Morgunblaðið - 08.06.2006, Blaðsíða 18
Flúðir | Annar af tveimur aðaluppskerutímum í
jarðarberjaræktuninni í garðyrkjustöðinni Silf-
urtúni á Flúðum stendur nú yfir. Berin eru rækt-
uð í gróðurhúsum og fara fersk og gómsæt á
markaðinn á hverjum degi. Myndin var tekin þeg-
ar Þóra Ágústa Úlfsdóttir var að tína jarðarber í
Silfurtúni.
Jarðarberjaræktun er nokkuð erfið og flókin, að
sögn Eiríks Ágústssonar sem rekur Silfurtún með
konu sinni, Olgu Lind Guðmundsdóttur. Upp-
skerutíminn er vor og haust og skipt um plöntur
árlega. Nú hafa þau bætt við einu gróðurhúsi til að
fá uppskeru um mitt sumar í þeim tilgangi að
þjóna betur markaðnum yfir sumarið.
Morgunblaðið/Sigurður Sigmundsson
Aðaluppskerutími jarðarberjanna
Garðyrkja
Höfuðborgin | Akureyri | Austurland
Minnstaður
Höfuðborgarsvæðið Guðrún Aðalsteinsdóttir, frett@mbl.is sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri sími 569-1100, Skapti Hallgrímsson,
skapti@mbl.is, 669-1114. Vesturland Guðrún Aðalsteinsdóttir, frett@mbl.is, sími 569-1290.
Austurland Steinunn Ásmundsdóttir, austurland@mbl.is, sími 669-1115. Árborgarsvæðið og
Landið Helgi Bjarnason, helgi@mbl.is, sími 569-1310 og 669-1310 og Guðrún Aðalsteinsdóttir,
frett@mbl.is, sími 569-1290.
Mínstund frett@mbl.is
Ég varð nánast orðlaus á gatnamótum
Glerárgötu og Dalsbrautar í vikunni. Fyr-
ir framan mig, á rauðu ljósi, var ungt fólk í
bíl; allt í einu skrúfaði eitt þeirra niður
rúðu bílstjóramegin og út kom tóm gos-
flaska úr gleri. Flaskan rúllaði svo undir
bílinn og yfir á næstu akrein við hliðina...
Þrátt fyrir að sóðaskapur geti vissulega
verið atvinnuskapandi – því margt fólk er í
fullri vinnu við það í heiminum að týna upp
rusl eftir aðra – er slæm umgengni á al-
mannafæri óþolandi. Þessi litli leikþáttur
við rauða ljósið finnst mér að minnsta
kosti ekki fyndinn.
Starfslokasamningur sem Kaupfélag Ey-
firðinga gerði við Andra Teitsson, fyrrver-
andi framkvæmdastjóra félagsins, á síð-
asta ári virðist hafa verið viðunandi fyrir
Andra. Eða hvað? Skv. fréttum Rík-
isútvarpsins var hann upp á tæpar 34
milljónir. RÚV segir skuld félagsins við
Andra hafa verið 28,8 millj. kr. um ára-
mótin en samningsupphæðin, sem gjald-
færð var á árinu, samtals 33,9 milljónir.
Jón Hjaltason sagnfræðingur og bókaút-
gefandi var á dögunum kjörinn formaður
Félags sjálfstætt starfandi fræðimanna
við stofnun þess á Akureyri.
Hugmyndin er að starfsemi félagsins verði
á svipuðum nótum og hjá Reykjavík-
urakademíunni. Norðurakademían – eins
og Sverrir Páll Erlendsson mennta-
skólakennari vill kalla hana – hefur fengið
hluta af gamla Húsmæðraskólanum við
Þórunnarstræti undir starfsemina.
Stemmningin í KA-heimilinu í fyrrakvöld
var næstum því eins og í gamla daga þegar
Alli Gísla og félagar unnu glæsta sigra. Nú
var „kóngurinn“ á hliðarlínunni og fagnaði
sigri í fyrsta landsleiknum sem þjálfari.
Það var við hæfi, í danskasta bæ landsins
að það voru Danir sem lutu í lægra haldi.
Úr
bæjarlífinu
AKUREYRI
EFTIR SKAPTA HALLGRÍMSSON
BLAÐAMANN
GöngugarpurinnJón Eggert Guð-mundsson, sem í
sumar áætlar að ljúka
göngu sinni með strönd-
um Íslands, gekk fyrir
botn Skagafjarðar í gær.
Við Árskóla á Sauð-
árkróki hitti göngugarp-
inn hópur barna af leik-
skólunum Glaðheimum
og Árvist, en einnig þeir
Ársæll Guðmundsson,
sveitarstjóri Skaga-
fjarðar, og Áskell Heiðar
Ásgeirsson sviðsstjóri.
Slógust þau öll í för með
Eggerti á göngu hans í
gegnum Sauðárkróksbæ
og var það tilkomumikil
halarófa að sjá.
Lengri leiðin gengin
Eggert sagði ferðinni
miða vel, vissulega hefði
blásið hressilega á hann
undanfarna daga, en slíkt
væri ekki neitt til að láta
á sig fá, og í rakinni sunn-
anáttinni mun hann að
minnsta kosti ekki hafa
storminn í fangið á leið
sinni út að Hrauni á
Skaga. Þangað liggur leið
hans, fyrir Skaga til að
ferðin standi undir nafni,
áleiðis til Blönduóss, en
þar mun hann verða 10.
júní næstkomandi, sam-
kvæmt áætlun. Eggert
minnir á að Strandvega-
ganga hans er farin til
styrktar Krabbameins-
félagi Íslands og er hægt
að leggja málefninu lið
meðal annars með því að
hringja í sérstakan söfn-
unarsíma, 907 5050, og
verða þá 1.000 krónur
innheimtar með næsta
símreikningi.
Morgunblaðið/Björn Björnsson
Göngugarpurinn fer
nú veginn fyrir Skaga Rúnar Kristjánssoná Skagaströndfylgdist með at-
burðarásinni í Reykjavík
þegar myndaður var
meirihluti Sjálfstæð-
isflokks og Framsókn-
arflokks:
Ýmsir éta á sig gat
eftir séðum líkum.
Ólafur er enn í mat
út af sulti ríkum!
Og áfram:
Hann með Villa valdagraut
vildi feginn smakka.
En fyrir syni hrafnsins hlaut
háðulega að bakka.
Og:
Séð var veiðin sigurgreið,
samráðs breiður vegur.
Dagur beið uns dagur leið,
dagur neyðarlegur!
Og að lokum yrkir
Rúnar Kristjánsson:
Að fara á íhalds fjörurnar
Framsókn kann til hlítar.
Þó valdaskipta vörurnar
verði sjaldan nýtar!
Af meirihluta
í borgarstjórn
pebl@mbl.is
Hellisheiði | „Þetta var málefnalegur fund-
ur og ég var mun bjartsýnni þegar ég fór
út en ég var fyrir fundinn,“ segir Gunnar
Þorgeirsson, formaður Samtaka sunn-
lenskra sveitarfélaga (SASS). Forystu-
menn samtakanna fóru á fund Sturlu
Böðvarssonar samgönguráðherra, þing-
manna kjördæmisins og stjórnenda Sjó-
vár-Almennra til að kynna þeim viðhorf til
hugmynda Sjóvár um tvöföldun Suður-
landsvegar í einkaframkvæmd.
Sjóvá-Almennar kynntu stjórn SASS
hugmyndir um einkaframkvæmd á fjög-
urra akreina upplýstum vegi milli Selfoss
og Reykjavíkur og tók stjórnin þeim fagn-
andi. Á fundinum í ráðuneytinu ítrekaði
Sturla Böðvarsson samgönguráðherra þá
sýn sína að breikka þyrfti meginsam-
gönguæðarnar út af höfuðborgarsvæðinu
og möguleika á að vinna verkin í einka-
framkvæmd. Lýsti hann því yfir að hug-
myndir Sjóvár-Almennra yrðu sendar
samgönguráði til umfjöllunar, einkum er
varðar einkaframkvæmdarþáttinn. Sam-
gönguráð vinnur að undirbúningi endur-
skoðunar samgönguáætlunar sem nú
stendur yfir.
Að sögn Gunnars hefur það komið til tals
að sveitarfélögin á Suðurlandi taki þátt í
stofnun hlutafélags um þessa framkvæmd
og taldi hann að það gæti vel komið til
greina. Í því sambandi benti hann á að
samgöngubætur á þessari leið væri meg-
ináhersluatriði sveitarstjórna á svæðinu og
mikil samstaða um það.
Samgöngu-
ráð ræðir um
Hellisheiði
Vesturland | Ferðaþjónustuaðilar á Vest-
urlandi urðu varir við aukna umferð ferða-
fólks um hvítasunnuhelgina, sérstaklega
fyrirtækin í Borgarfirði en þar hafa ýmsar
nýjungar í afþreyingu og gistingu bæst við
frá síðasta ári.
Sextán ferðaþjónustufyrirtæki á Vestur-
landi, Upplifðu allt hópurinn, stóðu fyrir
ýmsum atburðum og kynningu um helgina.
Þórdís G. Arthursdóttir, forsvarsmaður
hópsins, segir að það hafi borið árangur.
Segir hún að mikið hafi verið að gera í
Landnámssetrinu í Borgarnesi, í Fossa-
túni og Hótel Hamri en allt eru þetta nýir
staðir, og víðar í Borgarfirði. Minni umferð
hafi verið úti á Snæfellsnesi og taldi hún
veðurspána ef til vill eiga þátt í því.
Nýjungar í þjón-
ustu draga að
♦♦♦