Morgunblaðið - 24.10.2006, Blaðsíða 22

tómstundir
|þriðjudagur|24. 10. 2006| mbl.is
daglegtlíf
Í Alþjóðaskólanum eru börn frá
ýmsum löndum við nám og
stefnan er að skólinn sé alveg í
tvítyngdu umhverfi. » 24
menntun
Að horfa á fótbolta er hollt fyrir
heilsuna enda losar fótbolta-
áhorfið um góðar og slæmar til-
finningar. » 24
íþróttir
Súkkulaði fyrir hverja árstíð,
silfurskeiðar og eðalkaffi fylgja
bóklestri hjá Ármanni Reynis-
syni. » 25
daglegt
HÆGT og hljótt er dottið úr tísku, a.m.k.
þar sem jarðarfarir Dana eru annars vegar.
Nú skulu útfarirnar vera persónulegar og
þannig eru legstaðir sem skarta fótbolta-
handklæðum, böngsum eða skúlptúrum ekki
óalgeng sjón. Dæmi eru um að menn hafi
óskað eftir statistum til að vera við eigin út-
för.
Berlingske Tidende greinir frá því að
danskar jarðarfarir séu óðum að taka á sig
nýjan svip. Fyrir 10–15 árum óskuðu 90 pró-
sent Dana eftir bálför og nafnlausu leiði í
kirkjugarðinum en í dag á ekki að fara
framhjá fólki að hér hvíli þjóðfélagsþegn
sem fólk syrgir en minnist einnig fyrir þær
gleðilegu stundir sem það átti með honum.
Kim Larsen vinsæll
Hefðbundnar blómaskreytingar eru ekki
lengur taldar fullnægjandi heldur eru hnúa-
járn rokkarans sýnileg við útförina. Fasani
veiðimannsins liggur þvert yfir kistulokið
eða þá uppáhaldskylfa golfarans. Messu-
skráin er gjarnan prýdd myndum frá
dýrðarstundum úr lífi hins látna og í einu
tilfelli uppfyllti útfararþjónusta hinstu ósk
þess sem dó og leigði statista til að vera við-
staddir jarðarför hans.
Þeim fer fjölgandi sem óska eftir því að
ösku sinni sé dreift á haf út og margir eft-
irlifendur láta hefðbundna legsteina ekki
nægja heldur halda úti minningarsíðum um
látna ástvini á netinu.
„Glæsibrúðkaup nútímans hafa smitað út
frá sér yfir á jarðarfarirnar,“ segir Peder
Thomasen hjá útfararþjónustunni Begra-
velses Service. Hann hefur einu sinni séð um
útför sem fór fram í eldhúsi þess sem látinn
var en í Danmörku er engin skylda að fá
presta til að syngja yfir þeim sem horfnir
eru yfir móðuna miklu.
Thomasen spáir því líka að opnar kistur
verði æ algengari í jarðarförum eftir því
sem fram líða stundir, sem kallar á frekari
þjónustu þeirra er sjá um förðun genginna
manna. Þá eru algengar óskir um að leika
eða spila af geisladiskum uppáhaldstónlist
hinna látnu og þannig er lag Kims Larsens
„Om lidt bli’r her stille“ orðið sannkallaður
útfararsmellur.
Morgunblaðið/Sverrir
Hinsta kveðja Jarðarfarir verða æ persónulegri og íburðarmeiri í Danmörku.
Glæsilegar jarðarfarir
Bráðnar í munni Granólakakan er ekki
aðeins góð heldur líka fögur!
Ég er algjörlega ólærð í köku-bakstri en mikil áhugakona umhverskonar bakstur og finnst
rosalega gaman að baka, en auk þess er
ég mikill sætabrauðsgrís,“ segir Ingi-
björg Lydia Yngvadóttir sem hefur und-
anfarin tíu ár séð um allan bakstur fyrir
kaffihúsið Súfistann, sem er til húsa bæði
í Hafnarfirði og í bókabúð Máls og menn-
ingar á Laugaveginum. „Ég var ekki alin
upp við sérstaklega mikinn bakstur en
hún amma mín var mjög flink við slíkt og
bakaði mikið. Ég fékk fyrst alvöru áhuga
á bakstri þegar ég eignaðist strákana
mína þrjá, mér fannst alltaf rosalega
gaman að baka fyrir afmælin þeirra.“
Granólakakan hennar Ingibjargar sem
boðið er upp á hjá Súfistanum hefur ver-
ið vinsæl í áraraðir, en Ingibjörg segir að
hún hafi þróað hana og breytt henni með
tímanum. „Uppistaðan er Granóla múslí
sem gerir hana heilsusamlega en svo er
líka kornflex og súkkulaði í henni, því
fólki finnst svo gott að hafa kökur fullar
af svona allskonar gumsi. Svo gerir fína
karamellukremið hana sæta og hún fer
vel með sterku góðu kaffi,“ segir Ingi-
björg sem býr líka til bökurnar sem Súf-
istinn býður upp á. Ingibjörg féllst á að
gefa uppskrift að gómsætri kaniltertu
sem hún bakar stundum heima hjá sér.
175 g smjör
225 g sykur
1 hrært egg
150 g hveiti
1–2 tsk. kanill
3–4 dl rjómi
100 g suðusúkkulaði
nokkrar heilar möndlur til skrauts
Stillið ofninn á 175 °C. Hrærið smjör-
inu og sykrinum vel saman og bætið egg-
inu í. Látið kanilinn út í hveitið og hrærið
því saman við eggjahræruna. Lögin eru
bökuð í grunnum, kringlóttum, lausbotna
formum. Best er að hafa tvö. Sníðið bök-
unarpappír eftir botnunum og klippið út.
Smyrjið deiginu örþunnt á pappírinn
(hafið hann á formbotninum á meðan) og
bakið í u.þ.b 8 mínútur, eitt lag í einu.
Bræðið suðusúkkulaði í vatnsbaði og
smyrjið á eitt lagið. Skreytið það síðan
með möndlum. Súkkulaðinu er smurt á
efsta lagið áður en kakan er sett saman
af því að hætta er á að efsti botninn
brotni sé það gert eftir á. Leggið lögin
síðan saman með þeyttum rjóma, ekki of
miklum og hafið súkkulaðilagið efst. At-
hugið að um leið og búið er að setja tert-
una saman, byrjar hún að mýkjast upp,
sumum finnst hún best stökk, en öðrum
mjúk.
Morgunblaðið/Eyþór
Kökumeistarinn Ingibjörg Lydia Yngvadóttir hefur gaman af að baka.
Kyndir ofninn
á Súfistanum
Hallgerður Helga Þorsteins-
dóttir er upprennandi skák-
drottning, sem saknar þess að
fleiri stelpur tefli. » 23