Morgunblaðið - 02.05.2006, Blaðsíða 44

ÁSKRIFT-AFGREIÐSLA 569 1122 ÞRIÐJUDAGUR 2. MAÍ 2006 VERÐ Í LAUSASÖLU 220 KR. MEÐ VSK.
VEIÐIMENN fjölmenntu að
Elliðavatni í gærmorgun en að
vanda hófst veiðin þar að morgni
1. maí og markar dagurinn upp-
haf veiðitímabilsins hjá mörgum.
Veðrið lék við veiðimenn, sem
voru margir hverjir í hátíð-
arskapi, þrátt fyrir að silung-
urinn væri ekkert sérlega töku-
glaður. Þó fréttist af nokkrum
sem drógu fisk og fisk, og ein-
hverjir fengu á annan tug bleikju
og urriða.
Morgunblaðið/Einar Falur
Veiðimenn í hátíðarskapi
 Veðrið lék | 23
VERKAMENN við stíflu- og ganga-
gerð við Kárahnjúka sem starfa á
vegum ítalska fyrirtækisins Imp-
regilo voru flestir í fríi í gær í tilefni
alþjóðlegs dags verkalýðsins. Hins
vegar mættu starfsmenn íslensku
verktakanna, þ.e. Suðurverks, Arn-
arfells og Fosskrafts, til sinnar
vinnu eins og vant er. 1.400–1.500
manns vinna nú á virkjunarsvæðinu.
Flestir starfsmenn bandaríska
fyrirtækisins Bechtels, sem reisir ál-
ver Alcoa á Reyðarfirði, voru við
störf í gær, en um 1.400 manns
starfa nú hjá fyrirtækinu. Dagvinnu-
fólk var þó í fríi.
Ekki gátu allir starfsmenn Imp-
regilo tekið sér frí í gær, t.d. voru
starfsmenn í ræstingum, við örygg-
iseftirlit og í mötuneyti að störfum.
Sigurður Arnalds, upplýsinga-
fulltrúi Landsvirkjunar um Kára-
hnjúkavirkjun, heyrði hljóðið í ís-
lensku verktökunum í gær og sagði
það hafa fylgt sögunni, m.a. frá Suð-
urverki, að þeir starfsmenn sem
vildu taka frí mættu það gjarnan.
„Hinir verktakarnir ákváðu í sam-
ráði við starfsmennina og trúnaðar-
mennina að vinna,“ segir Sigurður.
„Þeir vinna líka allir á samfelldum,
stöðugum vöktum, þannig að vinnan
stoppar aldrei.“
1. maí um allan heim
Ómar R. Valdimarsson, upplýs-
ingafulltrúi Impregilo, segir fyrir-
tækið halda upp á 1. maí og gefa
starfsfólki sínu frí í öllum þeim lönd-
um sem fyrirtækið starfar í, hvort
sem það er viðtekin venja í viðkom-
andi landi eða ekki. Starfsmenn
Impregilo við Kárahnjúka hafa því
allt frá árinu 2003 fengið frí 1. maí.
Nú eru starfsmenn fyrirtækisins
hér á landi um 1.100.
Spurður hvort slegið yrði upp há-
tíðarhöldum í tilefni dagsins í búðum
Impregilo norðan Vatnajökuls segir
Ómar: „Það verður væntanlega ein-
hver hátíðarbragur á matnum, en
lítið annað.“ Reglulegar rútuferðir
séu til Egilsstaða og megi vænta
þess að einhverjir starfsmannanna
hafi notað tækifæri og brugðið sér í
bæinn.
Björn Lárusson, kynningarstjóri
Bechtel, segir engar athugasemdir
hafa borist frá starfsmönnum fyr-
irtækisins vegna vinnu 1. maí. 70%
starfsmanna Bechtel eru Pólverjar,
20% Íslendingar og 10% af öðrum
þjóðernum. Samtals starfar fólk af
um 30–40 þjóðernum við byggingu
álversins.
Um 3.000 manns vinna við Kárahnjúkavirkjun og byggingu álvers á Reyðarfirði
Aðeins Impregilo gaf
starfsfólki frí 1. maí
Eftir Sunnu Ósk Logadóttur
sunna@mbl.is
BORUNUM sem notaðir eru við gerð aðrennslisganga á Kárahnjúkum mið-
aði hægt síðustu vikurnar í apríl. Þeir skiluðu samtals einungis 300 metr-
um í 16. viku en hins vegar bættust 94.000 rúmmetrar af fyllingarefni við í
Kárahnjúkastíflu þá vikuna.
Sigurður Arnalds, upplýsingafulltrúi Landsvirkjunar um Kára-
hnjúkavirkjun, segir aprílmánuð munu verða í meðallagi hvað snertir
framgang framkvæmdanna. Hins vegar hafi mars verið metmánuður. „Það
voru einhverjar truflanir í apríl vegna bilana og bor 2 hefur ekki gengið
mjög hratt því hann er að fara í gegnum misgengi, sem var reiknað með.“
Framgangur í meðallagi í apríl
Reykjahverfi | Sauðburður er hafinn
og byrjar víða vel hvað varðar
lambafjölda. Á Einarsstöðum í
Reykjahverfi hefur verið líflegt í
húsunum að undanförnu og eru
sumar ærnar þrí- og fjórlembdar.
Ærin Þóra sem er átta vetra, bar í
vikunni fjórum hrútum, þremur
bíldóttum og einum svörtum. Hún
hefur oft áður verið marglembd og
hefur alls eignast 23 lömb.
Hér má sjá Guðnýju J. Buch á Ein-
arsstöðum að annast þessa marglitu
fjölskyldu en sauðburðurinn er
hennar uppáhalds tími á árinu.
Fjórlembingar
á Einarsstöðum
FISKVINNSLUFÓLK hlýtur að
vera næst í röðinni að fá leiðréttingu
sinna launa að mati Aðalsteins Á.
Baldurssonar, formanns Verkalýðs-
félags Húsavíkur. Einnig fólk sem
starfar á hótelum og veitingahúsum
sem og almennt iðnverkafólk. Segist
hann ætla að beita sér í þessu máli á
næstunni.
„Undanfarið hefur starfsfólk á höf-
uðborgarsvæðinu verið með skærur
og uppskorið hærri laun og leiðrétt-
ingar,“ segir Aðalsteinn. „Áður höfðu
starfsmenn sveitarfélaganna fengið
leiðréttingar. Ég kalla eftir því að
næsti hópurinn sem bíði [eftir launa-
hækkunum] verði fiskvinnslufólk og
verkafólk almennt á hótel- og veit-
ingastöðum og iðnverkafólk. Það fólk
er með sambærileg kjör og þeir sem
hafa verið í setuverkföllum á höfuð-
borgarsvæðinu. Þetta eru hópar sem
hafa ekkert síður setið eftir. Ég mun
vinna í þessu máli.“
Milli 600–700 manns hlýddu á ræðu
Aðalsteins á Fosshóteli á Húsavík í
gær, á degi verkalýðsins, en þar
fjallaði hann m.a. um kjaramál þeirra
lægst launuðu. | 6
Fiskvinnslu-
fólkið
verði næst
í röðinni
SCHÄFER-tík og fimm hvolpar
hennar drápust á laugardag eftir að
búr sem hundarnir voru í valt með
þeim afleiðingum að skrúfaðist frá
heitavatnskrana og vatn fór að
flæða.
Atvikið átti sér stað í þvottahúsi
heimahúss á Akranesi og segir lög-
reglan á staðnum að tilkynning
vegna þess hafi borist um klukkan 11
á laugardagsmorgun. Óskað hafi
verið eftir aðstoð slökkviliðs til þess
að dæla út vatni sem safnaðist fyrir í
þvottahúsinu.
Sex hundar
drápust
LÖGREGLAN í Reykjavík stöðvaði
á sjötta tímanum í gær för ökumanns
á Miklubraut, en maðurinn ók á 156
km hraða þar sem leyfilegur há-
markshraði er 80 km á klukkustund.
Maðurinn, sem er á þrítugsaldri, var
stöðvaður austan við Grensásveg.
Hann var fluttur á lögreglustöð og
þar tekin af honum skýrsla. Að því
loknu var hann sviptur ökuréttind-
um sínum, að sögn lögreglu.
Á 156 km
hraða á
Miklubraut
TAP deCODE genetics, móður-
félags Íslenskrar erfðagreiningar, á
fyrstu þremur mánuðum ársins
nam 20,3 milljónum dala, um 1.500
milljónum króna, samanborið við
16,9 milljóna dollara tap eftir sama
tímabil á síðasta ári.
Í tilkynningu frá fyrirtækinu,
sem birt var á Nasdaq-markaðnum
í New York eftir lokun viðskipta í
gærkvöldi, segir að aukið tap megi
einkum skýra með hærri kostnaði
við lyfjarannsóknir og -þróun. Jókst
sá kostnaður um 79% milli ára og
nam 14,9 milljónum dollara. Einnig
er þess getið að innleiðing nýrra
reikningsskilaaðferða hafi kostað
900 þúsund dollara, um 66 milljónir
króna.
Tekjur hafa aukist
Tekjur deCODE fyrstu þrjá
mánuðina námu 10,1 milljón doll-
ara, um 750 milljónum króna, sem
er aukning um 600 þúsund dollara
frá sama tíma í fyrra. Óinnkomnar
tekjur í lok mars sl. námu 15,9
milljónum dollara og í komandi árs-
hlutauppgjörum verður tekið tillit
til þess. Handbært fé frá rekstri
nam á sama tíma 140,3 milljónum
dollara, um 10,3 milljörðum króna,
og hafði minnkað um 15 milljónir
dollara frá áramótum.
1.500 millj-
óna tap hjá
deCODE
♦♦♦
♦♦♦