Morgunblaðið - 24.10.2006, Blaðsíða 23

tómstundir barna
MORGUNBLAÐIÐ ÞRIÐJUDAGUR 24. OKTÓBER 2006 23
FYRIRLESTUR IMMACULÉE ILIBAGIZA
Í MIÐSTÖÐ SAMEINUÐU ÞJÓÐANNA
Rúandíski rithöfundurinn Immaculée Ilibagiza
heldur fyrirlestur og situr fyrir svörum um
lífsreynslu sína og störf í Miðstöð Sameinuðu
þjóðanna, Laugavegi 42,
Í DAG kl. 12.10–13.00.
Nýlega kom út á íslensku bók Immaculée
Ilibagiza Ein til frásagnar en þar segir hún frá
ótrúlegri lífsreynslu sinni þegar útrýmingarher-
ferð Hútúa á hendur Tútsum brast á í landinu
árið 1994. Morðæðið stóð í þrjá mánuði og
kostaði nærri eina milljón landsmanna lífið.
Immaculée lifði blóðbaðið af því í 91 dag sat
hún ásamt sjö öðrum konum þögul í hnipri í
þröngri baðherbergiskytru meðan hundruð
morðingja með sveðjur á lofti leituðu þeirra.
Fyrirlesturinn er öllum opinn meðan
húsrúm leyfir. Aðgangur ókeypis.
Eftir Unni H. Jóhannsdóttur
uhj@mbl.is
Skák og mát. Hallgerður HelgaÞorsteinsdóttir hefur marg-sinnis farið með þessi sigur-
orð í skákinni enda orðið sex sinnum
í röð stúlknameistari Íslands. „Ég
lærði mannganginn þegar ég var
fjögurra ára af bróður mínum, Hilm-
ari Þorsteinssyni, sem nýlega varð
reyndar Norðurlandameistari fram-
haldsskóla með skáksveit Mennta-
skólans í Reykjavík. Ég fór fljótlega
að fara á skólaæfingar, en stelpurnar
voru því miður og eru alltof fáar,“
segir Hallgerður sem vill gjarnan fá
fleiri stelpur á æfingar. „Við erum
nokkrar í Skákskóla Íslands, þar
sem ég æfi nú. Kennararnir mínir
þar eru Helgi Ólafsson stórmeistari
og Lenka Ptacknikova kvennastór-
meistari. Skákfélagið mitt er Hellir
sem er auðvitað besta félagið.“
– Teflirðu þá aðallega við stráka?
„Já ég geri það nú oftast,“ segir
Hallgerður brosandi og neitar því
ekki að sumum þeirra finnist erfitt
að tapa fyrir stelpu en þeir þurfi
bara að venjast því. „En ég á nú samt
marga stráka að ágætisvinum,“ segir
hún dálítið sposk.
Heimsmeistaramótið upplifun
Hún segir félagsskapinn, félags-
lífið og ferðalögin sem fylgja oft
skákinni mjög skemmtileg. „Ég hef
farið þrisvar á Heimsmeistaramót
barna og unglinga, á Krít, í Grikk-
landi og í Frakklandi, og það var
skemmtileg upplifun. Það var ótrú-
legt að sjá hundruð stúlkna sam-
ankomnar frá ólíkum löndum til þess
að tefla skák. Sumar voru klæddar
eins og við en aðrar í svörtum kufli
með slæðu eða í litríkum sari. En all-
ar voru þær mjög góðar í skák. Við
gátum svo sem ekki mikið talað sam-
an, því þær töluðu ekki allar ensku
eða tungumál sem allar gátu skilið
en það skipti ekki máli yfir skák-
borðinu og þetta var mjög lærdóms-
ríkt.“
Hallgerður segist æfa sig með því
að skoða skákir, jafnt sínar sem ann-
arra, og stúdera jafnt byrjanir, mið-
töfl og endatöfl. „Það verður enginn
góður í skák nema æfa sig og tefla
mikið. Við æfingar nota ég einnig
sérstök skákforrit í tölvunni og
stundum bækur.“
Spilar handbolta og á fiðlu
Skákin er þó ekki það eina sem
Hallgerður leggur stund á í tóm-
stundum sínum því hún hefur einnig
lært á fiðlu frá því hún var fjögurra
ára og fyrir fjórum árum byrjaði hún
að æfa handbolta.
– Hvernig hefurðu tíma til þess að
stunda þetta allt saman?
„Ég hef ekki tíma í það,“ segir hún
og hlær. „Mér finnst svo gaman að
læra á fiðlu og reyndar er það víst
nokkuð algengt að skákmenn séu
einnig í tónlistarnámi. En mig vant-
aði hreyfingu, bæði til þess að vera í
betra líkamlegu formi og eins til þess
að fá útrás, svo ég skellti mér í hand-
boltann hjá KR, þar sem ég er í
stöðu hornamanns. En einhvern tím-
ann verð ég líklega að velja á milli,“
segir þessa vaska stelpa sem gaman
verður að fylgjast með í framtíðinni,
á hvaða sviði sem það verður.
Upprennandi
drottning í skák
Morgunblaðið/ÞÖK
Hæfileikarík Hallgerður Helga Þorsteinsdóttir segir að strákar verði bara
að venjast því að tapa fyrir stelpum.
„ÞAÐ geta allir sem áhuga hafa á
því að tefla komið í Skákskóla Ís-
lands, lært og æft sig en skólinn
býður upp á margs konar nám-
skeið bæði fyrir byrjendur og
lengra komna,“ segir Lenka
Ptankcikova, kvennastórmeistari
og Norðurlandameistari í skák,
en hún er einn kennara við skól-
ann.
„Í kennslunni er lögð áhersla á
að auka þekkingu og skilning
nemenda á lögmálum skáklist-
arinnar. Einnig er fjallað um
ýmsa þætti skáksögunnar og far-
ið í gegnum grundvallargildi
góðrar taflmennsku, s.s. drengi-
lega keppni, virðingu fyrir and-
stæðingnum, frumkvæði, þraut-
seigju, útsjónarsemi og
hugmyndaflug.“
Hún segir að börn þurfi að
læra að tapa rétt eins og að vinna
og læra af mistökum sínum. „Í
skákinni fá þau fjölmörg tækifæri
til þess. Félagslífið er einnig öfl-
ugt og einnig alþjóðleg samskipti,
Námskeið fyrir alla
í Skákskólanum
Morgunblaðið/Eyþór
www.skakskolinn.is/
t.d. í gegnum netið, en notkun
netsins er þá markviss eins og
þátttaka á skákmótum þar.“
ókeypis
smáauglýsingar mbl.is
Sængurfataverslun, Glæsibæ • Sími 552 0978 • www.damask.is • Opið mán.-fös. kl. 10-18, lau. kl. 10-16
Rúmföt
fyrir alla