Morgunblaðið - 08.11.2006, Qupperneq 17

MORGUNBLAÐIÐ MIÐVIKUDAGUR 8. NÓVEMBER 2006 17
VIÐURKENNING
TILEGO
ORKUSPARNAÐAR
FYRIR FRAMLAG TIL
Ódýrt eldsneyti + ávinningur!
EGO er við: Fellsmúla, Hæðasmára, Salaveg, Smáralind, Stekkjarbakka og Vatnagarða!
Orkusetur hefur ákveðið að veita EGO sjálfsafgreiðslustöðvunum viðurkenningu fyrir
lofsvert frumkvæði að því að draga úr eldsneytisnotkun. Framlag EGO felst í því að
bjóða ökumönnum tölvustýrða mælingu og loftjöfnun á hjólbörðum bifreiða á öllum
EGO stöðvunum. Hin nýja tegund tækjabúnaðar auðveldar ökumönnum til muna að
fylgjast með loftþrýstingi, fínstilla hann og jafna.
Orkunotkun landsmanna fer sífellt vaxandi og því skiptir sú aðhaldsþjónusta sem
hér um ræðir miklu máli. Bætt nýting á eldsneytisnotkun bifreiða er jafnframt í takt
við aðgerðaáætlun Evrópusambandsins sem skila á 20% orkusparnaði á næstu 15
árum. Það er áhersla m.a. lögð á aðgerðir sem stuðla að skilvirkari orkunotkun
bifreiða og mun stífari kröfur verða gerðar um lágmörkun orkunotkunar. Áætla má að
með bættri jöfnun lofts í hjólbörðum mætti spara íslensku þjóðarbúi um 500 milljónir
króna á ári og minnka útblástur gróðurhúsalofttegunda um 12 þúsund tonn.
Orkusetur óskar EGO til hamingju með gott framtak og minnir ökumenn á að réttur
loftþrýstingur í hjólbörðum getur dregið úr eldsneytisnotkun bifreiðar um allt að 10%,
auk þess að draga úr mengun og auka öryggi í umferð. Það munar um minna.
Hlutverk Orkuseturs er að stuðla að aukinni vitund almennings og fyrirtækja
um skilvirka orkunotkun og möguleika til orkusparnaðar. Orkusetrið er
stofnað af Orkustofnun í samstarfi við iðnaðar- og viðskiptaráðuneytið.
Sigurður Ingi Friðleifsson,
framkvæmdarstjóri Orkuseturs.
Upplýsingasskjár sem sýnir valinn
og mældan lotfþrýsting í pundum
Loftþrýstingur ákveðinn með
stjórntökkum.
ATH. Velja skal loftþrýsting sem
framleiðandi bifreiðar mælir með.
ÞAÐ er enginn hægðarleikur að
skapa verk sem fyllir út í hinn gríðar-
stóra Túrbínusal í Tate Modern lista-
safninu í London, eins og hinn 45 ára
gamli þýski listamaður Carsten Höll-
er hefur þó gert með glæsibrag.
Hann hefur gert þetta mikla rými að
sannkölluðum leikvelli í verki sínu
„Test Site“, sem nú prýðir salinn og
er hluti af Unilever-sýningaröðinni.
„Mér hefur alltaf fundist eins og
þetta rými væri hentugt fyrir
skemmtigarð,“ segir hann um Túrb-
ínusalinn. Hann hefur reist fimm
gríðarstórar stálpípur sem liðast um
salinn og gegna tvíþættu hlutverki;
sem rennibrautir og sem skúlptúr.
Ein af pípunum er fimm hæða há og
nær frá lofti byggingarinnar niður á
gólf.
Höller á sér nokkuð óvenjulegan
feril og vakti fyrst athygli sem mynd-
listarmaður árið 1990 fyrir sýningu á
verkfærum til að veiða og drepa börn,
eins og t.d. rólu sem fest er í þak-
skegg háhýsis.
Veðurverkefni Ólafs Elíassonar
best af hendi leyst
Í umfjöllun The Guardian segir að
vandamálið við túrbínusalinn sé hin
gríðarlega stærð hans en þó ekki síð-
ur skipulag rýmisins. Göngubrú
skipti rýminu í miðju og þetta hafi
valdið sumum listamönnum vandræð-
um í sínum útfærslum. Sumir lista-
menn, eins og Rachel Whiteread og
Louise Bourgeois, hafi ákveðið að
sniðganga með öllu göngubrúna og
láta sér duga einungis hluta af saln-
um. Aðrir, eins og Bruce Nauman,
hafi leyst vandamálið með því að
vinna eingöngu út frá hljóðum. „En
það Unilever-verkefni sem best var
af hendi leyst, að minnsta kosti hvað
vinsældir snertir, er Veðurverkefni
Ólafs Elíassonar.“ Síðan bætir blaðið
við og segir að hugsanlega muni
rennibrautir Höllers hafa svipuð
áhrif og verk Ólafs Elíassonar hafi
haft.
Höller viðurkennir að túrbínusal-
urinn sé erfitt rými og verði vanda-
samara verkefni fyrir sérhvern nýjan
listamann sem reynir sig þar. Enginn
vilji eiga á hættu að stæla þá sem á
undan fóru. „Það er ekki hægt að
vinna þar með hljóð því Nauman er
búinn að því, það er ekki hægt að
setja upp stórt ljós í enda salarins því
Elíasson hefur gert það. Ég ákvað því
strax í byrjun að ég vildi leika mér að
hæð salarins, fremur en lengd hans.
Ég var líka handgenginn rennibraut-
unum sem ég hef unnið með áður. En
brúin, í miðju rýminu, var vandamál.“
Rennibrautir
Höllers
Reuters
Gengið í barndóm Gestur rennir sér niður eina af hinum fimm stóru rennibrautum sem nú prýða Túrbínusalinn.
Sýningin í Tate Modern vinsæl
SKÁLDSAGA
bandaríska rit-
höfundarins Jo-
nathans Littells,
sem í vikunni
hlaut frönsku
Goncourt-bók-
menntaverðlaun-
in, hefur m.a. ver-
ið gagnrýnd fyrir
sögulega óná-
kvæmni. Í bókinni, sem heitir Þeir
góðu (Les Bienveillantes), segir
Littell sögu um þýskan SS-foringja
sem iðrast hvergi þátttöku í helför-
inni gegn gyðingum.
En sagnfræðingurinn Peter
Shoettler segir bókina, sem er tæpar
þúsund síður, „undarlegt skrímsli“,
er varpi engu ljósi á hina eiginlegu
helför, að því er fréttavefur breska
ríkisútvarpsins, BBC, greinir frá.
Þetta hefur þó ekki komið í veg
fyrir að bókin seljist vel í Frakk-
landi, þar sem hún var fyrst gefin út.
Þar hafa um 200.000 eintök selst.
Ekki virðast þó útgefendur hafa ver-
ið trúaðir á möguleika bókarinnar,
því að allmargir höfnuðu henni áður
en af útgáfu varð.
Þetta eru önnur frönsku bók-
menntaverðlaunin sem Littell hlýtur
fyrir bókina. Hún er væntanleg í
enskri þýðingu á þarnæsta ári.
Littell þykir
ónákvæmur
Jonathan Littell