Morgunblaðið - 24.02.2007, Blaðsíða 29
úr bæjarlífinu
MORGUNBLAÐIÐ LAUGARDAGUR 24. FEBRÚAR 2007 29
Einhverjum datt í hug að nefna Fljótsdalshérað
Egilshérað um daginn. Sagt er að dreifbýl-
ingum sveitarfélagsins þyki það fullmikið hverf-
ast um þéttbýlið Egilsstaði. Bæjarstjórn hefur
með þó nokkrum árangri reynt að hrekja þetta
og nú síðast var átak sett í gang til að hlusta sér-
staklega eftir sjónarmiðum þeirra er búa utan
Egilsstaða en innan sveitarfélagsmarkanna.
Dreifbýlis- og hálendisnefnd ríður um héruð og
heldur fundi með heimafólki. Þar er stjórnsýsl-
an og þjónusta sveitarfélagsins kynnt og mál-
efni dreifbýlisins sérstaklega skoðuð.
Hætt er við að hljóð heyrist úr horni nú þegar
Umhverfisstofnun hefur gert uppskátt það
sjónarmið að stjórn Vatnajökulsþjóðgarðs eigi
að lúta beint undir stofnunina, en ekki lúta sér-
stakri stjórn eins og gert er ráð fyrir í frum-
varpi umhverfisráðherra til Alþingis. Eystra
hefur verið lögð á það gríðarmikil áhersla að
heimamenn sitji í stjórn þjóðgarðsins og hafi
þar ítök. Bæjarstjórnin ítrekar að yfirstjórn
þjóðgarðsins verði á svæðinu og tryggt að sú at-
vinnustarfsemi sem er innan marka hans verði
ekki skert. Markmiðið sé enda að þjóðgarðurinn
leiði til fleiri tækifæra fyrir íbúa á svæðinu
fremur skerðingar á möguleikum samhliða
markvissri verndun náttúrunnar.
Nokkrir Egilsstaðabúar ásamt fólki víðar af
Austurlandi hafa undanfarna daga verið að
puða utan í fjallinu Kilimanjaro, hæsta fjalli
Afríku. Það er 5.895 metra hátt og er í NA-
Tansaníu á austurströnd Afríku. Samkvæmt
áætlun hópsins, sem telur 16 manns, var fyrst
gengið um regnskógasvæði, þá upp í gegnum
gresjur yfir í mun hrjóstrugra landslag og loks
á toppinn upp jökulhettu. Af tindinum má sjá
yfir endalausar sléttur Austur-Afríku og hæðin
er svo mikil að hægt er að sjá berum augum að
jörðin er kúpt að lögun. Hjördís Hilmarsdóttir
heldur utan um skipulagningu leiðangursins en
hópurinn fór utan 13. febrúar og kemur heim 1.
mars. Sjálfsagt verða leiðangursmenn heim-
komnir heldur roggnir og ekki að ósekju.
Í góðærinu spretta ævintýramenn upp eins og
gorkúlur á haug, eins og alkunna er í okkar
breyska heimi. Egilsstaðir fara ekki varhluta af
slíku. Ganga fjöllum hærra sögur af nafn-
greindum einstaklingum sem stunda viðskipti
af miklum móð með fasteignir og fyrirtæki og á
þann veginn að seljendur lenda í verstu krögg-
um og sjá oftast ekki eyrisvirði af umsömdum
greiðslum, fyrr en þá seint og um síðir ef nokk-
urn tímann. Á þetta við um einstaklinga, fjöl-
skyldur og fyrirtæki og er miður.
Morgunblaðið/Steinunn Ásmundsdóttir
Mannlífið er oftast fagurt á Egilsstöðum.
EGILSSTAÐIR
Eftir Steinunni Ásmundsdóttur blaðamann
Á annan tug íslenskra prestavoru gestir Eggerts Magnús-
sonar á Uptown Park í Lundúnum
er West Ham tapaði fyrir Watford í
ensku úrvalsdeildinni fyrir nokkru.
Davíð Hjálmar Haraldsson yrkir:
Prýði er að prestaskara,
pellið glampar dýrt í sól.
Með Vídalín á völlinn fara,
Veda-rit og Heims um ból.
Sígur daufeyg sól að viði,
sorgar hljóðna köll og gól.
Fá ei bjargað feigu liði
fyrirbæn og Heims um ból.
Þá Ólafur Stefánsson:
Þá mun mörgum Bretum blöskra,
biðja um miskunn gjafarans,
þegar á velli West Ham öskra,
virtir klerkar okkar lands.
Loks Rúnar Kristjánsson á
Skagaströnd:
Prestar styðja West Ham vel,
vopn til sóknar smíða.
Boltinn skapar bræðraþel
betra en þekkist víða.
VÍSNAHORNIÐ
West Ham
og prestar
pebl@mbl.is
BRESKUR matvælaframleiðandi
hefur búið til, að eigin sögn, eldhei-
tasta chili-duft sem hægt er að búa
til. Frá þessu er sagt á fréttavef
BBC.
Duftið er svo sterkt að viðskipta-
vinir Blair Lazar’s þurfa að skrifa
undir skjal þar sem þeir afsala sér
lagalegum rétti áður en þeir smakka
það. Þegar Lazar sjálfur smakkaði
duftið bólgnaði tungan í honum og
hann sveið í marga daga, eftir því
sem hann fullyrðir.
Duftið sterka er 30 sinnum sterk-
ara en sterkasti chili-ávöxturinn og
8.000 sinnum sterkara en tabasco-
sósa, en það er búið til úr nokkrum
tonnum af ferskum chili-ávöxtum.
Lazar upplýsir að duftið sé framleitt
á rannsóknarstofu af starfsmönnum í
sérstökum búningum og með grímur
til að þeir andi því ekki að sér sem
„hreinum hita“. Afurðin er hvítt,
kristallað duft. Duftið sjálft brennir í
raun ekki heldur örvar taugaenda í
munni sem gefa þá brunatilfinningu.
Á undanförnum áratug hafa fram-
leiðendur leitað leiða til að búa til æ
sterkari útgáfu chili-sósu. Nöfn slíkra
samsuðna gefa nokkra hugmynd um
hvað er verið að innbyrða; Eftir
dauða sósa og Brjálæðis sósa.
Kryddmagnið í slíkum sósum er
mælt eftir einingu sem kölluð er Sco-
ville, því hærri sem einingin er því
meira svíður. Sumir framleiðendur
segja þó að eftir að Scoville er komin
yfir 350.000 sé mælingin tilgangslaus.
Heitasta
chili-sósan
matur
E
N
N
E
M
M
/
S
ÍA
/
N
M
2
6
3
16
Sævarhöfða 2 Sími 525 8000 www.ih.is Opið: Mánudaga – föstudaga kl. 9.00 - 18.00 og laugardaga kl. 12.00 - 16.00
Umboðsmenn
um land allt
Njarðvík
421 8808
Akranesi
431 1376
Höfn í Hornafirði
478 1990
Reyðarfirði
474 1453
Akureyri
464 7940
Vél og afköst 35” Breyttur D-Max Hi-Lux (óbreyttur)
Gerð 3.0 3.0
Ventlakerfi 16 ventla DOCH 16 ventla DOCH
Stimpilstærð 95,4 x 104,9 96,0 x 103,0
Slagrými 2999cc 2982cc
Hámarksafköst (hö/snm) 163/3600 171/3600
Hámarkstog (Nm/snm) 360/1800 - 3600 343/1400 - 3400
Dráttargeta 3 tonn 2,2 tonn
Framleiðsluland Thailand Afríka
Verð sjálfskiptur 3.440.000 kr.* 3.380.000 kr.
Gerðu samanburð!
Ný díselvél með millikæli
Háþróuð tækni eins og millikælir og
VGS (Variable Geometry System)
skilar 13% betri eldsneytisnýtingu,
meiri krafti og minni hávaða og
minni útblæstri. Nýja díselvélin sem
er hljóðlátari en nokkru sinni fyrr og
eyðir aðeins 6,5-9,4l/100.
Rúmgóður og þægilegur
Innviðir ISUZU D-MAX vekja jafnvel
enn meiri gleði en ytra byrðið. Hann
er einstaklega rúmgóður og ný
hönnun á glæsilegu mælaborði með
raflýstum mælum og nýjum og
notkunarvænum bílstjórasætum
færa innra rýmið upp í nýja vídd
hvað varðar þægindi.
Innbyggt öryggi
Dúal SRS loftpúðar í framsætum
minnka hættu bílstjóra og farþega
komi til árekstrar, einkum þegar
þeir eru notaðir með þriggja punkta
ELR sætisbeltunum. Framljósin eru
með Slipsod kerfi sem eykur lýsingu
og lengir sjónsviðið og eykur þannig
enn öryggi bílstjóra.
*Hús á palli er ekki innifalið í verði
D-MAXinn er svo sannarlega að slá í gegn!
Við bjóðum D-MAX með 35" breytingu frá Arctic Trucks
á sambærilegu verði og óbreyttur Hi-Lux. Hann er aflmeiri
en Hi-Lux með nýrri díselvél sem sparar eldsneyti og
minnkar útblástur. D-MAX er frábærlega útbúinn jeppi
sem dregur það sem hann vill draga og fer þangað sem
hann ætlar sér. Hvað viltu hafa það betra? Kynntu þér
málið, annað er bara brjálæði!
Komdu og tryggðu þér eintak!