Morgunblaðið - 02.05.2006, Blaðsíða 17

MORGUNBLAÐIÐ ÞRIÐJUDAGUR 2. MAÍ 2006 17
MENNING
Dr. Sigurbjörn Einarsson biskup
95 ára
Þann 30. júní, n.k. verður
dr. Sigurbjörn Einarsson,
biskup, 95 ára.
Af því tilefni hefur verið ákveðið
að gefa út í einni veglegri bók
prédikunar- og ræðusöfn hans sem
löngu eru ófáanleg:
Um ársins hring
Meðan þín náð
Helgar og hátíðirDDr. Sigurbjörn hefur verið áhrifaríkasti kirkjunnar maður á seinni tímum.Mannvit hans og málsnilld ásamt skáldlegu innsæi hafa gert hann einnkraftmesta prédikara þjóðarinnar.
Nú gefst fólki tækifæri til að heiðra dr. Sigurbjörn á merkum tímamótum
með því að skrá nafn sitt í Tabula Gratulatoria (heillaóskaskrá).
Umsjón með útgáfu hefur Skálholtsútgáfan – útgáfufélag þjóðkirkjunnar.
Texti bókarinnar er allur endurskoðaður af afmælisbarninu, dr. Sigurbirni.
Útgáfan er að frumkvæði og að hluta kostuð af vinum afmælisbarnsins.
Bókin er 540 bls. Verð kr. 3980,-
Skráningu á heillaóskaskrá má tilkynna fyrir 10. maí
í síma 552 1090 og 562 1581 eða á skalholtsutgafan@skalholtsutgafan.is
Miðasala á
Listahátíð hefst
MIÐASALA á viðburði Listahátíðar
í Reykjavík, sem stendur yfir frá 12.
maí til 2. júní, verður opnuð í
Bankastræti á hádegi í dag, en
miðasala hefur staðið yfir á netinu
um nokkurt skeið.
Aðeins örfáir miðar eru eftir á
tónleika Miram Makeba í Laug-
ardalshöll 20. maí, sýningu bras-
ilíska dansflokksins Grupo Corpo í
Borgarleikhúsinu 12. maí, harm-
ónikkubandsins Motion Trio í Nasa
13. maí og sænska djasspíanistans
Anders Widmark og tríós hans í
Nasa 1. júní. Rífandi miðasala er
einnig á búlgarska kvennakórinn
Angelite sem syngur í Hallgríms-
kirkju 20. og 21. maí og á Mugison
og hljómsveit í Austurbæ 28. maí,
en alls eru 50 viðburðir á Listahátíð
í ár með þátttöku 400 listamanna
hvaðanæva úr heiminum.
Miðasala Listahátíðar verður op-
in 12 til 18 virka daga og laug-
ardaga og sunnudaga frá 12 til 16 í
Bankastræti 2, nánar tiltekið í port-
inu á bak við Lækjarbrekku. Þar
má jafnframt nálgast dag-
skrárbækling með ítarlegum upp-
lýsingum um hátíðina í ár. Miða-
sölusíminn er 552 8588.
Miðasalan á netinu fer fram á
slóðinni www.listahatid.is og þar er
jafnframt hægt að skoða myndskeið
af helstu viðburðum Listahátíðar í
ár.
TÓNLISTARHÓPURINN Aton
hefur starfað frá 1998 og hefur á
þessum átta árum frumflutt um
fjörutíu íslensk tónverk. Hópurinn
samanstendur af átta tónlist-
armönnum og flytja þeir almennt
ný tónverk eftir ung íslensk tón-
skáld sem mörg hver eru úr röðum
liðsmanna hljómsveitarinnar. Ný-
verið fóru þau til Bandaríkjanna og
héldu þar alls sex tónleika, eina í
galleríi í Cambridge og fimm á há-
skólasvæðum víðsvegar í Kali-
forníu.
Hugmyndin að þessari ferð mun
hafa komið frá Kolbeini Einarssyni
sem hafði skrifað tónverk fyrir hóp-
inn en hann lærði í CalArts háskól-
anum í Kaliforníu og hafði því góð-
an aðgang þar að hjálpsömu fólki.
Verkefnið var svo gert mögulegt
með styrkjum frá Tónlistarsjóði og
Reykjavík Loftbrú.
Að sögn Berglindar Maríu Tóm-
asdóttur, flautuleikara og skipu-
leggjanda, fékk hópurinn almennt
mjög jákvæðar viðtökur og birtist
meðal annars nokkuð viðamikil
grein um hljómsveitina í dagblaðinu
Boston Globe. Þar var umsögn um
tónleika sem þau héldu ásamt
Know tríóinu í Cambridge og sagði
greinarhöfundur að það væri
greinilega margt fleira sem kæmi
frá Íslandi en Björk og Sigur Rós.
Tónelskandi háskólafólk
„Þetta var allt saman hið
ánægjulegasta,“ segir Berglind.
„Við vorum aðallega að spila fyrir
háskólafólk sem að stórum hluta
var í ýmiskonar tónlistarnámi og
náttúrulega sérlegt áhugafólk um
nýja tónlist. Þar af leiðandi voru
þetta yfirleitt mjög skemmtilegir
hópar sem við vorum að spila fyrir
og alls kyns skemmtileg ummæli
sem við fengum. Davíð Fransson,
sem var okkar tengiliður við
Stanford háskólann þar sem við
spiluðum, var t.d. spurður að því
hvort hópurinn væri samansettur
úr lærisveinum tónskáldsins Mor-
tons Feldmans. Þá fannst viðkom-
andi tónlistin hljóma eins og bar-
barískur Feldman,“ segir Berglind
og hlær.
Hún segir einnig að fólk hafi
talað um einhvern ákveðinn ís-
lenskan stíl í tónverkunum.
Berglind vill þó meina að verkin
séu nokkuð ólík eftir því hvaða
tónskáld á í hlut en alls eru tólf
tónskáld á efnisskránni. Þó svo að
verkin séu flest eftir ung íslensk
tónskáld þá segir Berglind að það
sé alls engin yfirlýst stefna hópsins
að huga sérstaklega að þeim hópi
tónskálda. Fyrst og fremst séu þau
á höttunum eftir góðri tónlist, hvað-
an sem hún kemur.
Þessa dagana er Aton að taka
upp hluta af þessum tónverkum
sem þau fluttu í Bandaríkjunum en
þau hyggjast gefa út sína fyrstu
plötu á næstu misserum.
Tónlist | Hljómleikaferð tónlistarhópsins Aton til Bandaríkjanna
Villimannslegur Feldman
Fjöllyndi tónlistarhópurinn Aton.
Eftir Þormóð Dagsson
thorri@mbl.is
KUNNINGI minn einn hefur dá-
læti á þungarokki af hörðustu gerð.
Kannski ekki í frásögur færandi
nema það rifjaðist upp fyrir mér á
leiðinni út af Mike Attack að hann
segir stundum að eiginlega eigi
framgangur slíkra tónlistarmanna
meira skylt við afreksíþróttir en
tónlist.
Kristján Ingimarsson er að sumu
leyti leiklistarleg hliðstæða við
þetta. Fráleit fimi hans, áreynslu-
laust öryggi og ótrúleg snerpa er
það sem fangar athyglina öðru
fremur. Mér er til efs að Íslend-
ingar hafi nokkurn tíma áður átt
skemmtikraft sem jafnast á við
Kristján. Jafn hreinræktaðan virtú-
ós á sviði leiklistar.
Það er enda einstök unun að
fylgjast með honum leika listir sín-
ar. Í Mike Attack byrjar hann á að
efna til samsæris við áhorfendur
með einföldum trúðabrellum sem
hafa virkað að minnsta kosti síðan á
miðöldum og hafa engu glatað af
áhrifamætti sínum þegar þeim er
beitt af jafn mikilli snilld og hér er
gert. Eftir þann inngang hefur
Kristján alræðisvald yfir gestum
sínum og getur leikið þær listir sem
hann langar til. Og gerir það.
Stóri galdurinn er náttúrulega
galdur umbreytingarinnar. Með
skýru líkamsmáli og að því er virð-
ist áreynslulausri nákvæmni getur
Kristján látið ósýnilega hluti og
persónur birtast, blásið lífi í dauða
hluti og skapað dramatíska spennu
úr engu.
Þó míkrófónninn sé miðlægur þá
er hlutverk hans og staða gagnvart
leikaranum sífellt að breytast, allt
eftir því hvað hann langar að sýna
okkur næst. Stundum er hann
míkrófónn, stundum dansfélagi,
ótemja, kálfur, elskhugi, loftnet,
byssa, billjardkjuði. Og fyrir utan
samleik við míkrófóninn þá birtast
aðrar ósýnilegar persónur á sviðinu.
Dvergarnir sjö kannski eft-
irminnilegastir.
Sýningin er að sönnu fremur
sundurlaus. Svolítið eins og sýn-
ishornamappa þar sem ólíkar brell-
ur fimleikatrúðsins eru settar fram
sjálfra þeirra vegna. Það er meira
eins og hún sé ætluð sem afsökun
fyrir Kristján til að leika listir sínar
frekar en að hæfileikarnir og getan
séu virkjuð til að miðla einhverju
sérstöku. „Etýður“ væri þetta kall-
að ef hann væri píanóleikari. Veit
ekki með þungarokkið.
Það er engin framvinda, sem ger-
ir ekkert til, en heldur engin þróun
í sambandinu milli leikarans og
hljóðnemans, sem væri verra ef
hvert og eitt atriði væri ekki svona
fáránlega vel útfært, fyndið, satt og
við fyrstu sýn nokkurnveginn
óframkvæmanlegt. Samstilling
Kristjáns við þriðja leikarann,
hljóðrásina, er líka hnökralaus með
öllu.
Og auðvitað verða allar al-
vörugefnar efasemdir næsta hjákát-
legar andspænis svona hreinrækt-
aðri list. Það er vandalaust að gefa
sig á vald virtúósinum, hlæja að og
með honum. Því ómennsk tæknin er
ævinlega og stöðugt gegnsýrð af
einlægri leikgleði sem gefur kjána-
legustu uppátækjum líf og sína eig-
in dýpt.
List Kristjáns Ingimarssonar er
einstök og kærkomin viðbót við
leikhúsið hér.
Virtúós
LEIKLIST
Borgarleikhúsið
Höfundur og leikari: Kristján Ingimars-
son, leikstjóri: Rolf Heim.
Nýja sviðinu 30. apríl 2006,
Mike Attack
Þorgeir Tryggvason: „List Krist-
jáns Ingimarssonar er einstök og
kærkomin viðbót við leikhúsið hér.“
Þorgeir Tryggvason