Morgunblaðið - 09.06.2006, Síða 59

MORGUNBLAÐIÐ FÖSTUDAGUR 9. JÚNÍ 2006 59
MENNING
hringiðu heimsmálanna og mikil
reiði beindist gegn landinu.“
Sýning Sams Jedigs í Galleríi
Í GALLERÍI Kambi, Rangárþingi
ytra, verður á morgun opnuð sýning
danska listamannsins Sams Jedigs.
Sam hefur verið áberandi í
dönsku listalífi, ekki síst fyrir störf
sín sem sýningarstjóri í Stalke Gall-
ery og Stalke Out of Space í Kaup-
mannahöfn. Þetta er fyrsta sýning
Sams Jedigs hér á landi en hann
hefur áður látið að sér kveða í ís-
lenskri listaflóru sem sýningarstjóri
á verkum erlendra listamanna hér á
landi auk þess að kynna íslenska
listamenn í Danmörku. Þá tók Sam
undir sinn verndarvæng ungan
listamann í námi, Ólaf Elíasson, og
voru fyrstu sýningar Ólafs í Stalke
Gallery.
Sjálfsmynd Danmerkur
á ólgutímum
Verkin sem gefur að líta á sýning-
unni í Galleríi Kambi vann Sam þar
sem hann dvaldist í Frakklandi:
„Þetta var um það leyti sem skop-
myndadeilan stóð sem hæst í Dan-
mörku og þjóðin átti í mikilli krísu,“
segir Sam. „Ég einangraði mig frá
umheiminum og vann verkin, sem
eru eins konar ferðalag um draum-
heima og þá upplifun að vera Dani á
þessum tímum, þegar verið var að
brenna danska fánann vítt og breitt
um hinn íslamska heim.“
Sýningin í Galleríi Kambi ber
yfirskriftina „Vildi að þú værir hér“.
Á sýningunni gefur að líta tvö
myndbandsverk, klippimyndir og
teikningar: „Verkin fjalla um hnatt-
væðinguna, kristna og múslima.
Skopmyndadeilan var erfiður tími
fyrir Dani. Við höfðum áður verið
meðal best liðnu þjóða en bökuðum
okkur á örskotsstundu miklar óvin-
sældir. Fram að þessu höfðum við
vanist því að sjá bandaríska fánann
brenndan á torgum, en skyndilega
var Danmörku fleygt inn í miðja
Kambi á Þjórsárbökkum stendur til
2. júlí. Galleríið er opið kl. 13–18 alla
daga nema miðvikudaga.
Myndlist | Danski listamaðurinn Sam Jedig opnar sýningu í Galleríi Kambi á morgun
Þegar danski
fáninn brann
Danmörk og íslam: Sam Jedig fyrir framan hluta af verkunum sem hann sýnir í Gallerí Kambi.
Nánari upplýsingar um listamann-
inn má finna á www.samjedig.dk.
ÉG hef kvartað yfir því nokkrum
sinnum að eitt fegursta verk tón-
bókmenntanna, Vespers, eða
Páskavaka eftir Rachmaninoff,
væri aldrei sungið hér á landi. Það
var því með sérstakri eftirvæntingu
að ég fór á vortónleika Mótettukórs
Hallgrímskirkju á mánudaginn, en
þá flutti kórinn fimm þætti af fjór-
tán (nr. 6, 8, 9, 10 og 11) úr þessari
stórkostlegu tónsmíð.
Skemmst er að segja frá því að
frammistaða kórsins olli ekki von-
brigðum. Heildarhljómurinn í kórn-
um var unaðslega safaríkur og
bassarnir, sem þurftu að syngja
dýpri tóna en gengur og gerist,
voru öruggir og kraftmiklir. Meira
að segja tenórarnir, sem oftast eru
veiki hlekkurinn í íslenskum kórum,
sungu ákaflega fallega; sömuleiðis
voru kvenraddirnar bjartar og tær-
ar. Þetta skilaði sér í músíkupplifun
sem var alveg einstök. Hörður náði
að gæða flutninginn forneskjulegu
andrúmslofti Austurkirkjunnar, en
á sama tíma var svo gífurleg tilfinn-
ingaólga í söngnum að maður fékk
gæsahúð af hrifningu.
Auðvitað var ekki allt fullkomið,
t.d. hefði ýmislegt í níunda sálmin-
um vel mátt vera öruggara, en það
gerði sönginn bara mannlegri og
þar sem stemningin var svo fylli-
lega í anda Rachmaninoffs gerðu
misfellurnar tónlistina bara meira
spennandi en ella.
Margt annað dásamlegt var á
efnisskránni og stóð upp úr Njest
svjat og Heruvimska pesma eftir
Mokranjac, sem var svo seiðandi að
eftirminnilegt var. Tónlist eftir
Hristic og St. Nektarios af Aegina
var líka hrífandi, en síst tvö stykki
eftir Gorecki. Þar var tónmálið á
barmi þess að vera barnalegt, en
kórinn söng þau a.m.k. af viðeig-
andi innlifun og tæknilegum yfir-
burðum.
Tveir einsöngvarar komu aðeins
við sögu á tónleikunum, þeir Ne-
bojsa Colic og Zophonías Jónsson,
og stóðu báðir sig prýðilega.
Þetta voru einstaklega skemmti-
legir tónleikar; vonandi flytur Mót-
ettukórinn alla Páskavöku Rachm-
aninoffs næst!
Seiðandi
Rachmaninoff
TÓNLIST
Hallgrímskirkja
Mótettukór Hallgrímskirkju flutti tónlist
eftir Rachmaninoff, Gorecki, St. Nektar-
ios af Aegina, Mokranjac og Hristic.
Mánudagur 5. júní.
Kórtónleikar
Jónas Sen
Í ÁR eru liðin 100 ár
frá því fyrstu bækur
Gunnars Gunnars-
sonar komu út hjá
Oddi Björnssyni á
Akureyri. Það voru
ljóðabækurnar Vor-
ljóð og Móður-
minning sem Gunnar
fékk útgefnar aðeins
17 ára gamall, ári áð-
ur en hann hélt til
Danmerkur þar sem
hann öðlaðist frægð
og frama sem rithöf-
undur.
Munir, myndir og
textar á sýningu
Í tilefni 100 ára rithöfundar-
afmælis Gunnars mun Gunnars-
stofnun opna nýja
sýningu um skáldið á
Skriðuklaustri á
morgun, 10. júní. Á
sýningunni eru munir
úr eigu skáldsins,
myndir og textar sem
varpa ljósi á Gunnar
og verk hans. Við
opnunina munu Daní-
el Þorsteinsson píanó-
leikari og Hulda
Björk Garðarsdóttir
sópran flytja lög
þriggja erlendra tón-
skálda við kvæði
Gunnars. Lögin voru
samin á fyrri hluta
síðustu aldar og hafa
sum aldrei verið flutt opinberlega
hér á landi.
Bókmenntir | Ný sýning á Skriðuklaustri
100 ára rithöfundarafmæli
Gunnars Gunnarssonar
Gunnar Gunnarsson
rithöfundur.
Fáðu sms-fréttir í
símann þinn af mbl.is
Þú getur notað símann þinn til að
ná í stakar fréttir og fréttayfirlit
af mbl.is eða skráð þig í áskrift
og fengið sms-fréttir sendar um
leið og fréttin birtist á vefnum.
Smelltu á á mbl.is
og virkjaðu símann þinn.
mbl.is – vinsælasti vefurinn