikar Samkórs
Kópavogs verða haldnir annað
kvöld, 3. maí, kl. 20 í Digra-
neskirkju í Kópavogi. Á dagskrá
kórsins annað kvöld verða meðal
annars íslensk þjóðlög og syrpa úr
söngleiknum My fair lady. Ein-
söngvari með kórnum verður Jó-
hann Friðgeir Valdimarsson og
undirleikari Antonia Hevesi.
Stjórnandi kórsins er Björn Thor-
arensen.
Vortónleikar Samkórs
Kópavogs