Morgunblaðið - 04.05.2007, Blaðsíða 28

vín
28 FÖSTUDAGUR 4. MAÍ 2007 MORGUNBLAÐIÐ
Eftir Steingrím Sigurgeirsson
sts@mbl.is
Enn halda dómarnir um2006 árganginn í Bor-deaux að streyma inn ognú er stóridómur fallinn,
bandaríski víngagnrýnandinn Ro-
bert Parker, hefur fellt úrskurð
sinn. Það er ekkert í vínheiminum
sem vekur jafnmikla umræðu,
vangaveltur og deilur og árgang-
arnir í Bordeaux. Þetta er árlegt
„Dallas“ eða „One Tree Hill“ fyrir
þá sem fylgjast með vínum. Og það
sama á raunar við um dóma Par-
kers. Deilurnar um þá eru oft há-
værari en deilurnar um ágæti ár-
gangsins.
Parker er langáhrifamesti vín-
maður heimsins og þykir mörgum
nóg um. Hann gnæfir yfir allt og
alla og mörg stóru vínhúsanna bíða
með að verðleggja vínin áður en
þau hafa verið tekin fyrir í riti hans
„Wine Advocate“. Parker er gagn-
rýndur fyrir að vera of amerískur í
smekk sínum og vínhús eru sökuð
um að laga vín sín að smekk hans.
Stundum mætti halda að hann ætti
sök á öllu því sem miður fer í vín-
heiminum eða þá að honum beri að
þakka þær gífurlegu umbætur er
orðið hafa á síðustu áratugum.
Betri árgangur
en hefði mátt ætla
En hvað segir svo Parker? Jú,
2006 er betri en hefði mátt ætla er
í stuttu máli niðurstaða hans.
Þurru hvítvínin frá Pessac koma
vel út og Pomerol-vínin fá almennt
mjög góða dóma. Í Médoc þar flest
þekktu húsanna er að finna eru
það þó einungis þau sem höfðu
nógu djúpa vasa til að grípa til að-
gerða til að bregðast við erfiðri
veðráttu sem ná góðum árangri.
Það vekur athygli að einungis
þrjú Chateau eiga að hans mati
kost á fullu húsi eða 100 stigum
(hann fellir ekki endanlegan úr-
skurð enn) nefnilega Mouton-
Rothschild, La Mission-Haut-Brion
og hið agnarsmáa vínhús Bellevue
Mondotte í St. Emilion sem er í
eigu sömu aðila og Chateau Pavie.
Ekkert hinna stóru nafnanna s.s.
Lafite, Latour og Haut-Brion nær
þessu takmarki.
Nú telja flestir að verð 2006-
árgangsins verði einhvers staðar á
milli 2004 og 2005 sem að flestra
mati er of hátt og því ekki góð
fjárfesting í 2006. Sérstaka athygli
vekur að Parker varar Bordeaux-
húsin undir rós við því að snúa
baki við hinum hefðbundnu mörk-
uðum sínum í Bretlandi og Banda-
ríkjunum með því að verðleggja
vínin í takt við það sem nýir mark-
aðir í Austurlöndum fjær eru
reiðubúnir að punga út. Það væri
mikil skammsýni að hans mati og
er það mjög í takt við umræður
ekki síst í Bretlandi um að hætta
sé á hruni í eftirspurn eftir Bor-
deaux-vínum vegna verðlagningar.
Fínt í upphafi grilltímabilsins
Fyrir þau okkar sem búum í hin-
um venjulega heimi eru hins vegar
hér dæmi um nokkur feikilega góð
vín sem eru fáanleg í vínbúðunum
á Íslandi á broti þess verðs sem
bestu Bordeaux-vínin kosta. Fín
fyrir upphaf grilltímabilsins.
Rioja á Spáni hefur lengi verið í
miklu uppáhaldi hjá íslenskum vín-
unnendum. Og ekki nema von.
Þegar vel lætur eru þetta frábær
vín á toppverði.
Baron de Ley Finca Monasterio
2003 er í þeim hópi, tignarlegt,
hefur þroskað yfirbragð, virkilega
árennilegt og fínt til neyslu núna.
Ávöxturinn djúpur með reyk, kjöti
og kaffi. Langt og þétt í muni með
öflugri sýru og löngu bragði. Með
grillaðri nautasteik, t.d. T-Bone
eða Prime-Rib. 2.190 krónur. 90/
100
Chile-vínin eru sömuleiðis áreið-
anleg og ekki síður ánægjulegt að
vínum í efri gæðaflokkum þaðan
fjölgar stöðugt og þau verða æ
betri.
Coyam 2004 er besta vín Emi-
liana, framleiðanda sem fjallað var
um hér fyrir skömmu. Blanda úr
einum fimm þrúgum með Syrah,
Cabernet, Carmenére og Merlot
ásamt einum tveimur prósentum af
Mourvédre.
Megn angan af þroskuðum sól-
berjum og krækiberjum, svartur
og dökkblár ávöxtur, kröftugur
með vott af súkkulaði, kaffi og
lakkrís. Eikað og reykað með
brenndum sykri og vanillu. Góð
tannín og sýruuppbygging. Ungt
en árennilegt og lífrænt þar að
auki. Fínt með grilluðu nauti eða
af hverju ekki hreindýri 2.740
krónur. 90/100
Ef menn eru fyrir það að hjúpa
steikina með bragðmikilli grillsósu
þarf vín sem hikar ekki við að tak-
ast á við slíka áskorun. Ástralskur
Shiraz er þá góður kostur. Hér er
eitt frábært slíkt.
Peter Lehmann Futures Shiraz
2003 er töluverður bolti sem ræður
við flest. Kókos og þroskaður,
þykkur plómuávöxtur, mikið
súkkulaði, feitt og þétt með mjúk-
um tannínum. Flott með grillkjöt-
inu. 1.790 krónur. 90/100
Og loks eitt fínlegt en unaðslegt
hvítvín frá Ítalíu. Annað hvort á
meðan beðið er eftir grillsteikinni
eða þá með t.d. grillaðri bleikju.
Falesco Vitiano 2005 er einfald-
lega yndislegt hvítvín með grænum
og gulum perum í nefinu, sætum
sítrus og hvítum blómum. Ferskt
en með þyngd sem viktar á móti
matnum. 1.590 krónur. 89/100
Enn um 2006 og
fyrstu grillvínin
Morgunblaðið/Ásdís
Umboðsmenn
um land allt
Njarðvík
421 8808
Höfn í Hornafirði
478 1990
Reyðarfirði
474 1453
Akureyri
464 7940
ÓTRÚLEGA
HAGSTÆÐAR
MÁNAÐARGREIÐSLUR!
Engin útborgun, jafnar mánaðargreiðslur. Þeir sem kaupa Note með hagstæðu
bílaláni frá fá að auki 10.000 króna bensínkort með
bílnum! Það er ekki eftir neinu að bíða, það er komið grænt ljós á Note!