Morgunblaðið - 28.07.2006, Blaðsíða 11

MORGUNBLAÐIÐ FÖSTUDAGUR 28. JÚLÍ 2006 11
FRÉTTIR
VIÐSKIPTAHÁSKÓLINN á Bifröst býður
nú í fyrsta sinn upp á meistarnám í skattarétti
sem er nýtt á Íslandi. Námsleiðin, sem tekur
fjögur misseri auk lokaritgerðar, er hugsuð
fyrir fólk sem vill bæta við sig þekkingu um
skatta óháð hvaða grunnám það hefur tekið.
„Þegar ég var í lagadeildinni var oft litið nið-
ur á skattarétt og það þótti ekki flott. Í öðrum
löndum þykir það hins vegar mjög tilkomu-
mikið að vera skattalögfræðingur. Ég held að
áhugi manna á þessu sviði sé að aukast enda
eru oft miklir hagsmunir í húfi,“ segir Ingi-
björg Ingvadóttir, lektor og umsjónarmaður
námsleiðarinnar.
„Það hafa tíu manns hafið námið og þetta
eru viðskiptalögfræðingar, viðskiptafræð-
ingar, lögfræðingur og viðskiptafræðingur,“
segir Ingibjörg. „Ólíklegt
er þó að viðskiptafræðing-
arnir þurfi að taka nám-
skeið í reikningsskilum og
eins þarf fólk með lögfræði-
menntun ekki að taka
grunnnámskeið í lögfræði
heldur taka valnámskeið í
staðinn.“
Vantaði á Íslandi
Er Ingibjörg er spurð að
því hvers vegna skólinn hafi farið af stað með
þessa námsleið segir hún að nám sem þetta
hafi vantað á Íslandi. „Viðskiptaháskólinn á
Bifröst hefur haft skattarétt sem skyldufag í
lögfræðináminu og þannig er þetta líka að
verða við Háskólann í Reykjavík. Í Háskóla Ís-
lands er skattaréttur aðeins valfag fyrir meist-
aranema,“ segir Ingibjörg og bætir við að
breiðari námsleið sem taki einnig til viðskipta-
fræði hafi hinsvegar ekki verið til.
„Ég var í náms- og starfsvist hjá skattinum í
Danmörku og þar er menntunarstigið miklu
hærra heldur en á Íslandi,“ segir hún og bætir
við að skattarétturinn sé mjög stórt svið þar
sem þekking margra einskorðist við einstaka
hluta án yfirsýnar yfir heildina.
Skattaumræðan oft
einstrenginsleg
„Í skattarétti togast einkum á tvö ólík
sjónarmið. Annars vegar viðhorf ríkisins sem
bendir fólki sífellt á að greiða ekki of lágan
skatt og hins vegar viðhorf skattaráðgjafa sem
brýna fyrir fólki að borga ekki of háan skatt.
Þarna á milli vantar í raun þriðja sjónarmiðið
sem er sjónarmið fræðimannsins,“ segir Ingi-
björg og bætir við að ekki hafi verið skrifað
mikið á íslensku um skattarétt og námið verði
því að danskri fyrirmynd. „Kennslubækurnar
verða sumar á dönsku en einnig notumst við
við bækur eftir Ásmund G. Vilhjálmsson og
fjölrit eftir Gylfa Knudsen,“ segir hún.
„Ég byrjaði sjálf að vinna í sumarstarfi á
skattinum þegar ég var 18 ára og dró mjög
taum ríkisins í viðhorfum mínum. Síðar sinnti
ég einnig skattaráðgjöf þegar ég starfaði sem
lögmaður og þá var ég stundum talsmaður
hins sjónarmiðsins,“ segir Ingibjörg um ein-
stefnuna sem oft ríkir þegar rætt er um skatta.
„Formaður yfirskattanefndar og skattrann-
sóknarstjóri ríkisins verða meðal kennara í
náminu, auk þeirra verða svo endurskoðendur
frá stærsta endurskoðendafyrirtæki landsins
og aðilar sem sinna ráðgjöf. Við fáum einnig
þrjá danska fræðimenn frá Jótlandi til að
kenna námskeið,“ segir Ingibjörg og fullyrðir
að öll sjónarmið muni því koma fram til að fólk
átti sig á heildarmyndinni.
Meistaranám í skattarétti
Eftir Berg Ebba Benediktsson
bergur@mbl.is
Ingibjörg
Ingvadóttir
HUNDEIGANDI einn var í mestu
makindum að viðra tík sína á göngu-
stíg í Rimahverfi í Grafarvogi á mið-
vikudag þegar köttur kom fyrirvara-
laust utan úr buskanum og réðst á
tíkina. Um er að ræða innflutta
ræktunartík. Hún var í taumi og
hafði ekkert gert til að espa köttinn
til reiði, að sögn eigandans.
„Kötturinn var bandóður og réðst
á höfuð tíkarinnar með miklum
óhljóðum og offorsi,“ sagði hundeig-
andinn. Kettinum tókst að rífa hund-
inn á snoppunni áður en hundeigand-
anum tókst að hrekja köttinn á brott.
Tíkin lá veinandi eftir á bakinu og
lagaði úr henni blóðið. Hafði hund-
eigandinn á orði að það væri löngu
tímabært að skikka kattareigendur
til að hafa hemil á þessum skepnum,
en ekki sleppa þeim út eftirlitslaust.
Sjálfur gætti hann þess að hafa
taumhald á hundi sínum og passa
þess að hann ylli hvorki samborg-
urum né öðrum dýrum ama. Hann
kvaðst áður hafa lent í því að kettir
létu ófriðlega og settu upp kryppu
við hundinn.
„Ég tek frekar á mig sveig, en að
eiga á hættu að köttur blindi hund-
inn minn. En þessi kom algjörlega
fyrirvaralaust og hefði eflaust skað-
að tíkina meira, ef mér hefði ekki
tekist að hrekja köttinn í burt,“ sagði
hundeigandinn.
Óboðnir í íbúðum
Guðmundur Björnsson, meindýra-
eyðir hjá borginni, sagðist ekki hafa
áður heyrt af því að köttur réðist á
hund. Þess eru dæmi að kvartað sé
um að kettir hafi bitið fólk. Oftast
gerist það þegar kettir komast
óboðnir inn í híbýli og fólk reynir að
hrekja hina óboðnu gesti á brott.
„Við aðstoðum borgarbúa við að
losna við kettina úr íbúðunum og för-
um með þá í Kattholt. Þar með er
okkar afskiptum af málinu lokið. Ef
fólk hefur orðið fyrir tjóni eða
meiðslum þá er það lögreglumál,“
sagði Guðmundur.
Óður köttur
réðst á hund
SKIPTA þurfti um lás í um sex
hundruð stöðumælum eftir að upp
komst að óprúttnum aðila hefði tek-
ist að tæma nokkra mæla í miðbæ
Reykjavíkur um miðjan síðasta mán-
uð. Lögreglunni í Reykjavík var
strax tilkynnt um málið en að sögn
Harðar Jóhannessonar yfirlögreglu-
þjóns eru litlar líkur á því að lög-
reglu takist að hafa hendur í hári við-
komandi.
Talið er að lykill starfsmanns Bíla-
stæðasjóðs hafi glatast og einhver
óheiðarlegur aðili hafi fundið hann.
Þar sem búið er að skipta um lása
virkar lykillinn hins vegar ekki leng-
ur og því er óhugsandi að þjófinn
verði staðinn að verki. Ekki liggur
fyrir hversu miklum fjármunum
þjófurinn náði úr mælunum.
Litlar líkur á
að finna þjófinn
SIGURÐUR Arnalds, talsmaður
Landsvirkjunar, segir náttúru-
verndarsinna við Kárahnjúka ýkja
helst til mikið þegar þeir segi að
Landsvirkjun hafi hækkað Kára-
hnjúkastíflu og Ufsarstíflu. Hið rétta
er að hæðin hefur aðeins verið upp-
færð miðað við hvar undirstaðan er
þegar búið er að grafa burtu laus
jarðlög undir stíflunum. Engar
breytingar verða á umhverfisáhrif-
um vegna þess.
Í Morgunblaðinu í gær er greint
frá hópi náttúruverndarsinna sem
lokaði veginum að vinnusvæði Arn-
arfells við Hraunaveitu. Sátu þeir á
veginum frá hádegi til klukkan fjög-
ur, umkringdir lögregumönnum, og
vildu með því m.a. mótmæla því að
stíflur hefðu hækkað, Kárahnjúka-
virkjun um 10 metra og Ufsarstífla
um fimm metra. Þegar umhverfis-
matið fór fram var hins vegar ákveð-
ið í hvaða hæð yfir sjó lónin yrðu og
segir þar að vatnsborð í fullu Háls-
lóni verði 625 metrar yfir sjó og hið
sama eigi við um Ufsarlón.
Tölurnar lagfærðar
„Á þeim tíma var áætlað hvað stífl-
urnar yrðu þar með háar miðað við
þau kort og grunnrannsóknir sem þá
lágu fyrir um þykkt á lausum jarð-
lögum undir stíflunum. Þegar við
hins vegar uppfærðum upplýsinga-
bækling okkar síðast settum við inn
hæðina á stíflunum eins og við telj-
um að þær séu raunverulega miðað
við hvar undirstaðan er þegar búið
er að grafa laus efni í burtu,“ segir
Sigurður og tekur fram að skiljan-
legt sé að þetta geti misskilist. „En
lónið hefur ekki breyst og ekki stífl-
an heldur, við höfum aðeins lagfært
þessar tölur. Þetta mun engu breyta
fyrir ofan stífl-
una.“
Í umhverfis-
mati er Kára-
hnjúkastífla sögð
190 metrar á hæð
en Sigurður segir
að þegar verkið
hafi farið af stað
hafi verið talað
um hana sem 193
metra háa. „Núna skilgreinum við
hana samkvæmt alþjóðlegum skil-
greiningum sem 198 metra háa, og
miðast það við bergið þar sem það
fannst í gljúfrinu.“
Lífríki Eyjabakka ekki raskað
Náttúruverndarsinnar mótmæltu
því jafnframt að verið væri að vinna
stíflu á Eyjabakkasvæðinu þrátt fyr-
ir að árið 2000 hefðu 45 þúsund Ís-
lendingar skrifað undir áskorun til
stjórnvalda um friðun Eyjabakka og
talið hefði verið að sú barátta hefði
unnist.
Sigurður segir að fyrri hugmyndir
hafi gert ráð fyrir stóru miðlunarlóni
á Eyjabökkum. Sú hugmynd hafi
mætt mikilli andstöðu og fallið hafi
verið frá þeim áformum í kringum
aldamótin síðustu.
„Við stóðum í þeirri meiningu að
útfærslan á Kárahnjúkavirkjun, eins
og hún er í dag, væri umhverfisleg
málamiðlun og við erum t.d. með eitt
stórt uppistöðulón, sem er Hálslón.
Allar framkvæmdir fyrir austan
Snæfell eða í Jökulsá í Fljótsdal voru
færðar töluvert niður fyrir Eyja-
bakkana sjálfa,“ segir Sigurður sem
bætir við að fráleitt sé að fram-
kvæmdirnar raski Eyjabökkum eða
hafi áhrif á lífríki Eyjabakka.
„Það er ekkert óvænt að gerast
fyrir austan Snæfell, þetta hefur allt
legið fyrir í mörg ár og verið mjög
vel kynnt.“
Segir ekkert óvænt að
gerast austan Snæfells
Eftir Andra Karl
andri@mbl.is
Sigurður Arnalds
Talsmaður Landsvirkjunar segir hæð stíflna uppfærða en umhverfisáhrif söm
ÞAÐ verða viðbrigði fyrir fjölda
tryggra viðskiptavina Gulla á hár-
greiðslustofunni Nikk við Kirkju-
hvol þegar rekstri stofunnar
verður hætt þar, en í dag eru síð-
ustu forvöð að fara í klippingu á
stofunni. Hárgreiðslustofa hefur
verið rekin í húsnæðinu í 105 ár,
en það hefur nú verið selt og
hyggjast nýir eigendur nýta húsið
sjálfir.
Um 40 ár eru liðin frá því Gulli
hóf fyrst störf á Nikk, en hann
tók alfarið við rekstri stofunnar
árið 1984. Spurður um hvað hann
ætli að taka sér fyrir hendur þeg-
ar stofunni verður lokað segir
Gulli að það sé enn ekki ákveðið.
„Ég ætla að setjast niður og
hugsa,“ segir hann og brosir.
Nóg hefur verið að gera á stof-
unni hjá Gulla og hann segir
flesta sem þangað koma vera
fasta viðskiptavini. „Það kemur
einstaka sinnum fyrir að það
droppar inn einhver og einhver.
Og oftast endar sá með því að
verða fastur. Ég hef ekki þurft að
kvarta yfir kúnnaleysi,“ segir
Gulli um leið og hann snyrtir hár
Sigvalda Friðgeirssonar, sem er í
hópi fastra viðskiptavina Gulla.
Sigvaldi hefur komið á stofuna í
Kirkjuhvoli frá því áður en Gulli
hóf þar störf, eða í um fimmtíu ár.
Eins og síðasta kvöldmáltíðin
Sigvaldi segir að það verði mik-
il viðbrigði að þurfa nú að leita
annað eftir hársnyrtingu. „Maður
varð að grípa Gulla áður en hann
færi og fara í síðustu klippinguna.
Þetta er eins og síðasta kvöld-
máltíðin,“ segir hann og hlær.
Sigvaldi segist hins vegar vonast
til þess að Gulli muni finna sér
annan stað þar sem hann geti
klippt fasta viðskiptavini sem
lengi hafi snúið sér til hans.
Gulli segist hins vegar ekki
hafa augastað á nýju húsnæði eins
og er. „Ég er búinn að skoða þó
nokkuð en húsaleiga í dag er svo
gígantísk að það er ekkert vit í
því,“ segir hann að lokum.
„Ætla að
setjast
niður og
hugsa“
Morgunblaðið/Ómar
Gulli á Nikk snyrtir hár Sigvalda Friðgeirssonar. Hárgreiðslustofa hefur verið rekin í húsnæðinu í 105 ár.
♦♦♦