Morgunblaðið - 28.07.2006, Qupperneq 31

MORGUNBLAÐIÐ FÖSTUDAGUR 28. JÚLÍ 2006 31
UMRÆÐAN
FERÐAÞJÓNUSTAN í Eyjum,
við, starfsmenn Vestmannaeyja-
bæjar, og Vestmannaeyingar allir
hafa sýnt Landsflugi mikla þol-
inmæði. Sú þolinmæði er nú á þrot-
um og í síðasta lagi nú með skrif-
um Sigurbjarnar Daða
Dagbjartssonar er allur grundvöll-
ur fyrir trausti og samvinnu við
Landsflug brostinn. Ég ætla í
þessu sambandi að vísa í yfirlýs-
ingu Sigurbjarnar um að „hann
kannist ekki við loforð um fjölgun
ferða yfir sumartímann“. Lands-
flugsmenn margkynntu fyrir mér,
sem og ferðaþjónustunni og fjöl-
miðlum í Eyjum, áætlun flugs til
Eyja á glæsilegri 32 sæta „mini-
þotu“. Ég sem ferða- og markaðs-
fulltrúi margfór yfir með Sigurbirni
kynningu á þessari stórkostlegu
samgöngubót. Hann nefndi hvergi
að ferðir stóru vélarinnar væru
háðar því að styrkir fengjust frá
Vestmannaeyjabæ.
Ég minni á fundi Sigurbjarnar
með undirritaðri og Sigurmundi
Einarssyni, framkvæmdastjóra
Vikingtours, á dögum Vest Norden
í Kaupmannahöfn í fyrrahaust, þar
sem verið var að skipuleggja að-
gerðir.
Gísli Valur Einarsson, eigandi
Hótels Þórshamars, getur rifjað
upp samtöl sín við Landsflugmenn
þar sem þeir boðuðu betri tíma, ég
hlýddi einnig á Sigurbjörn og
Björn Þverdal kynna fulltrúum
samgönguráðuneytisins og Ferða-
málaráðs bætta þjónustu við Eyjar,
nú og svo var einnig búið að setja
nýju vélina inn í sölu í bók-
unarkerfi Flugfélags Íslands. Ég
og fleiri hér í ferðaþjónustunni bár-
um á þessu stigi það traust til
Landsflugs að við vorum með
bætta áætlun þeirra í öllum okkar
kynningum.
Við vorum í góðri trú um að allt
væri samkvæmt áætlun þegar við
fengum fréttir um annað nokkrum
dögum áður en sumaráætlun átti
að hefjast 16. maí.
Við hér völdum alveg örugglega
ekki tímasetningu þessara alvar-
legu frétta, rétt fyrir kosningar.
Við hefðum svo sannarlega viljað fá
þessar fregnir fyrr svo við gætum
gert viðeigandi ráðstafanir.
Staða samgöngumála hér er allt-
of alvarleg til þess að menn séu að
slá sér upp á þeim rétt fyrir kosn-
ingar. Fulltrúar allra stjórn-
málaflokka hér skoðuðu stöðuna
sameiginlega og voru tilbúnir að
ganga ansi langt með ábyrgðir svo
hægt væri að taka á leigu Fok-
ker-50 vél frá Flugfélagi Íslands og
sinna ferðaþjónustunni í sumar.
Hins vegar var ekki hægt að semja
við eigendur fyrirtækis sem virtist
vera rétt óselt.
Ferðasumarið 2006 hefur því lið-
ið þannig að Landsflug hefur flogið
hingað á 19 sæta Dornier vél
(sætaframboðið er reyndar oftar en
ekki aðeins 15 til 16 sæti vegna
burðarþols vélarinnar) með sömu
áætlun og utan ferðamannatímans
yfir vetrarmánuðina.
Í gíslingu Landsflugs
Það þarf ekki að fara mörgum orð-
um um tekjumissinn sem ferða-
þjónustan hér verður fyrir vegna
allra þeirra ferðamanna sem verða
frá að hverfa vegna þess að þeir fá
ekki pláss í flugi til Eyja. Sem
stendur er staðan sú að Landsflug
heldur ferðaþjónustunni í Vest-
mannaeyjum í gíslingu og þénar á
því ágætis pening.
Staðreyndin er nefnilega sú að
Landsflug hefur haft ágætt upp úr
því að halda uppi ófullnægjandi
flugsamgöngum við Eyjar á meðan
ferðaþjónustufyrirtæki á staðnum
berjast í bökkum vegna þess að
ferðamennirnir komast ekki á stað-
inn.
Ég held að hver maður sjái að
samskipti Vestmannaeyinga við
Landsflug eru komin að leið-
arlokum. Allt traust til félagsins er
brostið.
KRISTÍN JÓHANNSDÓTTIR
ferða- og markaðsfulltrúi
Vestmannaeyjabæjar.
Svikin loforð Landsflugs bitna
harkalega á ferðaþjónustu í Eyjum
Frá Kristínu Jóhannsdóttur:
BISKUP Íslands, hr. Karl Sig-
urbjörnsson.
Loksins! Mér hlýnaði mikið um
hjartaræturnar að þú hafir nú loks-
ins tekið undir þann boðskap minn
að Íslendingar taki frumkvæði í mál-
efnum Mið-Austurlanda. Þrátt fyrir
að yfirlýsing þín komi fram nær ára-
tug eftir að ég reyndi árangurslaust
að fá þinn persónulega stuðning og
kirkjunnar við friðarháskóla í Reyk-
holti og á elleftu stundu áður en
mesti harmleikur mannkynssög-
unnar gerist í Mið-Austurlöndum, er
kúvending í þín til stuðnings við ís-
lenskt frumkvæði í friðarmálum
mjög mikilvæg.
Í rúm ellefu ár hef ég reynt að
vekja Íslendinga til meðvitundar um
einstaka sögu okkar og hvernig ís-
lenska þjóðin sem búið hefur við frið
lengur en nokkur annar gæti undir
forystu forseta Íslands boðað nýja
hugmyndafræði og lagt hornstein að
friði í heiminum.
Vandamálin og blóðbaðið í Mið-
Austurlöndum verða ekki leyst með
hraðsoðnum patentlausnum og enn
síður mun lausnin koma fyrir milli-
göngu þess glæpahyskis sem nú
ræður ríkjum í Hvíta húsinu. Í síð-
ustu forsetakosningum spáði ég fyr-
ir um mjög aukin hernaðarátök á
árinu 2006 ef haldið yrði áfram á
sömu braut og sagði miklar líkur á
að kjarnorkusprengja falli fyrir árs-
lok 2006. Því miður tel ég enn að
þetta muni gerast og aðeins krafta-
verk geti afstýrt því.
Ég er þess fullviss að kirkjan hef-
ur að geyma marga kraftaverka-
menn. Ég vil gjarnan hjálpa þeim að
rata veginn og leiða heimsbyggðina
til friðar. Þess vegna býð ég biskup
Íslands fram aðstoð mína að koma á
fót vinnuhóp í tengslum við kirkjuna
sem myndi koma á framfæri nýrri
hugmyndafræði fyrir Mið-
Austurlönd, hugmyndafræði sem
gæti stuðlað að varanlegum friði á
svæðinu.
Íslendingar og stofnanir kirkj-
unnar eiga nú þegar staði sem væru
hentugir til þessa verkefnis:
1) Notre Dame í Jerúsalem sem er
undir stjórn Páfagarðs er á margan
hátt heppileg miðstöð fyrir þessa
starfsemi í Mið-Austurlöndum.
Fyrsta verkefni biskups Íslands
gæti verið að ná samkomulagi um að
þar rísi Alþingi-Jerúsalem þar sem
fulltrúar allra þjóðarbrota á svæðinu
komi saman að gamalli íslenskri fyr-
irmynd og ræði leiðir til friðar. Þessi
tillaga hefur fengið góðar und-
irtektir víða um heim annars staðar
en á Íslandi, ekki síst í Mið-
Austurlöndum.
Uri Avnery hinn þekkti friðarsinni
og fyrrum þingmaður á ísraelska
þinginu sagði þetta um hugmyndina
Alþingi-Jerúsalem: „Í framhaldi af
áhugaverðu samtali okkar í Jerúsal-
em, vil ég gjarnan ítreka að ég sé
möguleika í hugmynd þinni um Al-
þingi að forníslenskri fyrirmynd sem
innlegg í friðarbaráttu okkar. Ég
legg til að þú leitir stuðnings ís-
lenskra stjórnmálamanna eins og
Steingríms Hermannssonar eða
Davíðs Oddssonar, sem gætu boðið
hópi ísraelskra stuðningsmanna frið-
ar til fundar með hópi palenstínskra
stuðningsmanna friðar á íslenskri
grund sem upphafið að víðtæku
átaki til friðar. Slíkur fundur þarf að
vera byggður á pólitískum grunni
annars verður slíkt árangurslaust
eins og svo margir fundir hingað til.
Ég legg til að fjármögnun slíks frið-
arátaks yrði aflað í Skandinavíu.
Ég óska þér góðs árangurs fyrir
okkur öll. Kveðja Uri Avneri.“
Því miður höfnuðu íslenskir þing-
menn tillögunni. Flestir þeirra vildu
ekki mæta á kynningu um málið en
kannski með aðstoð biskups Íslands
og nú þegar verstu hernaðarhauk-
arnir í íslenskri sögu hafa eða eru að
láta af embætti, væri hægt að fá okk-
ar þingmenn einnig til að sjá frið-
arljósið.
2) Keflavíkurflugvöllur sem nú er
verið að skila til íslenska ríkisins
væri mjög hentug staðsetning fyrir
þróunarstofnun lýðræðis og að-
alstöðvar alþjóðlegs friðargæsluliðs.
Einnig hefur verið tekið vel í þessa
hugmynd víða um heim nema á Ís-
landi, og má nefna að tveir af þekkt-
ustu fræðimönnum í friðarmálum
komu hingað til lands árið 2004 og
fluttu fyrirlestra til stuðnings hug-
myndinni, þeir Johan Galtung pró-
fessor í Peace Studies og ráðgjafi SÞ
í friðarmálum og Dietrich Fischer
prófessor og forstjóri fyrir Euro-
pean University Center for Peace
Studies. Því miður var boðskapur
þeirra klipptur, skorinn og afbak-
aður og þeir meira og minna hunds-
aðir af íslenskum fjölmiðlum þannig
að orð þeirra næðu ekki til þjóð-
arinnar.
Ég vona að biskup Íslands tali af
einlægni og sannfæringu þegar hann
vill að Íslendingar taki frumkvæði í
Mið-Austurlöndum. Þess vegna von-
ast ég til að heyra frá Biskupsstofu á
næstu dögum og er tilbúinn að koma
til landsins með næsta flugi til nán-
ari viðræðna.
Virðingarfyllst,
ÁSTÞÓR MAGNÚSSON
Alþjóðastofnunin Friður 2000.
Opið bréf til biskups Íslands
Frá Ástþóri Magnússyni:
ÞRIÐJUDAGINN 26. júlí sl. skrifaði Þórarinn I. Pét-
ursson sauðfjárbóndi bréf til Morgunblaðsins þar sem
hann gerði athugasemdir við verðlag lambalunda í
Hagkaupum og sagðist þar m.a. furða sig á 14%
hækkun lambalunda í kjötborðum Hagkaupa frá því í
febrúar. Hann segist ekki hafa orðið var við hækkanir
til sín sem bónda. Hagkaup eins og flestir stórmark-
aðir kaupa kjötið sitt ekki beint af bónda heldur af
kjötfyrirtækjum og afurðarstöðvum sem fer fækk-
andi. Í dag eru 3–4 stórar afurðastöðvar starfandi og
hafa þær yfir að ráða öllu lambakjöti í landinu. Þær
stýra í raun öllu flæði á lambakjöti inn á markaðinn
og ráða því verði sem verslunin þarf að borga fyrir
kjötið.
Á undanförnu ári hefur verð á lambahryggjum og
lambalærum og þar með lambalundum til Hagkaupa
hækkað um 20%, þar af um allt að 13% á síðustu 6
mánuðum. Afurðastöðvar hafa varað við skorti á
lambakjöti og stöðugt hækkað verðið síðustu mánuði
til að draga úr eftirspurn. Það var svo nýverið þegar
landbúnaðarráðherra dró úr útflutningsskyldu á
lambakjöti að spennunni létti. Verðlækkanir hafa
samt ekki borist í kjölfarið. Í mars síðastliðnum neit-
aði afurðastöð að selja okkur nokkurt magn af lamba-
kjöti gegn staðgreiðslu, þar sem afurðastöðin ætlaði
að hækka verð á birgðum sínum, sem hún og gerði.
Ofan á þetta hafa svo komið aðrar hækkanir eins og
launahækkanir, sem hafa áhrif á smásöluverð. Versl-
unin hefur haldið aftur af verðhækkunum undanfarna
12 mánuði en þessi 14% hækkun sem Þórarinn talar
um er mjög hófleg m.v. stöðuna á markaði í dag og
hækkun á kostnaðarverði verslunarinnar. Það er samt
eðlilegt að bændur spyrji um sína hækkun því eflaust
hefur hún ekki skilað sér til þeirra heldur eingöngu til
afurðastöðvanna. Þrátt fyrir hátt verð í kjötborðum
verslana eru kjötborð almennt rekin með miklu tapi.
Í allri umræðu um landbúnaðarkerfið er ekki verið
að ráðast á bændur heldur kerfið sjálft og því sorglegt
að sjá Þórarin tala um „enn eina örina frá stóru versl-
unarkeðjunum í bak bænda“. Verslunin ber mikla
virðingu fyrir bændum þessa lands en við teljum að
kerfið okkar sé meingallað og við viljum breytingar
bændum og neytendum þessa lands til hagsbóta. Hag-
kaup hafa í gegnum árin unnið farsællega með fjölda
bænda og vona að svo verði áfram um ókomin ár.
SIGURÐUR REYNALDSSON,
innkaupastjóri Hagkaupa.
Svar Hagkaupa við bréfi Þórarins
Frá Sigurði Reynaldssyni: