Morgunblaðið - 24.02.2007, Blaðsíða 10

10 LAUGARDAGUR 24. FEBRÚAR 2007 MORGUNBLAÐIÐ
FRÉTTIR
Aðeins þrjár vikur eru eftir afstarfstíma þingsins og ekkier laust við að örlítill kosn-ingaskjálfti sé farinn að
grípa um sig meðal þingmanna, ráð-
herra, frambjóðenda og almennra
flokksmanna. Blaðamönnum er
reglulega sendur tónninn og stundum
mætti ætla að menn haldi að hér í
(reyklausa) bakherberginu sé rekin
kosningaskrifstofa fyrir alla flokka.
Við erum ýmist sögð hygla ráðherr-
um of mikið, éta upp rausið í stjórn-
arandstöðunni, þagga niður stór-
merkilegar fréttir eða leika okkur að
því að fleygja fram röngum fyr-
irsögnum. En á meðan samsær-
iskenningarnar koma úr öllum áttum
er víst engin ástæða til að hafa
áhyggjur af þeim.
Um þessar mundir er enginn mað-
ur með mönnum nema hann spái því
hvernig kosningarnar fara í vor. Til
að vera ekki eftirbátur annarra kve-
rúlanta set ég fram þá varfærnislegu
spá að stjórnarsamstarf Framsóknar
og Sjálfstæðisflokks sé liðið undir lok.
Það er jafnframt í tísku að segja ann-
að hvort að það sé þreyta í stjórn-
arsamstarfinu eða halda því fram að
samstarfið hafi verið farsælt og aldrei
betra en nú. Auðvitað er klisjukennt
að benda á að of margt skilji á milli
Framsóknarflokks og Sjálfstæð-
isflokks því það er alveg sama hvaða
tveir flokkar eru bornir saman, það er
alltaf eitthvað sem skilur í milli.
Þreytan kemur hins vegar fram í
því að svör við spurningum eru venju-
lega mikil upptalning á því hvað hefur
verið gert. Erfitt getur verið að fá
stjórnarliða til að ræða hugmyndir
eða framtíðarsýn því allt snýst um
áætlanir sem er búið að semja,
skóflustungur sem hafa verið teknar
og lagabreytingar sem hafa gengið í
gegn. Úr tjaldbúðum stjórnarand-
stöðunnar kemur hefðbundin gagn-
rýni á að loforðin sem nú eru gefin
séu mörg hver þau sömu og fyrir fjór-
um árum, verkin hefðu getað verið
unnin fyrr og mestu þjóðþrifamálin
sitji á hakanum. Auðvitað er ekkert
lofað, þótt vel sé gert.
En þingmenn stíga líka stundum
upp úr skotgröfunum. Með stærri
málum líðandi stundar eru umhverf-
ismál og til að halda fyrirsjáanlegum
spádómum áfram þá verða þau meðal
kosningamála vorsins. Í umræðum
um virkjanir í neðri hluta Þjórsár sl.
fimmtudag var töluverður sam-
hljómur í þingsal. Þingmenn voru vit-
anlega ósammála um hvort virkj-
anastefnu stjórnvalda væri lokið eða
ekki og hver bæri ábyrgð á áfram-
haldandi stóriðju, en fulltrúar allra
flokka útilokuðu að Landsvirkjun
gæti beitt eignarnámi vegna um-
ræddra virkjana. Þetta þýðir að
Landsvirkjun verður að ná samn-
ingum við landeigendur og þá hlýtur
að vakna sú spurning, sem Björgvin
G. Sigurðsson benti á, hvort nátt-
úruverndarsamtök geti ekki boðið í
jarðirnar á móti Landsvirkjun.
Þingflokkar á Alþingi náðu einnig
saman um yfirlýsingu vegna svo-
nefndrar klámráðstefnu sem stóð til
að halda í Reykjavík aðra helgi.
Sögðu flokkarnir það yfirlýst mark-
mið sitt að vinna gegn klámvæðingu
og vændi og þess vegna væri það í
óþökk þeirra að ráðstefnan væri hald-
in hér á landi. Þetta eru töluverð póli-
tísk tíðindi enda líkast til í fyrsta sinn
sem allir þingflokkar ná samstöðu um
nokkurt mál sem tengist klámi eða
vændi. Þrátt fyrir að klám sé ólöglegt
á Íslandi hefur lítið farið fyrir eft-
irfylgni þeirra laga. Nægir að hringja
í myndbandaleigur (ekki allar auðvit-
að) og spyrja hvort þar sé hægt að fá
klám og þá er svarið iðulega já. Og er
það klám? Aftur er svarið, já. Þótt
lögin setji ekki fram neina skilgrein-
ingu á klámi þá virðast framleið-
endur, dreifingaraðilar og neytendur
vera sammála um að um klám sé að
ræða.
Þess vegna verður spennandi að
fylgjast með því hvort framundan sé
harðari barátta gegn klámi á Íslandi í
framhaldi af afdráttalausri, þver-
pólitískri samstöðu sem náðist bæði á
Alþingi og í borgarstjórn.
Kosningaskjálfti og
samstaða gegn klámi
ÞINGBRÉF
Eftir Höllu Gunnarsdóttur
halla@mbl.is
HÆSTIRÉTTUR hefur sýknað ís-
lenska ríkið af bótakröfu Auðólfs
Gunnarssonar, fyrrverandi yfirlækn-
is á Landspítalanum, en honum var
sagt upp störfum í ársbyrjun 2004
þegar starf hans var lagt niður um
leið og stjórnun á skurðstofum á
kvennasviði var færð yfir til svæf-
inga-, gjörgæslu- og skurðstofusviðs
sjúkrahússins.
Auðólfur krafðist samtals rúmlega
5,1 milljónar króna í bætur og krafð-
ist greiðslu yfirvinnulauna í veikinda-
forföllum, greiðslu vegna áunnins
námsleyfis, greiðslu fyrir miska og
fyrir innheimtuþóknun til lögmanna
sinna.
Hæstiréttur taldi ekki að stefnandi
hefði sýnt fram á að hann ætti rétt á
greiðslu yfirvinnulauna og vegna
áunnins námsleyfis. Þá taldi rétturinn
ósannað, að sú ákvörðun spítalans að
leggja yfirlæknisstöðuna niður hefði
byggst á röngum forsendum og ekki
var talið að brotið hefði verið gegn
meðalhófsreglu eða rannsóknarreglu
stjórnsýsluréttar við töku ákvörðun-
arinnar. Var sjúkrahúsið því sýknað
af kröfu stefnanda um miskabætur.
Hæstiréttur féllst hins vegar á kröfu
stefnanda um að hann ætti rétt á
þóknun til lögmanna vegna innheimtu
biðlauna, sem honum bar.
Málið dæmdu hæstaréttardómar-
arnir Gunnlaugur Claessen, Garðar
Gíslason og Markús Sigurbjörnsson.
Karl Axelsson hrl. flutti málið fyrir
stefnanda og Anton Björn Markússon
hrl. fyrir stefnda, Landspítalann.
Sýknað vegna upp-
sagnar yfirlæknis
SMÁDÝRAHÚS Fjölskyldu- og hús-
dýragarðsins verður opnað á nýjan
leik í dag, laugardag, eftir að hafa
staðið tómt og lokað síðustu þrjá
mánuði. Nýir íbúar hússins eru þrír
landnámshanar og tíu landnáms-
hænur auk þess sem ungar land-
námshæna eru væntanlegir úr eggj-
um sínum um helgina. Þá munu
fyrri íbúar, kanínur og naggrísir,
flytja aftur inn en þeir hafa dvalið í
öðrum húsakynnum garðsins und-
anfarið og verða eflaust fegnir að
snúa aftur.
Hanarnir eru rausnarleg gjöf frá
Hanasetrinu á Torfastöðum og hafa
hlotið nöfnin Ripp, Rapp og Rupp.
Eins og hana er von og vísa eru þeir
glæsilegir og litfagrir.
Hænurnar koma frá Húsatóftum
á Skeiðum og eru litskrúðugar en
ekki hefur enn verið ráðist í það að
gefa þeim öllum nöfn.
Eggin í útungunarvél
Eggin eru nú í útungunarvél sem
heldur á þeim hita og er með rétt
rakastig fyrir eggin. Eftir 21 dag í
vélinni ættu ungarnir að klekjast út
úr eggjunum og það er nú um
helgina. Ungar landnámshæna eru
litskrúðugir en ungar helstu varp-
hænsna Íslendinga, Hvíta Ítalans,
eru gulir á lit.
Ýmislegt hefur gengið á í íslenska
landnámsstofninum í gegnum tíðina
og nánast þótti áreiðanlegt að stofn-
inn myndi deyja út ef ekki yrði eitt-
hvað að gert. Nú er starfandi félag
er einsetur sér að halda íslensku
hænunni við. Það nefnist Eigenda-
og ræktendafélag landnámshænsna
og var stofnað 2003. Stofnendur
þess voru 148 talsins.
Verið er að athuga möguleika á
innflutningi á bronskalkúnum og
páfuglum sem munu þá hafa aðsetur
í smádýrahúsinu ásamt núverandi
íbúum.
Opið er alla helgina frá klukkan
10 til 17 líkt og alla aðra daga árs-
ins.
Ripp, Rapp og Rupp og fleiri
dýr í Húsdýragarðinum
ÍSLENSKA fyrirtækið Nordic
Photos hefur verið kært til siðaráðs
sænska atvinnulífsins, sem fjallar
sérstaklega um kynjamisrétti í aug-
lýsingum (ERT). Er kæran lögð
fram vegna auglýsingar sem sýnir
sænskan kaupsýslumann umvafinn
fáklæddum konum á bar í Taílandi.
Fram kemur á sænska fréttavefn-
um The Local, að myndin í auglýs-
ingunni sé tekin af hollenska ljós-
myndaranum Paul van Rield og
fengin úr myndabanka Nordic Pho-
tos. Henni fylgir síðan textinn:
„Sænskir yfirmenn hafa meiri al-
þjóðlega reynslu en nágrannar
þeirra á Norðurlöndum“.
Á vefnum er haft eftir Arnaldi
Gauta Johnson, framkvæmdastjóra
Nordic Photos, að hin hörðu við-
brögð, sem borist hafi við auglýsing-
unni, hafi komið honum og sam-
starfsfólki hans á óvart. „Í fyrsta lagi
þykir okkur mjög leitt að hafa móðg-
að fólk. Auglýsingunni var ætlað að
gera góðlátlegt grín að staðal-
ímyndum og átti alls ekki að skaða
neinn,“ segir hann. Þá segir hann að
um hafi verið að ræða lokaða auglýs-
ingaherferð, sem náði til um 3.000
einstaklinga í fjölmiðlaheiminum.
Samkvæmt upplýsingum sem
Fréttavef Morgunblaðsins bárust í
gær frá Arnaldi hafa 10 kvartanir
borist til fyrirtækisins.
Íslensk aug-
lýsing kærð
í Svíþjóð