Morgunblaðið - 28.07.2006, Blaðsíða 43

MORGUNBLAÐIÐ FÖSTUDAGUR 28. JÚLÍ 2006 43
DAGBÓK
Kr. 1100 fyrir fullorðna
Ferjugjald, vaffla
og kaffi/kakó
Kr. 600 fyrir börn
Ferjugjald, vaffla
og safi
Nánari
upplýsingar
www.videy.com
533 5055
Vöfflur og
Viðey
Uppgötvaðu Viðey
Kaffisala
kl. 13 – 17
Næstkomandi laugardag heldur Skot-félag Akureyrar Norðurlandsmeist-aramót í leirdúfuskotfimi. Skot-félagið stendur fyrir fjölbreyttu
keppnis- og æfingastarfi í sumar, en formaður
félagsins er Björn Snær Guðbrandsson:
„Það er ákaflega mikil starfsemi hjá félaginu í
sumar sem endranær, en skotsvæðið okkar í
Glerárdal er opið alla daga, frá kl. 18 til 21 virka
daga og kl. 13 til 16 um helgar, hvern dag frá
15. maí fram í október,“ segir Björn. Þar má
finna þrjá haglabyssuvelli og einn riffilvöll með
nýju húsi þar sem aðstaða fyrir skotmenn er
mjög góð.
„Stór hópur fólks nýtir sér þjónustu skot-
félagsins. Margir stunda skotfimi sem keppn-
isíþrótt en stærstur hluti félagsmanna eru veiði-
menn og notar fjöldi fólks aðstöðuna til að bæta
skotfimi sína fyrir veiðar, æfa sig fyrir gæs eða
rjúpu og stilla rifflana sína fyrir hrein-
dýraveiðar,“ útskýrir Björn og bætir við að að-
staða Skotfélags Akureyrar í Glerárdal sé ein sú
besta sem í boði sé á Íslandi í dag.
Í mótinu á laugardag verður keppt í svokall-
aðri skeet-haglaskotfimi: „Keppnin fer fram með
þeim hætti að skotið er af átta pöllum, samtals
25 skotum í hverri umferð en mismörgum á
hverjum palli fyrri sig. Farnir eru fjórir hringir
og fær hæfasta skyttan að bera titil Norður-
landsmeistara í skeet,“ segir Björn. Keppnisrétt
á mótinu hafa meðlimir allra skotfélaga á Norð-
urlandi en í dag eru starfandi, auk Skotfélags
Akureyrar, skotfélög á Blönduósi, Húsavík,
Ólafsfirði, Sauðárkróki og í Kópaskeri. Ekki er
skipt eftir kynjum heldur keppt í einum opnum
flokki.
Björn segir skeet-skotfimi vinsælustu keppn-
isgrein félagsins, en einnig er stunduð svokölluð
trap-skotfimi. „Við reynum að hafa eins mikla
fjölbreytni og unnt er í starfsemi félagsins. Við
bjóðum upp á skammbyssuskotfimi, bæði fyrir
minni og stærri hlaupvíddir og loftskamm-
byssur. Í riffilskotfimi er svokölluð silhouette-
skotfimi vinsælust og við höldum einnig veiði-
rifflamót þar sem veiðimenn fá að etja kappi
hver við annan. Margir eiga gamla herriffla og
við höldum reglulega herrifflamót, og þá kepp-
um við einnig í svokallaðri bench-rest-skotfimi,“
útskýrir Björn.
Björn segir bæði kynin dugleg að stunda
skotfimi, þó karlar séu í töluverðum meirihluta.
Í dag mega ungmenni allt niður í 15 ára æfa
skotfimi með minni skotvopnum og hjá Skot-
félagi Akureyrar æfir hópur ungmenna. „Einnig
nýtur sívaxandi vinsælda hjá vinnustöðum og
ýmsum hópum, s.s. steggja- og gæsaveislum, að
fara í óvissuferðir þar sem komið er við á skot-
svæðinu. Þar veitum við leiðsögn um skotfimi og
leyfum þátttakendum að spreyta sig og veitum
besta skotmanni hópsins viðurkenningu.“
Nánari upplýsingar um Skotfélag Akureyrar
má finna á slóðinni www.skotak.is en þar má
m.a. finna upplýsingar um úrslit móta í sumar
og aðra starfsemi félagsins.
Íþróttir | Skotfélag Akureyrar heldur Norðurlandsmeistaramót í skeet-leirdúfuskotfimi
Virkt skotfimistarf í sumar

Björn Snær Guð-
brandsson fæddist á
Hofsósi 1965. Hann
lauk stúdentsprófi frá
Fjölbrautaskóla Sauð-
árkróks 1985 og
cand.oecon.-prófi frá HÍ
1990. Björn var sölu-
stjóri hjá Skýrr 1994–
1997, verðbréfamiðlari
hjá Landsbanka Íslands
1997–2001 og hefur
síðan þá verið forstöðumaður eignastýringar
hjá Íslenskum verðbréfum á Akureyri. Björn er
kvæntur Ragnhildi Jónsdóttur sjúkraþjálfara
og eiga þau þrjú börn.
Rokkstjarnan Magni
ÉG bara verð að koma aðdáun
minni á rokkstjörnunni okkar hon-
um Magna á framfæri.
Síst vil ég missa af að sjá þættina
báða sem sýndir eru í hverri viku,
um aðdraganda og síðan keppni
þeirra sem eftir eru og hrifning mín
eykst jafnt og þétt. Og ástæðan er
eingöngu Magni sjálfur, hvernig
hann virðist takast á við þetta verk-
efni og samskipti hans við þau
hin … af þeim smábrotum sem
sýnd eru þykist ég sjá ákaflega
góðan dreng sem við megum vera
mjög stolt af! Eðlilega var hann
óöruggur í fyrstu keppninni, innan
um þetta unga fólk sem flest er alið
upp við þjóðfélagsaðstæður og
menningu sem eru svo ólík því sem
íslensk börn og unglingar alast upp
við, en hann er sko svo sannarlega
búinn að finna sig aftur; flottur
rokkari! Og ég er ákaflega stolt af
því að hann virðist bera hóflega
virðingu fyrir dómurunum; frægu
alltvitandi rokkurunum; flottur Ís-
lendingur strákurinn, það var lagið!
Aftur á móti sýnist mér varkár
virðing þeirra fyrir honum auðsæ.
Og síðast en ekki síst dáist ég að
hlédrægum og ljúfum samskiptum
hans við hina keppendurna.
Hvort sem Magni kemur heim í
næstu viku eða stendur uppi sem
sigurvegari er hann frábær. Það
eru ekki margir sem hafa staðið sig
betur sem fulltrúar okkar. Mikið
mega foreldrar hans vera stolt af
honum!
Halldóra Kristjánsdóttir,
Langagerði 68, Rvík.
Vel heppnað fegrunar-
átak í Breiðholti
ÉG verð að koma á framfæri þökk-
um fyrir gott og vel heppnað fegr-
unarátak í Breiðholti laugardaginn
22. júlí. Margar hendur unnu gott
verk. Jafnframt mættu menn í
æðstu stjórnunarstöðum borg-
arinnar og unnu með starfs-
mönnum á bækistöð fjögur í Breið-
holti. Þó að erfitt sé að nefna
eitthvað eitt sérstakt verk sem
stendur upp úr þá tel ég að sjaldan
hafi jafn snyrtilega verið slegið
grasið í kringum ljósastaurana í
Seljahverfinu.
Með vonum um að önnur hverfi
fylgi í kjölfarið.
Ó.Þ.
Baltasar týndist
frá Laugavegi
BALTASAR týndist 4. júlí sl. frá
Laugavegi í Reykjavík. Hann er 8
mánaða gamall, steingrár og mjög
loðinn. Hans er sárt saknað. Þeir
sem vita um Baltasar eru beðnir að
hafa samband í síma 698 0717.
Velvakandi
Svarað í síma 5691100 frá 10–12
og 13–15 | velvakandi@mbl.is
Morgunblaðið/ Jim Smart
Nickell/Weed
Norður
♠KD63
♥ÁKDG
♦Á
♣ÁK62
Soloway og Vercase tóku upp
þessa fallegu hönd í þriðju lotu úr-
slitaleiks Nickells og Weed í Spin-
gold. Kerfin eru ólík – Soloway og
Hamman spila sterkt lauf, en Ver-
sace og Lauria opna á tveimur lauf-
um með slík spil. En hvert sem kerf-
ið er, þá er lykilatriði að halda
sögnum gangandi undir geimi og
leita eftir mögulegum langlit hjá
makker.
Norður
♠KD63
♥ÁKDGN/Enginn
♦Á
♣ÁK62
Vestur Austur
♠74 ♠Á2
♥1084 ♥752
♦K653 ♦D1072
♣10854 ♣D973
Suður
♠G10985
♥963
♦G984
♣G
Vestur Norður Austur Suður
Nunes Soloway Fantoni Hamman
-- 1 lauf * Pass 1 tígull *
Pass 2 hjörtu Pass 3 lauf *
Pass 3 spaðar Pass 4 spaðar
Pass Pass Pass
Spaðaslemma er auðvitað borð-
leggjandi, en svo er að sjá sem kerfi
þeirra Hammans og Soloways ráði
ekki við vandann. Þeir hafa allavega
ekki aðferð til að sýna sterkar þrílita
hendur. Hér velur Soloway að
stökkva í tvö hjörtu við afmelding-
unni, sem er eðlileg sögn, geimkrafa
með hjartalit. Það getur varla talist
góð byrjun, því Hamman myndi hik-
laust styðja hjartað með þrílit og
fimmlit í spaða eða laufi. En í þessu
tilfelli endurafmeldar Hamman með
þremur laufum (0–4 punktar) og þá
teflir Soloway fram spaðanum.
Hækkun Hammans í fjóra spaða gæti
verið byggð á fjórum hundum og því
gefst Soloway upp.
Hinum megin vakti Versace á al-
kröfu og sýndi svo sterka jafnskipta
hönd við afmeldingu makkers. Lauria
yfirfærði í spaðann og þá var slemm-
an auðsótt.
BRIDS
Guðmundur Páll Arnarson | ritstjorn@mbl.is
1. f4 d5 2. b3 g6 3. Bb2 Rf6 4. e3 Bg7 5.
Rf3 O-O 6. Be2 c5 7. O-O Rc6 8. Re5
Dc7 9. Bf3 Bf5 10. Rxc6 Dxc6 11. Be5
Hfd8 12. Rc3 Dd7 13. Re2 Be4 14. Rg3
Bxf3 15. Dxf3 e6 16. d3 Hac8 17. Had1
b5 18. e4 Dc6 19. Hde1 c4 20. He2 cxd3
21. cxd3 h5 22. h3 h4 23. Rh1 dxe4 24.
dxe4 Rh5 25. Bxg7 Kxg7 26. Df2 Dc5
27. He3 Dd4 28. Hfe1 Hc3 29. Hxc3
Dxc3 30. Dxh4 Rxf4 31. e5 Rh5 32. g4
Hd4 33. Hf1 Dc5 34. Df2 Rf4 35. De3
Staðan kom upp í stórmeistaraflokki
Fyrsta laugardagsmótsins sem lauk
fyrir skömmu í Búdapest í Ungverja-
landi. Sigurvegari mótsins, alþjóðlegi
meistarinn Liem Quang Le (2488) frá
Víetnam, hafði svart gegn rússneska
stórmeistaranum Konstantin Cherny-
shov (2544). 35… Hd2! 36. He1 hvítur
hefði orðið mát eftir 36. Dxc5 Hg2#
eða 36… Rxh3#. Í framhaldinu hrynur
hvíta staðan þegar h3-peðið fellur.
36… Dd5! 37. De4 Rxh3+ 38. Kf1 Hh2
39. Dxd5 exd5 40. He3 d4 41. Hg3 d3!
og hvítur gafst upp enda verður hann
manni undir eftir 42. Hxd3 Hxh1+ 43.
Kg2 Rf4+.
SKÁK
Helgi Áss Grétarsson | ritstjorn@mbl.is
Svartur á leik.
90 ÁRA afmæli. Í dag, 28. júlí, erníræð Guðbjörg Runólfsdóttir,
fyrrum bóndi, Auðsholti í Ölfusi. Að
því tilefni fagnar hún ásamt fjölskyldu
og vinum á heimili sínu á Egilsbraut 9 í
Þorlákshöfn á milli klukkan 17 og 20.
Árnaðheilla
ritstjorn@mbl.is
EIRÍKUR Árni Sigtryggsson opn-
aði myndlistarsýningu í Galleríi Úlfi
8. júlí sl. Þar sýnir hann 20 myndir.
Sýninguna nefnir hann Kossa og
abstrakt. „Kossinn er daglegur tján-
ingarmáti og sterkt afl í tilfinn-
ingaflóru mannsins,“ segir listamað-
urinn, „ég hef lengi ætlað mér að
reyna mig við þetta viðkvæma
myndefni og hengi nú upp hluta af
þeirri baráttu.“ Einnig sýnir Eiríkur
Árni abstraktmyndir í fyrsta sinn.
Eiríkur Árni hefur sýnt víða á suð-
vesturhorni landsins á síðustu ára-
tugum. Hann sýndi 15 myndir á
samsýningu nokkurra franskra vina
í París haustið 2005.
Syningin verður opin til 30. júlí nk.
Opið er frá 14 til 18 alla daga.
Eiríkur
Árni í
Galleríi Úlfi
HÓPUR kristinna einstaklinga hef-
ur tekið sig saman og skipulagt
bænagöngu á Akureyri sunnudaginn
30. júlí nk. Tilefnið eru margar frétt-
ir undanfarið um fíkniefni og ofbeldi
á Akureyri, einnig fjölmörg alvarleg
slys í umferðinni. Beðið verður fyrir
fjölskyldum og málefnum bæjarins,
umferð og komandi verslunar-
mannahelgi.
Mæting er klukkan 17 við hús
Hjálpræðishersins á Hvannavöllum
10. Gangan mun taka um það bil 60
mínútur. Bænarefnum verður dreift
til þátttakenda.
Að göngu lokinni verður hægt að
kaupa létta máltíð á vægu verði í
húsi Hjálpræðishersins og á sama
stað hefst samkoma kl. 19.
Allir Akureyringar og aðrir
áhugasamir eru hvattir til að taka
þátt í göngunni.
Bænaganga
á Akureyri