Morgunblaðið - 08.06.2006, Blaðsíða 4
4 FIMMTUDAGUR 8. JÚNÍ 2006 MORGUNBLAÐIÐ
FRÉTTIR
Heimsferðir bjóða ótrúlegt tilboð til
Rimini í júní. Njóttu lífsins á þessum
vinsælasta sumarleyfisstað Ítalíu.
Bókaðu sæti og 4 dögum fyrir brott-
för færðu að vita hvar þú gistir.
Stökktu til
Rimini
21. eða 28. júní
frá kr. 29.990
Verð kr.39.990
Netverð á mann, m.v. 2 í herbergi/stúdíó/
íbúð í viku. Flug, skattar, gisting og íslensk
fararstjórn. Aukavika kr. 10.000.
Síðustu sætin
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Verð kr.29.990
Netverð á mann, m.v. hjón með 2 börn, 2-11
ára, í íbúð í viku. Flug, skattar, gisting og ís-
lensk fararstjórn. Aukavika kr. 10.000.
ENGIN ein tillaga þótti fullnægjandi
í hugmyndasamkeppni Háskólans í
Reykjavík um byggingar á lóð skól-
ans í Vatnsmýrinni en dómnefnd
leggur til að skólinn taki upp viðræð-
ur við hóp sem samanstendur af
Henning Larsen Tegnestue A/S, Ark-
ís ehf. og Landmótun ehf.
Dómnefndin taldi að engin tillaga
uppfyllti væntingar og skilyrði sam-
keppnislýsingar nægilega vel til að
hægt væri að velja eina þeirra sem
ótvíræðan sigurvegara samkeppninn-
ar.
„Við erum kröfuhörð,“ segir Þor-
kell Sigurlaugsson, framkvæmda-
stjóri þróunar- og nýsköpunarsviðs
HR í samtali við Morgunblaðið. Hann
segir að hópurinn sem farið verði í
viðræður við hafi skilað mjög góðri til-
lögu, hún hafi verið áhugaverðust og
næst því sem leitað var að þótt ákveð-
in atriði hafi vantað. Þorkell segir að
óskað verði eftir því við hópinn að
hann geri ákveðnar breytingar á til-
lögunni og lagi hana að því sem óskað
er eftir í lýsingu keppninnar. Einkum
þurfi að vinna ítarlegri lýsingu á skól-
anum og byggingum hans á svæðinu
og einnig hvaða möguleikar séu til að
stækka við byggingarnar í framtíð-
inni. Þá séu einnig atriði sem varða
sjálft svæðið sem skólinn rís á sem
þurfi að lagfæra.
Líklega samið við hópinn
Spurður hvort þetta hafi í för með
sér einhverjar tafir á framkvæmdum
segir Þorkell svo ekki vera, gert hafi
verið ráð fyrir ákveðnum töfum. Í
sumar og haust verði tíminn notaður
til að fara yfir tillögurnar og frekari
viðræður við hópinn.
Hann segir að ef allt fari að óskum
sé mjög líklegt að samið verði við hóp
Henning Larsen Tegnestue, Arkís og
Landmótun. „Við höldum þó öllum
leiðum opnum,“ segir Þorkell.
Í dómnefnd keppninnar voru þau
Guðfinna S. Bjarnadóttir, rektor HR,
Sverrir Sverrisson, formaður há-
skólaráðs HR, Halla Tómasdóttir,
framkvæmdastjóri Viðskiptaráðs og
arkitektarnir Ólafur Axelsson og Sig-
urður Gústafsson. Alls skiluðu fimm
hópar inn tillögum í keppnina og voru
allar tillögurnar í meginatriðum í
samræmi við kröfu- og þarfalýsingu
fyrir utan eina, sem var talin óviðun-
andi. Unnið var að samkeppninni í
samstarfi við Arkitektafélag Íslands
og sérstök áhersla lögð á að bygging-
ar og skipulag svæðisins féllu vel að
umhverfinu. Samkævmt frétt frá
skólanum geta framkvæmdir vænt-
anlega hafist á fyrri hluta næsta árs.
Hugmyndasamkeppni um hönnun nýrra bygginga HR
Engin tillaga vann en við-
ræður hafnar við einn hóp
Eftir Árna Helgason
arnihelgason@mbl.is
ENGIN sérstök rök mæla með því
að fela einkaaðilum gerð og rekstur
Sundabrautar fremur en ríkinu, þar
sem lítil óvissa er um verkið sjálft og
kostnað við það, samkvæmt skýrslu
Ríkisendurskoðunar sem lagt hefur
mat á kosti og galla einkafram-
kvæmdar hvað varðar Sundabraut
og Hvalfjarðargöng.
Fram kemur að Hvalfjarðargöng
séu heldur ekki einkaframkvæmd í
venjulegum skilningi þess orðs, enda
hafi opinberir aðilar staðið að baki
hlutafélagsins Spalar sem sá um
framkvæmdina og eiginleg einka-
framkvæmd um hönnun, gerð og
rekstur ganganna hefði ekki orðið
ódýrari en sú leið sem farin var, að
mati Ríkisendurskoðunar.
Stofnunin bendir á að ríkið hafi í
heild lánað um 1,1 milljarða króna til
verksins af heildarkostnaði upp á um
4,6 milljarða króna. Þá sé ljóst að
ríkið hefði að sjálfsögðu geta fjár-
magnað framkvæmdina með a.m.k.
jafnhagstæðum lánum og Spölur og
jafnvel með lánum á talsvert lægri
vöxtum, þar sem líklegt sé að þau
lánskjör hafi innifalið áhættuálag.
„Sú staðreynd að opinberir aðilar
áttu meirihluta í Speli hefur vafa-
laust orðið til þess að ávinningi
vegna meiri tekna og lægri fjár-
magnskostnaðar var ráðstafað til
notenda ganganna í formi lægra
veggjalds. Eigendum ganganna bar
engin skylda til þess að lækka
veggjaldið þrátt fyrir betri afkomu
og alls óvíst er að slíkt hefði orðið
raunin hefði framkvæmdin verið
hrein einkaframkvæmd,“ segir Rík-
isendurskoðun síðan.
Þá bendir stofnunin á að ekki sjái
þess merki að ríkisrekstur á göng-
unum yrði dýrari svo máli skipti en
núverandi rekstur. Framangreind
atriði virðist ekki síður eiga við varð-
andi gerð Sundabrautar. Ef eitthvað
sé, þá sé sennilega minni óvissa um
kostnað við lagningu Sundabrautar
og umferð um hana en var með Hval-
fjarðargöng.
Ekki hrein einkaframkvæmd
„Niðurstaðan af því sem hér hefur
verið rakið er því að framkvæmdir
við Hvalfjarðargöng geta hvorki tal-
ist hrein einkaframkvæmd í venju-
legum skilningi þess orðs né er
ástæða til þess að ætla að einkafram-
kvæmd skili þar betri árangri en
hefði hún verið unnin á vegum rík-
isins með hefðbundnum hætti. Þá er
heldur ekki hægt að draga þá álykt-
un að sérstök rök mæli með því að
fela einkaaðilum gerð og rekstur
Sundabrautar, hvort sem er 1.
áfanga eða þeirra síðari, fremur en
að ráðast í framkvæmdina með hefð-
bundnum hætti á vegum ríkisins.
Með þessu er að sjálfsögu ekkert
fullyrt um það hvort einkafram-
kvæmdir geti við aðrar kringum-
stæður átt rétt á sér, enda má finna
ýmis dæmi, bæði hérlendis og er-
lendis, um vel heppnaða samvinnu
einkaaðila og ríkis.“
Ríkisendurskoðun leggur mat á kosti og galla einkaframkvæmdar
Engin sérstök rök fyrir einka-
framkvæmd Sundabrautar
Eigendum Hvalfjarðarganga bar engin skylda til að lækka veggjald
Eftir Hjálmar Jónsson
hjalmar@mbl.is
SEX ungir Íslendingar voru í gær heiðraðir fyrir fram-
úrskarandi störf og árangur á ýmsum sviðum. Það var
Junior Chamber International á Íslandi sem veitti verð-
launin í móttöku í Norræna húsinu.
Þau sem voru heiðruð í ár eru: Björgólfur Thor
Björgólfsson viðskiptamaður, fyrir framúrskarandi ár-
angur í viðskiptum, Einar Bárðarson frumkvöðull, um-
boðsmaður og framkvæmdastjóri hjá Concert inc. fyrir
störf eða afrek á sviði menningar, Veigar Margeirsson
hljómlistarmaður og tónskáld í Hollywood fyrir störf
eða afrek á sviði menningar, Ragnhildur Káradóttir,
doktor í taugavísindum, fyrir störf eða uppgötvanir á
sviði læknisfræði, Hendrikka Waage skartgripahönn-
uður og frumkvöðull, fyrir störf eða afrek í viðskiptum
og á frumkvöðlasviði og Rósa Gunnarsdóttir, doktor í
frumkvöðlafræðum fyrir framlag til frumkvöðlastarfs
og nýsköpunar meðal barna.
Á myndinni eru frá vinstri Sólveig Klara, systir
Ragnhildar Káradóttur, Ásthildur Árnadóttir, móðir
Veigars Margeirssonar, Rósa Gunnarsdóttir, Bentína,
systir Björgólfs Thors Björgólfssonar, Hendrika
Waage og Einar Bárðarson.
Morgunblaðið/Eggert
Heiðruð fyrir framúrskarandi störf
LÖGÐ hefur verið fram kæra hjá
sýslumanninum í Reykjavík vegna
sveitarstjórnarkosninganna í
Reykjavík um að tjöld í kjörklefum
hafi víðast hvar verið blá og því hafi
hlutleysis á kjörstað ekki verið gætt,
eins og lög geri ráð fyrir.
Rúnar Þór Þórarinsson, leikja-
hönnuður hjá CCP, lagði fram kær-
una og hefur fengið að vita að hún
verði tekin til meðferðar. Rúnar
sagði í samtali við Morgunblaðið að
hann hefði fyrst tekið eftir þessu
þegar hann fór sjálfur að kjósa.
„Þegar ég gekk í þungum þönkum
að kjörklefanum blasti við mér þetta
stóra, bláa tjald,“ sagði Rúnar og
bætti við að litir sem þessir gætu
augljóslega haft áhrif á óákveðna
kjósendur, líkt og margt annað. Sér-
staklega ætti þetta við þar sem tjöld-
in væru stór og mikil.
Hann sagðist hafa kannað þetta á
fleiri kjörstöðum og segir að á
minnst níu kjörstöðum í borginni
hafi tjöld fyrir kjörklefum verið blá.
Hefur Rúnar fengið þær skýring-
ar að sami aðili hafi séð um að setja
upp kjörklefa í Reykjavík í mörg ár
og aldrei hafi verið látið á það reyna
hvort það valdi ógildingu kosninga
að tjöldin séu blá á litinn.
Kærir vegna
blárra tjalda
í kjörklefum
ODDNÝ Hanna Helgadóttir, sem
lögreglan í Kópavogi hefur leitað
að frá því á sunnudag, er fundin
heil á húfi. Barst lögreglu vísbend-
ing um dvalarstað Oddnýjar, þar
sem hún fannst og hefur henni ver-
ið komið til síns heima. Lögreglan í
Kópavogi vill þakka öllum sem
komu að málinu og veittu aðstoð.
Oddný Hanna
fannst heil á húfi
ÖKUMAÐUR bifreiðar slapp
ómeiddur úr veltu á Garðsvegi við
Leiru skömmu eftir miðnætti í
fyrrinótt. Samkvæmt upplýsingum
frá lögreglunni í Keflavík var mað-
urinn einn á ferð og missti stjórn á
bílnum með þeim afleiðingum að
hann hafnaði utan vegar. Er mað-
urinn grunaður um ölvun við akst-
ur. Bifreiðin skemmdist mikið og
þurfti að flytja hana burtu af vett-
vangi með dráttarbifreið.
Ölvaður öku-
maður velti bíl
RÆTT verður um forvarnir gegn
ofbeldi á öldruðu fólki á opnu
málþingi í dag. Það eru velferð-
arsvið Reykjavíkurborgar og
Öldrunarfræðafélag Íslands sem
standa fyrirmálþinginu sem hefst
kl. 13 í Félagsmiðstöðinni að
Hæðargarði 31. Markmið mál-
þingsins eru þau sömu og al-
þjóðlegra samtaka gegn ofbeldi á
öldruðum (INPEA) með sér-
stökum forvarnardegi, sem hald-
inn verður 15. júní, en þau eru að
vekja umræðu og meðvitund um
ofbeldi gegn öldruðum.
Ræða forvarnir
gegn ofbeldi
á öldruðum
HRAÐSKREIÐASTI bíll í heimi er
kominn til landsins, sænski ofurbíll-
inn Koenigsegg CCX. Sportbíll þessi
er skráður í heimsmetabók Guinness
sem hraðskreiðasti verksmiðjufram-
leiddi bíllinn í heiminum í dag og
nær hann 395 km hámarkshraða.
Bíllinn kom hingað með flugi og
verður á sýningu Bílar og sport í
Laugardalshöll um helgina.
Bifreiðin var um síðustu helgi í
Bretlandi þar sem Koenigsegg sló
annað met. Fór hann hraðasta hring
sem ekinn hefur verið á prófunar-
braut Top Gear-sjónvarpsþáttanna.
Hönnuður og eigandi Koenigsegg-
verksmiðjanna, Christian von
Koenigsegg, er einnig væntanlegur
til landins í fylgd konu sinnar, Hall-
dóru, en hún er af íslenskum ættum.
Hraðskreiðasti bíll
í heimi sýndur hér