Morgunblaðið - 02.05.2006, Blaðsíða 12

12 ÞRIÐJUDAGUR 2. MAÍ 2006 MORGUNBLAÐIÐ
ERLENT
Berlín, París, Moskvu. AP, AFP. | Milljónir manna
tóku í gær þátt í 1. maí-göngum víða um heim
þar sem áherslan var á hagsmunamál hins
vinnandi manns og annað það, sem er ofarlega
á baugi í hinum ýmsu löndum. Fóru göngurnar
yfirleitt friðsamlega fram en þó kom til rysk-
inga sums staðar. Í Bandaríkjunum er ekki
hefð fyrir hátíðahöldum 1. maí en þar var dag-
urinn notaður til að mótmæla hugsanlegum lög-
um um ólöglega innflytjendur.
Í Þýskalandi voru 1. maí-göngurnar um 500
talsins og var dagurinn notaður annars vegar
til að vara ríkisstjórn Angelu Merkel við því að
skera niður velferðarkerfið og hins vegar var
áhrifum alþjóðavæðingarinnar og undirboðum á
vinnumarkaði mótmælt.
Í Frakklandi fögnuðu verkalýðsfélögin sigri
yfir tilraunum Dominique de Villepin forsætis-
ráðherra til að breyta vinnulöggjöfinni og í sér-
stakri göngu, sem andstæðingar innflytjenda
efndu til, var skorað á kjósendur að velja Jean-
Marie Le Pen næsta forseta lýðveldisins.
Talið er, að hálf önnur milljón manna hafi
komið saman í tilefni dagsins í Rússlandi og
var fjölmennasta gangan í Moskvu. Var hún
skipulögð af verkalýðsfélögum hollum stjórn-
völdum en nokkrar þúsundir kommúnista
gengu fylktu liði frá minnismerki Leníns á
Október-torgi að brjóstmynd af Karli Marx á
Rauða torginu. Gengu þeir undir rauðum fán-
um og myndum af Stalín.
Annars staðar í Evrópu, í Asíu og víðar
krafðist verkafólk betri kjara og aðbúnaðar en
í Istanbul í Tyrklandi kom til átaka milli lög-
reglunnar og fólks, sem mótmælti Alþjóða-
gjaldeyrissjóðnum og Bandaríkjunum. Voru 85
handteknir.
„Kjarnorku“-gangan
snerist upp í mótmæli
Athygli vakti, að í Teheran í Íran höfðu
stjórnvöld skipulagt göngu til stuðnings við
kjarnorkuáætlun sína en hún snerist fljótlega
upp í mótmæli gegn erfiðum kjörum og at-
vinnuleysi.
Slagorð göngunnar átti að vera „Nýting
kjarnorkunnar er skýlaus réttur okkar“ en
þess í stað hrópaði fólkið „Að leggja niður
vinnu er skýlaus réttur okkar“ og „Við eigum
heimtingu á að hafa vinnu“.
„Við erum alveg réttlaus og hægt að reka
okkur athugasemdalaust,“ sagði Esmail Ram-
ezanzadeh, 48 ára gamall maður, og annar
kvaðst ekki hafa fengið útborgað í rúmt ár.
„Verkafólk fær aldrei tækifæri til að láta í sér
heyra og það, sem við heyrum og sjáum í dag,
er aðeins brotabrot af erfiðleikum fólks í þessu
landi,“ sagði Arash Faraz, opinber starfs-
maður.
Ólöglegir innflytjendur
mótmæla í Bandaríkjunum
„Dagur án innflytjenda“ var kjörorð mót-
mælanna í Bandaríkjunum en skorað var á
ólöglega innflytjendur, sem eru taldir vera um
12 milljónir, að kaupa ekkert, hverju nafni sem
nefndist, og sýna þannig hve mikið munaði um
þá í verslun og viðskiptum. Var mótmælunum
stefnt gegn hugsanlegri lagasetningu, sem
myndi senda flesta ólöglega innflytjendur aftur
til síns heima.
Tom Tancredo, einn þingmaður repúblikana
og stuðningsmaður slíkra laga, sagði, að „dagur
án innflytjenda“ væri „gleðidagur“ fyrir banda-
ríska skattborgara. Sagði hann, að kostnaður
hins opinbera vegna ólöglegra innflytjenda á
síðasta ári væri áætlaður 847 milljarðar ísl. kr.
eða rúmlega 22.000 kr. á hverja fjölskyldu.
AP
1. maí-hátíðahöldin í Moskvu voru eins konar þjóðahátíð en fremst í göngunni fór fólk í hefðbundnum búningum hinna ýmsu héraða Rússlands og þjóð-
arbrota. Var safnast saman í vorblíðunni við borgarstjórnarskrifstofurnar við Tverskaja-stræti þar sem haldnar voru ræður og ýmis skemmtiatriði flutt.
Milljónir manna tóku
þátt í 1. maí-göngunum
Áherslan víða á að standa vörð um áunnin réttindi á tímum alþjóðavæðingar
London. AFP. | Vaxandi þrýstingur er á, að
þeir Charles Clarke, innanríkisráðherra
Bretlands, og John Prescott aðstoðarfor-
sætisráðherra segi af sér vegna hneyksl-
ismála. Búist er við, að Verkamanna-
flokkurinn fari illa út úr
sveitarstjórnarkosningunum á fimmtu-
dag og því er talið líklegt, að Tony Blair
forsætisráðherra stokki upp í stjórninni
að þeim loknum.
Prescott viðurkenndi í síðustu viku að
hafa haldið framhjá konu sinni í tvö ár og
síðan hefur önnur kona upplýst, að hún
hafi átt í kynferðislegu sambandi við
hann og sú þriðja sakar hann um kyn-
ferðislega áreitni. Staða Prescotts er
því slæm en öllu verri hjá Clarke eftir
að upp komst, að rúmlega 1.000 erlend-
um afbrotamönnum var sleppt úr fang-
elsi án þess að vera sendir til síns
heima. Dagblaðið The Guardian sagði í
gær, að ýmsir ráðherrar og valdamiklir
menn í Verkamannaflokknum legðu nú
hart að Blair að ákveða hvenær hann
stæði upp úr forsætisráðherrastólnum
fyrir Gordon Brown fjármálaráðherra.
Afsagnir og
uppstokkun
Tony Blair
Jammu. AFP. | Þrjátíu og fjórir
hindúar lágu í valnum eftir árás
vopnaðra manna í Kasmír í gær.
Talið er, að íslamskir öfgamenn hafi
verið að verki og tilgangurinn með
fjöldamorðunum sá að spilla fyrir
friðarviðræðum milli indverskra
stjórnvalda og hófsamra aðskilnað-
arsinna.
Flest morðin eða 22 voru framin í
þorpinu Thawa en þar var fólkinu
stillt upp og það síðan skotið. Í ná-
grannahéraðinu Udhampur voru 12
drepnir en þeim var rænt í fyrra-
dag.
Haft er eftir fólki, sem komst lífs
af í Thawa, að morðingjarnir hefðu
verið klæddir herbúningi og sagt
íbúunum að koma saman til fundar.
Þegar það mætti tók á móti því
skothríð.
Viðræður í Nýju
Delhi á morgun
Manmohan Singh, forsætisráð-
herra Indlands, og einn leiðtogi ísl-
amskra aðskilnaðarsinna fordæmdu
morðin í gær en þau eru mesta
hryðjuverkið í Kasmír í sex ár.
Friðarviðræður eiga að hefjast á
morgun í Nýju Delhi milli stjórn-
valda og samfylkingar 12 íslamskra
aðskilnaðarhópa en indverskir fjöl-
miðlar hafa það eftir heimildum, að
árásarmennirnir tilheyri samtökun-
um Lashkar-e-Taiba, Hersveitum
hinna guðhræddu, en þau hafa stað-
ið fyrir mörgum mestu hryðjuverk-
unum.
Indverjar og Pakistanar ráða
hvorir sínum helmingi Kasmírs en
hvorirtveggju krefjast fullra yfir-
ráða yfir héraðinu. Talið er, að um
44.000 manns hafi fallið síðan músl-
ímar í indverska hluta Kasmírs
hófu skæruliðabaráttu gegn stjórn-
inni í Nýju Delhi árið 1989.
Fjöldamorð
á hindúum
í Kasmír
fyrir því, að Súdanstjórn standi við
fyrirhugað friðarsamkomulag.
Bandaríkjastjórn hvött
til að skerast í leikinn
Talið er, að um 300.000 manna
hafi týnt lífi í óöldinni í Darfur á
þremur árum og 2,4 millj. hrakist
á vergang. Fjölmenn mótmæli
voru í Bandaríkjunum í fyrradag
þar sem þess var krafist, að
Bandaríkjastjórn kæmi íbúum hér-
aðsins til hjálpar strax. Tóku ýms-
ir kunnir menn þátt í mótmæl-
unum, meðal annars leikarinn
George Clooney.
Abuja. AFP. | Stríðandi fylkingum í
Súdan var gefinn tveggja sólar-
hringa frestur í gær til að fallast á
friðarsamkomulag, sem Einingar-
samtök Afríkuríkja höfðu forgöngu
um. Hefur Súdanstjórn samþykkt
það en tvenn samtök uppreisnar-
manna í Darfur-héraði neita því og
segja, að ekki hafi verið orðið við
ýmsum grundvallarkröfum þeirra.
Segja talsmenn þeirra, að ekki sé
gert ráð fyrir, að varaforseti Súd-
ans verði frá Darfur auk þess sem
almennt sé lítið sagt um skiptingu
valda og fjármagns milli héraða.
Þá vilja skæruliðar fá tryggingu
Friðarsamkomulag
í Darfur frestast
Kaupmannahöfn. AFP. | Danska stjórn-
in ætlar að kalla heim fimmtung her-
liðs síns í Írak, 100 hermenn, á síðara
misseri þessa árs. Var það fullyrt í
dönskum fjölmiðlum í gær en þeir
sögðu, að opinberlega yrði ekki frá
því skýrt fyrr en 10. maí.
Í Írak eru 500 danskir hermenn
undir stjórn Breta og hefur vera
þeirra þar jafnan verið ákveðin á
misserisfresti, síðast um áramótin.
Meirihluti Dana er hins vegar and-
vígur veru danskra hermanna í Írak
og stjórnarandstaðan vill, að allt her-
liðið verði kallað heim um mitt þetta
ár. Anders Fogh Rasmussen, for-
sætisráðherra Danmerkur, fer til
fundar við George W. Bush Banda-
ríkjaforseta 9. júní og mun að því
stefnt, að danska þingið verði þá bú-
ið að samþykkja fyrirhugaðan brott-
flutning.
Danir ætla
að fækka
í Írak
♦♦♦