Morgunblaðið - 22.07.2007, Blaðsíða 46

46 SUNNUDAGUR 22. JÚLÍ 2007 MORGUNBLAÐIÐ
MINNINGAR
Elsku pabbi minn, nú ertu dáinn
en í hjarta mínu á ég margar góðar
og dýrmætar minningar sem ég mun
alltaf geyma. Síðustu stundirnar átt-
um við saman í sumarhúsinu í
Skorradal sem var uppáhaldsstaður-
inn okkar. Stundum löbbuðum við
upp á fjall eða veiddum í vatninu.
Þar áttum við líka góða vini sem við
hittum oft. Það var svo margt sem
við gerðum saman, þá sérstaklega að
ferðast um landið og veiða, stundum
komu amma og afi líka með.
Mér finnst þetta fallega ljóð lýsa
því vel hvað þér þótti vænt um nátt-
úruna, sumarið og veiðar.
Nú sefur jörðin sumargræn.
Nú sér hún rætast hverja bæn
og dregur andann djúpt og rótt
um draumabláa júlínótt.
Við ystu hafsbrún sefur sól,
og sofið er í hverjum hól.
Í sefi blunda svanabörn
og silungur í læk og tjörn.
Nú dreymir allt um dýrð og frið
við dagsins þögla sálarhlið,
og allt er kyrrt um fjöll og fjörð
og friður drottins yfir jörð.
(Davíð Stefánsson)
Elsku pabbi, ég mun aldrei
gleyma þér.
Þín dóttir
Sjöfn.
Elsku Óskar minn
Nú hefur þú lagt af stað í ferða-
lagið langa, en frá fegurri stað en
Laufskála í Skorradal er vart hægt
að hugsa sér að leggja upp í lang-
Óskar Sigurbjörn
Pálsson
✝ Óskar Sig-urbjörn Pálsson
fæddist í Reykjavík
27. janúar 1960.
Hann varð bráð-
kvaddur í Skorradal
8. júlí síðastliðinn.
Hann var sonur Páls
Ólafs Pálssonar, f.
23.1. 1937, og Sjafn-
ar Óskarsdóttur, f.
22.9. 1936. Systkini
Óskars eru Ragn-
hildur, f. 1957, gift
Austin Erwin og
eiga þau börnin
Adrian, Kristínu og Róbert, sonur
þeirra Alexander dó ungur, og
Sólveig, f. 1962, gift Árna Jóns-
syni og eiga þau börnin Díönu,
Ólaf Pál og Írisi, en dóttir þeirra
Ása Sjöfn dó ung.
Óskar kvæntist Guðrúnu Krist-
jánsdóttur en þau skildu, og eiga
þau dóttur, Sjöfn, f. 23. júní 1994.
Útför Óskars var gerð frá Ás-
kirkju 13. júlí.
ferðalag. Kvöldsólin
sest yfir vatnið
frammi í dalnum í öll-
um sínum undratón-
um og skín beint inn í
gluggann í stofunni á
bústaðnum. Þannig
var það einnig laugar-
dagskvöldið síðasta
þegar þið feðginin lit-
uð yfir vatnið eftir
dásamlega fallegt og
rólegt kvöld í blíð-
skaparveðri. Það var
einmitt í Skorradal
sem afi og nafni þinn
Óskar Sigurbjörn lagði grunninn,
sem við systkinin upplifðum þá
bestu barnæsku sem möguleg er. Í
sveitinni hjá afa og ömmu öll sumur
lékum við okkur öll og lentum í æv-
intýrum daglega. Á lygnum dögum
byrjaði dagurinn ævinlega á að líta
út um gluggann strax og við opn-
uðum augun og ef silungarnir voru
að hoppa við vatnsborðið rukum við í
hvelli niður að vatni til að reyna að
veiða og hættum ekki fyrr en amma
kallaði á okkur í morgunmat. Þykj-
ustu-útilegur upp á heiði, og komum
oftast skrámuð heim eftir að príla í
trjánum og troðast gegnum kjarrið.
Dunduðum okkur við hornsílaveiðar
af mikilli einbeitni og þegar við vild-
um vera nær afa og ömmu skelltum
við okkur í útreiðatúr á rugguhest-
unum sem afi hafði smíðað, þrír stór-
ir gæðingar allir í röð á pallinum, við
fórum víða á hestunum og spennandi
og mikil eftirvænting að líta eftir
bílaferðum fram eftir dalnum þegar
von var á pabba og mömmu. Inni í
bústað var svo spilað á spil, fjöl-
skyldan öll, meðan bjart var eða yfir
lampaljósi. Óskar var einatt sá sem
var klárastur að spila, og það var
horft yfir Skorradalsvatnið langt
fram á kvöld.
Óskar hefur alltaf verið náttúru-
barn og veiðidelluna fékk hann án
efa frá nafna sínum. Hann mátti oft-
ast finna uppi í Laufskála eða við af-
skekkt veiðivötn um helgar, sumar
sem vetur, og nóg af bleikjum og
urriðum í kæliboxinu eftir slíkar
ferðir. Óskar var einnig ritsnillingur
og skrifaði mikið, ljóð sem og kímnar
greinar um ævintýralegar veiðiferð-
ir sem oft voru birt í veiðitímaritum.
Við Sólveig systir eigum einstaklega
falleg ljóð sem hann samdi þegar við
misstum báðar litlu börnin okkar
með aðeins hálfs árs millibili. Það lá
mikil hugsun, tilfinning og sorg bak
við þau fallegu orð og sýnir betur en
annað hans innri mann.
Óskar var alltaf hlýr og reiðubú-
inn að hjálpa öllum. Síðari ár hefur
móðir okkar átt við erfið og langvar-
andi veikindi að stríða. Óskar hefur
verið einstakur, hve hann hefur ver-
ið henni innilega blíður og hjálpleg-
ur, og verið pabba innan handar í
þessum erfiðu veikindum. Það mun
enginn geta komið í hans stað, hans
mun verða sárt saknað. Hann var
einnig bæði hvetjandi og hjálpfús við
börnin okkar, sérstaklega Adrian,
sem hann hefur verið eins og stóri
bróðir í fjölda ára.
Óskars mun verða sárt saknað og
missirinn stærstur hjá elsku dóttur
hans Sjöfn, sem var hjá honum í bú-
staðnum, helgina örlagaríku, glæsi-
leg, blíð og yndisleg stúlka eins og
pabbi hennar, og vottum við henni
innilega samúð okkar. Sjöfn, alnafna
ömmu sinnar og því kölluð „litla“
Sjöfn, var hans augasteinn og Óskar
óendanlega stoltur af henni. Í stutt-
um ferðum mínum heim hef ég feng-
ið að fylgjast með henni og heyra um
afrek í sundkeppnum, nú síðast fyrr
í vor sagði hann mér spenntur að
hún hefði bæði sýnt hæfileika og
áhuga á langhlaupum ég hvatti hann
til að hjálpa henni áfram og styðja
hana vel.
Þótt sorglega ótímabært sé, hvílík
blessun að sofna rólega á þeim frið-
sæla stað sem var þér kærastur og
nær dóttur þinni sem þú elskaðir
meira en nokkurn, „litlu“ Sjöfn.
Sofðu rótt, Óskar minn, og megi
góður Guð og englar gæta þín. Við
sláum örmum um engilinn þinn,
hana litlu Sjöfn.
Ragna systir.
Með söknuði í huga kveð ég nú
mág minn, vin og jafnaldra sem fór
alltof fljótt. Hann varð bráðkvaddur
8. júlí sl. Óskari kynntist ég aðeins
að góðu einu. Hann vildi öllum vel,
sagði aldrei styggðaryrði um nokk-
urn mann og var einstaklega barn-
góður.
Segja erindi úr ljóði er hann orti
við lát dóttur minnar meira en mörg
orð.
Lífið virðist varla byrja,
visku lífs hún öðlast ei.
Hvers vegna? Ég hlýt að spyrja,
er hrifin brott svo lítil mey.
Ása ætíð ástúð vafin,
átti alla góða að.
Saklaust barn, frá sínum hafin,
situr oss í hjartastað.
Við áttum margar góðar stundir
saman við veiðar og ferðalög og
fylgja þeim góðar minningar, enda
var Óskar góður ferðafélagi, fróður
um margt, mikill veiðimaður og nátt-
úruunnandi. Hann kunni öll tök við
veiðimennsku og lærði ég margt af
honum á ferðum okkar. Einnig hafa
börn mín öll notið þeirra samvista er
þau áttu við Óskar, enda laðaði hann
börn að sér, var þolinmóður við þau
og gaf sér alltaf tíma fyrir þau hvort
sem það var á ferðalögum eða
heima. Hann var duglegur að fræða
þau um allt mögulegt. Ekki síst vil
ég þakka Óskari og Sjöfn dóttur
hans fyrir allar skemmtilegu helg-
arnar sem Íris dóttir mín átti með
ykkur á síðustu árum, voru þær
henni ávallt tilhlökkunarefni og full-
ar af gleði og ánægju. Ég óska Sjöfn
litlu og öðrum ættingjum Óskars alls
hins besta á þessum erfiðu tímum og
kveð Óskar með öðru erind úr ljóði
hans. Megi Guð vera með ykkur öll-
um.
Sorgin smýgur djúpt í hjarta,
skjól finnst hvergi, við slíkt bál.
Finnið vinir framtíð bjarta,
og frið í ykkar þjáðu sál.
Árni Jónsson.
Óskar frændi, ég á eftir að
sakna þín mikið, þú varst
mér svo góður. Keyrðir og
sóttir mig á sundæfingar
þegar kalt var úti. Eldaðir
heimsins besta pasta þegar
afi var á fundum. Þú hjálp-
aðir mér stundum við heima-
verkefnin og vissir svo margt
um fótbolta og bara allt
mögulegt. Ég gleymi aldrei
hve þú varst góður við ömmu
þegar hún var veik.
Kæri frændi hvíl í friði og
sofðu rótt.
Adrian Óskar.
HINSTA KVEÐJA
✝
Hjartans þakkir færum við öllum þeim, sem með
hlýhug, nærveru og samúðarkveðjum minntust
látins eiginmanns, bróður, föður, tengdaföður
og afa,
SVERRIS NORLAND,
Sunnuvegi 5,
Reykjavík.
Sérstakar þakkir til gjörgæsludeildar Landspítalans
við Hringbraut sem og deildar 11G fyrir ómetanlegan stuðning og alúð.
Margrét Norland,
Agnar Norland,
Kristín Norland,
Jón Norland, Sigríður L. Signarsdóttir,
Halla Norland, Valdimar Sigurðsson
og barnabörn.
✝
Innilegar þakkir fyrir auðsýnda samúð og hlýhug
við andlát og útför föður okkar, tengdaföður, afa og
langafa,
ÞORVALDAR ÞORVALDSSONAR
bílstjóra,
Núpalind 2,
Kópavogi.
Sérstakar þakkir til starfsfólks á deild A-6,
Landspítala í Fossvogi, og líknardeildar Landspítala í Landakoti.
Þorvaldur Þorvaldsson,
Þorgerður Þorvaldsdóttir, Jón Helgason,
Arnbergur Þorvaldsson, Hanna Margrét Geirsdóttir,
Gróa María Þorvaldsdóttir, Ingólfur Garðarsson,
barnabörn og langafabörn.
✝
Við þökkum innilega fyrir auðsýnda samúð og
vináttu við andlát og útför elskulegrar móður okkar,
tengdamóður, ömmu og langömmu,
ODDNÝJAR HELGADÓTTUR,
Ökrum,
Mosfellsbæ.
Sérstakar þakkir til starfsfólks hjúkrunarheimilisins í
Víðinesi.
Inga Ásta Ólafsdóttir,
Helgi Ólafsson,
Katrín Ólafsdóttir,
Pétur Haukur Ólafsson,
tengdabörn, barnabörn og barnabarnabörn.
✝
Minningarathöfn um foreldra okkar,
GEIRU ZOPHONÍASDÓTTUR PARRIS,
f. 6. febrúar 1923, d. 1. júní 2006 og
FRANK HARVEY PARRIS,
f. 20. apríl 1922, d. 8. júní 1991,
verður í Fossvogskapellu, föstudaginn 27. júlí kl. 15.30.
Duftker verða grafin í Fossvogskirkjugarði hjá Guðbjörgu Oddsdóttur,
móður Geiru.
Laura Parris Reymore og fjölskylda,
Lawrence Lyle Parris og fjölskylda.
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar í fjölmiðla • Landsbyggðarþjónusta • Líkflutningar
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Bryndís ValbjarnardóttirSverrir Einarsson
ÚTFARARSTOFA ÍSLANDS
Það sem hafa ber í huga varðandi andlát og útför
Hermann Jónasson Geir Harðarson
Útfararþjónusta
Davíðs Ósvaldssonar ehf.
Davíð Ósvaldsson
Útfararstjóri
S. 896 6988 / 553 6699
Óli Pétur Friðþjófsson
Útfararstjóri
S. 892 8947 / 565 6511
✝
Við þökkum af alhug öllum þeim sem sýndu
okkur samúð og hlýhug við andlát og útför móður
okkar, tengdamóður, ömmu og langömmu,
SIGRÍÐAR THEODÓRSDÓTTUR,
Sjafnargötu 11,
Reykjavík.
Edda Þórarinsdóttir, Gísli Gestsson,
Freyr Þórarinsson, Kristín Geirsdóttir,
Kristín Þórarinsdóttir,
Bjarki Þórarinsson,
Helga Þórarinsdóttir,
Nanna Þórarinsdóttir,
barnabörn og barnabarnabörn.