Morgunblaðið - 29.12.2006, Blaðsíða 4

4 FÖSTUDAGUR 29. DESEMBER 2006 MORGUNBLAÐIÐ
FRÉTTIR
STAFNESVITI á Romshvalanesi horfir mót haf-
inu sem oft getur verið mjög úfið. Þótt ströndin
sé eyðileg og sjórinn illúðlegur á stundum var
þarna fjölmennasta verstöð á Suðurnesjum á 17.
og 18. öld, að því er segir í bókinni Landið þitt.
Konungsútgerð hófst þar um miðja 16. öld og
stóð til 1769. Landsetar af konungsjörðum suð-
vestanlands voru skyldugir að róa á árabátum
þaðan fyrir lítil laun. Útræði hélst frá Stafnesi að
einhverju marki fram til 1945 en lítið síðan.
Nú er Stafnesið vinsæll viðkomustaður nátt-
úruunnenda sem leggja leið sína að þessari
strönd við ysta haf til að fylgjast með fuglum og
heyra nið úthafsöldunnar. Ef til vill einnig til að
fá svolítinn gust í hárið og seltu á vangann.
Morgunblaðið/ÞÖK
Stafnesviti stendur vörð
MARGIR leiða hugann að reykleysi
um áramót og nota tækifærið til að
strengja áramótaheit þess efnis að
gefa reykingarnar alfarið upp á bát-
inn. Þetta endurspeglast í fjölda
námskeiða gegn reykingum sem
boðið er upp á í janúar, bæði hjá
Krabbameinsfélaginu og heilsu-
gæslum um land allt.
Að sögn Guðlaugar B. Guðjóns-
dóttur, framkvæmdastjóra Krabba-
meinsfélags Reykjavíkur, berast
flestar fyrirspurnir um reykbindind-
isnámskeið á þessum tíma árs og eru
fjölmennustu námskeið félagsins
ávallt haldin í janúar. Segir hún fé-
lagið þegar farið að taka við skrán-
ingum á námskeið sem haldin eru í
næsta mánuði, bæði fyrir fyrirtæki
og einstaklinga.
Símaráðgjöf gegn reykingum
Eitt af því sem fólk getur nýtt sér
er símaþjónusta sem nefnist Ráðgjöf
í reykbindindi sem er í síma 800
6030. Um er að ræða símaþjónustu
þar sem sérþjálfaðir hjúkrunarfræð-
ingar veita ráðgjöf um hvernig best
er að undirbúa það að hætta að
reykja, hvaða leiðir helst geti
gagnast, auk þess sem boðið er upp á
eftirfylgni í formi reglubundinna
símhringinga í allt að eitt ár, kjósi
fólk það.
Að sögn Guðrúnar Árnýjar Guð-
mundsdóttur, hjúkrunarfræðings og
faglegs umsjónaraðila með símaráð-
gjöfinni, hefur símaþjónustan verið
starfrækt hérlendis sl. sex ár, en hún
er rekin að erlendri fyrirmynd. Segir
hún álagið ávallt aukast í janúar og
því sé gripið til þess ráðs að lengja
símatímann og er hann frá kl. 17–21
alla virka daga fyrstu tvær vikurnar
í janúar, en á öðrum árstímum er
síminn opinn milli kl. 17 og 19 alla
virka daga.
Drepið
í um
áramót
Fjölmennustu
námskeiðin í janúar
„ÞETTA er einn annasamasti tími
ársins. Fólk er sólgið í ferskmeti eftir
allt kjötátið yfir hátíðirnar. Menn þrá
að fá soðningu,“ segir Eiríkur Auð-
unn Auðunsson, verslunarstjóri í
Fiskbúðinni Vör að Höfðabakka. Að-
spurður segir hann það reynslu sína
til margra ára að eftirspurnin haldist
mikil langt fram í janúarmánuð.
Víðast hvar hefur verið fullt út úr
dyrum í fiskbúðum landsins, enda
finnst mörgum gott að hvíla sig á
kjötneyslunni eftir jólin og fá sér eitt-
hvað létt og hollt í maga. Eftir því
sem blaðamaður kemst næst eru ýsa,
lúða og lax vinsælasta fiskmetið nú
um stundir, en flestir kjósa einfalda
soðningu eftir kjötveislu jólanna.
Fiskur hefur selst upp
Hjá Óskari Guðmundssyni, starfs-
manni í Fiskisögu í Skipholtinu,
fengust þær upplýsingar að eftir-
spurn eftir fiski hefði verið svo mikil
að allt hefði klárast um miðjan dag sl.
miðvikudag sem var fyrsti af-
greiðsludagur eftir jólalokun. Sagði
hann framboð hafa aukist til muna
enda fleiri sjómenn að róa. Fólk
þyrfti því ekki að óttast að koma að
tómum kofunum.
Að sögn Geirs Vilhjálmssonar, sem
á og rekur Fiskbúðina Hafberg í
Gnoðarvoginum ásamt föður sínum
Vilhjálmi Hafberg, er fiskneysla mik-
il allan desembermánuð og helst auk-
in eftirspurn eftir fiski út febr-
úarmánuð. „Hér er reyndar alltaf
mikið að gera,“ segir Geir þegar
hann er inntur eftir því hvort sér-
stakt álag hafi verið allra síðustu
daga.
Örtröð hjá fisksölum
eftir hátíðarhaldið
Morgunblaðið/Árni Sæberg
Fisk í soðið Nóg var að gera í Fiskbúðinni Vör þegar ljósmyndari átti þar
leið um. Þar stendur vaktina Eiríkur Auðunn Auðunsson verslunarstjóri.
Almenningur sólginn
í soðninguna
DAVÍÐ Oddsson, seðlabankastjóri og fyrr-
verandi forsætisráðherra og formaður Sjálf-
stæðisflokksins, segir að brotthvarf sitt af
vettvangi stjórnmálanna hafi ekki skaðað
Sjálfstæðisflokkinn, heldur þvert á móti sem
sýni að hann hafi farið á réttum tíma. Þetta
kemur m.a. fram í viðtali Örnu Schram
blaðamanns við Davíð sem birtist í nýjasta
hefti norræna tímaritsins Nordisk Tidskrift.
Í viðtalinu er farið yfir stjórnmálaferil Dav-
íðs og hvaða áhrif starf á nýjum vettvangi
hefur haft á líf hans og tómstundir.
Davíð er m.a. spurður um átök fylkinga í
Sjálfstæðisflokknum og segir: „Ég heyrði að
ungur maður sem ætlar að
verða framkvæmdastjóri
flokksins, sagði að sitt
fyrsta verk yrði að sam-
eina flokkinn fyrir kosn-
ingar. Ég veit ekkert um
hvað þessi ágæti maður er
að tala.“
Aðspurður kveðst Davíð
sakna svolítið átakanna í
lífi stjórnmálamannsins –
þess að takast á um hvort hugmynd verði að
veruleika. Hins vegar telur hann þátttöku í
stjórnmálum ekki eftirsóknarverða.
„Þegar fólk segist ætla í prófkjör segist ég
vona að það nái árangri og að ég virði hug-
rekki þess og vilja, en þar með hafi það tekið
ákvörðun um tvennt: að vera fátækt fólk allt
sitt líf og í öðru lagi að sitja undir dylgjum,
rógburði og svívirðingum, ef það nær ein-
hverjum pínulitlum árangri,“ segir Davíð.
Meðal annars er Davíð spurður um fram-
boð Íslands til setu í Öryggisráðinu. Hann
kveðst hafa stutt þessa hugmynd í upphafi en
horfið frá henni síðar meir. Fjárhagslegur
kostnaður hafi m.a. vaxið honum í augum en
síðan hafi verið reynt að draga mjög úr
kostnaðinum. Nú óttist hann að nægum fjár-
munum verði ekki varið til verkefnisins. Þá
segir Davíð að ráðamenn séu að lofa því að
tvöfalda þróunaraðstoð sem kosti millj-
arðatugi, í tengslum við framboðið. Honum
finnst mjög óskynsamlegt að gera það of
hratt. Framlag Íslendinga til þróun-
araðstoðar hafi aukist mikið því það sé hlut-
fall af þjóðarframleiðslu.
Spurður um aðild að Evrópusambandinu
(ESB) segir Davíð að Ísland hafi ekkert í
ESB að sækja. Engin rök séu með aðild Ís-
lands heldur einungis rök á móti. Aðild Norð-
manna að ESB myndi heldur ekki breyta
neinu fyrir Íslendinga að mati Davíðs.
Segir stjórnmálastarf ekki eftirsóknarvert
Davíð Oddsson
EFTIRLITSNEFND með fjármál-
um sveitarfélaga hefur lagt til við
sveitarstjórnir Breiðdalshrepps og
Djúpavogshrepps að þær undirriti
samning um fjárhagslegar aðgerðir
og eftirlit milli nefndarinnar og
sveitarstjórnanna. Þá mun nefndin
hafa fjármál Seyðisfjarðarkaupstað-
ar áfram til skoðunar á árinu 2007
vegna viðvarandi halla á rekstri
sveitarsjóðs. Fjármál Vestmanna-
eyjabæjar hafa og verið til skoðunar
vegna hallareksturs. Í ágúst sl. var
undirritaður samningur um fjár-
hagslegar aðgerðir og eftirlit milli
nefndarinnar og bæjarstjórnar Vest-
mannaeyja.
Eftirlitsnefndin hefur nú yfirfarið
ársreikninga 101 sveitarfélags fyrir
árið 2005 með hliðsjón af fjárhags-
áætlunum áranna 2005 og 2006.
Einnig var farið yfir greinargerðir
sveitarfélaga þar sem rekstrarniður-
staða var neikvæð 2005. Eftir það
var óskað upplýsinga um hvernig
sveitarstjórnir Bolungarvíkurkaup-
staðar, Ísafjarðarkaupstaðar og
Sveitarfélagsins Skagafjarðar
hyggjast bregðast við viðvarandi
hallarekstri sveitarsjóða og hver
þróun varð í fjármálum á árinu 2006
samanborið við fjárhagsáætlanir.
Sveitarfélög
undir
eftirliti
♦♦♦
HÆSTIRÉTTUR hefur staðfest
farbann allt til 18. janúar yfir pólsk-
um manni sem dæmdur var í 18 mán-
aða fangelsi fyrr í þessum mánuði
fyrir kynferðisbrot gegn 13 ára
stúlku.
Maðurinn áfrýjaði dóminum til
Hæstaréttar en formleg ákvörðun
um það hafði ekki borist ríkissak-
sóknara 20. desember.
Féllust héraðsdómur og Hæsti-
réttur á það með ríkissaksóknara að
brottför mannsins af landinu gæti
tafið framgang málsins meðan áfrýj-
unarfresturinn liði og því væri nauð-
synlegt að tryggja nærveru hans þar
til fyrir liggur endanlega hvort dóm-
inum verði áfrýjað.
Dæmdur
nauðgari
í farbanni