Morgunblaðið - 21.05.2006, Blaðsíða 49
MORGUNBLAÐIÐ SUNNUDAGUR 21. MAÍ 2006 49
UMRÆÐAN
SENN líður að kosningum og
mér finnst eins og mál málanna séu
ekki rædd. Þjóðin er að svíkja
sjálfa sig og afkom-
endur sína með þögn
um þau mál er ef til
vill mestu varða um
framtíð landsins.
Hvers vegna er verið
að tala um að stækka
eiturspúandi álver í
byggð í Hafnarfirði?
Það er bara ekki for-
svaranlegt. Þarna eru
fólk og börn sem eru
viðkvæm fyrir meng-
un. Af hverju erum
við að byggja upp
óhollan iðnað? Eig-
inlega ætti ákvörðun um frekari
þróun áliðnaðar hér á landi að
heyra undir heilbrigðisráðuneytið.
Höfum við leyfi gagnvart kom-
andi kynslóðum til að gerbreyta
ásýnd landsins og rústa mörgum
fegurstu stöðunum? Vissulega skil-
ur maður að fábreytt atvinnu-
ástand kalli á aðgerðir. Það var lít-
ið um spennandi atvinnutækifæri á
Reyðarfirði og þá var gripið til
þess ráðs að reisa þar álver. Reyð-
firðingar eru almennt ánægðir með
þá uppbyggingu ef marka má frétt-
ir. Hefði samt ekki verið hægt að
standa öðruvísi að henni? Málm-
bræðsla er atvinnugrein sem hæfir
ekki hátæknivæddu og menntuðu
samfélagi. Hvað leyfi hafa ráða-
menn til að einoka landið undir
þessa gamaldags atvinnuuppbygg-
ingu? Er þetta ekki atvinnugrein
sem hentar frekar þar sem mennt-
unarstig er lágt og tækniþróun
komin skammt á veg og hennar
þess vegna þörf til að renna stoð-
um undir frekari þróun atvinnulífs?
Þess er ekki þörf þar sem nóg er
hugvitið og hátækni
eins og hér á landi.
Heldur nokkur að það
þýddi að bjóða hinum
Norðurlandaþjóðunum
upp á álvæðingu eins
og nú er raunin hér á
landi?
Þrátt fyrir mót-
mælaraddir er haldið
áfram á þessari
ógæfubraut. Áður fyrr
var haft á orði „hann
seldi sína sál fyrir eina
grautarskál.“ Á meðan
á uppbyggingunni
stendur er skammtímagróði, en
þegar frá líður sitjum við uppi við
uppi með fremur óspennandi störf
og óafturkræfar skemmdir á vist-
kerfi og landslagi. Eigum við ekki
að staldra við núna og hugsa okkar
gang? Það varðar samvisku hvers
manns hvað við erum að gera við
landið okkar. Er það ekki skömm
fyrir ráðamenn að þeir hafi ekki
önnur ráð en að gefa landið? Er
það ekki blaut tuska framan í stolt
okkar að taka við aumum 20 millj-
ónum frá Alcoa, sem hugsar ein-
göngu um að græða á einfeldn-
ingum sem hafa ekki önnur ráð en
að selja landið sitt. Við erum að út-
vega erlendum risafyrirtækjum
land til að þau geti stórgrætt á
okkur. Íslandi blæðir, Alcoa græð-
ir!
Mér er það óskiljanlegt hvernig
stjórnmálaflokkar sem hafna rík-
isforsjá og hampa einstaklings-
framtaki samþykkja mesta rík-
isrekstur sem átt hefur átt sér stað
hér á landi. Satt best að segja er
ég skelfingu lostin yfir því að
stjórnvöld vilja fleiri álver og þar
með að auðhringir nýlenduvæði
landið okkar enn frekar. Enn
skelfilegra er að stór hluti þjóð-
arinnar þegir. Af því mér þykir svo
vænt um landið og er annt um heil-
brigði fólks sé ég mér ekki fært
annað en að kjósa flokk sem er
andsnúinn þessari þróun, með
þekktan umhverfisverndarsinna,
Ólaf F. Magnússon, í fararbroddi.
Þetta er mitt framlag í þessum
kosningum til að leggja öflum lið
sem vilja bægja þessari ógæfu frá
okkur. Einn helsti umhverfivernd-
arsinni Bandaríkjanna nú um
stundir, Robert Kennedy jr., skrif-
aði nýlega: „Við viljum að fólk fái
að njóta þess að hafa hreint loft,
hreint vatn og fagra náttúru.“ Ég
vona að guð gefi að svo verði.
Af hverju þegir þjóðin?
Herdís Tryggvadóttir skrifar
um umhverfi og stóriðju ’Á meðan á uppbygging-unni stendur er skamm-
tímagróði, en þegar frá
líður sitjum við uppi við
uppi með fremur óspenn-
andi störf og óafturkræf-
ar skemmdir á vistkerfi
og landslagi.‘
Herdís Tryggvadóttir
Höfundur er húsmóðir.
Mjög fallegt 176,4 fm
parhús (vesturendi) á 2
hæðum með innbyggð-
um bílskúr. 4 svefnherb.,
bjartar og fallegar stofur
með glæsilegu útsýni. 2
baðherb. Eikarparket.
Hátt er til lofts og falleg
loftaklæðning. Halogen-
lýsing í stofum, eldhúsi
og stiga. Garður snýr í
suður og er skjólsæll og rúmgóður. Stór hellulögð innkeyrsla með hitalögn.
Frábærlega staðsett hús þar sem gönguleið er stutt (engar götur að fara yfir) að
skóla, leikskóla, íþróttaaðstöðu, sundlaug, verslun, heilsugæslu og apóteki. Vel
skipulögð eign á frábærum stað. Verð 46,9 m.
Sveinn og Auður taka á móti fólki í dag, sunnudag, milli kl. 15 og 17.
Opið hús í dag
Goðasalir 13 - Glæsilegt parhús
www.valholl.is
www.nybyggingar.is
Opið virka daga frá kl. 9.00-17.30.
Ingólfur G. Gissurarson, lögg. fast. Sími 588 4477
Til Leigu // Sölu
Borgartún // Skúlagata nuppgert 2.640fm
skrifstofuhúsnæi me 30 bílastæum
1.500fm sam. byggingarréttur, heildarstær getur ori rúmlega 4.000fm.
Húsi hefur sterkt auglsingalegt gildi. Laust til afhendingar.
Nánari upplsingar gefur Karl í s: 892-0160 ea Aron í s: 861-3889
Fasteignafélagi Kirkjuhvoll ehf.// www.kirkjuhvoll.com // aron@kirkjuhvoll.com // karl@kirkjuhvoll.com
Laugavegur 182 • 4. hæð • 105 Rvk Fax 533 4811 • midborg@midborg.is
Björn Þorri hdl., lögg. fastsali, Karl Georg hrl., lögg. fastsali.
Sími 533 4800
Opið hús á Boðagranda 2 a
sunnudaginn milli kl. 13-14
111,3 fm mjög góð 3ja herbergja íbúð á
1. hæð, auk stæðis í bílageymslu. Íbúðin
skiptist í hol, stofu með verönd til austurs,
glæsilegt eldhús með borðkrók, baðher-
bergi, tvö svefnherbergi og sérþvottahús. Í
kjallara er geymsla og sérstæði í bíla-
geymslu. V. 29,5 m.
Brandur sölumaður verður á staðnum,
s: 897-1401.
– Ö r u g g f a s t e i g n a v i ð s k i p t i ! –