Morgunblaðið - 24.02.2007, Blaðsíða 56

|laugardagur|24. 2. 2007| mbl.is
staðurstund
Forest Whitaker þykir hörku-
góður sem Idi Amin í myndinni
Síðasti konungur Skotlands
sem frumsýnd var í gær. » 60
kvikmyndir
Vetrarhátíð í Reykjavík lýkur
með tónleikum frönsku rokk-
hljómsveitarinnar Dionysos í
Hafnarhúsinu í kvöld. » 59
tónlist
Sem fyrr verður tekist á við
fyrripart í útvarpsþættinum
Orð skulu standa sem er á dag-
skrá í dag. » 61
útvarp
Birta Björnsdóttir veltir því fyr-
ir sér hverjir beri sigur úr být-
um á komandi Óskarsverð-
launahátíð. » 57
af listum
Í Tölunni 23, sem var frumsýnd
í gær, leikur Jim Carrey mann
sem er heltekinn af bók sem ber
titil myndarinnar. » 58
kvikmyndir
Eftir Arnar Eggert Thoroddsen
arnart@mbl.is
Þó að Ólöf Arnalds sé núfyrst að gefa út plötu meðeigin efni hefur hún veriðvirk í tónlistarlífi landans í
meira en tíu ár. Kornung söng hún
með hljómsveitinni Mósaík á Mús-
íktilraunum árið 1995, en í þeirri
sveit var gítarleikari Benedikt H.
Hermannsson, Benni Hemm Hemm.
Það væri að æra óstöðugan að telja
upp öll þau verkefni sem hún hefur
tekið þátt í síðan þá, en áberandi að
undanförnu hefur verið vinna henn-
ar með múm og Skúla Sverrissyni.
„Ólafarlegt“
Plata Ólafar heitir Við og við,
plata sem er falleg að innan sem ut-
an, en umslagið er eins og lítil barna-
bók. Hönnuður er vinkona Ólafar,
Sara Riel.
„Það var smábras að koma þessu í
gegn,“ segir Ólöf. „Ég sit t.d. sjálf
við og lími vasann, sem geymir sjálf-
an diskinn, inn í bókina. En mér
finnst fínt að þessu fylgi smávegis
heimaiðnaður.“ Ólöf hefur eins og
áður segir léð hinum ýmsu tónlist-
armönnum og hljómsveitum krafta
sína í gegnum tíðina.
„Þar ber maður ekki einn hitann
og þungann af útkomunni, þannig að
þessi plata er ný upplifun fyrir mér.
Ég ber ábyrgðina og stend og fell
með því sem á henni er.“ Tilurð plöt-
unnar liggur í því að Ólöf byrjaði að
semja lög ein fyrir u.þ.b. tveimur ár-
um, lög sem hún vissi ekki almenni-
lega hvað ætti að gera við.
„Ég vissi ekki alveg hvað mér
fannst en svo þegar ég fór að vera
minna feimin byrjaði ég að bera þau
undir vini og félaga. Ég spurði hvort
þeim fyndist þetta ekki eitthvað
skrítið en ég fékk oftast þau svör að
þau væru þvert á móti mjög „Ólaf-
arleg“. Ég fór í lokin að sætta mig
vel við þá skýringu og leyfði lög-
unum þá bara að vera eins og þau
væru, þau yrðu bara að hafa sinn
gang. Það má segja að ég hafi ákveð-
ið að hlýða lögunum og tekið að
þjónusta þau.“
Meiri tónlist
Ólöf segir að samstarf sitt og
Skúla Sverrissonar á plötu hans Ser-
iu hafi haft mikil áhrif á Við og við.
„Ég var nefnilega í miklum vand-
ræðum með textagerð og var að
semja texta á ensku sem mér fannst
frekar hjákátlegir. En svo þegar ég
samdi texta við lagið „Vaktir þú“ á
Seriu opnaðist eitthvað. Snjóbolti
fór að rúlla og textarnir komu einn
af öðrum. Textarnir hjálpuðu svo
upp á lagasmíðarnar, ákveðið texta-
brot kallaði kannski á viðlag o.s.frv.“
Kjartan Sveinsson úr Sigur Rós sá
um að taka plötuna upp og veitti
Ólöfu góð ráð í gegnum ferlið.
„Flestar tökurnar eru heilar tök-
ur, þ.e. söngur, gítar og strengja-
kvartett t.d. eru í gangi samtímis,“
segir Ólöf. „Svo var einhverju bætt
við eftir á. Þá tókum við þetta upp á
segulband.“ Það var ekki knýjandi
þrá sem rak Ólöfu endilega í plötu-
gerðina, það var meira þannig að
tónlistin sjálf stýrði henni í hana.
„En vissulega hef ég haft löngun til
að gera sólóplötu frá fyrstu tíð. Ég
sagði einu sinni við Söru þegar við
vorum litlar að einhvern tíma ætlaði
ég að gera plötu og þá myndi hún
búa til umslagið. Sá draumur hefur
nú ræst. Það var góð tilfinning sem
fylgdi því að gera þessa plötu og ég
finn að eftir að hún kláraðist þá opn-
aðist fyrir fullt af nýjum hug-
myndum. Ég get því ekki beðið eftir
því að fara að gera meira af tónlist.“
Útgáfutónleikar Ólafar Arnalds
verða svo á NASA hinn 21. mars.
Farið að lögum
Morgunblaðið/Kristinn
Ólöf Arnalds „Ég vissi ekki alveg hvað mér fannst en svo þegar ég fór að vera minna feimin, byrjaði ég að bera
þau undir vini og félaga,“ segir Ólöf Arnalds sem fékk önnur viðbrögð en hún bjóst við.
Tónlistarkonan Ólöf Arnalds
gefur út sína fyrstu sólóplötu
Sú fyrsta Umslag fyrstu sólóplötu
Ólafar Arnalds, Við og við.
TÓNLISTARSKÓLINN í Reykja-
vík heldur seinni hljómsveit-
artónleika sína á þessu starfsári í
Neskirkju í dag klukkan 17.
Tvisvar á ári fer fram keppni
meðal nemenda skólans um að fá að
koma fram sem einleikari á tón-
leikum hljómsveitar skólans. Að
þessu sinni eru það þær Rannveig
Káradóttir sópransöngkona og Sól-
rún Gunnarsdóttir fiðluleikari sem
spreyta sig í hlutverki einleik-
aranna.
Sólrún segir þetta verða sína
fyrstu einleikstónleika og var að
vonum spennt.
„Ég hef æft á fiðlu í 14 ár, þar af
sex í Tónlistarskólanum,“ sagði hún
í samtali við Morgunblðið í gær.
„Ég held þó að maður verði aldrei
fullnuma fiðluleikari heldur haldi
áfram að læra svo lengi sem maður
spilar.“
Aðspurð um keppnina meðal
nemenda skólans segir Sólrún nem-
endur æfa 15 mínútna tónverk, aríu
eða eitthvað annað að eigin vali til
að leika fyrir dómnefnd, sem skipuð
er formönnum deilda skólans.
„Venjulega er einn nemandi val-
inn en við Rannveig vorum jafnar í
ár,“ sagði Sólrún.
Mozart og Vivaldi
Rannveig sagði það hafa komið
sér á óvart að verða fyrir valinu.
„Ég var viss um að Sólrún yrði
valin en það var mjög gaman að við
skyldum fá að koma báðar fram.
Það var líka sérstaklega skemmti-
legt í ljósi þess að söngvari hefur
aldrei verið valinn í keppninni,“
sagði hún í samtali við Morg-
unblaðið í gær.
Rannveig er á þriðja ári í söng-
námi en sneri sér nýverið að klass-
ískum söng.
„Ég tók þátt í Idolinu á sínum
tíma og æfði djasssöng,“ segir
Rannveig en nú á sópransöngurinn
hug hennar allan.
Rannveig ætlar að syngja aríur
eftir Mozart, Dvorák og Rachm-
aninoff og Sólrún leikur Rómönzu
eftir Árna Björnsson og „Vetur“ úr
árstíðunum eftir Antonio Vivaldi.
Hljómsveitin flytur einnig forleik
að leikritinu Nýársnóttinni eftir
Árna Björnsson og svítu eftir Bizet
sem byggð er á tónlist úr óperunni
Carmen.
Stjórnandi er Gunnsteinn Ólafs-
son.
Lærir svo lengi sem spilar
Morgunblaðið/ÞÖK
Einleikarar Sólrún Gunnarsdóttir og Rannveig Káradóttir fá að spreyta
sig á hljómsveitartónleikum Tónlistarskólans í Reykjavík í Neskirkju í dag.
» Það var mjög gamanað við skyldum fá að
koma báðar fram.