Morgunblaðið - 09.06.2006, Síða 53

MORGUNBLAÐIÐ FÖSTUDAGUR 9. JÚNÍ 2006 53
FRÉTTIR
SMFR lét dRauMinn RætaSt
Með alþjónuStu nýheRja
hverjir eru
þínir draumar?
lægri kostnaður – Sérfræðingar sjá um reksturinn
Dreymir þig um að lækka tölvukostnaðinn, greiða ávallt fast og
fyrirsjáanlegt mánaðargjald og að sérfræðingar sjái um tölvureksturinn?
Fari eitthvað úrskeiðis þá getir þú hringt eitt símtal og að sérfræðingur
með þekkingu og reynslu komi öllu í samt lag, án aukakostnaðar?
Þér finnst þetta kannski vera stór draumur en þó er hann einn af þeim
sem þú getur látið rætast á einfaldan hátt með því að velja Alþjónustu
Nýherja.
Það eina sem þú þarft er tölva og Nýherji sér um að tölvukerfið standi
fyrir sínu.
Hafðu samband við söluráðgjafa Nýherja og fetaðu í fótspor fjölda
ánægðra viðskiptavina sem hafa áttað sig á hagræðinu sem fylgir því að
úthýsa tölvurekstrinum.
Alþjónusta Nýherja uppfyllir þinn draum.
Nánari upplýsingar á www.nyherji.is, í netfanginu
ut@nyherji.is eða í síma 569 7700
Nýherji hf. · Borgartúni 37 · 105 Reykjavík · Sími 569 7700 · www.nyherji.is
jafn kostnaður og aukin þægindi
„Með Alþjónustu Nýherja höfum við náð að skapa aukið jafnvægi
við tölvureksturinn og kostnaðurinn er fyrirsjáanlegur, engir
óvæntir reikningar. Einnig þurfum við ekki að hafa áhyggjur
af t.d. afritunartöku og getum leitað til öflugra sérfræðinga
Nýherja þegar eitthvað bjátar á en þeir geta unnið í vélum okkar
úr Borgartúninu sem sparar báðum aðilum tíma og fyrirhöfn.
Þannig getum við einbeitt okkur að því að sinna viðskiptavinum
okkar eins og við gerum best.”
Einar Guðmundsson, sviðsstjóri fjármálasviðs
Svæðisskrifstofu málefna fatlaðra á Reykjanesi - SMFR.
BANDARÍSKA meltingarlækna-
félagið, þ.e. American Gastroent-
erological Association, er elsta og
fjölmennasta félag meltingarsér-
fræðinga og eru félagar um 16.000
talsins.
Almenn aðild þ.e. „Membership“
fæst eftir viðurkenndan námsferil og
sérfræðipróf. Innan félagsins hefur
nýlega verið stofnað „Fell-
owship“-stig, ætlað þeim sem eru
taldir hafa skarað fram úr í starfi og/
eða rannsóknum, 550 einstaklingar
eða um 3,5% félagsmanna hlutu
þessa viðurkenningu á þingi samtak-
anna í Los Angeles í maí síðastliðn-
um.
Birgir Guðjónsson lyf- og melting-
arlæknir er meðal þeirra fyrstu sem
eru heiðraðir með vali í þennan hóp.
Birgir nam lyflæknisfræði og melt-
ingarsjúkdóma við Yale-háskólann
og varð þar „Assistant Professor“.
Rannsóknir hans hafa einkum snúist
um krabbamein í briskirtli og að-
ferðafræði við útreikninga á lífslík-
um sjúklinga með þann sjúkdóm,
með og án skurðaðgerða.
Birgir Guðjónsson og dr. Mark Donowitz, prófessor við Johns Hopkins-læknaskól-
ann, sem er nýkjörinn forseti American Gastroenterological Association.
Valinn í úrvalshóp
meltingarlækna
TAÍLENDINGAR efna til hátíðar í
Ráðhúsi Reykjavíkur á morgun,
laugardaginn 10. júní kl. 12–18, í
tilefni 60 ára valdaafmæli Taílands-
konungs, Bhumibol Adulayadej.
Í tilefni þess eru haldnar hátíðir
um heim allan sem helgaðar eru lífi
og starfi konungs. Dagskráin í
Ráðhúsinu verður fjölbreytt; munk-
ur Búddistafélagsins heldur kynn-
ingu á konunginum í máli og mynd-
um, flutt verða dans- og söngatriði
og kynning á taílenskri matargerð.
Taílendingar af öllu landinu
koma til Reykjavíkur til að und-
irbúa hátíðina og þeir leggjast allir
á eitt til að gera hana sem vegleg-
asta en tæplega 1.000 Taílendingar
búa hér á landi, segir í frétta-
tilkynningu.
Að hátíðinni standa aðalræðis-
skrifstofa Taílands á Íslandi, Búdd-
istafélag Íslands og Taílensk-ís-
lenska félagið. Allir eru velkomnir
á hátíðina.
Taílensk
hátíð í Ráð-
húsinu
UTANRÍKISRÁÐHERRA hefur
ákveðið að íslensk stjórnvöld muni
styðja alnæmisverkefni Alþjóðasam-
bands Rauða krossins og Rauða hálf-
mánans í sunnanverðri Afríku.
Framlagið mun samtals nema
320.000 bandaríkjadollurum sem
svarar til um það bil 20 milljóna ís-
lenskra króna á núverandi gengi og
mun verða greitt í fjórum jöfnum
greiðslum á árunum 2006–2009.
Ríkisstjórnin og Rauði kross Ís-
lands lögðu fram áheit um samvinnu
um stuðning við alnæmissjúka á 28.
alþjóðaráðstefnu Rauða krossins og
Rauða hálfmánans og ríkja sem eru
aðilar að Genfarsamningunum. Til-
kynnt var um þetta framlag ríkis-
stjórnarinnar á ráðherrafundi Sam-
einuðu þjóðanna um alnæmi sem
haldinn var í New York dagana 1.–2.
júní sl.
Rauði krossinn fagnar mjög þess-
um stuðningi ríkisstjórnarinnar. Al-
næmisvandinn er einn helsti ógn-
valdur íbúa í löndunum sunnan
Sahara, þar sem hlutfall smitaðra
meðal fullorðinna er um 25–30% og
jafnvel enn hærra í sumum löndum.
Rauði kross Íslands hefur síðan árið
2000 stutt Rauða krossfélögin í
sunnanverðri Afríku í glímunni við
þennan vágest, bæði í samvinnu við
Alþjóðasamband Rauða krossins,
landsfélög Rauða krossins í Suður-
Afríku, Malaví og Mósambík og Þró-
unarsamvinnustofnun Íslands, segir
í fréttatilkynningu.
Verja 20
milljónum
króna til
alnæmis-
verkefna
♦♦♦
KAFFISALA verður á
Sjómannadaginn, sunnu-
daginn 11. júní, á Hrafn-
istu í Reykjavík og
Hrafnistu í Hafnarfirði
kl. 14–17.
Handavinnusýning og
sala á fjölbreyttri
handavinnu heimilisfólks
er frá kl. 13 til 17 og
mánudaginn 12. júní frá
kl. 10 til 16. Allir vel-
komnir.
Basar og
kaffisala á
Hrafnistu