Morgunblaðið - 29.12.2006, Blaðsíða 22

|föstudagur|29. 12. 2006| mbl.is
Góð tengsl skipta miklu fyrir
velferð barna og unglinga og um
áramótin ætti fjölskyldan að
vera saman. » 29
börn
Það finnst mörgum tilheyra að
skála í kampavíni þegar nýja árið
gengur í garð og vissulega fylgir
því hátíðarstemning. » 28
vín
Geitur, fasanar, kanínur og gull-
fiskar eru meðal ábúenda í
gömlu fjósi skammt frá Ak-
ureyri. » 24
daglegt
Smáréttir njóta sín vel á ára-
mótaveisluborðinu og þá er
gaman að leita fanga sem víð-
ast. » 26
matur
Það hefur slæm áhrif á heilsu
foreldra að eignast mörg börn
og sérstaklega eru áhrifin á
heilsu mæðranna slæm. » 28
heilsa
Flugeldar verða í forgrunnium helgina hjá HaraldGunnari Halldórssyni hjáFlugbjörgunarsveit
Reykjavíkur enda sér hann um
flugeldamarkaði sveitarinnar ásamt
fleirum.
„Laugardagurinn verður dálítið
sérstakur hjá mér því þá verður
mestu vinnunni í kringum flugeld-
ana lokið og við eigum bara eftir að
selja,“ segir hann. „Það fylgir því
mikil vinna að breyta björgunar-
miðstöðvunum okkar í sölustaði.
Við þurfum að setja upp hillur og
raða vörunum í þær þannig að
þetta verði þokkalega neyt-
endavænt.“
Selt án afláts
Hann segir vissulega þurfa að
huga að eldvörnum í þessu sam-
bandi enda strangar reglugerðir
við lýði til að tryggja öryggi í
kringum hinn eldfima söluvarning.
Öflugur slökkvibúnaður sé á öllum
sölustöðum en mesta vinnan í sam-
bandi við eldvarnir gangi þó út á
forvarnir. „Við þurfum að passa
upp á að fólk sé ekki að skjóta í
kringum staðina eða reykja inni í
sölurýminu en það kemur fyrir að
fólk áttar sig ekki á þeirri hættu
sem er því samfara.“
Laugardagurinn verður því helg-
aður flugeldasölunni. „Ég á nú ekki
von á því að gera mikið annað en
að vakna, selja flugelda og fara svo
heim að sofa þann daginn.“
Stærsti hluti sunnudagsins verð-
ur á svipuðum nótum hjá Harald.
„Ég tek daginn snemma og fer yfir
það sem þarf að redda fyrir dag-
inn. Svo er selt án afláts fram að
lokun sem er um fjögurleytið og
eftir það þarf að ganga frá. Ætli
við hugsum okkur ekki til hreyf-
ings um sex- eða sjöleytið.“
Farinn að líta í kring um sig
Harald segist heppinn því á
gamlárskvöld er oftast hlaðborð hjá
fjölskyldu hans svo það gerir ekki
mikið til þótt honum seinki svolítið.
„Maður hefur hlaupið upp úr
baðinu og í fötin og oftast sleppur
það rétt fyrir matinn. Á eftir er svo
fólkinu smalað saman og farið á
brennu, sem er alveg nauðsynlegt,
þótt ekki sé nema til að ná flug-
eldasýningunni.“
Fjörið byrjar svo fyrir alvöru
þegar heim er komið af brennunni.
„Þá tökum við gjarnan góða skot-
törn fyrir skaupið sem öll fjöl-
skyldan horfir saman á. Reyndar
fer ég yfirleitt út í bílskúr þegar
skaupið er hálfnað til að kíkja að-
eins á flugeldana og undirbúa skot-
in.“
Eins og að líkum lætur er flug-
eldasýningin hjá Harald ekki af
verra taginu. „Reyndar hef ég að-
eins reynt að slaka á að undan-
förnu og horfa svolítið í kringum
mig. Það eru bara nokkur ár síðan
ég uppgötvaði að fleiri voru að
skjóta upp en ég og ég varð mjög
hissa þegar ég leit upp í himininn.
Þegar grannarnir eru svo búnir að
skjóta set ég allt í gang hjá mér.“
Hann segir það hefð hjá fjöl-
skyldunni að skála í freyðivíni þeg-
ar nýja árið gengur í garð. „Ann-
aðhvort gerum við það inni í húsi
þegar búið er að skjóta eða bara
úti á miðnætti ef veðrið er gott.“
Morgunblaðið/ÞÖK
Flugeldafjör Fjörið byrjar svo fyrir alvöru hjá Harald Gunnar Halldórs-
syni, þegar heim er komið af brennunni. „Þá tökum við gjarnan góða skot-
törn fyrir skaupið sem öll fjölskyldan horfir saman á.“
Horft til himins
Morgunblaðið/Þorkell
Ljósadýrð Það er gaman að litast
um loftin á gamlárskvöld.
Að styrkja gott málefni og kaupa flugelda hjá Flugbjörgunarsveitunum.
Að fara á góða brennu og sjá flugeldasýningu.
Að njóta samverustundarinnar með fjölskyldunni á gamlárskvöld.
Að nota hlífðargleraugu og hanska þegar flugeldunum er skotið á loft
og vera ekki í eldfimum klæðnaði á meðan.
Að fara í góðan göngutúr á nýársdag.
Harald mælir með...
LÍTIÐ og loðið vélmenni, sem lít-
ur út eins og selkópur, hefur ver-
ið heiðrað af japönsku ríkisstjórn-
inni fyrir umönnunarstörf sín í
þágu eldra fólks þar í landi, að
því er netmiðill BBC greindi frá í
vikunni.
Í róbótanum Paro hefur verið
komið fyrir, undir loðfeldi og
veiðihárum, nema sem gerir litla
kópnum kleift að bregðast við í
anda sprelllifandi gæludýra. Ró-
bótinn, sem getur bæði deplað
augum og hreyft hreifana, vann
til verðlaunanna í vélmenna-
keppni, sem haldin var að til-
stuðlan japönsku ríkisstjórn-
arinnar, en hún stofnaði til
verðlaunanna til að stuðla að
rannsóknum og frekari þróunum í
róbóta-iðnaðinum. Við verðlauna-
afhendinguna komu líka verðlaun
í hlut risaryksugu, sem vinnur
verk sín í skýjakljúfum Tókýó-
borgar um nætur, og sérstakrar
gjafavélar, sem ætlað er að mata
þá, sem eru ófærir um það sjálfir.
Róbótar eru notaðir mjög víða í
japönsku samfélagi, aðallega sem
hjálpartæki til að fást við vaxandi
öldrun. Um 19% af 130 milljón
íbúum Japana eru 65 ára og eldri.
Því er spáð að hlutfall þetta vaxi í
40% árið 2055.
Japanir telja að róbótar komi
til með að gegna lykilhlutverkum
í hjálp og umönnun eldriborgara.
Paro var einkum hannaður með
þarfir eldra fólks að leiðarljósi,
en getur einnig komið að góðu
gagni meðal einhverfra og fatl-
aðra barna. Róbótum eru einkum
ætlað að fá fólk til að slaka á og
æfa sig.
Auk þess að bregðast við snert-
ingu í gegnum snertinema á lík-
amanum bregst Paro einnig við
nafninu sínu og öðru hjali mann-
fólksins, líkt og raunverulegir sel-
kópar.
Róbóti heiðraður fyrir
umönnunarstörf
Loðin og líflegur Paro bregst við
áreiti eins og lifandi gæludýr.
FLUGELDAR eru nokkuð sem
við Íslendingar tengjum áramót-
unum og fagnaðarlátunum er
gamla árið kveður og hið nýja
tekur við órjúfanlegum böndum,
en víst að skoteldagleðin getur
oft verið meiri en góðu hófi gegn-
ir.
Ekki fagna allar þjóðir nýju ári
hins vegar með sama hætti eða
krafti og við, kráarferðir, grímu-
dansleikir og annað í þeim dúr
þykir víða fullgildur áramóta-
fögnður þó vissulega grípi aðrar
þjóðir einnig til flugeldanna.
Það er heldur ekki hægt að
segja annað en að það sé örlítið
„íslenskur“ bragur á þessari
glæsilegu Nýárs flugelda- og
ljósasýningu sem íbúar í síber-
ísku borginni Krasnoyarsk dást
hér að á sýningu í vetrar-
miðstöðinni þar í borg.
Forskot tekið
á nýársfögnuð
Reuters
daglegtlíf