Morgunblaðið - 16.03.2007, Qupperneq 13

straumsvik.is
Um fimmtán ára meðalstarfsaldur þeirra sem vinna í álverinu í Straumsvík talar skýru máli um gæði
vinnustaðarins og þá miklu reynslu og sérþekkingu sem starfsfólk álversins býr yfir. Í þeirri hæfni eru
mikil verðmæti fólgin sem skila sér í góðri afkomu, góðum tekjum starfsmanna, umtalsverðum tekjum til
Hafnfirðinga og mikilvægum tekjum til íslensks samfélags. Ef ráðist verður í stækkun álversins mun um
350 manns til viðbótar opnast tækifæri til fjölbreyttra starfa innan álversins og verðmætasköpun þess mun
aukast til muna.
Konum að störfum í álverinu fer stöðugt fjölgandi og eru þær um þessar mundir u.þ.b. 80 talsins en karlar
370. Alcan á Íslandi er hreykið af því að greiða nákvæmlega sömu laun fyrir sömu vinnu. Misrétti kynjanna er
óþekkt hvort sem litið er til launa, verkaskiptingar eða tækifæra til menntunar og starfsframa.
Sérhæfð þekking á áliðnaði nýtist ekki, neyðist starfsmenn til að hverfa til annarra og óskyldra starfa.
Sérþekking þeirra nýtist heldur ekki Hafnfirðingum hefji þeir störf í álverum annars staðar á landinu. Þess
vegna hvetur Alcan Hafnfirðinga til að kynna sér röksemdir fyrir stækkun álversins og taka vel ígrundaða
ákvörðun í kosningunum sem framundan eru.
Hornsteinn þeirra miklu verðmæta sem rekstur
álversins í Straumsvík skapar í íslensku samfélagi er
samanlögð 6.750 ára
reynsla og sérþekking
um 450 starfsmanna okkar í áliðnaði. Á þeim grunni
er gott að byggja áfram.