Morgunblaðið - 29.12.2006, Blaðsíða 29
börn
MORGUNBLAÐIÐ FÖSTUDAGUR 29. DESEMBER 2006 29
ÞÆR eru margar góðu reglurnar
sem kenna þarf börnum og ungling-
um í nútímaþjóðfélagi. Fjölskyldan
er mjög mikilvægur mótunaraðili en
góð tengsl innan fjölskyldu skipta
miklu máli fyrir velferð barna og
unglinga. Samanhópurinn er sam-
starfshópur um forvarnir sem stuðla
að velferð barna og unglinga en
meginmarkmiðið er að styðja for-
eldra í uppeldishlutverkinu. Í frétta-
tilkynningu frá hópnum segir að
leiðarljósið frá upphafi hafi verið
fræðsla og skilaboð með jákvæðum
formerkjum.
Samanhópurinn sendir nú í átt-
unda sinn áramótakveðu til lands-
manna þar sem hvatt er til aukinnar
samveru foreldra og barna en þær
rannsóknir sem hópurinn hefur lagt
til grundvallar starfi sínu sýna já-
kvæð áhrif á líðan og líf barna eftir
því sem samvera þeirra við foreldra
er meiri. Þær sýna að börn sem eyða
oftar tíma með foreldrum sínum eru
í betri tengslum við foreldra sína,
þeim líður betur og þau leiðast síður
út í neyslu vímuefna.
Áramótakveðju Samanhópsins til
íslenskra fjölskyldna verður dreift
með stuðningi Póstsins á öll heimili
dagana 27.–29. desember. Yfirskrift-
in er: „Framtíðin er óskrifað blað
sem fjölskyldan fyllir út með sam-
verustundum. Gleðilegt samveruár
2007.“ Í kveðjunni eru fjölskyldur á
Íslandi hvattar til þess að verja tíma
sínum saman og hugmyndir eru
gefnar að skemmtilegum sam-
verustundum á nýju ári.
Morgunblaðið/Golli
Tengsl Betri tengsl eru milli þeirra foreldra og barna sem eyða miklum
tíma saman, en fjölskyldan er mikilvægur mótunaraðili.
Samvera með
fjölskyldunni
Séra Hjálmar Jónsson samdi sálmvið mynd eftir Kristínu
Gunnlaugsdóttur og er hann á
jólakorti Thorvaldsens-félagsins í
ár:
Svalt er á heimsins hjarni
og hverfandi skjól
en lífið brosir í barni
sem birtist um jól.
Drúpa dýrðinni tæru
dalir og fjöll.
Baðast í skini skæru
sköpunin öll.
Móðirin dreymin með drenginn,
hið dafnandi ljós.
Í kvöld er fundin og fengin
hin fegursta rós.
Sigurður Sigurðarson yrkir
jólavísu til félaga sinna á leirnum,
póstlista hagyrðinga:
Ég finn að jólabarnið biður,
að betri ljóð í fjórum línum
og hagmælt tunga, helgi og friður,
hlotnist leirfélögum mínum.
pebl@mbl.is
VÍSNAHORNIÐ
Sálmur og jólavísa
Nánari upplýsingar um afgreiðslutíma vínbúða er að finna á vinbud.is
11:00 - 20:00
LOKAÐ
Lau. 30. des
Sun. 31. des
Reykjavík og nágrenni
Opnunartími vínbúða helst óbreyttur nema ofangreinda daga.
Fáðu fréttirnar
sendar í símann þinn