Morgunblaðið - 08.06.2006, Blaðsíða 36

36 FIMMTUDAGUR 8. JÚNÍ 2006 MORGUNBLAÐIÐ
UMRÆÐAN
ÚRSLIT bæjarstjórnarkosning-
anna á Akureyri voru sannarlega
ánægjuleg. Vinstriflokkarnir eru sig-
urvegarar kosninganna og „öruggur“
meirihluti Sjálfstæðis- og Framsókn-
arflokks var felldur. Í fyrsta sinn í
sögunni er grundvöllur fyrir því að
mynda meirihluta í bæj-
arstjórn Akureyrar án
þessara flokka. Það
kom því mörgum á
óvart að fyrsti kostur
Samfylkingarinnar
skyldi vera að tala við
Sjálfstæðisflokkinn sem
tapaði um 5% atkvæða í
kosningunum. Þegar
Kristján Þór Júlíusson
tók hinsvegar ekki í mál
að láta bæjarstjórastól-
inn af hendi sneri Her-
mann Jón Tómasson
oddviti Samylkingarinnar sér að
Vinstri grænum og Lista fólksins. Á
fundi var undirritað samkomulag um
að fulltrúar flokkanna myndu hefja
viðræður um myndun meirihluta og
ekki tala við aðra flokka á meðan. Á
fundi strax daginn eftir kosningar
voru málefnin rædd og samkomulag
um að gera drög að málefnasamningi
flokkanna og Hermann Jón hafði
áhuga á því að verða bæjarstjóri þó
að fulltrúum Vinstri grænna og Lista
fólksins litist betur á að ráða faglegan
bæjarstjóra næstu fjögur árin. Ekki
var ágreiningur um þetta og ekki
heldur þau málefni sem ráðast átti í
og boðað var til annars fundar á
mánudegi.
Samfylkingin klikkar
Það undarlega gerist svo þegar
fulltrúar Lista fólksins og Vinstri
grænna mæta á þann fund lýsir Her-
mann Jón því yfir að hann treysti sér
ekki í frekari viðræður
um myndun meirihluta
því sá meirihluti yrði ekki
nægilega „traustur“.
Þessi einhliða ákvörðun
kom öðrum fullkomlega í
opna skjöldu. Einnig það
að Samfylkingin hafði þá
þegar haft samband við
Sjálfstæðisflokkinn um
meirihlutaviðræður.
Þetta var brot á fyrra
samkomulagi og svik við
kjósendur Samfylking-
arinnar sem trúðu því að
markmiðið væri að fella gamla meiri-
hlutann en ekki að Samfylkingin
kæmi inn sem hækja fyrir Sjálfstæð-
isflokkinn í stað Framsóknar. Margir
félagar í Samfylkingunni höfðu sam-
band við mig og lýstu yfir vonbrigðum
með þessa ákvörðun Hermanns Jóns.
Skýr skilaboð
Þegar þetta er skrifað hafa Sam-
fylking og Sjálfstæðisflokkur þegar
samið um skiptingu embætta sem
virðist vera mikilvægasta mál beggja
flokka. Það hljóðar upp á fyrstu þrjú
árin til D-lista og svo fær Hermann
Jón að vera bæjarstjóri síðasta árið.
Útlit er fyrir að Akureyringar fái
þannig þrjá bæjarstjóra á fjórum ár-
um því allir vita að hugur Kristjáns
Þórs stefnir á þing að ári. Skilaboðin
sem kjósendur fá eru svo þau að
Samfylkingin er tilbúin að hoppa uppí
hjá Sjálfstæðisflokki hvenær sem er
og leysa Framsókn af hólmi fyrir
hálft orð. Félagar í Samfylkingunni
geta mótmælt þessum vinnubrögðum
forystunnar á almennum félagsfundi
sem ekki hefur verið boðaður þegar
þetta er skrifað og ef það dugar ekki
þá er hægt að ganga til liðs við raun-
verulegan vinstriflokk sem selur ekki
hugsjónir sínar um leið og kosningar
eru afstaðnar. Verið velkomin í
Vinstrihreyfinguna grænt framboð
sem ætlar að fella ríkisstjórnina í
kosningunum eftir tæpt ár og þá
meina ég alla ríkisstjórnina, ekki
bara litla hlutann.
Vonbrigði fyrir Akureyringa
Hlynur Hallsson fjallar
um meirihlutamyndunina
á Akureyri ’Útlit er fyrir að Akureyringar fái þannig
þrjá bæjarstjóra á fjórum
árum því allir vita að
hugur Kristjáns Þórs
stefnir á þing að ári.‘
Hlynur Hallsson
Höfundur er varaþingmaður
Vinstri grænna.
Opnunar tilboð300.000 kr.afsláttur aföllum
hjól
hýsu
m
Fiskislóð 1 • Sími 580 8500 • www.ellingsen.is • Póstsendum um allt land
Opið mánud. til föstud. kl. 8–18, laugard. kl. 10–16, sunnud. kl. 12–16.
Við höfum opnað nýja og glæsilega stórverslun Ellingsen að Fiskislóð 1.
Af því tilefni bjóðum við 300.000 kr. afslátt af öllum hjólhýsum.
AF EINHVERJUM ástæðum hef-
ur umræðan í þjóðfélaginu um bygg-
ingu á nýju húsnæði fyrir Landspít-
ala – háskólasjúkrahús farið í
undarlegan farveg. Iðu-
lega er orðið hátækni-
sjúkrahús notað þegar
málið er rætt og í fram-
haldi af því hefur um-
ræðan þróast í að fjalla
um hvort þjóðin þurfi
yfir höfuð meiri há-
tæknilækningar, hvort
ekki sé betra að verja
fjármunum í að bæta
grunnþjónustu. Málið
snýst hins vegar ekki
um það.
Margt af þeirri þjón-
ustu við sjúklinga sem
fram fer á LSH byggist vissulega á
háþróaðri tækni. Til að hátæknileg
læknisfræði skili árangri þarf hins
vegar að skapa sjúklingnum tækifæri
til að ná heilsu aftur með því að
tryggja svefnfrið á næturna, næring-
arríkan mat og vandaða umönnun.
Háþróuð læknisfræði er einnig
stunduð víða utan veggja LSH. Um-
ræðan um hvort hún sé æskileg eða
hvort leggja skuli áherslu á grunn-
þjónustu er áhugaverð, en hún á ekk-
ert erindi inn í umræðuna um bygg-
ingu nýs húsnæðis fyrir starfsemi
LSH. Að sjálfsögðu er nauðsynlegt
að tryggja rekstur hjúkrunarheimila,
heimahlynningar og
heilsugæslu, en það á
ekki að þurfa að koma í
veg fyrir að staðið sé
þolanlega að því að
sinna slösuðum og bráð-
veikum.
Mér vitanlega stend-
ur ekki til að bæta við
nokkurri nýrri há-
tækniþjónustu í hinni
nýju byggingu, hins
vegar á að stórbæta að-
stöðu sjúklinga og að-
standenda. Útrýma á
gangainnlögnum og
koma á þeirri sjálfsögðu reglu að
veikir enstaklingar vistist á einbýli.
Til stendur að fjárfesta í byggingu
sem mun gera kleift að færa alla
starfsemina á einn stað, en með því
verður hægt að auka verulega hag-
kvæmni í rekstri sjúkrahússins og
spara stórfé til lengri tíma.
Íslenska þjóðin býr almennt í
ágætu húsnæði. Þegar Íslendingar
ferðast láta þeir ekki bjóða sér að búa
á hótelherbergi með þremur
ókunnugum, hvað þá að sofa dögum
saman í rúmi á gangi hótelsins. Við öll
sem búum í þessu landi þurfum hins
vegar að liggja á stofu með öðrum
sjúklingum eða frammi á gangi ef það
á fyrir okkur að liggja að lærbrotna
eða fá lungnabólgu. Sjálfur vil ég ekki
búa við slíkt ástand.
Má ég biðja þá sem leggjast gegn
byggingu á nýju húsnæði fyrir LSH
að prófa að reyna að sofa eina nótt á
gangi sjúkrahússins. Sjáum hvort
þeir skipta um skoðun.
Orðskrípið hátæknisjúkrahús
Hjalti Már Björnsson fjallar um
byggingu á nýju húsnæði fyrir
Landspítala – háskólasjúkrahús ’Mér vitanlega stendurekki til að bæta við nokk-
urri nýrri hátækniþjón-
ustu í hinni nýju bygg-
ingu, hins vegar á að
stórbæta aðstöðu sjúk-
linga og aðstandenda. ‘
Hjalti Már Björnsson
Höfundur er læknir á LSH.
SAMTÖKIN Landsbyggðin lifi
hafa það meginmarkmið, eins og
nafnið bendir til, að
efla byggðina. Að efla
byggð um allt land, at-
vinnulega, menning-
arlega og hvað varðar
menntun, félagslega
þjónustu, heilbrigð-
isþjónustu og sam-
göngur. Þetta eru
grasrótarsamtök, sem
ganga þvert á alla póli-
tíska flokkaskiptingu. Í
samtökunum vinnur
fólk saman úr öllum
pólitískum flokkum og
utan flokka, sem vill
standa saman um efl-
ingu byggðanna. Að-
ferð samtakanna er að
efla virkni fólks til þátt-
töku í að móta sitt um-
hverfi, verja og auðga
sína byggð, láta nýjar
hugmyndir spretta
fram og þróa þær sam-
eiginlega. Til að efla
stöðu byggðanna þurf-
um við fyrst og fremst
að treysta á okkur
sjálf.
Starf í byggðafélögum, æsku-
lýðsstarf og byggðaþing
Heildarsamtökin eru ekki fram-
kvæmdaaðili í venjulegum skilningi,
en vilja gjarnan mynda brú milli vilja
og hugmynda almennings og fram-
kvæmdaaðilanna, ríkisins, sveitarfé-
laga og einstaklinga. LBL er regn-
hlífarsamtök og undir regnhlífinni
standa byggðafélög. Sum eru ný og
hafa verið stofnuð beinlínis sem LBL
félög en þarna eru líka eldri félög
með sömu stefnumið. Þessi félög
starfa sjálfstætt, og heita ýmsum
nöfnum, oft framfarafélög, kennd við
ýmsa staði á landinu. Þau njóta vel-
vildar og eru oft styrkt af heima-
byggðinni.
Aðalstarf innan LBL fer fram í
slíkum aðildarfélögum. Það stendur
grasrótinni næst að vinna að fram-
förum í sinni heimabyggð. Heildar-
samtökin LBL hafa það hlutverk að
tengja saman starfið á hinum ýmsu
stöðum, efla það með því að hver læri
af reynslu annars.
Þetta er gert m.a. með byggða-
þingum, þar sem fólk kemur saman
úr öllum landshornum og hlustar á
sérfræðinga fjalla um ýmsa þætti
byggðamála, og tekur þátt í sameig-
inlegri umræðu. Nk. haust verður
byggðaþing að Hallormstað á Fljóts-
dalshéraði, sem mun fjalla um „Lífið
eftir virkjun“.
En þessi tenging fer líka fram á
heimasíðu LBL, landlif.is, sem mein-
ingin er að breytist smám saman í
virkt vefrit, sem tengi
saman umræðu um
byggðamál um allt land.
Meðal sérstakra
verkefna sem skipar og
mun skipa mikilvægan
sess í sameiginlegu
starfi LBL er starf með-
al æskufólks, sem miðar
að því að fá það, orku
þess og hugmyndaauðgi
með í baráttuna fyrir
eflingu byggðanna.
Öflugt
grasrótarstarf
Gífurlega mikilvægt
starf, barátta fyrir efl-
ingu byggða, fer fram
meðal fjölmargra sam-
taka og einstaklinga um
allt land. Það er ekki
meining LBL að koma í
staðinn fyrir þetta starf,
heldur að vera virkur
þátttakandi í því og efla
það. Það er von LBL að
samtökin geti í vaxandi
mæli orðið tengiliður
milli þeirra fjölmörgu
sem eru að leggja hönd á plóginn í
byggðamálum, með því að vera fé-
lagslegur vettvangur fyrir þá, með
því að skipuleggja landssamkomur,
svo sem aðalfundi LBL og byggða-
þing og með því að halda úti öflugri
heimasíðu eða vefriti til samskipta
milli þeirra sem baráttuna heyja á
hverjum stað.
Sé það eitthvað eitt sem mun ein-
kenna starfsemi heildarsamtaka
LBL á næstunni þá er það slík út-
breiðslustarfsemi. Bygging brúar
milli hinna virku hvar sem er á land-
inu og í hvaða félagi sem þeir starfa,
svo þeir megi aukast að afli og áræði.
Um næstu helgi, 10.–11. júní, verð-
ur aðalfundur samtakanna Lands-
byggðin lifi (LBL) haldinn að Núpi í
Dýrafirði. Þar verður auk venjulegra
aðalfundarstarfa fjallað um stöðu
byggðamála á Vestfjörðum. M.a. mun
Einar Oddur Kristjánsson, alþing-
ismaður ávarpa þingið og bæjarstjóri
eða annar fulltrúi frá bæjarstjórn
Ísafjarðar.
Á fundinum verður sérstaklega
fjallað um hlutverk og starfsemi LBL
til framtíðar, sem nú er til umræðu í
mörgum pistlum á heimasíðu LBL,
landlif.is.
LBL – Efling
byggðar
um land allt
Ragnar Stefánsson fjallar um
samtökin „Landsbyggðin lifi“
Ragnar Stefánsson
’Aðferð sam-takanna er að
efla virkni fólks
til þátttöku í að
móta sitt um-
hverfi, verja
og auðga sína
byggð...‘
Höfundur er prófessor og formaður
samtakanna Landsbyggðin lifi.