Morgunblaðið - 28.07.2006, Blaðsíða 20

Það er gaman að marínerakjöt og það verður meyrtog gott ef vel tekst til. Gotter að marínera kjöt, fisk og
grænmeti áður en grillað er en það er
líka einfalt að útbúa kryddblöndur og
nudda inn í kjötið rétt áður það er
sett á grillið. Þegar kjöt er grillað
lengi við háan hita og það nær að kol-
ast þá myndast efnasambönd í kjöt-
inu sem geta verið stökkbreytandi
þegar þess er svo neytt. Því lengur
sem kjöt er grillað og því hærri sem
hitinn er því meiri líkur eru á að þessi
efnasambönd myndist. Ekki er full-
sannað að þessi stökkbreytandi efna-
sambönd séu krabbameinsvaldandi
en þónokkrar líkur eru taldar á því og
þess vegna er ágætt að temja sér að
forðast að grilla kjöt með þessum
hætti, enda er það líka betra á bragð-
ið ef passað er upp á að grilla það ekki
of mikið. Minna myndast af þessum
efnasamböndum þegar grillaður er
fiskur eða grænmeti og ef valið er
magurt kjöt, minni kjötbitar eða kjöt
sem er marínerað áður en það er
grillað. Kjöt verður því ekki einungis
betra við að liggja í kryddlegi heldur
sennilega líka hollara.
Kryddnuddaðar
svínakótelettur
fyrir 4
4 svínakótelettur, 800 g, og krydd-
blanda;
1 tsk. paprikuduft
1 tsk. púðursykur
1 tsk. hvítlauksduft
1 tsk. salt
pipar
Blandið saman kryddinu í skál og
nuddið því utan á kótiletturnar og lát-
ið þær standa í klukkutíma áður en
grillað er. Einfalt og frábærlega gott.
Melónu- og gúrkusalat
fyrir 4
1 gúrka
1 Galia-melóna (cantaloupe)
2 msk. ólífuolía
½ sítróna, safi
1⁄3 tsk. salt
nýmalaður svartur pipar
2 msk. ferskt estragon,
smátt saxað
150 g fetaostur
Afhýðið gúrkuna og skerið langs-
um, takið innan úr henni og skerið
hana í bita. Gerið það sama við mel-
ónuna og setjið saman í skál. Blandið
saman sítrónusafa, salti, pipar og
estragon og blandið saman við. Dreif-
ið fetaostinum yfir og stráið yfir
ferskum estragon-blöðum.
Kartöflusalat
með blómkáli
fyrir 4
600 g nýjar kartöflur
1 blómkálshaus
Salatsósa:
4 msk. ólífuolía
1 msk. ljóst franskt sinnep
2 msk. hvítvínsedik
1 hvítlauksgeiri
3 msk. graslaukur, saxaður
3 msk. steinselja, söxuð
2 msk. kapers
salt og hvítur pipar
Sjóðið kartöflurnar og hellið vatn-
inu af þegar þær eru soðnar, það fer
eftir því hve stórar þær eru hvað það
tekur langan tíma. Það fer eftir
smekk hvort kartöflurnar eru af-
hýddar eða ekki, nýtt kartöfluhýði er
oft mjög þunnt og bragðgott. Látið
hitann rjúka úr þeim á meðan afgang-
urinn af salatinu er útbúinn. Skerið
blómkálshausinn í frekar stóra bita
og sjóðið í 3 mínútur. Best er að gufu-
sjóða blómkál eða sjóða það í ör-
bylgjuofni þar sem mikið af bragð-
efnum tapast út í vatnið ef það er
soðið í potti. Blandið blómkálinu sam-
an við kartöflurnar. Blandið saman
öllu sem á að fara í salatsósuna og
hellið yfir. Skreytið með fersku
kryddi.
BBQ-maríneraður
kjúklingur
fyrir 4
4 kjúklingabringur, 800 g
Kryddlögur:
1 msk. sítrónusafi
½ dl eplacideredik
1 msk. púðursykur
2 msk. Worcester-sósa
1 msk. tómatsósa
1 msk. sinnepsduft (eða sterkt sinn-
ep)
½ dl matarolía
salt
Þetta er mjög góður kryddlögur
sem má gjarnan nota á ýmiss konar
kjöt annað en kjúkling og jafnvel á
lax. Blandið einfaldlega öllu saman og
setjið kjúklinginn út í. Setjið í plast-
poka og látið standa í a.m.k. 5 klukku-
tíma, gjarnan lengur. Þerrið mest af
kryddleginum af áður en grillað er.
Kóríandertómatsalsa
fyrir 4
4 tómatar
½ knippi ferskt kóríander
1 tsk. hrásykursalt og pipar
2 msk. ólífuolía
Skerið tómata og kóríander smátt
og blandið saman við salt, sykur og
pipar. Hellið ólífuolíu saman við og
látið standa í um það bil klukkutíma
áður en borið er fram.
 MATUR | Heimalagaður kryddlögur fyrir grillkjötið býður upp á marga möguleika
Heimakryddaðar
kótelettur og kjúklingur
Þegar líður á sumarið
verða margir leiðir á til-
búnu krydduðu grillkjöti,
enda er miklu skemmti-
legra og betra að krydda
kjötið sjálfur, segir Heiða
Björg Hilmisdóttir.
Melónu og gúrkusalatKóríandertómatsalsa
Kryddnuddaðar svínakótilettur
Morgunblaðið/Kristinn
Kartöflusalat með blómkáli
BBQ-marineraður kjúklingur
Vinirnir Hilmir Jökull og Agnar Alexander bíða spenntir eftir að sagt verði gjörið svo vel.
júlí
Daglegtlíf
Höfundur er næringar-
rekstrarfræðingur