Morgunblaðið - 29.07.2006, Side 12

12 LAUGARDAGUR 29. JÚLÍ 2006 MORGUNBLAÐIÐ
FRÉTTIR
ÁRNI M. Mathiesen fjármálaráð-
herra segir alltaf hægt að deila um
það hvort ríkið hafi brugðist of
seint við þenslu í þjóðfélaginu en
hafa verði í huga að upplýsingar
um hagvöxt á árinu 2004 hafi ekki
verið þær sömu og síðan varð end-
anleg niðurstaða. Þar vísar hann
til þess að hagvaxtarmæling Hag-
stofunnar fyrir árið 2004 var leið-
rétt í mars síðastliðnum um 2%, úr
6,2% í 8,2%.
Allar þenslumælingar hafi því
byggst á röngum forsendum sem
nemi þriðjungi, sem sé umtalsverð
skekkja.
„Gæði ákvarðanatökunnar
standa alltaf í samhengi við gæði
upplýsinganna sem við höfum á
hverjum tíma og þess vegna er
alltaf hægt að deila um það eftir á
hvort ákvarðanir hafi verið réttar
sem byggðust á upplýsingum sem
voru síðan breytilegar,“ segir Árni.
„Ég vil gjarnan trúa því að ef við
hefðum haft mælingar um það að
hagvöxturinn og þenslan yrði meiri
sem þessu nemur þá hefðum við
hagað okkar ákvarðanatöku á ann-
an hátt og þar með dregið meira úr
framkvæmdum ríkisins á síðasta
ári og í ár heldur en við gerðum.“
Árni segir 2% skekkju í hagvaxt-
armælingum skipta talsverðu máli.
Til samanburðar hafi evrulöndin
náð að jafnaði 2% hagvexti á ári að
undanförnu.
Hallgrímur Snorrason hagstofu-
stjóri segir að vissulega hafi verið
um breytingu á hagvaxtartölum
ársins 2004 að ræða, sú breyting
sem hér um ræði og ráðherrann
vísi til sé sú að hagvöxtur ársins
2004 hafi verið hækkaður úr rúm-
lega 6% í áætlun í september 2005
í rúmlega 8% í bráðabirgðatölum í
mars 2006. Hallgrímur segir að ár-
in 2005 og 2006 hafi komið fram
ýmsar aðrar reglubundnar hagtöl-
ur, ekki síst ársfjórðungsmælingar
á landsframleiðslu, sem hafi sýnt
mjög mikil umsvif í þjóðarbú-
skapnum. Þær tölur hafi ekki farið
framhjá neinum.
„Mér finnst það frekar langt
seilst hjá fjármálaráðherra að líta
sérstaklega til þessarar endur-
skoðunar sem einhverrar ástæðu
til aðgerða eða aðgerðaleysis,“
segir Hallgrímur.
Staðan önnur í mars
Árni segir að erfitt hafi verið að
bregðast við þegar nýjar hagvaxt-
artölur hafi verið birtar í mars
„sérstaklega af því að það var
mjög nauðsynlegt á þessum tíma-
punkti að sveitarfélögin væru með
okkur í þessu. Framkvæmdir
sveitarfélaganna á þessu ári eru
áætlaðar ívið meiri en fram-
kvæmdir ríkisins þannig að það
þurftu fleiri að koma að þessu og í
aðdraganda sveitarstjórnarkosn-
inganna þá hefði ekki verið þægi-
legt að taka þessar ákvarðanir,“
segir Árni.
Þá bendir hann á að gengi krón-
unnar hafi þá ekki verið búið að
lækka eins mikið og nú sé raunin
og að verðbólgumæling í febrúar
hafi verið neikvæð. Því sé staðan
önnur í dag en þá var.
Árni segir verðbólguna nú marg-
þætta, hluta af henni megi rekja til
þenslu innanlands og hluta til
hækkana á innfluttum vörum, en
þar hafi lækkun á gengi krónunnar
áhrif.
„Vegna þess hve viðskiptahall-
inn var orðinn mikill þá var nauð-
synlegt að breyting yrði á genginu
og ljóst að lækkuninni hlyti að
fylgja einhver verðbólga. Aðalat-
riðið er að verðbólgan verði ekki
umfram það sem gengisbreyting-
arnar gefa tilefni til, að menn sæti
ekki lagi og hækki vörur meira,
eða aðrar vörur en þær sem gengið
hefur áhrif á. En síðan eru margir
aðrir þættir sem hafa áhrif á það
hvernig þetta þróast, hvernig sam-
keppnisstaðan er hjá einstaka
vörutegundum og þar fram eftir
götunum,“ segir Árni.
Ráðherra segir þenslumælingar
hafa byggt á röngum forsendum
Finnst frekar langt seilst hjá fjármálaráðherra, segir hagstofustjóri
Eftir Sigurhönnu Kristinsdóttur
sigurhanna@mbl.is
NÝR púttvöllur við Kirkjulund sem
er fyrsti púttvöllurinn fyrir al-
menning í Garðabæ var formlega
tekinn í notkun 26. júlí sl.
Við athöfnina undirrituðu Gunn-
ar Einarsson, bæjarstjóri Garða-
bæjar, og Jóhann Gunnar Stef-
ánsson, framkvæmdastjóri GKG
samning um viðhald og umhirðu
vallarins. Samningurinn nær út ár-
ið 2008 og mun klúbburinn sjá al-
farið um allt er viðkemur rekstri
vallarins á þeim tíma.
Að undirritun lokinni var brugð-
ið á leik og kepptu þau Gunnar Ein-
arsson, Ragnhildur Inga Guðbjarts-
dóttir, Helgi Hjálmsson formaður
félags eldri borgara og Ingibjörg
Hauksdóttir formaður um málefni
eldri borgara, eina holu. Keppnin
endaði með naumum sigri Helga.
Völlurinn er hannaður af Ragnhildi
Skarphéðinsdóttur arkitekt hjá
arkitektastofunni Hornsteinum.
Völlurinn sem er um 1000m2 er
staðsettur austan Kirkjulundar og
er umhverfi hans skreytt með trjá-
beðum og bekkjum.
Völlurinn er opinn öllum bæj-
arbúum sem vilja æfa sig í púttinu
þótt hann sé hannaður með þarfir
eldri borgara í huga.
Morgunblaðið/Árni Sæberg
Nýr púttvöllur í Garðabæ
SÆMUNDUR Ólafsson, eigandi út-
gerðarfélagsins Sandvíkur í Gríms-
ey, hefur tekið tilboði Sigurbjörns
ehf. um kaup á rekstri félagsins.
Kaupin ná til krókaaflamarksbáts-
ins Kristínar EA 37 og 100 þorsk-
ígildistonna af aflamarki sem er í
eigu félagsins. Áætla má að kaup-
verðið sé nálægt 150 milljónum
króna.
Fyrr í vikunni flutti blaðið fréttir
af því að feðgarnir Óli Hjálmar Óla-
son og Óli Bjarni Ólason, útgerð-
armenn í Grímsey, hefðu selt tæp
1200 þorskígildistonn til útgerðar-
félagsins Vonar í Sandgerði. Að
mati Sæmundar Ólafssonar er gott
að kvótinn sem hann selur nú hald-
ist í eynni. „Þetta er óskastaða og ég
gæti ekki verið ánægðari. Það besta
sem gat komið fyrir var að þetta
yrði selt svona yfir lóðamörkin,“
segir Sæmundur og bætir við að út-
gerðarfélagið Sigurbjörn sé staðsett
í næsta húsi við hann.
Seldur á markaðsverði
„Það er samt langt í frá að maður
sé að gefa þeim nokkurn skapaðan
hlut. Þetta er markaðsverð og það
hæsta sem ég hefði getað fengið. Ég
hafði fengið önnur tilboð sem ég
neitaði. Þau voru frá Vestfjörðum
og Norðvesturlandi.
Sigurbjörn lagði fram sitt tilboð á
jafnréttisgrundvelli og ég tók því,“
segir Sæmundur sem flyst nú bú-
ferlum til Akureyrar. „Ég er búinn
að vera einn hérna í Grímsey í þrjá
vetur í röð. Krakkarnir hafa verið í
skóla á Akureyri og konan sinnir
þeim þar.“ Spurður að því hvort
hann hyggist halda áfram útgerð á
Akureyri neitar Sæmundur. „Ég er
búinn að vera á sjó síðan ég var
krakki og þetta er orðið ágætt, ég
kann ekki að gera út frá öðrum stöð-
um en Grímsey,“ segir Sæmundur
sem er fæddur og uppalinn í eynni.
Garðar Ólafsson, einn eigenda
Sigurbjörns ehf., kveðst mjög
ánægður með kaupin á bátnum og
kvótanum. Hann segir að félagið
eigi tvo báta í Grímsey en einnig tvo
uppi á landi og einn 24 tonna bát í
Reykjavík sem ætlunin sé að selja.
„Við erum að verða stærsti út-
gerðaraðilinn í eynni, fyrir þessi
kaup vorum við með einhver 500–
600 þorskígildistonn og svo hafa
menn verið að hætta rekstri hérna,“
segir Garðar en fyrirtæki hans er
með 10–12 manns í vinnu sem er dá-
góður hluti íbúa eyjarinnar, sem eru
102.
100 tonna kvóti útgerðar í
Grímsey skiptir um eigendur
Eftir Berg Ebba Benediktsson
bergur@mbl.is
SAMBAND skagfirskra kvenna hef-
ur hrundið af stað söfnun til styrktar
tvíburasystrunum Örnu og Brynju
Árnadætrum, sem slösuðust í bíl-
slysinu við Varmahlíð 2. júlí síðast-
liðinn.
Í frétt á vefnum www.skagafjor-
dur.com kemur fram að áfalli sem
þessu og öðrum sem fjölskylda
systranna hafi orðið fyrir í gegnum
árin sé erfitt að mæta, ekki síst fjár-
hagslega, og því hafi Samband skag-
firskra kvenna fyrir hönd kvenfélag-
anna í Skagafirði ákveðið að opna
reikning til stuðnings þeim systrum.
Reikningurinn er í KB-banka og er
nr. 310-13-302888 og ber heitið Syst-
urnar Arna og Brynja. Kennitala
reikningsins er: 280486-2489.
Söfnun til
styrktar tví-
burasystrum
JÓHANNA Sigurðardóttir, þing-
maður Samfylkingarinnar, segir
það verða verulegan skell fyrir
margar fjölskyldur að fá skertar
vaxtabætur í ár. Bætur við skattá-
lagningu 2006
vegna tekna árs-
ins 2005 lækki
um 700 milljónir
króna og 10 þús-
und færri ein-
staklingar fá
vaxtabætur en
fengu síðast.
„Þetta gengur
ekki. Fólk er bú-
ið að gera sínar
fjárhagsáætlanir
og miða útgjöld við það að fá þessar
vaxtabætur í ágúst. Það gengur
auðvitað ekki að koma svona í bakið
á fólki,“ segir Jóhanna. Fast-
eignamat hefur hækkað um 35% og
Jóhanna segir að þessi breyting ein
og sér leiði til þess að verulegar
skerðingar verði á vaxtabótum hjá
mörgum. „Ég held líka að það séu
margir sem hafi ekki áttað sig á
þessu. Fólk hefur reiknað með
vaxtabótunum í sínum útgjöldum í
ágúst,“ segir Jóhanna. Spurð um
hvaða hópar fari verst út úr þessu
segir Jóhanna erfitt að fullyrða um
það fyrr en útreikningar liggi fyrir,
en hún óttist að það verði einna
helst lág- og meðaltekjufólk.
Verði leiðrétt strax
Jóhanna segir brýnt að þetta
verði leiðrétt strax. Hún bendir á að
þegar þríhliða samkomulag um
áframhaldandi gildi kjarasamninga
hafi náðst í júní milli ríkisstjórn-
arinnar, ASÍ og SA, hafi stjórnvöld
sagt að endurskoða ætti vaxtabætur
ef í ljós kæmi við skattálagningu að
þær yrðu verulega skertar. Spurn-
ingin sé hvort sú skerðing sem verði
á bótunum vegna hækkunar sem
orðið hefur á fasteignamati verði
greidd að fullu, en Jóhanna kveðst
ekki hafa ástæðu til þess að ætla að
stjórnvöld standi ekki við áform um
endurskoðun vaxtabótanna. Reynist
nauðsynlegt að bíða eftir lagabreyt-
ingu frá Alþingi í október telji hún
að endurgreiða þurfi fjárhæðirnar
með dráttarvöxtum.
Jóhanna segir Samfylkinguna
fara fram á að grunni til útreikn-
ings vaxtabóta verði breytt og hann
látinn taka mið af þeirri u.þ.b. 35%
hækkun sem orðið hefur á fast-
eignamati.
Greiddar vaxtabæt-
ur lækka um 700
milljónir króna í ár
Verulegur
skellur
fyrir mörg
heimili
Jóhanna
Sigurðardóttir