Morgunblaðið - 21.05.2006, Blaðsíða 62

62 SUNNUDAGUR 21. MAÍ 2006 MORGUNBLAÐIÐ
UMRÆÐAN
3ja herbergja 85,7 fm falleg, björt og þægileg íbúð á efri hæð í þessu huggulega
húsi. Íbúðin er stofa, 2 svefnherbergi, eldhús og innaf því þvottaherbergi,
endurnýjað baðherbergi og forstofa. Sérinngangur.
Stórar svalir. Mjög rólegur og góður staður. Hægt
að fá keyptan bílskúr.
Ingunn, íbúð 0203, tekur vel á móti ykkur!
LANGAMÝRI 20, GARÐABÆ
OPIÐ HÚS Í DAG KL. 14-15
Kári Fanndal Guðbrandsson, - Sigrún Sigurpálsdóttir, lögg. fasteignasali.
Skipholti 5
Símar 562 1200 og 862 3311
HAUKANES - EINSTÖK STAÐSETNING
- VIRÐULEGT HÚS Á SJÁVARLÓÐ
Höfum fengið í einkasölu glæsilegt og mjög vandað u.þ.b. 600 fm einbýlishús á 1225 fm
sjávarlóð í Arnarnesinu. Húsið er á tveimur hæðum og með innbyggðum bílskúr. Húsið er
byggt 1985 og skiptist m.a. í mjög stórar stofur, eldhús, tómstundaherbergi, fimm herbergi,
þrjú baðherbergi, sundlaug o.fl. Fallegur garður með miklum gróðri. Glæsilegt útsýni. Húsið
er laust til afhendingar nú þegar. Nánari uppl. veita Sverrir og Kjartan. 5813
Sverrir Kristinsson löggiltur fasteignasali
Grandagarður - Til sölu
Fjögur samliggjandi 240 m² skrifstofu-, verslunar- og lagerbil við Grandaveg í
Rvík. Bilin geta verið saman eða í sitthvoru lagi. Hægt er að kaupa 240 m², 720
m² og 960 m² einingar. Innkeyrsludyr eru á einu bilinu. Leiga kemur til greina.
Allar nánari upplýsingar á skrifstofu Traðar.
Sími 511 2900
KÆRU skipulagsnefndaborg-
arfulltrúar!
Ég er með hugmynd: Flytja Ár-
bæjarsafn til Akureyrar. Þar er
mikill menningarbær, mikið af
gömlum húsum og þar er enn töl-
uð íslenska. Svo mundu störf fær-
ast út á land. Ég veit um ágætt
stífelsi sem má úða á torfurnar til
þess að þær verði ekki að mold-
arhrúgu á leiðinni norður. Og
gömlu þjóðbrautina, sem liggur í
gegnum Árbæjarsafnið mörkuð
sporum Snorra Sturlusonar og
Hallgerðar Langbrókar, mætti
flytja með þyrlum í björgunar-
körfum, Eyfirðingar geta þá fetað
í fótspor hetjanna. Akureyringar
eru auðugir að önd og hönd og
geta borgað fyrir flutninginn,
nokkra milljarða.
Og af því að ég er nú byrjaður;
væri ekki ýkt flott að flytja flug-
völlinn á Selfoss? Þar er nóg
ódýrt land og færra fólk með há-
fleygar skipulagstillögur eða sí-
fellt nöldur. Flugvélarnar verða
hvort sem er öruggari, hljóðlátari
og stuttlentari eftir því sem tím-
inn líður og völlurinn þarf því ekki
mikið land. Við Reykvíkingar get-
um ekki verið að skaffa fokdýrt
land undir flugvöll fyrir lands-
byggðarhangsara til þess að þeir
geti flogið í bæinn að heimta
framlög úr Jöfnunarsjóði. Þeir
verða bara að koma á jeppunum
sínum með 32 tommu dekkjunum
eftir hringveginum eins og annað
fólk og geta sjálfir borgað fyrir að
flytja flugvöllinn, nokkra tugi
milljarða. Svo er löngu kominn
tími til að flytja Miklubrautina út
fyrir bæinn og líka hártækni-
sjúkrahúsið væntanlega. Hlemmur
þarf að fara upp í Mosó, það er
orðið svo erfitt að rata þar. Og
Borgarbókasafnið ætti auðvitað að
flytja í Reykholt til Snorra.
Ég geri mér fulla grein fyrir að
rekstur sveitarfélaganna er orðinn
mesta efnahagsvandamál þjóð-
arinnar. Ég veit að þið sjáið ekki
út um gluggann á bæjarskipulags-
skrifstofunni fyrir hrúgum af
EES-reglugerðum. Ég skil vel að
sveitarfélögin geta ekki rekið dýra
skóla. Ég hef samúð með ungu
byggingarskipulagsnefndamönn-
unum ykkar, sem ég sé í sjónvarp-
inu með einbeittan bruðlvilja
sannra fumkvöðla. Þá langar svo
mikið til að byggja sér minnissafn
í Viðey, í særokinu, fegurð gömlu
ruslahauganna og skarkala ski-
paumferðarinnar, það þarf bara
jullu til að ferja gesti.
En mér finnst bruðlið vera orðið
of mikið. Ég bið því frómt, kæru
borgarfulltrúar, setjið hugmyndir
ungu skipulagshugsuðanna ykkar í
tjónamat strax, áður en við Reyk-
víkingar fáum rústirnar og reikn-
inginn. Ef þið þurfið endilega að
eyðileggja Árbæjarsafnið, Borg-
arhlið Reykjavíkur, ekki þá gera
það fyrir mína peninga. Best væri
sannast að segja að þið gerðuð
sem minnst og vonandi kemur ein-
hvern tíma borgarstjórn yfir
Reykjavík með vit og ráðdeild.
Kveðjur.
FRIÐRIK DANÍELSSON,
skattgreiðandi í Reykjavík,
Reyðarkvísl 22, Reykjavík.
Árbæjarsafn
til Akureyrar
Frá Friðriki Daníelssyni:
„ÞÚ ERT það sem þú borðar!“
Það er löngum vitað og er þess
vegna öllum mikilvægt að hugsa
um hvað þeir láta ofan í sig. Ým-
islegt þarf að varast í sambandi
við mataræði og því mikilvægt að
vekja fólk til umhugsunar um
þessi mál, sérstaklega í okkar
neysluvædda samfélagi þar sem
hver getur fengið það sem hann
óskar. Fólk verður að vera með-
vitað um hvað er hollt mataræði
og foreldrar bera mikla ábyrgð í
því sambandi. Því er brýnt að
beina sjónum sérstaklega að mat-
aræði barna og unglinga þar sem
þau eru í áhættuhópi hvað varðar
áhrifavalda og einnig upp á mik-
ilvæg vaxtar- og þroskaskeið
þeirra og líkamsástand.
Undirritaðar könnuðu mataræði
grunnskólabarna á Akureyri og
nágrenni í byrjun marsmánaðar
síðastliðins. Rannsóknin var hluti
af verkefni í lokaáfanga í uppeldis-
og menntunarfræði við Mennta-
skólann á Akureyri. Úrtakið tók
til 79 nemenda í 6., 7. og 8. bekk
úr tveimur grunnskólum. Einnig
tókum við viðtöl við næring-
arfræðing og mötuneytisstjóra
grunnskólanna beggja. Í grein-
arkorni þessu langar okkur að
miðla helstu niðurstöðum þessarar
könnunar okkar.
Vissulega er ástæða til þess að
hafa áhyggjur af einstaka þáttum
en á heildina litið eru börn að
borða nokkuð holla fæðu, sam-
kvæmt okkar niðurstöðum. Börn
sem búa í dreifbýli virðast borða
tiltölulega hollari mat en þau sem
búa í þéttbýli. Möguleg skýring á
þessu gæti verið sú að börn í
dreifbýli hafa ekki jafn greiðan
aðgang að sætindum í sjoppum,
búðum, bíóum og svo framvegis.
Helsta ástæða þess að börn fara
út í sjoppu eða búð er sú að þau
langar í eitthvað gott en ekki af
því að þau eru svöng. Þótt þau
eigi kost á heitum mat í skólanum
ákveða sum þeirra að fara frekar
að kaupa sér eitthvað „betra“ en í
boði er í skólanum. Það kom mjög
á óvart að 49% nemendanna ynnu
sjálfir fyrir þeim peningum sem
þeir nota til þess að fara út í
sjoppu eða búð þar sem ekki er al-
gengt að 12–14 ára börn vinni með
skóla.
Starfsmenn mötuneyta virðast
vera meðvitaðir um mikilvægi
holls og góðs mataræðis og reyna
að laga matseðlana að óskum
allra, starfsmanna sem og nem-
enda. Mötuneyti eru af hinu góða
og að okkar mati ætti að skylda
öll grunnskólabörn til þess að vera
í fæði í skólanum. Það kom í ljós
að flestir voru skráðir í mat í skól-
unum, en eftir því sem nemendur
eltust þeim mun meiri líkur voru á
því að þeir væru ekki í áskrift.
Niðurstöður könnunar okkar
sýna að 65% nemenda borða
morgunmat á hverjum morgni.
Eins og umræðan er orðin í dag,
ætti fólk að vera farið að gera sér
grein fyrir mikilvægi þess að
borða morgunmat ef það vill vera
heilsuhraust. Greinilega er því
þörf á því að fræða krakkana bet-
ur. Æskilegt er að börn fái 30%–
40% af fæðu dagsins fyrri partinn.
Morgunverður er undirstaða dags-
ins, með honum hefst bruni dags-
ins og efnaskiptin fara í gang.
Komið hefur í ljós að börn sem
ekki borða morgunmat virðast
vera í meiri hættu á að fitna en
börn sem borða morgunmat á
hverjum morgni.
Rúmlega 60% nemenda taka
alltaf með sér nesti í skólann. Það
er ósköp eðlileg tala þar sem það
er mjög persónubundið hversu
mikla þörf fólk hefur fyrir að
borða, sumir kjósa að borða mikið
í morgunmat og aðrir taka með
sér nesti. Næringarfræðingurinn
sem við töluðum við telur að
dæmigert fyrirmyndarnesti fyrir
grunnskólabörn samanstandi af
samloku úr grófu brauði með hollu
áleggi auk ávaxtar eða grænmetis.
Jákvætt þykir að 94% nemend-
anna töldu það mjög eða frekar
mikilvægt að borða hollan mat.
Þetta sýnir að flest börn eru með-
vituð um mikilvægi þess að borða
holla og góða fæðu þó svo að þau
telji sig ekki endilega alltaf gera
það.
Á heildina litið voru niðurstöð-
urnar mun jákvæðari en búist var
við. Af þessum niðurstöðum að
dæma ber okkur að taka með var-
úð hinni neikvæðu umfjöllun um
mataræði íslenskra barna. Þegar
spurt var hver væri uppáhalds-
matur nemendanna voru svör eins
og pitsa, kjúklingur, pastaréttir og
hamborgarar tíðust, en þó kom
fyrir að nemendur nefndu hefð-
bundinn heimilismat á borð við
kjötsúpu, fiskibollur, slátur,
lambalæri, grjónagraut og salt-
kjöt. Athuga ber þó að þessar nið-
urstöður eru miðaðar við Akureyri
og nágrenni og því er ekki hægt
að alhæfa yfir allt landið.
Allir þurfa að vinna saman! For-
eldrar, skólar, kennarar, íþrótta-
félög, æskulýðssamtök, sveit-
arfélög og ríki, til að sjá til þess
að æska landsins verði á réttri
braut hvað varðar mataræði og al-
menna heilsu. Þetta er einungis
spurning um hugarfar og vilja.
SIGRÚN ERLA
SVEINSDÓTTIR,
OLGA ÁRNADÓTTIR og
ÞÓRA STEFÁNSDÓTTIR,
Grundarbraut 44, 355 Ólafsvík.
Víst vill æskan holla fæðu!
Frá Sigrúnu Erlu Sveinsdóttur,
Olgu Árnadóttur og
Þóru Stefánsdóttur,
útskriftarnemendum í MA.
Fréttir á SMS