Morgunblaðið - 08.06.2006, Blaðsíða 29

MORGUNBLAÐIÐ FIMMTUDAGUR 8. JÚNÍ 2006 29
MENNING
JÓN Sigurðsson og Margaret
Cheng Tuttle leika fjórhent á pí-
anó á tónleikum í Norræna húsinu
í kvöld klukkan 20.
Margaret er margverðlaunuð
tónlistarkona sem hefur lokið prófi
í stærðfræði frá MIT auk meist-
araprófs í tónlist frá New England
Conservatory of Music í Boston.
Jón hefur lokið meistaraprófi í pí-
anóleik frá Arizona State Univers-
ity í Bandaríkjunum ásamt burt-
farar- og píanókennaraprófi frá
Tónlistarskólanum í Reykjavík.
Að sögn Jóns eru þetta aðrir
tónleikar þeirra tveggja, en þau
hafa áður spilað saman í Boston í
Bandaríkjunum.
Efnið sem flutt verður var valið
með það fyrir augum að það væri
fjölbreytt, skemmtilegt og ekki of
langt í flutningi, en tónleikarnir
eru um 50 mínútur. „Við vildum
hafa fjölbreytta dagskrá og reyn-
um að koma við sem flesta bragð-
lauka,“ segir Jón.
Tónleikarnir samanstanda af
verki eftir Bizet, þar sem hann
reynir að framkalla stemningu úr
barnaleikjum með tónum, djass-
svítu eftir nútímatónskáldið Kevin
Olson og sónötu eftir W.A. Moz-
art.
Aðgangseyrir er 1000 krónur
fyrir fullorðna og 500 krónur fyrir
eldri borgara og nemendur.
Morgunblaðið/Kristinn
Margaret Cheng Tuttle og Jón Sigurðsson.
Reyna á „flesta bragðlauka“
HVERNIG kynnir maður heim
óperunnar fyrir börnum? Með
því að vera skemmtilegur og
fræðandi á sama tíma. Það tókst
þeim Þóru Björnsdóttur, Örvari
Má Kristinssyni og Ívari Helga-
syni á sýningu sem þau settu
upp í Hafnarfjarðarleikhúsinu á
sunnudaginn. Á dagskránni var
óperan Bastien og Bastienne eft-
ir Mozart sem hann samdi þegar
hann var tólf ára, en hún er bara
í einum þætti og aðeins þrjár
persónur koma við sögu í henni.
Það eru þau Bastien og Basti-
enne, tveir fjárhirðar og elsk-
endur sem eru „hætt saman“
vegna kvensemi þess fyrrnefnda,
og galdramaðurinn Colas, en
hans hlutverk er að koma þeim
saman á ný. Hljómsveitin var í
stafrænu formi úr hátölurum og
sviðsmyndin málverk af Vín-
arborg; sjálfsagt hefur upp-
færslan því kostað aðeins brot af
þeirri himinháu fjárhæð sem Ís-
lenska óperan þarf að punga út
fyrir hverri sýningu.
Bastien og Bastienne er sýnd í
samvinnu við Barnaóperuna Pic-
colino frá Vínarborg og nútíma-
leg leikgerðin var eftir Stefan
Kranitz, sem hefur sérhæft sig í
að kynna óperur fyrir börnum. Á
undan sýningunni settu þeir
Örvar og Ívar upp örlítinn leik-
brúðuþátt þar sem mismunandi
raddtýpur óperuheimsins voru
kynntar til sögunnar og var það
svo fyndið að áheyrendur veltust
um af hlátri, þar á meðal und-
irritaður.
Óperan sjálf var líka bráð-
skemmtileg; að vísu gat þríeykið
lítið sungið vegna auðheyrilegs
skorts á skólun í óperusöng, en
þau bættu það upp með bráðs-
mellnum leikrænum tilþrifum.
Og þar sem Bastien og Basti-
enne er flétta af leikriti og söng,
þá gerði takmörkuð sönggetan
minna til en ella.
Verkið er um klukkutími að
lengd og hentar því prýðilega til
kynningar á heimi óperunnar.
Og þótt lítill drengur fyrir fram-
an mig hafi verið orðinn svo óró-
legur undir það síðasta að
mamma hans þurfti að fara með
hann fram var hann í miklum
minnihluta á sýningunni. Flest
börnin skellihlógu að vandræða-
gangi sögupersónanna og óhætt
er að fullyrða að sýningin hafi
gert þau móttækilegri til að sjá
„alvöru“ óperu síðar. Að minnsta
kosti vissu þau heilmikið á eftir,
þar á meðal að óperur geta svo
sannarlega verið skemmtilegar.
Galdra-
maður
bjargar
fjárhirðum
TÓNLIST
Hafnarfjarðarleikhúsið
Á menningarhátíðinni Björtum dögum.
Bastien og Bastienne eftir Mozart í flutn-
ingi Þóru Björnsdóttur, Örvars Más Krist-
inssonar og Ívars Helgasonar. Leikgerð:
Stefan Kranitz. Sunnudagur 4. júní.
Barnaópera
Jónas Sen